*Wahabi Deobandi Ke Yahañ Job Karna Kesa ?*
*🌹SAWAL:-🌹*
Assalamo Alaikum, Sawal Ye Hai Ki Devdandi Ke Yahan Kaam Karna Kaisa Hai?
*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Agar Deobandi Wahabi Ke Yaha¡ Naukri Karne Par Is Baat Ka Andesha Ho Ke Hamein Unke Aqeede Ke Muwafiq Rehna Padega, Ya Unke Saath Khana Peena Padega, Ya Unke Janaze Mein Shirkat Karni Padegi, Ya Unke Saath Namaz Padhni Padegi, Ya Unke Dabaao Mein Aakar Shariyat Ke Khilaf Bolna Padega, to Unke Yahañ Naukri Jaaiz Nahiñ.
Kyunki Hadish Sharif Mein Hai Ke Unse Door Raho, Unhe Apne Qareeb Na Aane Do, Kahiñ Woh Tumhein Gumrah Na Kar Dein, Kahin Fitne Mein Na Daal Dein. Agar Woh Bimar Pad Jaayein to Unhe Dekhne Na Jao, Agar Woh Mar Jaayein to Unke Janaze Mein Shirkat Na Karo. Unse Mulaqat Ho to Unhe Salam Na Karo, Unke Saath Paani Na Piyo, Unke Saath Khana Na Khao, Unke Saath Shadi Biyah Na Karo, Unke Janaze Ki Namaz Na Padho Aur Na Unke Saath Namaz Padho.
*📚(Bahawala Anwar-Ul-Hadish)*
Haañ, Agar Is Baat Ki Umeed Ho Ke Mazkoora Bala Baatein Nahiñ Paayi Jayengi Aur Sirf Kaam Se Matlab Rahega, to Naukri Kar Sakte Hain...
Jaisa Ke Fatawa Razviya Sharif Mein Hai Ke Sarkar Aala Hazrat Radiyallahu Anhu Se Sawal Kiya Gaya Ke Randiyaañ Aur Domniyon Ke Yahañ Mazdoori Karke Kamana Jaaiz Hai Ya Nahiñ? Agar Nahiñ Jaaiz to Nasara Ki Naukri Kyun Jaaiz Hai?
To Aap Ne Jawab Mein Irshad Farmaya: Asal Mazdoori Agar Kisi Fe'ale Najaaiz Par Ho to Sab Ke Yahañ Najaaiz Hai, Aur Jaiz Par Ho to Sab Ke Yahañ Jaaiz...
*📚(Fatawa Razviya Mutarjim, Jild 23, Safha 508)*
Khulasa-E-Kalam Ye Hai Ke Agar Wahabi Deobandiyon Ki Ta’Zeem Karni Pade Ya Koi Khilaf-E-Shar‘a Kaam Karna Pade to Naukri Karna Najaaiz Hai, Aur Agar Aisa Kuch Na Ho to Jaaiz Hai.
Wallahu Aa'alam Bis-Sawab
*✍🏻Al-Jawab: Hazrat Maulana Saiyed Shadab Qadri Razvi Sahab, Meerut, Up*
*🗓️26 Feb 2026, 8 Ramzanul Mubarak 1447*
*🌹SAWAL-O-JAWAB🌹F.T.S👑grp*
📲+918487928693
*_📬Pathan Moin Raza Khan,Petlad Gujrat_*
•┈┈┈┈┈┈• • ✦ ✿ ✦ • •┈┈┈┈┈┈•
*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*
Bahare Masail #Baharemasail #baharemasaail
0 Comments