Test Tube Baby Ke Istemal Se Bachcha Peda Karna Kesa

Test Tube Baby Se Bachcha Paida Karna Kesa?

*🌹SAWAL:-🌹*

Aaj kal jo technology se jis ke bachhe nahi hote wo apni aurat ke andar kisi aur mard ka mani dalva kar bachhe paida karte hai is surat me

Koi muslim aurat ke pet me kisi ko aur shaqsh ka mani (sperm) dal kar bachha paida karna kaisa?

*🌹JAWAB:-🌹*

Asslamu Alykum

Apni Aurat Ke Rahem Me Kisi Dusre Ki Mani Ko Rakhwana Badi Be Hayaai Aur Be Gerati Ki Baat He Our Ye Mukhtlif Wujuh Se Na Jaaaiz O Haraam He.

1)Uske Liye Mard Ko Haath Se Mani Nikalna Padta He, Aur Ye Haraam He.

2) Test Tube (Science's Machin )ke Zariye Mard Ki Mani Ko Aurat Ke Rahem Me Muntaqil Karne Ka Aam Tariqa Yahi He Ki Dusra Koi Mard Ya Koi Dusri Aurat Istemal Karti He Aur Usme Aurat Ke Satr E Galiz Ko Kholna Aur Sharmgaah Ko Dekhna Aur Chhuna Padta He. Aur Bila Zarurat Sharaiyaa Kisi Aurat Ko Bhi Ye Jaaiz Nahi Ki Kisi Dusri Aurat Ki Sharmgaah Dekhe Ya Chuwe.

3)ajnabi Mard Ka Maada E Tawlid Ajnabi Aurat Ke Rahem Me Parwarish Keliye Rakhna Bhi Jaaiz Nahi Ki Aurat Ka Rahem Uske Shoher Ke Liye Kheti Ki Jagah He Ger Ke Liye Nahi.

Lihaza Testbeby Tube Najaaaiz O Haraam He.

Iske Jawaaz Ki Ek Surat He Ki Khud Mard Docter Ho Our Wo Apni Aurat Ke Zariye Mani Niklwae Fir Khud Apni Aurat Ke Rahem Tak Phuncha De. Magar Baccha Dena Na Dena Allah Taala Ki Jaanib Se He. Wo Chahe to De Chahe to La Walad Rakkhe Lihaza Uski Qudrat Per Hi Bharosa Rakkhe.

Baraily Shareef Me Jo Seminar Har Saal Hota He Usme Is Mas'ale Par Jo Fesla Aaya Usme Baaz Aulma E Kiram Ne Iske Jawaz Ki Ek Soorat Bayan Ki Usme Bhi Q Ki Esa Bahut Hi Mushkil He Nadir Muaamla He, Ki Khud Uska Shohar Jo Ho Vo Doctor Ho or Vo Is Qabil Ho Ki Vo Apni Biwi Ke Raham Tak Is Tarike Se Mani Pahucha De, or Jesa Nadir Hone Ki Wajah Se or Zyadatar Aulma E Kiram Ke Adame Jawaz Ke Qaul Ko Ikhtiyar Karne Ki Wajah Se Jin Aulma E Kiram Ne Is Soorat Ke Jawaz Ka Fatwa Diya Tha Unhone Bhi Fesle Ke Waqt Yahi Bataya Ki Ye Soorat Par Bhi Amal Karna Mamnoo'a He, Lihaza Test Tube Baby Jo He Vo Najaizo Haram He, or Ek Soorat Jo Jawaz Ki Thi Vo Bhi Mamnoo'a He.

*Makhuz: 📚(Faisla Jaat Sharai Counsil Baraily Shareef, S-84)*

 Wallahu Ta'ala Aa'alam 

*✍🏻Al-Jawab:- Hazrat Allama Mufti Qasim Raza Sahab Misbahi*

*Raza Darul Ifta, Khambhat, Gujrat*

🗓️15 Jan 2020, 19 Jamadi Ul Awwal 1441

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•