Tumne Use Apna Khuda Maan Liya He !! Kahna Kesa ?

 *🌹SAWAL:-🌹*

Koi Shakhs Kisi Shakhs Se Maali Madad Leta Ho Aur Dusra Madad Lene Wale Ko Ye Kahe Ki Tum Log Ne To Use Apna Khuda Maan Liya Hai To Kahne Wala Kya Dayra E Islam Se Kharij Ho Gaya ???

*🌹JAWAB:-🌹*

Kehne Wale Ko Aisa Nahi Kahna Chahiye Lekin Isse Wo Kharije Islam Nahi Hoga Agar Is Tarah Kahe Ki Tum Khuda Maan Liye Ho Ya Tum Kafir Ho, To Kahne Wala Kafir Hoga.

Wallahu Aa'alam Bis-Sawab

*✍🏻Al-Jawab: Hazrat Hasan Raza Qadri Sahab Qibla*

*_📬Ameer Tahreek Faizane Umar Farooque, Aandhrapradesh_*

*🗓️19 Nov 2020, 3 Rabi Ul Aakhir 1442*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Aurto Ko Bagasre Ki Chudiya Pahanna Kesa ?

 

*🌹SAWAL:-🌹*
السلام علیکم
Aurat Ko Bagasare Ki Chundiya Pahenna Kaisa

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Sone Chandi Ke Alawa Kanch (yaani Shisha) Or Plastic Ke Zewar Bhi Aurtoñ Ko Pahnna Jaaiz He Or Dusri Tamam Dhaatoñ Ka Zewar Pahanna Jaaiz Nahi.

Saiyedi Sarkar Aala Hazrat Imam Ahmad Raza Muhaddise Barailvy Alaihir Rahma Dhaatoñ Ke Muta'alliq Farmate Hai Ki
Chandi Sone Ke Siwa Lohe, Pital, Taañbe Rang Ka Zewar Aurtoñ Ko Bhi Mubah Nahi.
*📚(Fatawa Razviya, Jild-9 Nisf Awwal, Safha-14)*

Or Tahreer Farmate Hai, Ki Taañba, Pital Kaañsa Loha To Aurtoñ Ko Bhi Pahanna Mamnoo'a He Or Us Se Namaz Unki Bhi Makrooh He.
*📚(Fatawa Razviya, J-9, Nisf Aakhir, Safha-279)*

Or Khatimul Muhaqqiqeen Hazrat Allama Ibne Aabedin Shami Quddassirahus Saami Tahreer Farmate Hai,
التختم بالحدید والصفر والنحاس والرصاص مکروہ للرجال والنساء
*📚(Durre Mukhtar, J-5, S-253)*

Lihaza Kaanch (Yaani Shisha) Or Plastic Ki Chudiyañ Pahanna Or Pahan Kar Namaz Padhna Sahih W Durust He, Or Sone Chandi Ke Alawa Dusri Dhaatoñ Ki Chudiyañ Pahanna Najaaiz Or Pahan Kar Namaz Padhna Makrooh He.
*📚(Ba-Hawala: Fatawa Faqihe Millat, J-1, S-177)*

Lihaza Aurtoñ Ko Bagasre (Sone Chandi Ke Alawa Dusri Dhaat) Ki Chudiyañ Pahanna Jaaiz Nahi. Or Use Pahan Kar Namaz Padhna Bhi Makrooh He.
Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓18 Nov 2020, 2 Rab Ul Aakhir 1442*
📲+91

*🌹SAWAL-O-JAWF.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Asar Magrib Ke Darmiyan Sona, Khana Pina, Namaz Padhna, Zikro Azkaar Karna Kesa ?

 *🌹SAWAL:-🌹*

Assalamualaikum Wa Rahmat Ullahi Wa Barkatuh

Asar Aur Maghrib K Darmiyan Namaz Padhna, Zikr O Aakaar Karna, Sona, Khana Khana Kaisa???

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Asar Or Magrib Ke Darmiyan Kisi Bhi Qism Ki Namaz Nahi Padhni Chahiye, Waqte Makrooh Shuru Hone Se Pahle Nafl Namaze Mana'a He, Or Waqte Makrooh Shuru Ho Jane Ke Baad Waqte Makrooh Se Le Kar Magrib Ki Azaan Tak, Sooraj Dubne Tak Kisi Bhi Qism Ki Qaza Wajib Wagairah Namaz Padhna Mana'a He Najaaiz He, Albatta Agar Us Din Ki Asr Ki Namaz Abhi Tak Nahi Padhi To Fir Makrooh Waqt Me Bhi Asr Ki Namaz Padhle, 

Aysa Hi Bahare Shariyat Me SadrushShariyah Alaihir Rahmato Ridwan Ne Taherir Farmaya He.

Rahi Baat Zikro Azkaar Ki Tasbihaat Wagairah Padhne Me Koi Harj Nahi, Albatta Aam Kutube Fiqh Me Ye Likha Huva He Ki Qura'an Shareef Ki Tilawat Na Karna Bahetar He, Lekin Agar Koi Karle To Gunahgar Na Hoga.

Asar Or Magrib Ke Darmiyan Sona Mana'a He,

Ek Riwayat Me Aaya He Ki Jo Asr Ki Namaz Ke Baad So Jaye Or Uski Aql Jaati Rahe To Vo Apne Aap Hi Ko Malaamat Kare.

To Asr Ki Namaz Padh Kar Hargiz Na Soye.

Asar Ki Or Magrib Ki Namaz Ke Darmiyan Khane Pine Me Koi Harj Nahi. Kha Pi Sakte He.

Wallahu Aa'alam Bis-Sawab

*_🎙 Al-Jawab:- Hazrat Allama Mufti Taufiq Raza Sahab Misbahi_*

*📬Tadriso Ifta Darul Uloom Qadriyah Razviyah, Petlad*

*🗓️19 Oct 2020, 1 Rabi Ul Awwal 1442*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Zaid Gaanw Me Ba Jama'at Jumuah Padhe To Baqiyah Namaz Me Zuhar Ki Niyat Kare Ya Jumuah

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

*🌹SAWAL:-🌹*

Zaid Apne Ghar Se Door Nokri Karta He Wahiñ Par Rahta He. Zaid Jahañ Rahta He Vo Ek Gaañw He, Or Us Gaañw Me Jumuah Ki Namaz Bhi Hoti He. To Is Soorat Me Zaid Kya Kare ? Kya Vo Jumuah Ki Ba Jama'at Namaz Us Gaañw Me Ada Kare? Or Agar Jumuah Tarq Kardi To Kya Jumuah Chhodne Ki Jo Waeed He Usi Me Dakhil Hoga ??

2. Zaid Agar Ba Jama'at Us Gaañw Me Jumuah Ada Karle. To Baqiyah Namaz Me Niyyat Kya Kare ? Jumuah Ki Ya Zuhar Ki ?

3. Or Jo Zuhar Ki 4 Raka'at Farz He Vo Farz Ada Kare Ya Jumuah Ki 4 Sunnat Ki Niyyat Se ?

Aulma E Kiram Se Guzarish He Tafseeli Jawab Inayat Farma Kar Rahenumai Farmaye...

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Sehate Jumuah Ki Ek Shart Misr He, Yaani Vo Jagah Mazhabe Hanfi Ke Mutabiq Shahar Honi Chahiye.. Lihaza Asl Mazhab Ke Mutabiq Dehaat Ya Gaañw Me Jumuah Nahi Ho Sakta... Lekin Agar Koi Dehaat Ya Gaañw Aysa He Jahañ Pahle Hi Se Jumuah Qaaim He Or Mana'a Karne Me Khaufe Fitna Ka Andesha He To Wahañ Jumuah Ki Namaz Ada Karleñ.

Majlise Sharai Ke Seminar Me Jumuah Ki Namaz Ke Ta'alluq Se Huzur Mufti Jalaluddin Ahemad Amjadi, Huzure Tajushshariya, Or Huzur Muhaddise Kabeer Tino Hazraat Ne Faisal Board Ki Hesiyat Se Faisla Saadir Farmaya Ki, 

Riwayate Naadirah Ke Mutabiq Us Gaañw Ki Aabadi Itni He Ki Ahle Jumuah Wahañ Ki Badi Masjid Me Sab Jama'a Ho Jaye To Masjid Ubal Pade Or Unko Dusri Masjide Jame'a Banani Pade.. To Agar Gaañw Aysa He Jo Riwayate Naadirah Par Poora Utarta He Or Wahañ Jumuah Pahle Hi Se Jaari He To Wahañ Usko Band Na Kiya Jaye Riwayate Naadirah Ke Mutabiq Vo Bhi Sehate Jumuah Ke Liye Shahar Samjha Jayega.. Haañ Khawas Ko Hukm He Ki Apni Zuhar Ki Namaz Padhe.. Or Jo Gaañw Aysa Bhi Nahi Wahañ Jumuah Hargiz Nahi Ho Sakta.. Awam Ko Narmi Ke Sath Samjhaya Jaaye..

Lihaza Agar Mustafti Bade Gaañw Me Jaa Kar Namaze Jumuah Padhta He To Uski Namaze Jumuah Riwayate Naadirah Ke Mutabiq Ho Jayegi.. Namaze Zuhar Ki Haajat Nahi. Or Agar Chhota Dehaat Ya Gaañw He Jo Riwayate Naadirah Par Poora Nahi Utarta He Wahañ Saail Ko Namaze Zuhar Hi Ada Karni He Or Yahi Farz Bhi He.

*📚(Mulakhkhasan: Majlise Sharai Ke Faisle, S-203,204)*

Wallahu Aa'alam Bis-Sawab

*_✍🏻 Al-Jawab:- Hazrat Allama Mufti Taufiq Raza Sahab Misbahi_*

*📬Tadriso Ifta Darul Uloom Qadriyah Razviyah, Petlad*

*🗓️16 Oct 2020, 28 Safar 1442*

                *🌹Tasdiq W Tayid🌹*

*✅Al-Jawabu Sahihun: Hazrat Allama Mufti Muzzammil Barkati Sahab Qibla*

*📬Khadim Tadriso Ifta Darul Uloom Gause Aazam Porbandar Gujarat*

*🌹SAWAL-O-JAWAB🌹F.T.S👑grp*

📲

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Sabko Hazrat Lekin Imam Ahmad Raza Ko Aala Hazrat Kahna Kesa ??

 *🌹SAWAL:-🌹*

Aalahazrat Aalahazrat Kaise Hai

Agar Wo Aalahazrat Huye To Sab Hazrato Ke Hazrat Huye

Nabi Ko Sirf Hazrat Kehte Hai Or Ummati Ko Aalahazrat

Mujhe Ahmad Raza Khan Ko Aalahazrat Sabit Kr Ke Bta Do Bhut Mehrbani Hogi Aap Hazrato Ki

Or Ye Sawal Mere Nahi Hai Mujhse Kisi Ne Kiye He

Plz Koi Bhi Iska Jawab De

Jawab Aisa Dena Jo Ki Ek Kam Aqal Inshan Ko Bhi Samjh Aa Jaye Plz

*🌹JAWAB:-🌹*

Asslamu Alykum

Aala Hazrat Ko Aala Hazrat Unke Zamane Ke Hisab Se Kaha Gaya Yaani Unke Zamane Me Bahut Se Hazraat Aulma E Kiram Moujud The Magar Jo Fiqhi Basirat, Ilmi Tabahhur Aur Tahqeeqo Research Ki Salahiyyat Aala Hazrat Me Paai Jati Thi Wo Unke Zamane Ke Digar Aulma E Kiram Me Nahi Nazar Aati Thi, Lihaza Hind O Paak Balki Arab O Ajam Ke Muqtadar Aulma E Kiram Ne Unko Apna Shaikh Aur Sardar Tasleem Kiya Is Lihaz Se Unko Unke Zamane Ke Sab Hazrato Se Aala Yaani Aala Hazrat Ka Laqab Mila. Iska Matlab Ye Nahi Ke Unse Pehle Jo Buzurgan E Deen W Olma E Kiram Guzre He Wo Sab Sirf Hazrat The. Aur Ye To Ummati Ki Baat He Jab Gair E Sahabi Sahabi Ke Barabar Nahi Ho Sakta Aur Koi Bhi Sahabi Hargiz Hargiz Nabi Ke Barabar Nahi Ho Sakta To Fir Sare Nabiyo K Sardar, Tamam Rasolo Ke Peshwa Huzur Sarwar E Aalam Sallallahu Ta'ala W Tabaraka Wasallam Ki Barabari.

Lihaza Tamam Sardaro Ke Sardar Tamam Hazrato Ke Hazrat Yani Sab Se Aala O Awla Bad E Khuda E Ta'ala Sirf Huzur ﷺ Ki Zaat E Wala Sifat He.

Chunache Huzur Aala Hazrat Farmate He,

Sab Se Awla W Aala Hamara Nabi,

Sab Se Bala O Wala Hamara Nabi.

Lihaza Aala Hazrat Imam Ahemad Raza Khan Ko Aala Hazrat Unke Zamane Ke Aitbar Se Kaha Gaya He, Unke Pahle Ke Buzurgane Deen Ke Bhi Aitbar Se Nahi,  Yanha Jab Unke Zamane Se Pehle Ke Buzurgo Ki Taraf Nisbat Karte Huve Aala Hazrat Nahi Kaha Gaya To Fir Huzur Alyhisslaat O Wttasleem Ke Aur Unke Ummati Ke Darmiyan Nisbat Ka To Sawal Hi Payda Nahi Hota.

Kanha Nabi Aur Kanha Ummati!!

Wallahu Taala Aalam

*_✍🏻Al-Jawab:- Hazrat Allama Mufti Qasim Raza Sahab Misbahi_*

*📬Raza Darul Ifta Khambhat Gujarat*

*🗓️15 Oct 2020, 27 Safar 1442*

*🌹SAWAL-O-JAWAB🌹F.T.S👑grp*

📲+

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Wada Karke Udhar Kapde Kharide Or Wada Pura Na Kiya To Us Kapdo Me Namaz Ka Hukm

 *🌹SAWAL:-🌹*

Assalamu Alaikum 

Sawal Yeh Hai Ke 

    Agar Sunni Bhai Ki Dukan Se Udhar Kapde Liye Ye Vaada Kar Ke Fula Tarikh Ko De Dunga.

Ab Agar Vo Tarikh Chali Gyi Or Abhi Tak Kapde Ke Paise Nahi Diye To Kya Vo Kapdo Me Namaz Padhi Vo Ho Jayegi Ya Nahi?

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Mushtari Ka Ye Fe'al Najaaiz Huva Ki Usne Wa'ada Khilafi Ki Lekin Us Kapde Me Namaz Bila Karahat Jaaiz He.

Wallahu Aa'alam Bis-Sawab

*✍🏻 Al-Jawab: Hazrat Mufti Dilshad Ahmad Zaiyai Amjadi Sahab Qibla*

*📬Darul Uloom Mustafiya Haldarwa Gujarat*

*🗓️18 Oct 2020, 30 Safar 1442*

*🌹SAWAL-O-JAWAB🌹F.T.S👑grp*

📲

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Namaz Ka Waqt Tang Ho Or Gusl Farz Ho To Kya Kare ?

*🌹SAWAL:-🌹*

Assalamualaikum Wa Rahmat Ullahi Wa Barkatuh

Haalat E Ehtalam Hay Agar Ghusl Kare To Namaz Ka Waqt Khatam Hojae Ga To Us Waqt Kya Karna Chahiye

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Waqt Tang Ho Gaya Ki Wuzu Ya Gusl Karega To Namaz Qaza Ho Jayegi To Chahiye Ki Tayammum Karke Namaz Padhle Phir Wuzu Ya Gusl Karke Ae'aada Karna(Yaani Lautana) Lazim He.

*📚(Bahare Shariyat, H-2, Tayammum Ka Bayan)*

*_✍🏻Al-Jawab:- Hazrat Allama Mufti Qasim Raza Sahab Misbahi_*

*📬Raza Darul Ifta Khambhat Gujarat*

*🗓️18 Oct 2020, 30 Safar 1442*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Raat Ko Paode Todna Kesa ?

 *🌹SAWAL:-🌹*

As Salamu Aliakum Kya Raat Ke Waqt Koi Paode Ka Tukda Kaatna Kesaaaa?

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Koi Harj Nahi. Tod Sakte Hai.. Log Ye Samjhte Hai K Darakht Par Jinnat Hote Hai... Is Liye Rat Koi Phal Paude Wagairah Nahi Tod Sakte Ye Jahalat Hai... Shariyat Me Iski Koi Asl Nahi..

 ھذا ما ظھر لی و اللہ تعالی اعلم بالصواب۔۔۔

*_✍🏻 Al-Jawab:- Hazrat Allama Mufti Taufiq Raza Sahab Misbahi_*

*📬Tadriso Ifta Darul Uloom Qadriyah Razviyah, Petlad*

*🗓️16 Oct 2020, 28 Safar 1442*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Dua E Qunoot Na Padhne Se Kya Namaz Wajibul Ae'aada Hogi ??

 *🌹SAWAL:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُه

ُ‎ 

Namaz E Witr Me Dua E Qunoot Padhna Wajib He 

Lekin Kisi Ne Ab Tak Witr Ki Namaz Me Dua E Qunoot Nahi Padhi Thi Ab Usko Dua E Qunoot Yad Ho Gayi To Kya Wo Pehle Ki Namaz E Witr Fir Se Wapas Padhe

*🌹JAWAB:-🌹*

وعلیکم السلام  و رحمۃ اللہ و برکاتہ 

Dua E Qunut Yad Nahi Thi Aur Uski Jagah Koi Dua Maslan:- 

ربنا آتنا فی الدنیا ۔۔۔الخ ۔۔۔

Padhta Tha To Uski Voh Tamam Namaz Ho Gai....aur Koi Dua Hi Nahi Padhta Tha To Ab Voh Tamam Vitr Ki Namaz Ko Dohraye...k Ye Jan Bujh Kar Vajib Ka Tarak Huva Hai Aur Usse Namaz Vajib Ul Eaada Hoii...

واللہ تعالی اعلم بالصواب

*_✍🏻 Al-Jawab:- Hazrat Allama Mufti Taufiq Raza Sahab Misbahi_*

*📬Tadriso Ifta Darul Uloom Qadriyah Razviyah, Petlad*

*🗓️15 Oct 2020, 27 Safar 1442*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

English Me Allah Capital Latter Me Likhe Ya Small ??

 *🌹SAWAL:-🌹*

Salaam hazart 

English me Allah ka name likhte hue agr 'A' small letter me likh dena glt hai kya? 

Logo ka kehna hai Allah ke name me first letter small nhi likhna chahiye 

To is baat ki kya hesiyat hai 

Rehnumai farmaye..

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Sarkar Tajushshariya Alaihir Rahmato Ridwan Isi Tarah Ke ek Sawal Ke jawab me Farmate Hai,

Jis Tarah Chahe Likhe, Capital Huroof Me Sare Alfaz Ho Vo bhi thik he, Ya Pahla capital latter Me Ho Baaki Small Latter Me Ho.

http://jamiaturraza.com/session/24Feb13/5.mp3

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓️8 Oct 2020, 20 Safar 1442*

📲+9

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Namazi Ke Aage Se Guzarna Kesa ?

 *🌹SAWAL:-🌹*

Hazrat Namaz Ke Aage Se Jaan Boojh Kr Nikal Na Kaisa Hai?

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

Mussali Ke Aage Se Guzarna Bahut Sakht Gunah He.

Hadees Me Farmaya Ki, Usme Jo Kuchh Gunah He, Agar Guzarne Wala Janta To Chalees (40) Tak Khade Rahne Ko Guzarne Se Bahetar Janta. Raawi Kahte Hai, Me Nahi Janta Ki Chalees Din Kahe Ya Chalees Mahine Ya Chalees Baras. Ye Hadees Sihahe Sitta Me Abi Jaheem RadiAllahu Anhu Se Marwi Hui Or Bazzaar Ki Riwayat Me Chalees Baras Ki Tasreeh He.

Or Ibne Maja Ki Riwayat Abu Hurairah RadiAllahu Anhu Se Ye He Ki RasoolAllah ﷺ Ne Farmaya, Agar Koi Janta Ki Apne Bhai Ke Samne Namaz Me Aad Ho Kar Guzarne Me Kya He To So (100) Baras Khada Rahna Us Ek Qadam Chalne Se Bahetar Samajhta.

Imam Malik Ne Riwayat Kiya Ki Ka'ab Ahbaar Farmate Hai, Namazi Ke Samne Guzarne Wala Agar Janta Ki Us Par Kya Gunah He To Zameen Me Dhans Jane Ko Guzarne Se Bahetar Janta.

*📚(Bahare Shariyat, H-3)*

*✍🏻Al-Jawab: Maulana Fahim Razvi Mustafai Sahab,*

*_📬Khatibo Imam Noori Masjid Mahudha Gujarat_*

*🗓️8 Oct 2020, 20 Safar 1442*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Huzur Gause Aazam Ki Paidaish Kab Hui Or Wisal ki Tarikh Konsi Or 11vi Ka Saboot

 *🌹SAWAL:-🌹*

ASSALAAMUALAIKUM Wa Rahmat Ullahi Wa Barkatuh 

Ghouse Paak Raziallahu Talaanh Ki Wiladat Kab Huwi Aur Wisaal Kab Farmae 

11v Shareef Manana Kaha Se Sabit Hay

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Hazrat Saiyed Abdul Qadir Jilani Rahmatullah Alaihi Qasba Jeelan Yakum Ramzan Baroz Jumuah Mubarak Hijri 470 Mutabia 1075 Iswi Ko Paida Huve.

Hafiz Ibne Kaseer Damishqi Apni Tasneef Al-Bidaya Wan-Nihaya Me Huzur Gause Paak Ka San Wiladat 470 Hijri Likhte Hai Or Imam Yafa'ee Apni Tasneef Miraatul Jinan W Ibrarul Yaqzaan Me Farmate Hai Jab Bhi Huzur Gause Aazam Se Aap Ke Saal Wiladat Ke Muta'alliq Sawal Kiya To Aap Ne Farmaya Mujhe Sahih Taur Par Yaad Nahi Albatta Itna Zaroor Janta Huñ Ki Jis Saal ME Badad Aaya Usi Sal  Abdul Wahab Tameemi Ka Wisal Huva Os Waqt 488 Hijri Tha Or Us Waqt Meri Umr 18 Saal Ki Thi..

Is Hisab Aap Ka San

 Wiladat 470 Hijri Huva..

Allama Jaami Ne Nafhatul Uns  Ke Andar Huzur Gause Aazam Ke Muta'alliq Jo Kuchh Likha He Vo Imam Yafa'ee Ki Kitab Se Likha He Or Baad Ke Jumla Sawaneh Nigaroñ Ki Jo Kuchh Tahreerat Or Bayanat He Vo Zyada Tar Nafhaat Hi Se Makhooz Hai.

Isi Liye Yahi Mash'hoor He Ki Aap Ka San Wiladat 470 Hijri He...

Agarche Baaz Hazraat Ka Ikhtelaf He Magar Beshtar Ahle Tahqeeq Ne Ise Hi Tarikhe Wiladat Qaraar Diya He.

Aap Ka Wisal Rabi Us Saani 561 Hijri Me Huva.

Aapke Wisal Ke Muta'alliq 4 Tarikhe Milti He.

8, 10, 11, 17

_Giyarvi Sharif  Ka Subut_

Giyarvi Sharif Isal E Sawab Ka Name He Aur Isaal E Sawab Karna Quraan Majid Se Sabit He 

*📚Surah Hashr, Aayat 10*

وَ الَّذِیْنَ جَآءُوْ مِنْۢ بَعْدِهِمْ یَقُوْلُوْنَ رَبَّنَا اغْفِرْ لَنَا وَ لِاِخْوَانِنَا الَّذِیْنَ سَبَقُوْنَا بِالْاِیْمَانِ وَ لَا تَجْعَلْ فِیْ قُلُوْبِنَا غِلًّا لِّلَّذِیْنَ اٰمَنُوْا رَبَّنَاۤ اِنَّكَ رَءُوْفٌ رَّحِیْمٌ۠

Tarjama: Un Ke Bad Aane Vale Arz Karte Hen Ay Hamare Rab Hame Aur Hamare Un Bhaiyo Ko Bakhsh De Jo Ham Se Pehle Iman Laye  Aur Hamare Dilo Me Iman Valo Ke Liye Koi Kina Na Rakh  Ae Hamare Rab Beshk Tu Nihayat Maherban Bahut Rehmat Vala He.

Is Aayat Se Sabit Huva Isal E Savab Jaaiz V Durust He 

Aur Giyarvi Sharif Per Bhi Fatiha Khwani Quraan Khwani Aur Zikr O Azkaar Karke Bargah E Gosiyat Me Tohfa Paish Kiya Jata He 

Lihaza Giyarvi Manana Jaiz O Durust Aur Kaare Sawab He. Albttah Jo Kam Ilm Hazraat Giyarvi Sharif Per Nach Gane Ya Gair Sharai Kaam Karte Ho To Ye Jaaiz Nahi 

Wallahu Aa'alam Bis-Sawab

*✍🏻Al-Jawab: Maulana Fahim Razvi Mustafai Sahab,*

*_📬Khatibo Imam Noori Masjid Mahudha Gujarat_*

*🗓️8 Oct 2020, 20 Safar1442*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Pasand Ki Shadi Karna Kesa ??

 *🌹SAWAL:-🌹*

Salam 

Kia Khud Ki Pasnd Se Shadi Kr Skte Hai ?? Aur Iske Hawale Se Koi Farmana E Mustafa SALLALLAHU ALAIHI WASALLAM Hai ??

*🌹JAWAB:-🌹*

Walykum Asslam

Haa, Kar Sakte He. Quran Sharif Me Allah Taala Ka Irshad He,

فَانْكِحُوا مَا طَابَ لَكُمْ مِنَ النِّسَاءِ

Nikah Karo Un Aurto Se Jo Tumhe Bhaali Lage.

*📚(Surah Nisa, Aayat-3)*

Sarkar Alaihis Salam Ka Farman He,

Abu Dawood W Nasai W Hakim Ma'aqil Bin Yasaar RadiAllahu Anhu Se Raawi, Ki Ek Shakhs Ne RasoolAllah ﷺ Ki Khidmat Me Hazir Ho Kar Arz Ki, Ya RasoolAllah ﷺ Mene Izzat W Mansab W Maal Wali Ek Aurat Paai, Magar Uske Bachhe Nahi Hote Kya Me Usse Nikah Kar Luñ ? Huzur ﷺ Ne Mana'a Farmaya. Phir Dobara Hazir Ho Kar Arz Ki, Huzur ﷺ Ne Mana'a Farmaya, Teesri Martaba Hazir Ho Kar Phir Arz Ki, Irshad Farmaya, Aysi Aurat Se Nikah Karo, Jo Muhabbat Karne Wali, Bachcha Janne Wali Ho Ki Me Tumhare Sath Or Ummato Par Kasrat Zaahir Karne Wala Huñ.

Bukhari W Muslim W Abu Dawood W Nasai W Ibne Maja Abu Hurairah RadiAllahu Anhu Se Raawi, RasoolAllah ﷺ Ne Farmaya, Aurat Se Nikah Karo Char Baatoñ Ki Wajah Se Kiya Jata He (Nikah Me Inka Lihaz Hota He) 1. Maal W 2. Hasab W 3. Jamaal W 4. Deen,. Or Tu Deen Wali Ko Tarjeeh De.

*_✍🏻Al-Jawab:- Hazrat Allama Mufti Qasim Raza Sahab Misbahi_*

*📬Raza Darul Ifta Khambhat Gujarat*

*🗓️8 Oct 2020, 20 Safar1442*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

BadMazhab Ke Bachho Ki Namaze Janaza Ka Hukm

 *🌹SAWAL:-🌹*

AssalamuAlaikum

👇Hazrat Mera Sawal Hai'?? 

Gair Muqallid Wahabi Deobandi XYZ Ke Jahan Jab Bachcha Paida Hota Hai Aur Paida Hotey Hi Inteqal Kar Jata Hai Ya Phr Kuch Mahine Ya Kuch Saal Bad Balig Hone Se Pehle Inteqal Kar Jata Hai To Us Bachcha Bachchi Ki Jamaze Janaza Padhana Padhna Us Janaze Me Shariq Hona Kaisa'??? 

👆Hazrat Jawab Inayat Farmayiye Ilm Me Izafa Hoga

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Huzur SadrushShariyah Alaihir Rahmato Ridwan Wahabi Shia Wagairah Firqa E Batila Ke Bachcho Ki Namaze Janaza Ke Ta'alluq Se Farmate He,

Nabalig Samajhdaar He To Uska Islam Mo'atebar He Or Na Samajh He To Khairul Abween Ka Tabe'a He Usme Deegar Warsa Ka Aitebar Nahi. Lihaza Agar Uske Walidain Kufriya Aqaaid Rakhte Hoñ Or Bachcha Nasamajh Ho To Janaza Me Shirkat Jaaiz Nahi.

*📚(Fatawa Amjadiya, J-1, S-314)*

*_✍🏻Pathan Moin Raza Khan,Petlad_*

*🗓7 Oct 2020, 19 Safar 1442*

📲+9

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

12 Rabi Ul Awwal Ko Huzur ﷺ Ka Wisal Or Wiladat Dono Kahte Hai To Sirf Khushi Kis Liye

*🌹SAWAL:-🌹*

Hazrat Kuch Bad Aqeedo Ka Kehna H Ke Sarkaarﷺ Ki Tareekhe Wiladat Aur Wisaale Mubarak Ki Tareekh  Mein Ikhtelafat Hen To Aapke Wisale Mubark Aur Wiladat Ki Tareekh Jab Alag Alag H To Wisale Mubarak Ke Din Aap Khushi Kaise Mana Sakte H

*🌹JAWAB:-🌹*

https://baharemasail.blogspot.com/2020/10/12-rabi-ul-awwal-ko-huzur-ka-wisal-or.html

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

Aap  ﷺ Ki Tarikhe Wiladat Ke Kai Aqwal He Magar Mash'hoor Or Sahih Tarikh 12 Rabi Ul Awwal He,  Or Aap  ﷺ Ki Tarikhe Wisal Ki Bhi Kai Riwayat He, Magat Jamhoor Ka Yahi Qaul He Ki 12 Rabi Ul Awwal Tarikhe Wisal Hargiz Nahi.

Ne'amat Ki Khushi Manana Shar'an Hamesha Or Baar Baar Mahboob He. Lekin Wafat Ka Gam Wafat Se Teen Roz Ke Baad Qat'an Jaaiz Nahi. Magar Afsos Ki Hadees Ke Naam Nihad Aashiq Ahle Hadees Samet Deobandi Me Ek Ko Bhi Is Qaboone Sharai Ki Khabar Nahi. Warna Aysa Lagw Aitraz Karne Ki Naubat Na Aati.

Chunanche Kai Sahaba E Kiram, A'imma E Kiram Se Ye Riwayat He,

Hame Hukm Diya Gaya Ki Ham Kisi Wafaat Yaafta Par 3 Roz Ke Baad Gam Na Manaye, Magar Shohar Par (Char Maah Das Roz Tak Biwi Gam Mana Sakti He)

*📚(Muta Imam Malik, Safha-219)*

*📚(Muta Imam Muhammad, Ibne Abi Shayba, Abdur Razaq Wagairah)*

RasoolAllah ﷺ Irshad Farmate Hai,

Tumhare Dino Me Afzal Din Jumuah Ka Din He, Isi Roz Aadam Alaihis  Paida Huve, Or Isi Roz Aapne Wafaat Paai.

*📚(Sunan Nisai, J-1, S-150, Karachi)*

Fir Sarkar Farmate Hai,

Ye Jumuah Eid Ka Din He, Use Allah Ta'ala Ne Musalamanoñ Ke Liye Eid Ka Din Banaya He.

*📚(Sunan Ibne Majah, J-1, S-78)*

Ma'aloom Hua Ki Jumuah Ka Din Youme Miladunnabi Bhi He, Or Youme Wafaatun Nabi Bhi He. Iske Bawajood Allah Ta'ala Ne Wafaat Ki Gami Ko Nazar Andaz Karte Huve Youme Milad Ki Khushi Ko Baaqi Rakha, Or Har Jumuah Ko Eid Manane Ka Hukm Diya.

Wazeh Ho Gaya Ki Ek Hi Roz Me Agar Gami Or Khushi Ke Waqeaat Jama'a Ho Jayeñ, To Azroo E Shariyate Muhammadi 'Gami Ki Yaad' Teen Roz Ke Baad Khatm Kardi Jati He Or Khushi Ki Yaad Hamesha Baaqu Rakhi Jati He.

Lihaza Agar 12 Rabi Ul Awwal Ko Youme Miladunnabi Or Youme Wafaat Bhi Maan Liya Jaye, To Wafaat Ki Gami Wafaat Se 3 Roz Baad Khatm Ho Chuki, Or Milad Ki Khushi Qayamat Tak Baaqi Rahegi.

Ye To Aam Baat Thi Ki Wisaal Ke Baat 3 Roz Se Zyada Gam Karna Mana'a He Lekin Ummat Ke Haq Me Huzur ﷺ Ki Wiladat Or Rahelate At'har Dono Hi Rahmat Hai.

Hazrat Abdullah Bin Mas'ood RadiAllahu Anhu Se Marwi He Ki Huzur ﷺ Ne Farmaya Meri Zahiri Hayaat Or Mera Wisal Dono Tumhare Liye Baaise Khair He.

حیاتی خیر الكم و موتی خیر الکم

*📚(Shifa Shareef, J-2, S-19)*

Dusre Maqam Par Iski Hiqmat Bayan Karte Huve Farmaya, Jab Allah Ta'ala Kisi Ummat Par Apna Khas Karam Karne Ka Iradah Farma Leta He To Us Ummat Ke Nabi Ko Wisal Ata Karke Us Ummat Ke Liye Shafa'at Ka Saamaan Kar Deta He Or Jab Kisi Ummat Ki Halakat Ka Iradah Farmata He To Uski Zahiri Hayat Me Hi Azaab Me Mubtala Karke Halaak Kar Deta He Or Us Ummat Ki Halakat Ke Zariye Apne Pyare Nabi Ki Aankhoñ Ko Thandak Ata Farmata He.

*📚(Muslim Shareef)*

Is Ummat Par Allah Ta'ala Ki Kitni Badi Inayat He Ki Aakhirat Me Pesh Hone Se Pahle Uske Liye Huzur ﷺ Ko Shafee'a Bana Diya Gaya. Isi Liye Aapne Farmaya Mera Wisaal Bhi Tumahre Liye Rahmat He. Jab Ye Baat Tay Paa Gai Ki Ummat Ke Haq Me Dono Rahmat Hai To Ab Dekhna Ye He Ki In Dono Me Ne'amate Azeem Konsi He? To Zaahir He Ki Aap ﷺ Ki Dunya Me Tashreef Aawri Ummat Ke Haq Me Aysi Azeem Ne'amat He Ki Uske Zariye Hi Dusri Ne'amat Hasil Hui.

Shariyat Ne Wiladat Ke Mauqa'a Par Aqeeqah Ka Hukm Diya He Or Ye Bachche Ke Paida Hone Par Allah Ke Shukr Or Khushi Ke Izhaar Ki Ek Soorat He, Lekin Maut Ke Waqt Aysi Kisi Cheez Ka Hukm Nahi Diya. Balki Noha, Maatam, Juz'a Wagairah Se Mana'a Kar Diya He. Shariyat Ke Mazkoorah Usool Ka Taqaaza He Ki Rabi Ul Awwal Shareef Me Aap ﷺ Ki Wiladat Ba Sa'aadat Par Khushi Ka Izhaar Kiya Jaye Na Ki Wisaal Par Gam.

Is Mas'ala Par Guftagu Karte Huve Mufti Inayat Ahmad Kaakurvi Harmain Shareefain Ke Hawale Se Likhte Hai, Aulma Ne Likha He Ki Is Mahefil Me Zikre Wafaat Shareef Na Chahiye Is Liye Ki Ye Mahfil Waste Khushi Milad Shareef Ke Mun'aqid Hoti He. Zikre Gam Jaañkah Is Mahfil Me Na-zeib He. Harmain Shareefain Me Hargiz Aadate Zikre Qissa E Wafaat Ki Nahi He.

*📚(Tawarikhe Habeebullah, S-15)*

Or Phir Aap  ﷺ  Ka Wisaal Aysa Nahi Jo Ummat Se Aap  ﷺ Ka Ta'alluq Khatm Karde Balki Aap  ﷺ Ka Faizane Nabuwwat Ta Qayamat Jaari He. Or Aap  ﷺ Barzakhi Zindagi Me Dunyavi Zindagi Se Badh Kar Hayaat Ke Malik Hai. 

Hazrat Mulla Ali Qaari Ne Aap Ke Wisal Ke Bare Me Kya Khub Farmaya He,

لیس هناک موت ولافوت بل انتقال من حال الی حال

*📚(Mirqaat Shareef)*

Ke Yahaañ Na Maut He Or Na Wafaat Balki Ek Haal Se Dusre Ki Taraf Muntaqil Hona He.

Wallahu Ta'ala Aa'alam Bis-Sawab

*_✍🏻Pathan Moin Raza Khan,Petlad_*

*🗓24 Oct 2020, 6 Rabi Ul Awwal 1442*

📲+918487928693

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Allah Ko Kis Tarah Pukare Jama'a Ke Siga Se Ya Wahid Siga Se

 *🌹SAWAL:-🌹*

Allah Ko Kis Trh Pukarna Chaye Or Q Reason Ke Sath Btaye Hazrt Kisi Skhs Ko Details Me Btana Hai. JazakAllah

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

Rab Tabarak W Ta'ala Ki Bargah Me, Wahid Ka Siga Istemal Karna Chahiye, Yahi Ansab Or Munasib Bhi He, Albatta Ta'azeem Ke Taur Par Siga E Jama'a Bhi Istemal Kar Sakte He Koi Harj Nahi.

Qura'an Shareef Me Bahut Si Jagho Par Allah Tabarak W Ta'ala Ne Zamaaire Mutaqallim Yaani Jama'a Ka Siga Istemal Farmaya He. Lihaza Chuñki Allah Tabarak W Ta'ala Wahid Ahad He, Is Wajah Se Uski Bargah Me Wahid Yaani Tu, Ya Ant Wagairah Wahid Ke Sige Istemal Kiye Jayeñge. "Allah Ta'ala Farmate He" Ki Bajaye "Allah Ta'ala Farmata He" Kaha Jaye. Lekin Agar Koi 'Allah Ta'ala Farmate He' Kahe To Us Par Koi Kufro Shirk Wagairah Ka Hukm Na Hoga, Or Na Hi Koi Wahmo Guman Hoga. Albatta Ye Khilafe Awla He, Bahetar Or Munasib Wahid Ka Siga Istemal Kare Yaani Allah Ta'ala Farmata He, Tu Rahman He, Tu Rahim He, Is Tarah Se Pukare.. Huzur Saiyedi Aala Hazrat Alaihir Rahmato Ridwan Ne Is Ta'alluq Se Ye Tahreer Farmaya.

Wallahu Aa'alam Bis-Sawab

*_🎙 Al-Jawab:- Hazrat Allama Mufti Taufiq Raza Sahab Misbahi_*

*📬Tadriso Ifta Darul Uloom Qadriyah Razviyah, Petlad*

*🗓️7 Oct 2020, 19 Safar 1442*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Shariyat, Tareeqat Or Marefat Kya He ?

 *🌹SAWAL:-🌹*

Assalamu Alaikum, Hazrat Shariyat Kya He, Tareeqat Kya He, Marefat Kya He ? Kuchh Logo Ayse He Jo Hath Me Char Panch Anguthi Pahente He, Kaan Me Baalo Pahente He, Namaz Nahi Padhte, Or Vo Kahte He Ham Marfati Log He, Ham Marefat Wale He, To Hazrat Shariyat Tareeqat Or Ma'arefat Ke Bare Me Bata Dijye.

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Tareeqat Manaafi E Shariyat Nahi Vo Shariyat Hi Ka Batini Hissa He, Baaz Jahil Mutasawwif Jo Ye Kah Diya Karte Hai, Ki Tareeqat Or He Shariyat Or, Mahaz Gumrahi He Or Is Zo'ame Batil Ke Baais Apne Aapko Shariyat Se Aazad Samajhna Sareeh Kufr W Ilhaad.

*📚Bahare Shariyat Hissa Awwal Aqaaid Ka Bayan,*

*في ’’إحیاء العلوم ‘‘، کتاب قواعد العقائد، الفصل الثاني: في وجہ التدریج إلی الإرشاد۔۔۔إلخ، ج۱، ص ۱۳۸۔۱۳۹*

: (إنّ الباطن إن کان مناقضاً للظاہر ففیہ إبطال الشرع، وہو قول من قال: إنّ الحقیقۃ خلاف الشریعۃ وہوکفر لأنّ الشریعۃ عبارۃ عن الظاہر والحقیقۃ عبارۃ عن الباطن)…(فمن قال: إنّ الحقیقۃ تخالف الشریعۃ أو الباطن یناقض الظاہر فہو إلی الکفر أقرب منہ إلی الإیمان)، ملتقطاً۔ 

*وفي ’’عوارف المعارف‘‘، ص۵۲، ۱۲۸۔*  

*وفي ’’کشف المحجوب‘‘، ومن ذلک الشریعۃ والحقیقۃ والفرق بینہما ص۴۲۳۔۴۳۳۔*

Aala Hazrat Azeemul Martabat Parwana E Sham E Risalat Mujaddide Deeno Millat Ashshah Imam Ahmad Raza Khan Alaihir Rahma, "Fatawa Razviya" Me Farmate Hai,

"Shariyat, Tareeqat, Haqeeqat, Ma'arefat Me Baham Aslan Koi Ikhtelaf Nahi  Uska Muddaee Agar Be Samjhe Kahe Ti Nira Jahil He Or Samajh Kar Kahe To Gumrah Bad Deen.

Shariyat Huzur ﷺ Ke Aqwal Hai, Or Tareeqat Huzur ﷺ Ke Af'aal, Or Haqeeqat Huzur Ke Ahwaal, Or Ma'arefat Huzur Ke Aloome Be Misaal, 

صلی اللّٰہ تعالٰی علیہ وآلہ وأصحابہ إلی مالا یزال

*📚(Fatawa Razviya, J-21, S-460)*

*📚W Anzar "Fatawa Razviya", Risal: "Maqaale Irfa Ba- Ezaze Shara'a W Aulma", J-21, S-521-568*

*✍🏻Al-Jawab:- Hazrat Allama Mukhtar Ahemad Ziyai Faizi Sahab Qibla*

*📬Darso Tadris Darul Uloom Mustafiya, Haldarva, Gujarat*

*🗓️16 Sep 2020, 27 Muharram 1442*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Udhar De Kar Zaaid Raqam Lena Kesa

 *🌹SAWAL:-🌹*

السلام علیکم 

Agar Koi Sunni Bhai Kahe Ke Muje Abhi 20000 De Me Tuje Thode Dino Baad 25000(5000 Jyada) Dunga . Kya Esa Karna Jaiz He?

Or Agar Koi Gairmuslim Paise Mange Or Thode Dino Baad Jyada Dene Ka Vada  Kare To Kya Usko Paise Dena Or Usse Jyada Lena Jaiz He?

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Musalman Ko Udhar De Kar Zaaid Raqam Lena Sood He Jo Najaaizo Haram He, Jaisa Ki Fatawa Faqihe Millat Me He,

Pandrah Hazar (15000) Rupya Bataure Qarz Is Shart Par Dena Ki Pandrah Hazar Ka Bees Hazar (20000) Luñga Ye Qarz De Kar Nafa'a Hasil Karna He Jo Sood He. Sood Lena Or Dena Dono Haram He.

Khuda E Ta'ala Ka Irshad He,

حَرَّمَ الرِّبَا

*📚(Parah-3, Surah Baqrah, Aayat-275)*

Or Hadees Shareef Me He,

كل قرض جر منفعة فهو ربا

Yaani Qarz De Kar Nafa'a Hasil Ho Vo Sood He.

*📚(Sunan Bayhaqi, J-5, S-573)*

Or Sood Ka Gunah Bahut Sakht He. Hadees Shareef Me He,

الربواسبعون جزٕ ایسرھاان ینکح امہ

Yaani Huzur ﷺ Ne Irshad Farmaya, Sood (ka Gunah) Ayse Sattar Gunahoñ Ke Barabar He Jin Me Sabse Kam Darja Ka Gunah Ye He Ki Mard Apni Maañ Se Zina Kare. Al-AyazoBillah

*📚(Mishkat Shareef, S-242)*

Or Hadees Shareef Me He,

لعن رسول اللہ صلی اللہ تعالی علیہ وسلم آکل الربا 

Yaani Huzur ﷺ Me Sood Lene Waloñ Par La'anat Farmai.

*📚(Sunan Bayhaqi, J-5, S-451)*

Or RasoolAllah ﷺ Ne Irshad Farmaya,

درھم ربوایاکلہ الرجل وھویعلم اشد من ستة وثلثین زنییة

Yaani Sood Ka Ek Dirham Jo Aadmi Jaan Bujh Kar Khaye Uska Gunah Chhattis (36) Baar Zina Karne Se Zyada He.

*📚(Musnad Imam Ahmad Bin Hambal, J-6, S-296)*

Lihaza Pandrah Hazar Jo Bataure Qarz Diya He Sirf Usi Ko Le Usse Zyada Hargiz Na Le Agar Le Liya Ho To  Wapas Kare. Agar Vo Aysa Na Kare To Sab Musalman Uska Boycott Kare.

*📚(Fatawa Faqihe Millat, J-2, S-204)*

Kafir Harbi Se Zaaid Raqam Lena Sood Nahi, Jaisa Ki Fatawa Faqihe Millat Me He,

Yahañ Ke Kafir Harbi Hai Or Musalaman W Harbi Ke Darmiyan Sood Nahi.

کاما فی الحدیث النبوی لا ربا بین المسلم و الحربی۔

Lihaza Yahañ Ke Kafiroñ Ko Udhar De Kar Bilashubah Nafa'a Le Sakte Hai, Magar Sood Samajh Kar Na Le Balki Maale Mubah Samajh Kar Leñ. 

Huzur SadrushShariyah Alaihir Rahma Taherir Farmate Hai, 

Jaaiz He Jab Ki Unheñ Mahdood Rakhe Agar Khuda Nakhwastah Uski Aadat Pad Jaye Ki Musalamanoñ Se Bhi Isi Tarah Karne Lage To Najaaizo Haram He.

*📚(Fatawa Amjadiya, J-3, S-228)*

Or *📚(Fatawa Mustafiya, S-427)* Par He,

Kisi Musalman Ya Kafir Zimmi Or Mustamin Ko Qarz De Kar Us Par Koi Nafa'a Lena Sood He. Kafir Harbi Se Liya Jayega To Sood Nahi Hoga.

*📚(Fatawa Faqihe Millat, J-2, S-209)*

Lihaza Musalman Ko 20000 Rupya De Kar Us Par Zaaid Raqam Lena Yaani 25000 (500 Zyada) Lena Sood He, Jo Najaaizo Haram He. Or Harbi Kafir Ko Qarz De Kar Nafa'a Hasil Karna Jaaiz He.

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓6 Oct 2020, 18 Safar 1442*

📲+91

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Hijda (Kinner) Ko Gusl Kon De ?

 *🌹SAWAL:-🌹*

Hijadaa (kinnar) Ke Marne Ke Baad Usse Gusl Kon Denga

Aadami Ya Aurat

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

Khunsa Mushkil ( Yaani Jisme Mard Wa Aurat Dono Ki Alamateñ Paai Jayeñ Or Ye Sabit Na Ho Ki Mard He Ya Aurat) Ka Inteqal Huva To Use Na Mard Nahla Sakta He Na Aurat Balki Tayammum Karaya Jaye Or Tayammum Karane Wala Ajnabi Ho To Hath Par Kapda Lapet Le Or Kalaiyoñ Par Nazar Na Kare. Yuñhi Khunsa Mushkil Kisi Mard Ya Aurat Ko Gusl Nahi De Sakta.

*📚(Aalamgiri)*

Khunsa Mushkil Chhota Bachcha Ho To Use Mard Bhi Nahla Sakte Hai Or Aurat Bhi Yuñhi Aks.

*📚(Bahare Shariyat, H-4, Mayyat Ko Nahlane Ka Bayan)*

Or Jo Mard Khassi Kara Kar Hijda Bana To Mard Hi Ke Hukm Me He. Chunanche *📚Bahare Shariyat, H-4* Hi Me He Ki Jis Mard Ka Azoo E Tanasul Ya Unsayen Kaat Liye Gaye Hoñ Vo Mard Hi He Yaani Mard Hi Use Gusl De Sakta He Ya Uski Aurat. *📚(Aalamgiri)*

Wallahu Aa'alam Bis-Sawab

*✍🏻Al-Jawab: Hazrat Allama Hafiz Taufiq Raza Khan Misbahi Sahab Qibla*

*_📬Khalifa E Huzur Tajushshariya, Qazi E Petlad, Gujrat_*

*🗓️5 Oct 2020, 17 Safar 1442*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Naak Me Ungli Na Daali To Gusl Hoga Ya Nahi

 *🌹SAWAL:-🌹*

As Salamu Aliakum, Ager Gusul Main Nak Mai Ungli Dalna Bhool Gya To Ghusul Hoga Ya Nhi?

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Wa Alaikumus Salaam

Gusl Me Nak Ki Narm Haddi Tak Pani Pohnchana Farz Hai ... Is Talluq Se Huzur Sadrush Shariah Alaihirrahmah *📚Bahar E Shariat Hiss 2* Me Farmate Hai.

Naak Me Pani Dalna Yani Dono Nathno Ki Jaha Tak Narm Jagah Hai Dhulna K Pani Ko Sungh Kar Upar Charaye Bal Barabar Jagh Bhi Dhulne Se Reh Na Jaye Warna Gusl Na Hoga,  Nak K Andar Rinth Sukh Gai To Us Ko Churana Farz Hai Niz Nak K Bal Dhulna Bhi Farz Hai.

Al Hasil Nak K Is Hisse Ko Dona Yani Har Jagag Pani Beh Jaye ... Chahe Ungli Naak Me Dale Ya Na Dale. Bagair Ungli Dale Bhi Sab Par Beh Gaya To Farz Ada Ho Gaya .. Albatta Baye Hath Ki Chugli Yani Choti Ungli Se Nak K Andar Saf Karna Sunnat Hai ... Janbujh Kar Tark Na Kare.

Wallahu Aa'alam Bis-Sawab

*✍🏻Al-Jawab: Hazrat Allama Hafiz Taufiq Raza Khan Misbahi Sahab Qibla*

*_📬 Khalifa E Huzur Tajushshariya, Qazi E Petlad, Gujarat_*

*🗓️5 Oct 2020, 17 Safar 1442*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Islam Me Rep Ki Saza

 *🌹SAWAL:-🌹*

Log Bahut Status Laga Rhe Hazrat 

Ke Islam Me Balatkar/rape Se Saza Mout/qatl Hai

Rehnumai Farmaye

*🌹JAWAB:-🌹*

Rep Ki Islam Me Yeh Saza K

Hai Ki Kuñvare Ko 100 Kode Mare Jayen, Aur Shadi Shuda Ko Sine Tak Gaddhe Me Gaadh Kar Uspar Patthar Mare Jayen, Ki Mar Jaye, 

Saza Nafiz Karna Hukumat Ka Kaam Hai, Har Shakhs Yeh Saza Nafiz Nahi Kar Sakta.

Wallahu Aa'alam Bis-Sawab

*🎙Al-Jawab:- Hazrat Mufti Gulzare Nabi Khan Razvi Naeemi Sahab Qibla*

*_📬idara Sharaiyah W Samaji Khidmat, Aala Hazrat Masjid NavaYard Vadodara Gujarat_*

*🗓️1 Oct 2020, 13 Safar 1442*

*🌹SAWAL-O-JAWAB🌹F.T.S👑grp*

📲+91848

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Qabr Se Paani Nikta Rahe To Mayyat Ko Kis Tarah Darn Kare

 *🌹SAWAL:-🌹*

Assalamu Alaikum Hazrat Mayyeet Ko Dafan Karne Ke Waqt Qabar Me Pani Nikal Gaya Rukne Wala Nahi Is Surat Me Kya Kiya Jay Jawab Inayat Farmayen Meharbani Hogi

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Agar Qabr Se Paani Nikal Raha Ho Band Hi Na Hota Ho To Dusri Jagah Qabar Khod Kar Dafn Karde, Agar Ye Mumkin Na Ho Or Koi Jagah Na Ho To Is Soorat Me Majboor He Lihaza Mayyat Ko Lakdi Ke Sandooq Me Rakh Kar Dafn Karde.

Jaisa Ki Huzur SadrushShariyah Alaihir Rahmato Ridwan Taherir Farmate Hai,

Qabar Do Qism He, Lahad Ki Qabar Khod Kar Us Me Qibla Ki Taraf Mayyat Ke Rakhne Ki Jagah Khodeñ Or Sandooq Vo Jo Hindustan Me Umooman Raaij He, Lahad Sunnat He Agar Zameen Is Qabil Ho To Yahi Kareñ Or Narm Zameen Ho To Sandooq Me Harj Nahi.

*📚(Fatawa Hindiya, J-1, S-165)*

Taboot Ke Mayyat Ko Kisi Lakdi Wagairah Ke Sandooq Me Rakh Kar Dafan Kareñ Ye Makrooh He. Magar Jab Zaroorat Ho Maslan Zameen Bahut Tar He To Harj Nahi Or Is Soorat Me Taboot Ke Masaarif Usme Se Liye Jayeñ Jo Mayyat Ne Maal Chhoda.

*📚(Fatawa Hindiya, J-1, S-166)*

*📚(Durre Mukhtar, J-3, S-165)*

Agar Taboot Me Rakh Kar Dafn Kareñ To Sunnat Ye He Ki Usme Mitti Bichha Deñ Or Daahne Baayeñ Khaam (yaani Kachchi) Inteñ Laga Deñ Or Upar Kahgal (yaani Mitti Ki Lipaai) Kar Deñ Garz Ye Ki Andar Ka Hissa Misl Lahad Ke Ho Jaye Or Lohe Ka Taboot Makrooh He Or Qabar Ki Zameen Narm Ho To Dhul Bichha Dena Sunnat He.

*📚(Raddul Muhtar, J-3, S-165)*

*📚(Bahare Shariyat, J-1, H-4, Kabro Dafan Ka Bayan, S-843)*

Lihaza Mayyat Ko Lakdi Ke Sandooq Me Rakh Kar Dafn Karde, Or Sandooq Ko Bhi Misle Lahad Yaani Sandooq Ke Niche Mitti Or Upar Mitti Se Lipaai Or Dono Taraf Kachchi Int Rakhde.

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓4 Oct 2020, 16 Safar 1442*

📲+

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Aurat Kalma E Kufr Bole To Nikah Fasid Hoga Ya Nahi ?

 *🌹SAWAL:-🌹*

السلام علیکم

Aurat Agar Kalima E Kufr Bole To Nikah Jata Rahega ?

رہنمائی فرمائیں

جزاک اللہ خیر

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Aurat Agar Kalma E Kufr Bolde To Nikah Se Na Niklegi, Magar Ehtiyatan Usi Shohar Se Tajdeede Nikah Ka Hukm Diya Jayega.

Jaisa Ki Saiyedi Aala Hazrat Alaihir Rahma Ek Sawal Ke Jawab Me Farmate Hai,

Hinda Ne Pahla Fiqrah Kaha Ho Khwañ Dusra (Dono Jumle Sareeh Kufriyat Hai Lihaza) Har Tarah Uska Iman Jata Raha Ki Usne Shar'a Mutahhrah Ki Tauheen Ki Magar Hinda (Murtada Ho Jane Ke Bawajood) Nikah Se Na Nikli, Na Hargiz Use Rawa (Yaani Jaaiz) He Ki Baade Islam Kisi Dusre Se Nikah Karle.

لان الفتوی علٰی روایۃ النوادرلاجل فسادالزمان کما بیّنّاۃ فی فتاوٰنا

(Kyuñ Ki Fasaade Zaman Ki Wajah Se Fatwa Nawadir Ki Riwayat Par He Jaisa Ki Hamne Usko Apne Fatawa Me Bayan Kiya He)

 Haañ Baade Islam Sabiqah Shohar Hi Se Tajdeede Nikah Par Majboor Ki Jayegi. 

احتیاطا لاصل المذہب

Ehtiyat Ke Taur Par Waste Asl Mazhab Ke.

Durre Mukhtar Me He,

تجبر علی الاسلام وعلی تجدید النکاح زجرا لھا بمھر یسیر کدینار وعلیہ الفتوٰی

Islam Par Majboor Ki Jayegi Or Bataure Zajr Kamtareen Mahar Maslan Ek Dinaar Ke Badle Tajdeede Nikah Par Majboor Ki Jayegi Or Isi Par Fatwa He.

*📚(Durre Mukhtar, J-1, S-210)*

Raddul Muhtar Me He,

فلکل قاض ان یجددہ بمھریسیر ولو بدینار رضیت ام لا 

Ye Qazi Ko Ikhtiyar He Ki Vo Us Aurat Se Kamtareen Mahar Ke Aoz Tajdeede Nikah Karaye Agarche Ek Dinar Ho Chahe Vo Aurat Raazi Ho Ya Na Ho.

*📚(Raddul Muhtar, J-2, S-392)*

*📚(Fatawa Razviya, J-12, S-263)*

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓4 Oct 2020, 16 Safar 1442*

📲+

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Jo Accident Ya Gir Kar Mar Jaate He Kya Unki Maut Ayse Hi Aani Thi

 *🌹SAWAL:-🌹*

Jo Accident Main Ya Kat Ke Ya Uper Se Gir Kar Mar jaate Hain... Is Ki Kya Hakeekat Hai???? Kya  Unko Mouth Ayesi Hi Aani Thi???

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

Ahle Sunnat W Jama'at Ka Ye Mutafaqqa Aqeeda He Ki Allah Tabarak W Ta'ala Hi Ke Daste Qudrat Me Hayato Mamaat He, Yaani Logo Ko Zindagi Dena, Maut Dena Ye Rab Tabarak W Ta'ala Hi Ke Daste Qudrat Me He, Ye Ahle Sunnat W Jama'at Ka Mutafaqqa Aqeeda He. Ham Ko Rozi Bhi Wahi Deta He, Maut Bhi Wahi Dega He Or Hayaat Zindagi Bhi Wahi Deta He. 

Albatta Ye Dunya Darul Asbaab He, To Jo Log Accident Me Mar Jate He, Ya Gir Kar Mar Jate He, Ya Jal Kar Ya Paani Ke Dub Kar Mar Jate He, To Ye Asbaab Waqe'a Hote He, Sabab Ban Jate He, Lekin Haqeeqat Me Ye Mauto Hayaat Allah Tabarak W Ta'ala Hi Ki Jaanib Se Hoti He, 

Allah Tabarak W Ta'ala Qura'ane Azeem Me Irshad Farmata He,

أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ ۗ وَإِن تُصِبْهُمْ حَسَنَةٌ يَقُولُوا هَٰذِهِ مِنْ عِندِ اللَّهِ

Yaani, Tum Jahañ Kahiñ Ho Maut Tumheñ Aalegi Agarche Mazboot Qil'aoñ Me Ho Or Unhai Koi Bhalai Pahunche To Kaheñ Ye Allah Ki Taraf Se He..

*📚(Surah Nisa, Aayat-78)*

To Ye Dunya Darul Asbaab He Kisi Bhi Sabab Se Maut Waqe'a Ho Sakti He, Lekin Haqeeqatan Ye Maut Allah Tabarak W Ta'ala Hi Ki Janib Se He.

Wallahu Aa'alam Bis-Sawab

*_🎙 Al-Jawab:- Hazrat Allama Mufti Taufiq Raza Sahab Misbahi_*

*📬Tadriso Ifta Darul Uloom Qadriyah Razviyah, Petlad*

*🗓️3 Oct 2020, 15 Safar 1442*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Kya Wuzu Ka Bacha Hua Paani Khade Ho Kar Pina Chahiye

 *🌹SAWAL:-🌹*

Assalamualaikum Mera Sawal Hai Ki Hazrat, Kuch Maulana Bolte Hain Wuzu Karne Ke Baad Jo Pani Bachta Hai Use Khade Ho Kar Pina Sunnat Hai.... Rehnumai Farmaye

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Wuzu Ka Paani Or Aabe Zamzam Ko Khade Ho Kar Piya Jaye, Baaqi Dusre Paani Ko Beth Kar.

*📚(Sahih Muslim, Hadees-117 (2027), S-1119)*

*✍🏻Al-Jawab: Maulana Fahim Razvi Mustafai Sahab,*

*_📬Khatibo Imam Noori Masjid Mahudha Gujarat_*

*🗓️26 Sep 2020, 8 Safar 1442*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Iblees Farishta Tha Ya Jin ?

 *🌹SAWAL:-🌹*

Iblees Pahle Farishta Tha Ya Jin ? Jawab Daleel Ke Satha Ata Farmaye, Badi Maherbani.

*🌹JAWAB:-🌹*

Iblees Pahle Qaume Jin Se Tha.. *📚Surah Kahaf, Aayat-50* Me Irshade Rab He,

وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ ۗ

Or Yaad Karo Jab Ham Ne Farishtoñ Ko Farmaya Ki Aadam Ko Sajda Karo To Sabne Sajda Kya Siwa Iblees Ke Qaume Jin Se Tha To Apne Rabke Hukm Se Nikal Gaya. 

*📚(Tarjma E Kanzul Iman)*

*✍🏻Al-Jawab: Hazrat Allama Hafiz Taufiq Raza Khan Misbahi Sahab Qibla*

*_📬Qazi E Petlad W Darso Tadris Darul Uloom Mustafiya, Haldarwa Gujrat_*

*🗓️26 Sep 2020, 8 Safar 1442*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Kya Massage Par Salam Ka Jawab Dena Zaroori He?

 *🌹SAWAL:-🌹*

Mobile Pr Chaitting  Karte Wakt Koi Salam Karta Hai To Jawab Dena Wajib Hai Kya....

Rahenumayi Farmaye...

*🌹JAWAB:-🌹*

Jis Tarah Mobile Or Khat Ke Salam Ka Jawab Wajib He. Isi Tarah Massage Ke Zariye Kiye Gaye Salam Ka Jawab Bhi Wajib He. Mobile Par Guftagu 'Khitab' He Or Massage Ke Zariye Paigam Rasaai "kitab" He Or Fiqah Ka Ye Aam Zabta He,

الکتاب کالخطاب

Kitab ( Khat W Kitab) Khitab (bil Mushafa Guftagu) Ki Tarah He.

*📚(Hidaya Aakhir, J-2, S-286, Majlise Barkaat Mubarak Pur)*

Durre Mukhtar Me He,

ویجب ردجواب کتاب التحیة لان الکتاب من الغاٸب بمنزلة الخطاب من الحاضر 

Khat Ke Salam Ka Jawab Wajib He Kyuñ Ki Gaaib Shakhs Ka Maktoob (khat) Hazir Shakhs Ke Khitab Ki Manzil Me He.

*📚(Fatawa Shami, J-5, S-294)*

Shara'a Counsil Of India Baraily Shareef Ke Fiqhi Seminar Munaqida 4 July 2010 Me Ye Faisla Ho Chuka He Ki "fax, E-mail, Or Massage Ki Tahreer "kitab W Khat" Ke Hukm Me He" Or Khat W Kitabat Ke Salam Ka Jawab Wajib He To Massage Ke Zariye Kiye Gaye Salam Ka Jawab Bhi Wajib Hoga.

*📚(Mobile Phone Ke Zaroori Masaail, S-119)*

Bahare Shariyat Me He,

Khat Me Salam Likha Hota He, Uska Jawab Dena Bhi Wajib He Or Yahañ Jawab Do Tarah Hota He, Ek Ye Ki Zuban Se Jawab De, Dusri Soorat Ye He Ki Salam Ka Jawab Likh Kar Bheje. 

Magar Chuñki Jawabe Salam Fauran Dena Wajib He To Agar Fauran Tahreeri Jawab Na Ho Jaisa Ki Umooman Yahi Hota He Ki Khat Ka Jawab Fauran Hi Nahi Likha Jata Khwamakhwah Kuch Der Hoti He To Zuban Se Jawab Fauran De De, Taaki Takheer Se Gunah Na Ho. Isi Wajah Se Allama Saiyed Ahamd Tahtawi Ne Is Jagah Farmaya, 

Yaani Log Isse Gafil Hai.

Aala Hazrat Jab Khat Padha Karte The Khat Me Jo اَلسَلامُ عَلَيْكُم  Likha Hota He Uska Jawab Zuban Se Dekar Baad Ka Mazmoon Padhte.

*📚(Bahare Shariyat, H-16, S-463, Maktabul Madina Dehli)*

Massage Bhi Ek Tarah Ka Khat He Lihaza Massage Ke Zariye Bheje Gaye Salam Ka Jawab Bhi Wajib He. Agar Kisi Wajah Se Tahreeran Usi Waqt Jawab Na De Sake To Zuban Se Usi Waqt Jawab De Dena Chahiye.

Wallahu Aa'alam Bis-Sawab

*_✍🏻Pathan Moin Raza Khan,Petlad_*

1 Oct 2020, 13 Safar 1442*

📲+9

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Social Media Par Deen Ki Baate Karna Kesa ?

 *🌹SAWAL:-🌹*

ASSALAMUALAIKUM 

Hazrat Aaj Kal Bahut Hi  Log Social Media Ka Use Krte Lkn Koi Ache Kaam Ke Liye Yani Islamic Messge Ko Aage Badhane Ke Liye Bhi Krte Hai To Log Kehte Hai Ye Social Media Par Acha Nhi Krna Ye Talib Madraso Me Do Yaha Ye Sab Na Kro Kia Ye Kehne Wale Pr Koi Hukum ?? Aur Hazrat Hame Social Media Ke Kese Use Krna Chahiye Jaiz Tarika ? Aur Social Media Ka Use Kaha Mana Hai ?? 

Rahanumai Farmaye

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Social Media Ya Websites Par Paaye Jane Wale Mazaamin Kitabo Ki Hesiyat Rakhte Hai. Jin Me Achchi, Buri Mo'atebar Gair Mo'atebar Har Tarah Ki Kitabat Hoti He. Or Aaj Kal Sabse Zyada Jo Istemal Kiya Jata He Vo Internet, Mobile Or Social Media He, Lihaza Hame Chahiye Ki Iska Sahih Tareeqa Se Istemal Kare, Or Bure Najaaiz Kaamo Se Bach Kar Shariyat Ki Had Me Shariyate Mustafa Ki Jis Tarah Bhi Isha'at Ho Uski Koshish Kare, Social Media Ek Esa Platform He Jahañ Ham Apni Aawaz Aasani Se Sekdo Logo Tak Pahuncha Sakte He. Iska Istemal Karne Ka Bahetar Or Jaaiz Tareeqa Yahi He Ki Zyada Se Zyada Deen Ki Baat Logo Tak Pahuchaye. Social Media Ka Istemal Sirf Lahw Laeeb Or Jokes Or Betuki Baate Karne Ke Liye Nahi, Balki Deen Ki Isha'at Ke Liye Kiya Jaye To Ye Bhi Ek Sadqa Or Kaare Khair Or Baaise Sawab He. Deen Ki Baat Failane Se Rokne Wala Ya To Hasid He Ya Jahil. 

Qura'an Majeed Me He,

 وَقُولُوا لِلنَّاسِ حُسْنًا

Or Logo Se Achchi Baat Kaho.

*📚(Surah Baqrah, Aayat-83)*

Or Dusri Jagah Irshad Farmaya,

قَدْ أَفْلَحَ الْمُؤْمِنُونَ الَّذِينَ هُمْ فِي صَلَاتِهِمْ خَاشِعُونَ وَالَّذِينَ هُمْ عَنِ اللَّغْوِ مُعْرِضُونَ

Beshak Murad Ko Pahunche Iman Wale, Jo Apni Namaz Me Gidgidate He, Or Vo Jo Kisi Behuda Baat Ki Taraf Iltifat Nahi Karte.

*📚(Surah Muaminun, Aayat-1,2,3)*

Yaani Behuda Baato Se Bachne Walo Ka Iman Pukhta He.

Jo Ham Se Door He Hamare Paas Nahi Unko Mobile Ya Social Media Ke Zariya Deen Ki Baat Batana RasoolAllah ﷺ Ka Paigam Pahucha Ne Ka Saboot Hadees Shareef Se Bhi Milta He,

Hadees Shareef Ka Mafhoom He,

 الا فلیبلغ الشاھد الغائب فانہ رب مبلغ یبلغہ اوعنی لہ من سامع۔

Hazrat Abu Bakar RadiAllahu Anhu Se Riwayat He Ki RasoolAllah ﷺ Ne Hujjatul Wida'a Ke Mauqa'a Par Farmaya,  Jo Yahañ Hazir He Vo Isko Pahuncha De Jo Gaaib He, Khuñki Jo Hazir He Vo Shayad Ayse Shakhs Ko Khabar Karde Jo Baat Ko Usse Zyada Yaad Rakhe.

*📚(Bukhari Shareef, 67)*

*📚(Muslim Shareef, 1679)*

Isi Tarah Dusri Hadees Me He,

Abdullah Bin Umar RadiAllahu Anhu Riwayat Karte Hai Ki RasoolAllah ﷺ Ne Farmaya, 

بلِّغوا عنّي ولو آية

Yaani Agar Aapko Qura'an Ki Ek Aayat Ka Bhi Ilm Ho To Use Dusro Tak Pahuncha Do. 

*📚(Sahih Bukhari, Hadees-3461)*

Yaani Jo Hazir He Vo Jo Gaaib He Un Tak Agar Qura'an Ki Ek Aayat Ka Bhi Ilm Ho To Pahunch De.

Huzur ﷺ Ne Farmaya Achchi Baat Kahna Sadqa He.

*📚(Bukhari, 2589)*

Or Hadeese Mubarika Me He,

RasoolAllah ﷺ Ne Farmaya Fuzool Baatoñ Ko Chhod Dena, Aadmi Ke Islam Ki Achchai Ki Daleel He.

*📚(Musnad Ahmad, J-1, S-201)*

Lihaza Iman Walo Ki Ye Nishani He Ki Jab Logo Se Baat Kahe To Achhi Baat Kahe Or Buri Or Fuzool Baato Se Door Rahe, Fir Agarche Vo Social Media Ke Zariya Ho. Internet Ka Sahih Istemal Yahi He Ki Is Par Kitabo Sunnat Ki Roshni Me Deeni Baat Kahi Jaye, Or Fahash Baate Jese Faltu Jokes, Hasi Mazak, Be Hayai, Wagairah Se Door Raha Jaye.

Wallahu Aa'alam Bis-Sawab

*_✍🏻Pathan Moin Raza Khan,Petlad_*

📲+9

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Huzur Ke Chacha Abu Talib Ko Hazrat Kahna Kesa ?

 *🌹SAWAL:-🌹*

Kya Abu Talib Ko *Hazrat Ya Janab* Kahe Sakte Hai...❓

Kya Unka Zikr Kair Ke Sath Karna Chahiye....❓

*🌹JAWAB:-🌹*

Huzur ﷺ Ke Chacha Abu Talib Ka Iman Lana Sabit Nahi, Unki Maut Halate Kufr Me Hui, Lihaza Unke Naam Ke Sath Hazrat Nahi Likhna Chahiye.

Jaisa Ki Huzur Faqihe Millat Alaihir Rahma Farmate He,

Abu Talib Ko Hazrat Abu Talib Kahne Ki Ijazat Nahi Is Liye Ki Unki Maut Kufr Par Hui.

*📚(Fatawa Barkatiya, S-358)*

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓25 Sep 2020, 7 Safar 1441*

📲+

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Ladki Ka Status Par Be Parda Photo Rakhna Kesa ?

 *🌹SAWAL:-🌹*

Hazrat Ek Ladki Hai Status Pr Bepardagi Jaise Bal Khol Kr Photo Rakhti H Or Sab Ladke Ladkiya Iska Status Dekhte H To Aisa Kuch Bataye Jo Mai Ise Bheju Taki Aayinda Ye Aise Pic Status Pr Na Rkhe

*🌹JAWAB:-🌹*

Aurat Aurat He Yaani Chhupane Ki Cheez He, Gair Maheram Ke Samne Be Parda Hone Wali Aurtoñ Par Azabe Ilahi Ki Kai Saari Waide He, Or Aysa Karne Wali Aurateñ Sakht Gunahgar Azabe Ilahi Ke Haqdar He. Parde Ka Hukm Qura'an Majeed Or Ahadise Mubaraka Se Sabit He. Aurat Ko Apne Jisme Ke Aa'aza Ko Gair Ke Samne Dikhana Agarche Mobile Ya Internet Ke Zariye Ho Sakht Najaizo Haram, Bad Kaam Bad Anjam He, Azabe Ilahi W Laanat Ki Haqdar Or Sakht Jahalat He.

Jaisa Ki Qura'an Majeed Me Rab Tabarak W Ta'ala Ka Irshad He,

 وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ

Yaani Apne Gharo Me Thahri Raho, Or Be Parda Na Niklo, Jaise Agli Jahiliyat Ki Be Pardagi.

*📚(Surah Ahzab, Aayat-33)*

Hazrat Allama Saiyed Naeemuddim Muradabadi Alaihir Rahma Farmate Hai,

Agli Jahiliyat Se Murad Qable Islam Ka Zamana He, Us Zamana Me Aurteñ Itrati Nikalti Thi, Apni Zeenat W Mahasim (yaani Banaw Singhar Or Jism Ki Khubiyan Maslan Seene Ke Ubhaar Wagairah) Ka Izhar Karti Thi Ki Gair Mard Dekheñ. Libas Ayse Pahanti Thi Jin Se Jism Ke Aaza Achchi Tarah Na Dhakeñ.

*📚(Khazainul Irfan)*

Afsos Maujuda Daur Me Zamana E Jahiliyat Wali Be Pardagi Paai Jaa Rahi He. Or Qura'an Ki Mukhalifat Karti He.

Or Dusri Jagah Allah Tabarak W Ta'ala Ka Farman He,

وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ....

Or Musalaman Aurtoñ Ko Hukm Do Apni Nigaheñ Kuchh Nichi Rakheñ Or Apni Paarsaai Ki Hifazat Kareñ Or Apna Banaw Na Dikhaye Magar Jitna Khud Hi Zahir He Or Vo Dupatte Apne Girebanoñ Par Daale Raheñ, Or Apna Singhar Zahir Na Kareñ Magar Apne Shoharoñ Par.....

*📚(Surah Noor, Aayat-31)*

Or Mafhoome Hadees He Ki, 

Nabi E Kareem ﷺ Farmate Hai Ke,

Sabse Buri Aurte Wo Hai Jo Bepardgi Kare Aur Takabbur Se Chalne Wali Ho, Ye Us Ummat Ke Munafiqat Hai, Aur Ye Wo Hai Jo Jahnnum Me Kavve Ki Tarah Chikhti Hui Dakhil Ho Jayengi.

*📚(Baihaqi)*

Un Auraton Par Jahannam Me Sakht Kode Mare Jayenge Jo Kapda Pehne Huye Bhi Barhana Nazar Aati Hain.

*📚(Muslim Sharif)*

Hazrat Imam Ahmad Bin Hajar Makki Shafei Rahmatullah Alaihi Naql Farmate He, Meraaj Ki Raat Sarware Kaainat  ﷺ Ne Jo Baaz Aurtoñ Ke Azab Ke Holnaak Manazir Mulahiza Farmaye Unme Se Ye Bhi Tha Ki Aurteñ Baaloñ Se Latki Hui Thi Or Us Ka Dimag Khaul Raha Tha. Sarkar ﷺ Ki Khidmate Sarapa Shafqate Arz Ki Gai Ki Ye Aurteñ Apne Baaloñ Ko Gair Mardo Se Nahi Chhupati Thi.

*📚(Az-Zawajiru Anil Iqtirafil Kabaair,  J-2, S-97,98)*

RasoolAllah ﷺ Ka Ka Azeem Farman Jiska Ta'alluq Meraaj Ki Shab Se He, Jab RasoolAllah ﷺ Ne Jahannam Ka Mushahidah Kiya Tha, Rasoole Akram ﷺ Ko Jahannam Ka Mushahidah Karte Huve Chand Manazir Nazar Aaye, Aapne Vo Bayan Kiye Hai,  Bayhaqi Ne Usko Bayan Kiya He, Ibne Hajar Ne *📚Azzwajir, J-2, S-15* Me Likha He,

RasoolAllah ﷺ Farmate Hai, Fir Mera Guzar Ek Ghaddhe Ke Paas Se Huva Jis Se Badboo Aa Rahi Thi. Bahut Bada Gadha Tha Us Se Bahut Zyada Boo Aa Rahi Thi. Or Badi Shadeed Aawazeñ Mujhe Aa Rahi Thi, Haay Haay Ki Or Badi Dukh Bhari Aawazeñ Or Badi Karaahati Hui Aawazeñ Mujhe Aa Rahi Thi. Mene Jibrail Se Puchha, Ay Jibrail Ye Kon He ? To Hazrat Jibrail Alaihis Salam Ne Kaha, Ye Tumhari Ummat Ki Vo Aurteñ Hai Ki Jinhone Halaal Zeenat Ko Chhod Kar Haraam Zeenat Ikhtiyar Ki. 

Jis Had Tak Shariyat Mutaharrah Me Jaaiz Tha, Usse Tajawuz Kar Gai Us Se Aage Nikal Gai. Or Bhi Kai Ahadise Mubarika He Jisme Be Parda Aurtoñ Par Sakht Azabe Ilahi Hota He.

Lihaza Musalman Aurto Ko Chahiye Ki Apna Parda Kare, Or Be Parda Apne Photos Social Media Par Share Karna Bahut Hi Bura He Ki, Isme Dunyavi Aitbar Se Bhi Kai Kharabiya Ki Log Un Photos Ka Galat Istemal Kar Sakte Hai, Or Aysa Hota Bhi He Or Apne Photos Share Karne Me Tasweer Banane Ka Jo Azaab He Vo Bhi Sakht Azab He Jisla Zikr Ahadise Mubarika Me Warid He. Or Be Parda Apne Baalo Ko, Chahere Ko Or Dusre Aa'aza Ko Gair Ke Samne Dikhana Sakht Gunah Ka Kaam Or Aysa Azab Jise Sun Kar Dil Kaanp Jaaye. Lihaza Allah Ke Azab Se Dare Or Shariyat Ki Had Me Rah Kar Social Media Wagairah Ka Istemal Kare.. Allah Ham Sabko Shariyate Mustafa Par Or Hamari Aurtoñ Ko Hazrate Fatimatuz Zahra RadiAllahu Anha Ki Seerate Mubarika Par Amal Karne Wala Banaye.. Aameen Summa Aameen

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓23 Sep 2020, 5 Safar 1442*

📲+918

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ •┈┈┈┈┈┈•

Gair Muslim Ko Salam Karna Kesa Or Agar Vo Salam Kare To Jawab Kese De ?

*🌹SAWAL:-🌹*
Assalamualaikum Sabko,
*Sawal Salam Ke Upar*
Salam Kisi Ko Bhi Kar Sakte Hai?, Non-Muslim Ko Bhi
Or Kuch Non-Muslims Mujhe Salam Karte Hai, Kiya Unko Jawab Dena Chahiye.

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Salam Ek Salamati Ki Dua He, Or Salamati Ki Dua Sunni Sahihul Aqeeda Musalaman Ke Alawa Kisi Or Ke Liye Karna Jaaiz Nahi. Non Muslim Ko Salam Karna Jaaiz Nahi Or Agar Vo Salam Kare To Jawab Me Sirf Alaikum Kah De.

Jaisa Ki Huzur SadrushShariyah Alaihir Rahma Taherir Farmate Hai,
Kuffar Ko Salam Na Kare, Agar Vo Salam Kareñ To Jawab De Sakta He. Magar Jawab Me Sirf Alaikum Kahe. Agar Aysi Jagah Se Guzar Raha Ho Jahañ Muslim Kafir Donoñ Hai To Assalamu Alaikum Kahe Or Musalamanoñ Par Salam Ka Irada Kare, Or Ye Bhi Ho Sakta He Ki {السلام علی من اتبع الھدیٰ} Kahe.
*📚(Bahare Shariyat, Hissa-16, Safha-78)*

Or Sarkar Aala Hazrat Alaihir Rahma Farmate Hai,
Kafir Ko Be Zaroorat Ibteda'a Bis Salam Najaaiz He, نص علیہ فی الحدیث والفقہ (Hadees Paak Or Fiqh Me Is Ki Tasreeh Maujud He), Or Hindustan Me Vo Tariqe Tahiyyat Jaari Hai Ki Ba Zaroorat Bhi Unheñ Salame Sharai Karne Ki Haajat Nahi, Maslan Yahi Kaafi He Ki Lala Sahab, Babu Sahab, Munshi Sahab, Ya Be Sar Jhukaye Sar Par Haath Rakh Lena Wagairah.. Kafir Agar Be Lafz Salam Salam Kare To Ayse Hi Alfaaze Raaija Jawab Me Bas Hai. Or Balafz Salam Ibteda'a Kare To Aulma Farmate Hai Jawab Me Wa Alaik He Magar Ye Lafz Yahañ Makhsoos Ba Ahle Islam Thahra Huva He. Or Vo Kafir Bhi Use Jawabe Salam Na Samjhega Balki Apne Sath Istehza Khayal Karega To Jis Lafz Se Munasib Jane Jawab Dele Agarche Salam Ke Jawab Me Salam Hi Kah Kar.
*📚(Fatawa Razviya, J-22, S-313)*
Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓14 Sep 2020, 25 Muharram 1442*
📲+9

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Ghar Se Makdi Ke Jaale Saaf Karna Chahiye Ya Nahi ?

*🌹SAWAL:-🌹*
As Salamu Aliakum Sawal-Kya Ghar Main Makdi Ke Jalo'n Ka Hona Buri Alamat Hai ????
Jawab Inayat Farma'e.....

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Gharo Ko Makdi Ke Jaaloñ Se Paak Saaf Rakhna Mustahsan He Or Ye Safaai Or Suthraai Ke Zyada Qareeb He.

Imam Abu Is'haaq Ahmad Bin Muhammad Ibrahim Sa'albi Apni Sanad Ke Sath Riwayat Karte Hai, 

Hazrat Ali Murtuza کَرَّمَاللہ تَعَالٰی وَجْہَہُ الْکَرِیْم Farmate Hai, Apne Gharo Se Makdiyo Ke Jaal Door Karo Kyuñ Ki Unheñ (Gharo Me Laga Huva) Chhod Dena Naadari Ka Baais He Or Faqr (Gurbat Or Tangi) Paida Karta He.
*📚(Al-Kasfu Wal-Bayan, J-7, S-280)*

Isi Tarah,
وَإِنَّ أَوْهَنَ الْبُيُوتِ لَبَيْتُ الْعَنكَبُوتِ
*📚(Surah Ankabut, Aayat-41)*
Ke Tahat Tafsire Madaarik Me Bhi Mazkoorah Riwayat Naql Ki Gai He.

Wallahu Aa'alam Bis-Sawab
*✍🏻Al-Jawab: Maulana Fahim Razvi Mustafai Sahab,*
*_📬Khatibo Imam Noori Masjid Mahudha Gujarat_*
*🗓️12 Sep 2020, 23 Muharram 1442*
*🌹SAWAL-O-JAWAB🌹F.T.S👑grp*
📲+918
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Musalman Engineer Ya Mazdoor Ka Mandir Ka Kaam Karna Kesa ?

*🌹SAWAL:-🌹*
Salaam Hazrat
Mera Muslim Bhai Joki Architect Hai Uska Ye Sawaal Hai Ki Kya
Kisi Kaafir Ka Ghr Bnate Hue
Uske Ghr Me Mandir Bnwane Ko Agr Vo Kahe To Kya
Muslim Architect Mandir Bana Skta Hai Kya?
Rehnumai Farmaye

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Musalman Architect Ya Engineer Ka Ba Garze Ujrat Mandir Banana Ya Uska Naqsha Bana Dene Me Koi Harj Nahi, Isi Tarah Musalman Mazdoor Ka Ujrat Ke Liye Mandir Me Mezdoori Karne Me Bhi Harj Nahi. Or Ghar Me Mandir Ki Jagah Wagairah Bhi Bana Ne Me Harj Nahi, Lekin Agar Isse Bache To Bahetar He, Or Mandir Se Murad Agar Unki Murti Boot He To Iska Banana Najaaizo Haram He.

Jaisa Ki Sarkar Aala Hazrat Alaihir Rahmato Ridwan Taherir Farmate Hai,
Raaj (Yaani Makaan Banane Wala Ya Kaarigar) Ka Girja Ya Shiwala (Mandir) Banana Ya Makaan Randi Ya Zaniya Ko Kiraya Par Dena (Me Mumane'at Nahi).

فی الخانیۃ لوآجر نفسہ یعمل فی الکنیسۃ ویعمر ھالاباس بہ لانہ لامعصیۃ فی عین العمل
Fatawa Qaazi Khan Me He,
Agar Koi Mazdoor Girje Ki Tameer Or Aabadi Ke Liye Kaam Kare To Usme Koi Harj Nahi Kyuñ Ki Nafse Amal Me Koi Gunah Nahi.
*📚(Fatawa Qazi Khan, J-4, S-794)*
*📚(Fatawa Razviya, J-24, S-179)*

Or But (Murti) Banana Ya Kharido Farokht Karna Haram He Jiski Hurmat Hadeese Mubaraka Me He Ki,
عن جابر بن عبد اللہ رضی اللہ عنہما:  انہ  سمع رسول اللہ صلی اللہ علیہ و سلم، یقول عام الفتح وھو بمکة  : ان اللہ و رسولہ  حرم بیع الخمر، و المیتة، والخنزیر، و الاصنام
Hazrat Jabir Bin Abdullah  رَضِیَ اللہُ تَعَالٰی عَنْہما Ne Fateh Makka Ke Saal RasoolAllah ﷺ Ko Farmate Suna Jabki Aap Makka Mukarrama Me The Ki Allah Or Uske Rasool ﷺ Ne Sharab, Murdar, Khinzeer Or Butoñ Ki Kharido Farokht Ko Haram Qarar Diya He.
*📚(Bukhari Shareef, J-1, Hadees-2236)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓13 Sep 2020, 24 Muharram 1442*
📲+918

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Imam Husain Ki Shahadat Sajda E Namaz Me Hui Ya Sajda E Shukr Me

*🌹SAWAL:-🌹*
Salaam Hazrat
Imam E Hussain Ki Shahadat Halat E Namaz (Sajde) Me Hui?
Kehne Wale Ka Kehna Hai Ki Koi Sabit Nhi Kr Skta Ki Imam Hussain Namaz Ke Shajde Me Katl Hue Bs Vo Normal Sajda Tha Namaz Wala Sjda Nhi Tha

Rehnumai Frmaye .

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Saiyedush Shohda Imame Aali Maqam Hazrat Imam Husain RadiAllahu Ta'ala Anhu Or Aapke Sathiyo Ne Zuhar Ki Namaz Ada Ki Baad Me Sakht Ladai Hui, Imam Husain RadiAllahu Anhu Ke Sathi RadiAllahu Anhum Shaheed Hone Ke Baad Aap Khub Zakhmi Ho Kar Ghode Se Niche Aa Gay Or Allah Ki Bargah Me Sajda E Shukr Ada Kiya Or Usi Halat Me Aapki Shahadat Hui.

Jaisa Ki Huzur Faqihe Millat Alaihir Rahma Taherir Farmate Hai,
Har Taraf Se Teer Aa Rahe Hai Or Imame Mazloom Ka Jism Aqdas Teeroñ Ka Nishana Bana Huva He. Tane Naazneen Zakhmoñ Se Choor Or Lahu Luhaan Ho Raha He. Be Wafa Kufyo Ne Jigar Para E Rasool, Farzande Batool Ko Mahmaan Bula Kar Unke Sath Ye Suluk Kiya. Yahañ Tak Ki Zahar Me Bijha Hua Ek Teer Aapki Us Muqaddas Peshani Par Laga Jise Rasoole Akram ﷺ Ne Hazaroñ Baar Chuma Tha. Teer Lagte Hi Chahra E Anwar Par Khoon Ka Dhara Bah Nikla, Aap Gash Kha Kar Ghode Ki Zeen Se Farshe Zameen Par Aa Gaye. Ab Zalimoñ Ne Nezo Se Hamla Kiya, Shaitan Sifat Sinaan Ne Ek Aysa Neza Mara Jo Tane Aqdas Ke Paar Ho Gaya. Teer Or Neza W Shamsheer Ke Bahattar Zakhm Khane Ke Baad Aap Sajde Me Gire Or Allah Ka Shukr Ada Karte Huve Wasile Bahaq Ho Gaye.
*📚(Khutbate Muharram, S-374)*
Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓10 Sep 2020, 21 Muharram 1442*
📲+

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Kya Shardi Se Wuzu Tootta He ? Namaz Me Naak Se Paani Bahe To Kya Kare ?

*🌹SAWAL:-🌹*
اسلام علیکم
Kya Shardi Hone Ki Wajah Se Naakh Mese Pani Nikalna Suru Ho Jata Hai Kabhi Kabhi To Kya Is Surat Me Namaz Padh Sakte Hai Or Kya Ise Wuzu Tut Jayega

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Mujaddide Deeno Millat Sarkar Aala Hazrat Ashshah Imam Ahmad Raza Khan Fazile Barailvy Alaihir Rahma Ne Is Ta'alluq Se Ek Mukammal Risala Likha Ba-naam لمع الاحکام ان لاوضوء من الزکام Yaani "Zukaam Se Wuzu Nahi" , Jiske Andar Aapne Mukammal Tafseel Bayan Ki He Ki Zukam Se Wuzu Nahi Tootta.

Jiske Khulasa Me He Ki Jo Cheez Aadatan Badan Se Baha Karti Ho Or Usse Wuzu Na Jata Ho Jaise Aansu, Paseena, Doodh, Balgam, Naak Ki Rezish Agarche Kitni Hi Kasrat Se Nikle Naaqize Wuzu Nahi Agarche Uski Kasrat Bajaye Khud Ek Marz Gini Jati Ho.

Mukammal Tafsil Ke Liye Dekhye *📚(Fatawa Razviya, J-1, S-347-366)*

Isi Tarah Sarkar SadrushShariyah Alaihir Rahmato Ridwan Taherir Farmate Hai,

Balgami Ratoobat Naak Ya Munh Se Nikle Najis Nahi Agarche Pet Se Chade Agarche Bimari Se Ho.
*📚(Bahare Shariyat Application, J-2, S-112)*

Or Agar Halate Namaz Me Naak Se Paani Bahe To Use Niche Girne Se Bahetar He Pochhle. Or Agar Masjid Me Ho To Zaroori He Ki Niche Girne Na De..

Namaz Me Naak Se Paani Baha Is Ko Punchh Lena, Zameen Pad Girne Se Bahetar He Or Agar Masjid Me He To Zaroori He.
*📚(Bahare Shariyat Application, H-3, S-214)*

Or Farmate He,
Masjid Ki Diwaro Or Chataiyoñ Par Ya Chataiyoñ Ke Niche Thukna Or Naak Sinkna Mamnoo'a He Or Chataiyoñ Ke Niche Dalna Upar Dalne Se Zyada Bura He Or Agar Naak Sinkne Ya Thukne Ki Zaroorat Hi Pad Jaye To Kapde Me Lele.
*📚(Bahare Shariyat Application, H-3, S-214)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓9 Sep 2020, 20 Muharram 1442*
📲+9184

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

English Me Salam MashaAllah SubhanAllah Wagairah Likhna Kesa ?

SAWAL:-🌹*
اسلام علیکم
Kya English Me Assalamu Alaikum, Subhanallah, Masha Allah, Inshaallah, Alhamdulilllah Likh Sakte Hai Kya Mujhe Kisine Kaha Ke Is  Tarha Nhi Likh Sakte Jawab Irshad Farmaye

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
English Me Assalamu Alaikum, SubhanAllah, MashaAllah, InshaAllah Wagairah Likhna Jaaiz He, Koi Harj Nahi, Magar Urdu Ya Arbi Me Likhna Bahetar He.

Jaisa Ki Sarkar Tajushshariya Alaihir Rahmato Ridwan Farmate He,
English Mein Iss Tarha Spelling Mien AsSalamu Alaikum, JazakALLAH Ya In Sha Allah Likh Saktay Hain.

Http://jamiaturraza.com/session/30Oct11/23.mp3*🌹
Http://jamiaturraza.com/session/30Oct11/23.mp3

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓9 Sep 2020, 20 Muharram 1442*
📲+918

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Kya Huzur ﷺ Ne Farmaya Hazrat Umar Or Abu Bakar Qayamat Me Mere Sath Hoge Ek Riwayat ?

*🌹SAWAL:-🌹*
Ek Bayan Me He, Huzur ﷺ Masjid Se Tashrif La Rahe The Dayeñ Hath Me Hazrate Umar Ka Hath Or Bayeñ Hath Me Hazrat Abu Bakar Ka Hath Huzur ﷺ Ne Farmaya Qayamat Ke Din Ham Isi Tarah Uthenge.

Is Hadees Ki Daleel Chahiye.

*🌹JAWAB:-🌹*
اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

Isi Tarah Hadees Shareef Me He,
Hazrat Abdullah Bin Umar Bayan Karte Hai, Ek Din Nabi  ﷺ Ghar Se Bahar Nikle Or Masjid Me Dakhil Huve Or Hazrat Abu Bakar Or Hazrat Umar Me Se Ek Aap Ki Daayeñ Taraf The Or Dusre Baayeñ Taraf The Or Aap Un Donoñ Ke Hath Pakde Huve The, Aapne  Farmaya, Ham Qayamat Ke Din Isi Tarah Uthaye Jayeñ Ge.
*📚(Tirmizi Shareef, Hadees-3669)*

Isi Ke Misl Dusri Ahadise Kareema Me He,

Hazrat Abdullah Ibne Umar RadiAllahu Ta'ala Anhuma Se Riwayat He,
Beshak RasoolAllah ﷺ Ne Irshad Farmaya: Sab Se Pahle Apni Qabar Se Me Uthuñga Fir Abu Bakar Or Fir Umar. Phir Ham Ikaththe Jannatul Baqee'a Ki Taraf Jayeñge Or Ahle Baqee'a Hamare Sath Shamil Hoñge Phir Me Ahle Makka Ka Intezar Karuñga Or Vo Mujh Se Aa Mileñge Or Phir Ham Harmain Ke Maabayn Uthaye Jayeñge.
*📚(Jame'a Al-Tirmizi, J-10, S-194, Hadees-3847)*

Hazrat Ibne Umar RadiAllahu Anhuma Se Riwayat He, Beshak RasoolAllah ﷺ Ne Farmaya, Me Abu Bakar Or Umar Is Tarah Mahshar Ki Taraf Nikleñge. (Or Aap  ﷺ Ne Chhungli Ke Alawa Tino Ungliyoñ Ko Bahar Nikala) Or Ham Logoñ Me Numaya Hoñge. (Ise Hakeem Tirmizi Ne Riwayat Kiya)*
*📚(Nawadirul Usool, J-1, S-166)*
*📚(Ibne Asaakir, J-30, S-214)*
*📚(Kanzul Ummal, Hadees-32697)*

Hazrat Abdullah Bin Umar RadiAllahu Anhu Se Riwayat He, Beshak RasoolAllah ﷺ Ne Irshad Farmaya, Qayamat Ke Din Me Abu Bakar W Umar (RadiAllahu Anhuma) Ke Maabayn Uthuñga, Hatta Ki Harmain Ke Darmiyan Thahruñga Or Ahle Madeena W Ahle Makka Mujhse Aa Mile. (Ise Ibne Asaakir Ne Riwayat Kiya)
*📚(Jame'a Al-Tirmizi, Manaqibe Umar, Hadees-3625)*
*📚(Kanzul Ummal, Hadees-32698)*
*📚(Meezanul Aitedal, J-2, S-389)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓7 Sep 2020, 18 Muharram 1442*
📲+918

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Baitul Mamoor Kya He Kaha He Or Uska Tawaf Kon Karta He ?

*🌹SAWAL:-🌹*
ASSALAMUALAIKUM
Baitul Mamur Hai Kia Aur Kaha Par Hai ?? Aur Kon Uska Tawaf Krte Hai ??

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Baytul Ma'amoor Ka Zikr Qura'an Majeed Me Aaya He,

وَالْبَيْتِ الْمَعْمُورِ
Or Baytil Ma'amoor (ki Qasam)
*📚(Surah Toor, Aayat4)*

Baytul Ma'amoor Satveñ Aasman Me Arsh Ke Samne Kaaba Shareef Ke Bilkul Upar He. Aasmanoñ Me Iski Hurmat Ayse Hi He Jaise Zameen Par Kaaba Mu'azzama Ki Hurmat He. Ye Aasman Waloñ Ka Qibla He Or Har Roz Sattar Hazar (70000) Farishte Isme Tawaf Or Namaz Ke Liye Hazir Hote Hai, Phir Kabhi Unheñ Wapas Yahañ Aane Ka Mauqah Nahi Milta Balki Har Roz Naye Sattar Hazar Farishte Hazir Hote Hai.
*📚(Tafsire Khazin)*

Hadeese Me'araj Me Sehat Ke Sath Sabit He Ki Tajdare Risalat ﷺ Ne Me'araj Ki Raat 7ve Aasman Me Baytul Ma'amoor Ko Mulahiza Farmaya Tha, Chunanche Sahih Bukhari Or Sahih Muslim Me He, Saiyedul Mursaleen ﷺ Ne Irshad Farmaya: Phir Mere Liye Baytul Ma'amoor Zahir Farmaya Gaya, Mene Jibrail Alaihis Salam Se Puchha To Unhone Jawab Diya: Ye Baytul Ma'amoor He, Isme Rozana Sattar Hazar (70000) Farishte Namaz Padhte Hai, Jab Vo Padh Kar Nikal Jate Hai To Unki Phir Kabhi Baari Nahi Aati.
*📚(Bukhari, Baab Zikrul Malaaik, J-2, S-380, Hadeea-3207)*
*📚(Muslim, Kitabul Iman, Baabul Asra'a Ba Rasool  ﷺ..., S-101, Hadees-264)*

Wallahu Aa'alam Bis-Sawab
*✍🏻Al-Jawab: Maulana Fahim Razvi Mustafai Sahab,*
*_📬Khatibo Imam Noori Masjid Mahudha Gujarat_*
*🗓️5 Sep 2020, 16 Muharram 1442*
*🌹SAWAL-O-JAWAB🌹F.T.S👑grp*
📲+91
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

'Chinta Mat Kar Nipat Luga' Allah Ki Bargah Me Chand Ashaar Ka Hukm

*🌹SAWAL:-🌹*
AssalamuAlaikum Hazrat
Ek Video Me Ye Alfaz He Ki  "Jab Aapko Zindagi Me Koi Samasya Na Ho Yo Gutno Ke Bal Beth Jana Or Upar Dekh Kar Bolna Bharosa Khatam Ho Gaya Kya ? Agar Nahi To Samasya Bhej Nipat Luga, Chinta Mat Kar"

Kya Is Tarah Ke Alfaz Allah Ki Shan Me Kehne Waley Par Koi Giraft Hogi Aur Jo Apne Whatsapp Status Par Is Ke Alfaz Waley Video Rakhta Hai Us Par Kya Hukum Hoga'???    Hazrat Jawab Inayat Farmayiye Maherbani Hogi

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Ma'azallah Ma'azallahi Rabbil Aalameen, Ye Alfaz Rab Tabarak W Ta'ala Ki Bargah Me Nihayat Hi Be Waqoofi Or Jurrat Bhare He, Ayse Alfaz Allah Tabarak W Ta'ala Ki Bargah Me Hargiz Hargiz Istemal Nahi Karne Chahiye.

Agar Hamari Zindagi Me Koi Khushi Aati He Ya Koi Dukh Hota He To Vo Sab Kuchh Rab Tabarak W Ta'ala Ki Taraf Se Hi Hota He, Or Fir Agar Khushiya Aaye To Vo Bhi Rab Tabarak W Ta'ala Ki Taraf Se He, Fir Aage Se Rab Tabarak W Ta'ala Ki Bargah Me Samasya Mangna Taklife Mangna Yaqeenan Ye Jahalat He.

 Or Fir Allah Tabarak W Ta'ala Ki Bargah Me Ye Jur'at Karna Ki 'bharosa Khatam Ho Gaya' Yaqeenan Ye Jahil Ki Boli He, Ye Jahil Hi Bol Sakta He. Or Uske Baad Ye Lafz Istemal Karna "chinta Mat Kar"  Yaqeenan Allah Tabarak W Ta'ala Ko Hamari Kya Parwah ? Allah Ta'ala To Be Niyaaz He, Balki Ham Uske Mohtaaj He, Ayse Alfaz Istemal Karna Ki "chinta Mat Kar Nipat Lege" Ye Bewaqoofi Bhare, Jahalat Se Bhare Alfaz He, Ayse Alfaz Allah Tabarak W Ta'ala Ki Bargah Me Istemal Karna Najaaizo Haram He. Aysa Shakhs Taubah Kare..

Wallahu Aa'alam Bis-Sawab
*_🎙 Al-Jawab:- Hazrat Allama Mufti Taufiq Raza Sahab Misbahi_*
*📬Tadriso Ifta Darul Uloom Qadriyah Razviyah, Petlad*
*🗓️4 Sep 2020, 15 Muharram 1442*
*🌹SAWAL-O-JAWAB🌹F.T.S👑grp*
📲+91
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Gair Muslim Ladki Islam Qubool Karle To Usse Nikah Karna Kesa

*🌹SAWAL:-🌹*
Hazrat Mera Sawal Ye He Ki Agar Ladka Hindu Ladki Se Muhabbat Karta He, Or Vo Usse Shadi Karna Chahta He To Kya Usse Shadi Ho Jayegi, Or Vo Ladki Islam Qubool Karne Ko Tayyar He Usse Shadi Karne Ke Liye ?

*🌹JAWAB:-🌹*
Agar Vo Ladki Sachche Dil Se Islam Qubool Kar Leti He To Vo Muslim Ladka Usse Shadi Kar Sakta He.

Jaisa Ki Qura'an Majeed Me Rab Tabarak W Ta'ala Ka Irshad He,
وَلَا تَنكِحُوا الْمُشْرِكَاتِ حَتَّىٰ يُؤْمِنَّ
Or Shirk Waali Aurtoñ Se Nikah Na Karo Jab Tak Musalman Na Ho Jayeñ.
*📚(Surah Baqrah, Aayat-221)*

Isi Tarah Huzur Faqihe Millat Alaihir Rahma Farmate Hai,
Kafira Aurat Ko Musalman Karke Usse Nikah Karna Jaaiz He. Kafira Ko Kufr Se Taubah Kara Ke Fauran Kalma E Tayyabah Padhaya Jaye.
*📚(Fatawa Faizur Rasool, J-1, S-608)*

Wallahu Aa'alam Bis-Sawab
*🎙Al-Jawab:- Hazrat Mufti Gulzare Nabi Khan Razvi Naeemi Sahab Qibla*
*_📬idara Sharaiyah W Samaji Khidmat, Aala Hazrat Masjid NavaYard Vadodara, Gujarat_*
*🗓️2 Sep 2010, 13 Muharram 1442*
*🌹SAWAL-O-JAWAB🌹F.T.S👑grp*
📲+918
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Sote Waqt Jo Muh Se Raal Nikle Paak He

*🌹SAWAL:-🌹*
AssalamuAlaykum Hazrat
Kya Sote Waqt Ki RAAL Pak Hoti He ?

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Huzur SadrushShariyah Alaihir Rahma Taherir Farmate Hai,
Sote Me Raal Jo Munh Se Gire, Agarche Pet Se Aaye, Agarche Badboodaar Ho, Paak He.
*📚(Durre Mukhtar, J-1, Kitabut Taharat, J-1, S-290)*
*📚(Bahare Shariyat, H-2, Mutafarriq Masail)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓3 Sep 2020, 14 Muharram 1441*
📲+91

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Bagair Dadhi Wala Iqaamat Kahe To Namaz Ka Hukm

*🌹SAWAL:-🌹*
Salam Hazart Bina Dadi Wala Shks Taqbeer De To Namaz Ho Jayegi !? Jabki Dusra Dadi Wala Shakhs Waha Mojud Ho ?

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Dadhi Mundane Wala Ya Ek Musht Se Kam Rakhne Wala Shakhs Fasiq He, Uski Azan Or Iqaamat Dono Makrooh He. Fasiq Ki Azan Ka Ae'aada Karna Bahetar Or Iqaamat Me Ae'aada Ki Hajat Nahi. Namaz Ho Jayegi. Magar Azan Or Iqaamat Ba Shara'a Shakhs Se Hi Karai Jaye.

Jaisa Ki Fatawa Baraily Shareef Me He,
Fasiqe Muallin Ki Azan Makrooh He Ae'aada Kiya Jaye Agar Fitna W Fasaad Ka Andesha Na Ho Or Iqaamat Ki Takrar Mashrooa Nahi Lihaza Iqaamat Dubara Na Kaheñ.
Durre Mukhtar Me He,
(لااقمة) لمشروعة تكراره في الجمعة دون تكرارها.
*📚Fatawa Baraily Shareef, S-68*

Isi Tarah Se *📚(Bahare Shariyat, J-1, H-3, S-466 Or S-471, Maktabul Madina)* Par Bhi He..

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓1 Sep 2020, 12 Muharram 1442*
📲+9184

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Jamat Tarq Karne Wale Imam Ke Pichhe Namaz Ka Hukm

*🌹SAWAL:-🌹*
اسلام علیکم
Kya Koi Aalim E Din Masjid Me Namaz Nhi Padhta Or Ghar Padta Hai To Kya Uske Piche Hamari Namaz Hogi. Hawale Ke Sath Jawab Irshad Farmaye

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Bila Azre Sharai Ya Majboori Vo Imam Jama'at Ek Baar Bhi Jama'at Tark Karta He To Vo Gunahgar Or Mustahiqe Saza He Or Kai Baar Tark Karne Ka Aadi Ho To Vo Fasiq Mardoodush Shahadah He, Usko Imam Banana Gunah Or Uske Pichhe Padhi Gai Namaz Makroohe Tahreemi Wajibul Ae'aada Hogi.

Jaisa Ki Ek Sawal Ke Jawab Me Fatawa Faqihe Millat Me He,

Bila Azre Sharai Ek Baar Bhi Jama'at Chhodne Wala Gunahgar Or Saza Ka Mustahiq He Or Kai Baar Tark Kare To Fasiq Mardoodush Shadah He.
Aysa Hi *📚(Raddul Muhtar, J-1, S-552, Or 📚 Bahare Shariyat, H-3, S-111)* Me He.

Lihaza Zaid Agar Bila Azre Sharai Umooman Jama'at Se Namaz Nahi Padhta To Vo Fasiq W Mardoodush Shahadah He Uske Pichhe Namaz Makroohe Tahreemi Wajibul Ae'aada He. Or Agar Koi Dusra Laaiqe Imamate Jumuah Ki Sahih Namaz Padha Sakta Ho To Jumuah Ki Namaz Bhi Uske Pichhe Padhna Jaaiz Nahi.

Albatta Agar Jumuah Padhaane Ke Liye Koi Dusra Imam Na Mile To Dusri Masjid Me Jumuah Padhe Or Agar Dusri Masjid Me Bhi Koi Imam Laaiqe Imamat Na Mile To Zaid Ke Pichhe Badarja Majboori Jumuah Padhne Ki Ijazat He.
Aysa Hi *📚(Fatawa Razviya, J-3, S-209)* Me He

Or Hazrat Allama Shaami Alaihir Rahma Taherir Farmate Hai,
الفاسق قد عللوا کراھۃ تقدیمہ بانہ لایھتم لامردینہ وبان فی تقدیمہ للامامۃ تعظیمہ وقد وجب علیھم اھانۃ شرعا ولا یخفی انہ اذاکان اعلم من غیرہ لاتزول العلۃ تکرہ امامۃ بکل حال مشی فی شرح المنیۃ علی ان کراھۃ تقدیمہ کراھۃ تحریم "اھ ملخصا
*📚(Raddul Muhtar, J-1, S-560)*
*Ba Hawala: 📚(Fatawa Faqihe Millat, J-1, S-140)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓1 Sep 2020, 12 Muharram 1442*
📲+91

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Imam Bada Par Fatiha Dena Kesa ?

*🌹SAWAL:-🌹*
Asslamo Alykum Sawal Y H Ki Aajkal Dekhne Ko Milta H Ki Ladkiya  Imambada Pe Ja Kar Fatiha Karwati H Shirni Wagairah To Kya Ladkiyo Ka Wha Jana Sahi Hai Jawab Inayat Farmaye.

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Imaam Bada Ya Chok Par Ja Kar Taziya Par Fatiha Wagairah Karna Mard Aurat Kisi Ko Jaiz Nahi, Or Aurtoñ Ka Be Pardagi Se Jana Badarja Awla Najaizo Haram Gunah Ka Kaam He.

Sarkar Aala Hazrat Alaihir Rahmato Ridwan Taherir Farmate Hai,
Masnooee Karbala Ko Jana, Aurtoñ Ka Taziye Dekhne Ko Nikalna, Ye Sab Baateñ Haram W Gunah W Najaaiz W Mana'a Hai. Fatiha Jaaiz He Roti Shirni Sharbat Jis Cheez Par Ho, Magar Taziya Par Rakh Kar Ya Uske Samne Hona Jahalat He Or Us Par Charhane Ke Sabab Tabarruk Samajhna Himaqat He Haañ Taziya Se Juda Jo Khalis Sachchi Niyyat Se Hazraate Shohda E Kiram RadiAllahu Anhum Ki Niyaz Ho Vo Zaroor Tabarruk He.
*📚(Fatawa Razviya, J-24, S-498, Raza Foundation)*

Or Huzur Bahrul Uloom Alaihir Rahma Farmate Hai,
Chok Or Taziya Daari Ye Sab Najaaiz He Is Liye Wahañ Fatiha Dena Najaaiz He Shohda E Karbala Ridwanallahu Ajmaeen Ki Fatiha Ghar Me Paak W Saaf Jagah Dena Chahiye.
*📚(Fatawa Bahrul Uloom, J-5, S-446)*

Isi Tarah Huzur Faqihe Millat Alaihir Rahma Farmate Hai,
Chok Par Ya Taziya Ke Samne Shirni Wagairah Rakh Kar Fatiha Karna Jaaiz Nahi.
*📚(Fatawa Faizur Rasool, J-2, S-524)*
Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓27 Aug 2020, 7 Muharram 1442*
📲+9184

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Gair Muslim Ko Kiraye Pe Makan Dena Kesa Jis Me Vo Kufr Kare

*🌹SAWAL:-🌹*
Assalam O Alaikum
Zaid Apna Makan Kiraye Par Dena Chahta Hai Gair Muslim Ko Ab Gair Muslim Ghar Me Ayega To Puja Wagarah Bhi Karega To Kiya Wo Apna Makan Kiraye Par Gair Muslim Ko De Sakta Hai
Rahnumai Farmaye

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Musalman Ne Gair Muslim Kafir Wagairah Ko Makan Rahne Ki Niyyat Se Kiraye Par Diya He To Fir Musalman Par Koi Hukm Nahi Kafir Usme Pooja Ya Kufr Kare Ya Kuchh Bhi Kare. Lekin Agar Koi Musalman Kafiro Ko Makan Dene Se Parhez Kare To Bahetar Warna Kafir Ko Rahne Ke Liye Diye Makan Me Kafir Kuch Bhi Kare Uska Wabal Makan Malik Par Na Hoga.

Isi Tarah Ke Ek Sawal Ke Jawab Me Sarkar Mufti Aazame Hind Alaihir Rahmato Ridwan Taherir Farmate Hai,
Kuffar W Fussaqo Fujjar Makan Kiraya Par Lete Hai Us Me Boodobaash (Rahte He) Karte Hai. Kafir Us Me Kufr Karta He Pooja Paat Karta He Kalimate Kufr Bakta He Fussaq W Fujjar Sharab Peete Hai Banate Hai Bechte Hai Zina Gina Hota He Is Sab Ka Wabal Un Par He, Makan Wale Par Iska Ilzam Nahi Hoga Ki Usne Makan Is Liye Nahi Diya He Ki Kafir Usme Kufr Kare Or Faasiq W Faajir Usme Fisqo Fujoor.
*📚(Fatawa Mustafiya, S-269)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓️27 Aug 2020, 7 Muharram 1442*
📲+918

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Hazrat Umar Ko Murade Rasool ﷺ Kahna

*🌹SAWAL:-🌹*
اَلسَلامُ عَلَيْكُم وَرَحْمَةُ اَللهِ وَبَرَكاتُهُ
 Kya Ye Post Durust He ?
Tamam Sahaba RadiAllahu Anhu Mere Nabi  ﷺ Ke Mureed He Lekin Hazrat Umar Bin Khattab RadiAllahu Anhu Mere Nabi  ﷺ Ki Muraad Hai.

*🌹JAWAB:-🌹*
بسم اللہ الرحمن الرحیم
 الجواب
وعلیکم السلام علیکم و رحمۃ اللہ و برکاتہ
Yuñ To Tamam Hazrat E  Sahaba E Kiram رضوان اللہ تعالی علیھم اجمعین Hamare Aaqa Huzoorﷺke Mureed Hai Is Me  Hazrat E Umar Farooq E Aazam  رضی اللہ تعالی عنہ Bhi Shamil Hai ...ha Hazrat E Umar Ke Bare Me Hamare Aaqa Huzoor ﷺ ne Khas Dua Farmayi Thi Voh Ye K
اعزالاسلام باحدالرجلین اما ابن ہشام واماعمر بن الخطاب..
Ya Alllah Islam Ko Abu Jahal Ya Umar Bin Khattab Se Moazzaz Farma.
*📚(Jame'a Tirmizi)*

Aur Tibrani Ki Rivayat Hai :-
اَ لّٰھُمَّ اَعِزَّ الاِسلاَمِ بِاَحَبِّ الَّجُلَینِ اِلَیکَ بعمر بن الخطاب اَو بِاَبِی جہل بن ہشام
Yani Islam Ko In Dono Me Jo Tera Mahboob Hai Kisi Ek Se Izzat Ata Farma...
Isi Vajah Se Hazrat E Umar Ko Murad E Rasul ﷺ Bhi Kehte Hai...
Aur Isi Taraf Sarkar Aala Hazrat قدس سرہ Ne Ishara Farmaya :-
جلو میں اجابت خواصی میں رحمت
بڑھی کس تزک سے دعائے محمد

اجابت نے جھک کر گلے سے لگایا
بڑھی ناز سے جب دعائے محمد

اجابت کا سہرا عنایت کا جوڑا
دلہن بن کے نکلی دعائے محمد
Alhasil Jo Bat Post Me Likhi Hai Durust Hai.
 ھذا ما ظھر لی و اللہ تعالی اعلم بالصواب
*_✍🏻 Al-Jawab:- Hazrat Allama Mufti Taufiq Raza Sahab Misbahi_*
*📬Tadriso Ifta Darul Uloom Qadriyah Razviyah, Petlad*
*🗓️19 Aug 2020, 28 Zilhijja 1441*

*🌹SAWAL-O-JAWAB🌹F.T.S👑grp*
📲+918487928693
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Masjid Me Namaze Janaza Padhna Kesa?

*🌹SAWAL:-🌹*
Hazrat Masjid Me Namaze Janaza Padna Kisa He Tafseel Ke Sath Jawab Inyat Farmaye

*🌹JAWAB:-🌹*
اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎
Masjid Me Namaze Janaza Padhna Makroohe Tahrimi, Najaaizo Gunah He.

Hidaya Me He,
لایصلی علٰی میت فی مسجدجماعۃ لقول النبی صلی اللہ تعالی علیہ وسلم من صلی علٰی جنازۃ فی المسجد فلااجرلہ ولانہ بنی لاداء المکتوب ولانہ یحتمل تلویث المسجد و فیہا اذاکان المیت خارج المسجد اختلف المشائخ
Yaani Masjide Jama'at Me Kisi Mayyat Ki Namaze Janaza Na Padhi Jayegi Is Liye Ki Nabi  ﷺ Ka Irshad He: Jisne Masjid Me Namaze Janaza Padhi Uske Liye Ajr Nahi. Or Is Liye Ki Masjid Farz Namazoñ Ki Adaayegi Ke Liye Bani He. Or Is Liye Isme Masjid Ki Aaloodgi Ka Ehtemaal He. Or Hidaya Me He: Jab Mayyat Masjid Ke Bahar Ho To Isme Mashaaikh Ka Ikhtelaf He.
*📚(Hidaya Fasl Fees Salaat Alal Mayyat, Matbooah Maktabul Arbiyah Karachi, J-1, S-161)*
Ba Hawala: *📚(Fatawa Razviya Jadeed, J-9, S-258)*

Or Huzur Aala Hazrat Alaihir Rahma Ek Jagah Irshad Farmate Hai,

Janaza Masjid Me Rakh Kar Us Par Namaz Mazhabe Hanfi Me Makroohe Tahreemi He,

Tanweerul Absaar Me He,
کرھت تحریما فی مسجد جماعۃ ھی فیہ واختلف فی الخارجۃ والمختارالکراھۃ
Masjide Jama'at Me Namaze Janaza Makroohe Tahrimi He Jab Ki Janaza Masjid Ke Andar Ho, Or Agar Bahar He To Is Baare Me Ikhtelaf He, Mukhtar Ye He Makrooh He.
*📚(Durre Mukhtar Baab Salaatul Janaaiz, Matbooah Matba E Mujtabaai Dehli, J-1, S-123)*

Namaze Janaza Bahut Halki Or Jald Hone Wali Cheez He Itni Der Dhoop Ki Takleef Aysi Nahi Ki Uske Liye Makroohe Tahreemi Gawara Kiya Jaye Or Masjid Ki Behurmati Rawa Rakheñ. Rahi Namaz, Vo Ada Ho Jayegi, Farz Utar Jayega Or Mukhalifate Hukm Ka Gunah Or Nafse Namaz Ka Sawab Allah Azwajal Ke Haath, Jaise Koi Magsoob Zameen Me Namaze Panjgana Padhe.
*📚(Fatawa Razviya Jadeed, J-9, S-259)*

Or Huzur SadrushShariyah Alaihir Rahma Taherir Farmate Hai,
Masjid Me Namaze Janaza Mutlaqan Makroohe Tahreemi He, Khwañ Mayyat Masjid Ke Andar Ho Ya Bahar, Sab Namazi Masjid Me Hoñ Ya Ba'az, Ki Hadees Me Namaze Janaza Masjid Me Padhne Ki Mumane'at Aai.
*📚(Bahare Shariyat Application, J-4, S-190)*

Lihaza Masjid Me Namaze Janaza Padhna Jaaiz Nahi Makroohe Tahrimi Or Gunah He. Mazeed Tafseel Ke Kiye Fatawa Razviya Jadeed Jild 9 Ka Muta'ala Farmaye..

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓13 Aug 2020, 22 Zilhijja 1441*
📲+918487928693

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Awam Ko Ahle Bayt Ya Sahaba Ki Taraf Khata E Ijtehadi Ki Nisbat Karna Kesa ?

*🌹SAWAL:-🌹*
Salaam Hazrat

Abhi Ke Mahol Ko Dekhte Hue
Awaam Me Kuch Log Keh Rahe Hai Fala Shksiyat Khata Pr Thi Fala Khata Pr Tha Me Nabi Ki Khata Bhi Sabit Kr Skta Hu... Etc

To Hazrat Ese Awam Hi Age Bole Ke Nabi Bhi Khata Krte Hai Ijtihadi To Kya Ye Sahi Hai

Awaam Ko Ye Haq Hasil Hai Ki Vo Ahly Bait, Sahaba, Our Ambiya Ki Taraf Khata Ki Nisbat Kre?  Chahe Vo Ijtihadi Ho Ya Kuch Our.

Hazrat Awam Ka Esa Krna Kesa Hai Plz Rehnumai Farmaye

*🌹JAWAB:-🌹*
بِسمِ اللّٰہِ الرَّحمٰنِ الرحیم
Aqaaide Ahle Sunnat Ka Ilm Har Sunni Ko Hona Chahiye, Or Ijtehadi Khata Ka Mas'ala Bhi Aqaaid Hi Se Ta'alluq Rakhta He,

Lekin Ye Baat Yaad Rakheñ Ki Ijtehadi Khata Mo'asiyat W Gunah Hargiz Nahiñ Balki Mujtahid Ko Is Par Sawab Milta He. Kyuñ Ki Ijtehadi Khata Me Mujtahid Ka Qasd Hargiz Gunah Karna Nahiñ Hota Balki Daleele Sharaee Ki Roshni Mai Mujtahid Apni Ek Qissa Or Samajh Ko Bayan Karta He. Agar Vo Durust Nahiñ Hoti To Usko Ijtehadi Khata Kahte Hai.

Misaal: Abul Bashar Hazrat Aadam Ala Nabiyyina W Alaihis Salam Ne Shajare Mamnoo'ah Se Kha Liya Tha Ye Aapki Ijtehadi Khata Thi Jis Me Allah Ke Hukm Ki Na Farmani Ka Qat'an Qasd W Iradah Nahiñ Tha Isi Liye Allah Ta'ala Ne Aapki Is Ijtehadi Lagzish Ke Bare Me Yuñ Irshad Farmaya,
وَلَقَدْ عَهِدْنَا إِلَىٰ آدَمَ مِن قَبْلُ فَنَسِيَ وَلَمْ نَجِدْ لَهُ عَزْمًا
Tarjamah: Or Beshak Hamne Aadam Ko Isse Pahle Takeedi Hukm Diya Tha Vo Bhul Gaya Or Hamne Uska Qasd (irada) Na Paya.
*(📚Kanzul Imaan, Surah Taha, Aayat-115)*

Yaani Allah Ta'ala Ne Hazrat Aadam Ko Takeed Ke Sath Hukm Diya Tha Ki Us Darakht Ke Qareeb Na Jana Magar Aapne Ijtehadi Taur Se Ye Samjha Ki Ye Mana'a Tahreemi Nahiñ Tanzeehi He. Isme Aapka Allah Ki Nafarmani Ka Bilkul Bhi Irada Nahiñ Tha Or Na Ho Sakta He Ki Tamam Ambiya Gunahe Sageera W Kabeera Se Ma'asoom Hote Hai.

Ye To Khata E Ijtehadi Ka Mukhtasar Mafhoom Tha Ab Rahi Baat Sawal Ki To Ye Achchi Tarah Samajh Lijye Ki Allah Ke Mahboob Bande Ambiya, Ahle Bayt, Sahaba, Awliya Allah Ye Sab Ke Sab Allah Ki Bargah Me Badi Shaan Wale Hai Hameñ Koi Haq Hargiz Nahiñ Ki Unki Shaane Aqdas Meñ Koi Na Zeba Baat Kaheñ Agarche Ijtehaadi Khata Ki Bahas Hi Mai Kyuñ Na Ho.. Hargiz Durust Nahiñ. Kahañ Vo Ma'asoom W Mahfooz Shakhsiyateñ Or Kahañ Ham Jaise Badkaar Gunahgar.

Lihaza Awam To Door Aulma Ko Bhi Ayse Masaail Mai Khub Achcha Mutalaa Karke Apne Aslaaf Ke Haq Mauqif Hi Ko Bayan Kare Khud Apni Taraf Se Na Ghataye Badhaye. Isi Me Aafiyat He.. Or Rahi Awam To Pahle Awam Ko Is Qism Ke Masaail Me Ulajhna Hi Na Chahiye Balki Aulma E Haq Ke Irshadat Par Amal Kareñ Or Ayse Masaail Me Unse Puchheñ Or Unki Baatoñ Par Amal Kareñ.

Wallahu Aa'alam Bis-Sawab
*✍🏻Al-Jawab: Hazrat Allama Hafiz Taufiq Raza Khan Misbahi Sahab Qibla*
*_📬Qazi E Petlad W Darso Tadris Darul Uloom Mustafiya, Haldarwa Gujarat_*
*🗓️9 Aug 2020, 18 Zilhijja 1441*

*🌹SAWAL-O-JAWAB🌹F.T.S👑grp*
📲+9
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Ham Ajmi He Bagair Tajweed Ke Quraan Padh Sakte He Kahna Kesa

*🌹SAWAL:-🌹*
Assalamu Alykum Hazrat

Agr Koi Shaks Yeh Kahe Ke *ke Quran Ko Tajweed Se Parhna Zruri Nahi He Hm To Ajmi Log He Islam Me To Asani He  Shariyat Ne To Hme  Chhoot De Rakhi He*

👆🏻 Ese Shaks Ko Kya Jawab Diya Jaye Ba-Daleel Jawab Inayat Farmaye

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Aysa Kahne Wala Shakhs Sakht Gunahgar He Us Par Lazim He Ki Fauran Taubah Kare, Or Agar Mutlaqan Tajweed Sikhne Ya janne Ko Naahaq Bataya To Kufr He.

Jaisa Ki Sarkar Aala Hazrat Alaihir Rahmato Ridwan Taherir Farmate Hai,
Tajweed Banasse Qataee Qura'an W Akhbaare Mutwaatira Saiyedul Inso Jaan Alaihi W Ala Aala Afzalus Salaat Wa Salaam W Ijama E Taam Sahaba W Taba'aeen W Saair A'imma E Kiram Alaihimur Ridwanul Mustadaam Haq W Wajib Or Ilme Deen Shara'a Ilahi He,

Allah Ta'ala Ka Ka Farman He,
ورتَّلِ القرآن ترتیلا
Or Qura'an Ko Khub Thahar Thahar Kar Padho

Use Mutlaqan Naahaq Batana Kalma E Kufr He Wal Ayazo Billahi Ta'ala. Haañ Jo Apni Nawaqifi Se Kisi Qa'ade Par Inkar Kare Vo Uska Jahal He Use Aagah W Mutnabeh Karna Chahiye.
*📚(Fatawa Razviya Mutarjim, J-6, S-323)*

Or Farmate Hai,
Itni Tajweed (sikhna) Ki Har Harf Dusre Harf Se Sahih Mumtaz Ho Farze Ayn He. Bagair Iske Namaz Qata'an Batil He..
*📚(Fatawa Razviya, J-3, S-253)*

Farze Ayn Vo Farz He Jiska Ada Karna Har Aaqil Balig Par Is Tarah Laazim W Zaroori Ho Ki Ek Ke Karne Se Dusre Ke Zimma Se Saaqit Na Hoga Jaise Namaz Roza Farze Ayn Hai, Uska Karna Zaroori, Bila Kisi Azr Ke Chhodne Wala Fasiq Or Jahannami Or Uska Inkar Karne Wala Kafir He.

Or Sarkar Aala Hazrat Alaihir Rahma Farmate Hai,
Aham Cheezon Me Se Tajweede Qura'an Sikhna Bhi He Or Tajweed Huroof Ko Unke Huqooq Dena Or Unko Unke Asl Or Makhraj Ki Taraf Lautana He, Or Isme Koi Shak Nahi Jis Tarah Ummate Muslima Ma'ani  Qura'an Ke Faham Or Uski Hudood Ke Qayaam Ko Ibadat Jante Hai Isi Tarah Uske Alfaz Ki Tasheeh Or Uske Huroof Ki Us Sifate Jawaima Qura'a Se Manqool He Pur Adaeegi Ko Bhi Ibadat Jante Hai Or Un Qura'a Ki Qira'at Ka Silsila Nabi E Akram ﷺ Tak Pahunchta He, Or Aulma Ns Tajweed Ke Bagair Qura'an Padhne Ko Galat Padhna Qaraar Diya He.

Ahsanul Fatawa Fatawa Bazariya Wagairah Me He,

Galat Padhna Bil Ijma Haram He.
*📚(Fatawa Bazariya Ala Hashya Fatawa Hindiya Saani Feel Ibadat, J-6, S-353)*

Walihaza A'imma E Deen Tasreeh Farmate Hai Ki Aadmi Se Agar Koi Harf Galat Hota Ho To Uaki Tasheeh W Ta'alim Me Us Par Koshish Wajib Balki Bahut Aupma Ne Us Saee Ki Koi Had Muqarrar Na Ki Or Hukm Diya Ki Umr Bhar Rozo Shab Hamesha Jahad Kiye Jaye.
*📚(Fatawa Razviya, J-6, S-261)*

Lihaza Itni Tajweed Sikhna Ki Ek Harf Dusre Harf Se Mumtaz Ho Sake Farze Ayn He Chahe Ajmi Ho Ya Arbi Sabhi Musalman Par Tajweed Sikhna Lazim W Zaroori He.

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓7 Aug 2020, 16 Zil Hijja 1441*
📲+91848

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Kya Bewa Aurat Par Qurbani Wajib He ?

*🌹SAWAL:-🌹*
Agar Koi Bewa Aurat Hai To Uske Upar Kya Qurbaani  Wajib Hai

*🌹JAWAB:-🌹*
Qurbani Wajib Hone Ki Jo Sharteñ Hai Agar Vo Us Bewa Aurat Me Paai Jati Hai To Us Par Bhi Qurbani Wajib He.

Bahare Shariyat Me Qurbani Wajib Hone Ke Sharaait Ye Hai,
1. Islam, Yaani Gair Muslim Par Qurbani Nahi.

2. Iqaamat, Yaani Muqeem Hona, Musafir Par Wajib Nahi.

3. Tawangari, Yaani Malike Nisab Hona Yahañ Maaldar Se Murad Wahi He Jis Se Sadqa E Fitr Wajib Hota He Vo Murad Nahi Jis Se Zakat Wajib Hoti He.

4. Huriyat, Yaani Aazad Hona Jo Aazad Na Ho Us Par Qurbani Wajib Nahi Ki Gulam Ke Paas Maal Hi Nahi Lihaza Ibadate Maaliya Us Par Wajib Nahi.

Mard Hona Iske Liye Shart Nahi. Auratoñ Par Wajib Hoti He Jis Tarah Mardoñ Par Wajib Hoti He.

Iske Liye Buloog Shart He Ya Nahi Isme Ikhtelaf He Or Nabalig Par Wajib He To Aaya Khud Uske Maal Se Qurbani Ki Jaayegi Ya Uska Baap Apne Maal Se Qurbani Karega. Zahirur Riwayah Ye he Ki Na Khud Nabalig Par Wajib He Or Na Uski Taraf Se Uske Baap Par Wajib He Or Isi Par Fatwa He.
*📚(Bahare Shariyat, H-15, Qurbani Ka Bayan)*

Wallahu Aa'alam Bis-Sawab
*_✍🏻Al-Jawab:- Hazrat Allama Mufti Qasim Raza Sahab Misbahi_*
*📬Raza Darul Ifta Khambhat Gujarat*
*🗓️18 July 2020, 26 Zilqad 1441*

*🌹SAWAL-O-JAWAB🌹F.T.S👑grp*
📲+918487928693
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Kya Qabr Me Azab Or Sawal Jawab Roz Hote He ?

*🌹SAWAL:-🌹*
Assalamualaikum
Marne Ke Baad Qabr Mein Kya Har Roz Azab Hota Hai Kya Sawalo Jawab Har Roz Hotey Hai Bahawala Jawab Inayat Farmai Meherbani Hogi Hazrat

🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Qabr Me Sawalo Jawab Usi Waqt Hote Hai Jab Murde Ko Dafn Kiya Jata He Uske Baad Agar Usne Jawab Sahih Diye He To Jannat Ki Khidki Khol di Jaati He aur yeah Kah kar (Ki So Ja Jaise Nai Naweli Dulhan Soti hai) Use Sula Diya Jata He, Or Agar Sawalo Ke Jawab Sahih Nahi Diye He To Jahannum Ki Khidki Khol Di Jati He, Or Qayamat Tak Uske Upar Har Roz Azab Hota Rahega. Sawal o Jawab Sirf ek Hi Baar Hote He.

Wallahu Aa'alam Bis-Sawab
*🎙Al-Jawab:- Hazrat Mufti Gulzare Nabi Khan Razvi Naeemi Sahab Qibla*
*_📬idara Sharaiyah W Samaji Khidmat, Aala Hazrat Masjid NavaYard Vadodara Gujarat_*
*🗓️20 July 2020, 28 Zilqad 1441*

*🌹SAWAL-O-JAWAB🌹F.T.S👑grp*
📲+918
*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Zilhijja Ki Chand Raat Ko Baal Nakhun Katna Kesa ?

*🌹SAWAL:-🌹*
As Salamu Aliakum

Kya Baal Nakhun Wahera Chand Raat Ko Katana Kesa He???

*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Zilhijja Ka Chand Dikhne Ke Baad 1 Chand Ho Jata He, Lihaza Jisko Qurbani Karni Ho Uske Liye Mustahab He Ki 1 Chand Se 10 Zilhijja Tak Nakhun Or Baal Naa Kataaye, Or Agar 40 Din Ho Jaye To Katane Me Harj Nahi. Bahetar He Zilhijja Ka Chand Dikhne Se Pahle Baal Nakhun Wagairah Kaat Le.

Bahare Shariyat Me He,

Qurbani Karni Ho To Mustahab Ye He Ki Pahli Se Daswi Zilhijja Tak Na Hajamat Banwaye, Na Nakhun Tarashwaye.
*📚(BAHARE SHARIYAT, J-4, S-134)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*31 July 2020, 9 Zilhijja 1441*
📲+91848

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Muharram Me Siyah Laal Or Hare Rang Ke Kapde Pahanna Kesa

*🌹SAWAL:-🌹*
Assalamualaikum Wa Rahmat Ullahi Wa Barkatuh
Muharram Ke Din Laal(Red), Hara(Green), Ya Kala(Black) Rang Ke Kapde Ya Kurta Pehenna Kaisa??


*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
Huzur SadrushShariyah Alaihir Rahmato Ridwan Taherir Farmate Hai,
Ayyame Muharram Me Yaani Pahli Muharram Se Barhviñ (12) Tak 3 Qism Ke Rang Na Pahne Jayeñ, Siyah Ke Ye Rafziyoñ Ka Tareeqa He Or Sabz Ki He Mubtadaeen Yaani Taziya Daroñ Ka Tareeqa He Or Surkh Ki Ye Kharjiyoñ Ka Tareeqa He, Ki Vo Ma'azallah Izhare Masarrat Ke Liye Surkh Pahante Hai.
*📚(Bahare Shariyat Application, J-16, S-59)*

Fatawa Hindiya Me He,
Matam Ki Wajah Se Siyah (black) Libas Pahanna Haram He.
*📚(Fatawa Hindiya, J-5, S-333, Noorani Kutub Khana Peshavar)*

Or Sarkar Aala Hazrat Alaihir Rahmato Ridwan Farmate Hai,
Ayyame Muharram Shareef Me Sabz (Green) Libas Jis Tarah Jahiloñ Me Murawwaj He Najaaiz W Gunah He. Or Ooda Ya Neela Ya Abi Ya Siyah (black) Or Badtar He. Ki Rawafiz Ka Shuaar Or Unki Tashbah He Is Tarah In Ayyam Me Surkh (laal/red) Bhi Naasbi Khabees Ba Niyyat Khushi W Shadi Pahante Hai.
*📚 (Fatawa Razviya Jadeed, J-22, S-180)*

Or Aage Farmate Hai,
Muharram Me Sabz Or Siyah Kapde Alamate Sog (Mourning/Sadness) Hai Or Sog Haram He Khusoosan Siyah Ki Shuaare Rawafiz Libas He.
*📚(Fatawa Razviya Jadeed, J-24, S-746)*

Lihaza Ayyame Muharram Me In 3 Rango Ko Na Pahna Jaye.
Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓23 Aug 2020, 3 Muharram 1442*
📲+918

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Watan Se Muhabbat Imaan Ka Hissa He Hadees Nahi

*🌹SAWAL:-🌹*
Watan Se Muhabbat Iman Ka Hissa He Kya Is Tarah Ki Koi Hadees He ?

*🌹JAWAB:-🌹*
اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎
Sarkar Aala Hazrat Alaihir Rahmato Ridwan Taherir Farmate Hai,
حب الوطن من الایمان
(Watan Se Muhabbat Iman Ka Hissa He) Na Hadees Se Sabit Na Hargiz Iske Ye Ma'ana.

Imam Badruddin Zarkashi Ne Apne Juz Or Imam Shamshuddin Sakhaavi Ne Maqaaside Hasna Or Imam Khatimul Huffaz Jalaluddin Suyuti Ne Al-Durrul Muntashirah Me Bil-ittefaq Is Riwayat Ko Farmaya: Me Is Se Aagah Nahi Ho Saka.
*📚(Al-Maqaaside Hasnah Lil Sakhaavi, Hadees- 386, S-109)*

Aage Farmate Hai,

Vo Watan Jis Ki Muhabbat Iman Se He Watane Asli He Jahañ Se Aadmi Aaya Or Jahañ Jana He.
کن فی الدنیا کانک غریب اوعابرسبیل
وحسبنا اﷲ ونعم الوکیل
Yaani Dunya Me Is Tarah Raho Jaise Ajnabi Ho Ya Musafir, Or Hamare Liye Allah Ta'ala Kaafi He Or Wahi Sabka Kaarsaaz He.
*📚(Kanzul Ummal, Hadees-6127, J-3, S-196)*
*📚(Quraan Kareem, Surah-3, Aayat-173)*
*📚(Fatawa Razviya Jadeed, J-15, S-290)*

Or Muhaddiseen Ne Ise Mauzu Qaraar Diya He,
Jaisa Ki Mauzuaate Kabeer Me Hazrat Mulla Ali Qaari Hanfi Alaihir Rahma Likhte Hai,
وَأَمَّا حَدِيثُ «حُبِّ الْوَطَنِ مِنَ الْإِيمَانِ» فَمَوْضُوعٌ،
*📚(Mirqaatul Mafaateeh Sharah Mishkatul Masaabeeh, J-3, S-1158)*

Or Huzur Hakeemul Ummat Mufti Ahmad Yaar Khan Naeemi Taherir Farmate Hai,
Sufya Jo Farmate Hai Ki
 حُبِّ الْوَطَنِ مِنَ الْإِيمَانِ
Yaani Watan Ki Muhabbat Imaan Ka Rukn He, Wahañ Watan Se Murad Jannat He Yaani Asli Watan Ya Madina Munawwara Ki Vo Momin Ka Ruhani Watan He.
*📚(Miratul Manaajeeh, J-2, S-431)*

Lihaza Is Tarah Ka Qaul Ki Watan Ki Muhabbat Imaan Ka Hissa He Huzur ﷺ Se Sabit Nahi, Ise Muhaddiseen Ne Mauzu Qaraar Diya He, Haañ Sufiya E Kiraam Se Is Tarah Ka Qaul Saabit He Lekin Iska Hargiz Vo Ma'ana Nahi Jo Awaam Leti He, Balki Watan Se Murad Watane Asli He, Jahañ Se Aadmi Aaya Or Jahañ Marne Ke Baad Jana He, Ya Madina Munawwara Jo Momin Ka Ruhani Watan He. Lihaza Is Qaul Ki Nisbat Huzur ﷺ Ki Taraf Karna Ya Ise Hadees Kahna Hargiz Munasib Nahi.

Wallahu Aa'alam Bis-Sawab
*_✍🏻Pathan Moin Raza Khan,Petlad_*
*🗓14 Aug 2020, 23 Zilhijja 1441*
📲+918487928693

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•