*Kya Islam Me Ghar Banane (Planning) Ke Ta'alluq Se Kuchh Usool He ?*
*🌹SAWAL:-🌹*
Kya Islam Aur Shari‘at Mein Ghar Ki Planning Ke Muta‘Alliq Koi Rehnuma Usool Maujood Hain ?
Jaise Ghar Ka Rukh Kis Taraf Hona Chahiye, Main Darwaza Kis Simt Ho, Bedroom Aur Kitchen Kis Janib Banani Chahiye, Aur Khidkiyan (Windows) Kis Taraf Honi Chahiye? Kya in Sab Cheezon Ke Bare Mein Qur’an O Hadith Se Koi Rehnumaai Milti Hai Ya Yeh Sirf Logon Ke Banaye Hue Vastu Aur Riwaaji Aqeede Hain ?
*🌹JAWAB:-🌹*
اَلسَلامُ عَلَيْكُم وَرَحْمَةُ اَللهِ وَبَرَكاتُهُ
Ghar Banane Me Jis Tarah Chahe Ghar Bana Sakte Hain. Hañ Agar Is Niyat Se Ghar Ke Darwaze Ki Khidki Us Taraf Banaai Jidhar Masjid Hai Taki Masjid Ki Aawaz Aaye to Is Niyat Par Sawab Milega. Aur Is Baat Ka Khas Khayal Rakheñ Ki Darwaza Us Taraf Ho Jidhar Apni Zamin Ho Ya Aam Raasta Ho Na Ki Kisi Aur Ki Zameen Me Darwaza Khulta Ho. Aur Is Tarah Banayeñ Ki Pados Wale Se Be Pardagi Na Ho. Or Ye Behtar He Ki Ghar Me Namaz Parhne Ki Jagah Aysi Ho Ki Qibla Rukh Aasani Se Ho Sake, or Sone Ki Jagah Me Bhi Paanw Qibla Rukh Na Ho Ki Qibla Rukh Paanw Karna Makrooh He, Isi Tarah Baytul Khala (Toilet) Ki Jagah Me Bhi Qibla Rukh Chahera Ya Pith Na Ho Iska Khayal Rakhe to Bahetar..
Islam Me Ghar Ki Tameer Amali, Sharaee or Akhlaaqi Usooloñ Par Hoti He, Na Ki Simtoñ Ki Nuhoosat Ya Barkat Par, Agar Koi Simt Aapke Liye Bahetar Ho Jaise Hawa, Roshni Ya Qibla Rukh Ke Liye to Use Ikhtiyar Kareñ, Lekin Ye Samajh Kar Na Kare Ki Koi Khas Simt Khush Haali Layegi Ya Dur Karegi... Baqiya Jese Chaheñ Banayeñ. Wallahu Aa'Alam Bis-Sawab
*✍🏻Al-Jawab: Hazrat Mufti Abu Zar Amjadi Sahab Qibla*
*📬Darul Uloom Ziya E Akhtar, Surat, Gujarat*
*🗓️27 Jan 2026, 7 Shaban 1447*
*🌹SAWAL-O-JAWAB🌹F.T.S👑grp*
📲+91
*_📬Pathan Moin Raza Khan,Petlad Gujrat_*
•┈┈┈┈┈┈• • ✦ ✿ ✦ • •┈┈┈┈┈┈•
*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*
No comments:
Post a Comment