JUMUAH KAB CHHOD SAKTE HE

*🌹SAWAL:-🌹*
Assalamu alaikum huzur

Kal aakhri din he ke collage me ek speech muje deni he jiske muje marks milenge magar vo speech deta hu to jumma hath se chali jayegi
Ab me is surat me kya karu

Rehnumai farmaye

Jazakallahu khair

Noman raza
Gujarat

*🌹JAWAB:-🌹*
_Surate mas'ula me jumma chhodne ki ijazat nahi, chhodne wala gunhegar hoga._

Kisi bhi Musalman par Jum’ah wajib hone ke liye 11 sharait hain :

(1) Baaligh hona. (Na-baaligh par Jum’ah farz nahi.)

(2) Aaqil hona. (Pagal par farz nahi.)

(3) Mard hona. (Aurat par farz nahi.)

(4) Mukeem hona. (Musafir par farz nahi.)

(5) Sehat. (Mareez aur Shaikhe faani jo masjide jum’ah tak na ja sakte ho ya agar chala to jaayega lekin marz badh jaayega to us par farz nahi.)

(6) Ankhiyara hona. (Andhe pa farz nahi.)

(7) Chalne par qaadir hona. (Apaahij ya Faalij (Paralysis) wale par farz nahi.)

(8) Aazad hona. (Gulam par farz nahi. Khaadim/ Nokar ko uska maalik nahi rok sakta.)

(9) Qaid me na hona. (Qaidi par farz nahi.)

(10) Khauf na hona. (Agar hakim ka ya chor vagairah kisi zalim ka dar hai ya muflis karzdar ko qaid hone ka dar hai to us par farz nahi.)

(11) Sakht baarish ya aule ya sailaab ya aandhi ya sardi ka na hona. (Ye chize itni sakht hai ke in se nuqsan ka khauf ho to farz nahi.)

*📚Bahare Shariyat, H-4*
zyada tafsil liye bahare shariyat dekhe.

in sharto ke alawa namaz chhodne wala sakht gunahgar he.

Wallahu Aa'alam bis-sawab

📬Pathan Moin Raza Azhari,Petlad
📲

*🌹SAWAL-O-JAWAB🌹F.T.S👑grp*
============➖➖➖➖==========