KYA SUBAH KE KHWAB SACH HOTE HE HADISH

*🌹SAWAL🌹*
Asalamualikum,
Hazrat mene kuchh logo se suna hai ki subah Me Jo Khwab dekhe jate h Vo such hote he  kya khwab ke sach hone me koi waqt muqarrar he ?
Jawab inayat farmai hazrat

*🌹JAWAB:-🌹*

```Subah Ke aksar khwab sahih w sach hote he or uske tabeer ya hone me der nahi lagti lekin esa yakeen nahi rakhna chahiye ki jo khwab dekha he vo ho kar hi rahega..```

_Hazrat Allama Faiz Ahemad Owaisi Alaihir Rahma Taherir Farmate he,_
RasoolAllah Sallallahu alaihi w sallam ne farmaya ki khwab subah ka sahih tar he or subah ka khwab Allah ta'ala ke noor se he
*📚(KHWABO KI TA'ABEER, S-11)*

_Aage Allama Faiz Ahemad Owaisi Alaihir Rahma Taherir Farmate he,_
Kabhi twarikhe qamri ka bhi asar hota he, ke konsi tarikh ke khwab ka nateeja der se aata he, konsi tarikh ke khwab sachhe or konse sachhe nahi hote wagairah...
Tafsil ke liye *📚KHWABO KI TA'ABEER, S-14* par dekhe

_Sham'a Sabistane Raza me he ki,_
Nek or swaleh log pichhli shab(Subah ke khwab) me dekhe vo khwab aksar sahih w sachche hote he.

Sabse pahle to ye zehan me rakhna chahiye ki khwab zanni cheez he, or ispe awamunnas ko kaamil bharosa nahi rakhna chahiye ki hamne ye khwab dekha he waqai hokar hi rahega, iske silsile me aulma e kiram ne mana farmaya ki khwab ke zariye qatai ilm rakhna haram he, yaani khwab jo he vo ho kar hi rahe, aesa nahi..

HaaN jo cheez khwab me dikhai jati he basa-awqat vo cheez ho jati he, to buzurgane deen se ye cheez riwayato se aai he ke khwab ke hisse ke 3 ajza kiye gaye he yaani raat ke awwali hisse ya raat ke darmiyani hisse ke tihai hisse me. Buzurgane deen farmate he ki raat ke awwali hisse me jo khwab dekhi jati he basa-awqat uski tabeer ya uske hone me bahut zyada waqt lag jag jata he, yaani koi shakhs agar raat ke awwali hisse me khwab dekha to fauran vo cheez nahi hoti, kabhi saalo lag jate he, ese hi agar kisi ne raat ke darmiyani hisse me koi khwab dekha to uske hone me kuchh waqt lagta he, lekin buzurgane deen ne farmaya ki raat ke tihai hisse me yaani tahajjud ke waqt ya fajar ke waqt dekhi jati he basa-awqat esa hota he ki vo cheez jaldi ho jati he ye to buzurgane deen ke aqwal he lekin fir bhi kamil yakeen se jo log kahte he ki  subah ke khwab sachche hi hote he ye baat durust nahi he, Haan kisi cheez ke hone ya na hone me un cheezo me kabhi waqt lag jata he kabhi nahi lagta to aysa yakeen nahi rakhna chahiye ki jo ham khwab fazar ke waqt dekhte he vo sachcha hi he..

_Hasile kalam Yahi he ki Subah ke khwab aksar sahih w sach hote or uski tabeer bhi jald hoti he lekin Khwab par esa kaamil yakeen rakhna ki ye ho kar hi rahega. Isse aulma e kiram ne mana farmaya, or ye islam ka Nazarya nahi he. ye allah ta'ala ki qudrat me he jab chahe jo chahe vo kare.._

Wallahu Aa'alam Bis-Sawab

*✍ Pathan Moin Raza Azhari,Petlad*
📲

*🌹 SAWAL-O-JAWAB🌹F.T.S👑grp*
============➖➖➖➖==========