Kya Kunde Ki Niyaz Bahar Le Ja Sakte He Or Kya Uski Jagah Se Hata Sakte He ?

*🌹SAWAL:-🌹*
Kya Kunde Ke Fatiha Ki Cheez ko Bahar Nahi Le Ja sakte ? Ya Uski Jagah se hata nahi sakte ?

*🌹JAWAB:-🌹*

Awam me Mash'hoor He ki kunde ki fatiha ki cheez ko Bahar nahi le Jana Chahiye ya jaha bani he vahi khana chahiye, ye mahaz ek jahalat he uski koi asl nahi, ise aam niyazo ki tarah Dusri jagah bhi le ja sakte or khate sakte he.

_Jaisa Ki Shaikhul Hadees, Hazrat Allama Abdul mustufa Aazami Alaihir Rahma Taherir Farmate he_
Kondo ki fatiha me jahilo ka ye fe'al mazmoom or nari jahalat he ki jahañ kundo ki fatiha hoti he wahi khilate he vahañ se hatne nahi dete ye pabandi Galat or beja he.
*📚(JANNATI ZEWAR, S-474)*

_Mazkoora Pabandi ke tahat Hazrat Allama Mufti Waqaruddin Qadri Alaihir Rahma Taherir Farmate he_
Logo ne ye shart lagali ki wahi beth kar khale bahar na le jaae. Ye shart ka shariyat se koi ta'alluk nahi, waha bhi kha sakte he or bahar bhi le ja sakte he.
*📚(WAQARUL FATAWA, J-1, S-202)*

_Hakimul Ummat Hazrat Allama ahemad Yaar khan naeemi Alaihir Rahma Taherir Farmate he_
Dusri fatiha ke khano ki tarah is ko bhi bahar bheja ja sakta he.
*📚(ISLAMI ZINDAGI, S-75)*

_Huzur SadrushShariyah Hazrat Allama Mufti Amjad Ali aazami Alaihir Rahma Taherir Farmate he_
Logo ka ye khayal ki Apni jagah se kunda hataya na jaae jahalat he, unhe samjaya jaae balki qaul w amal se awam ko bataya jaae or un par zahir kiya jaae ki us jagah se hatane me koi harj nahi he.
*📚(FATAWA AMJADIYA, J-4, S-134)*

Wallahu Aa'alam Bis-Sawab
*📬Pathan Moin Raza Azhari, Petlad*
📲

*🌹SAWAL-O-JAWAB🌹F.T.S👑grp*
============➖➖➖➖=========