Safar Ke Aakhri Budh Ki Haqiqat Kya He

 *🌹SAWAL:-🌹*

Assalamu Alaikum, Safar Ke Aakhri Budh Ki Kya Haqiqat He Kuchh Aurte Is Din Qabro Par Jaati He Or Khana Banate Or Gumte He Uski Kya Asl He ?? Kya Is Din Huzur ﷺ ko marz se sehtayabi hui tha ya marz or badh gaya tha ??

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Safar Mahine Ke Aakhri Budh Ki Koi Asl Nahiñ, Or Naa Hi Is Din Huzur ﷺ Ki Sehat Yaabi Ka Koi Suboot He, Balki Aap ﷺ  Ke Marze Aqdas Jis Me Wafaat Hui, Uski Ibteda Isi Din Se Batai Jaati He. Lihaza Logoñ Ka Ye Aeteqaad Karna Ki Is Roz Huzur ﷺ Ke Sehatyaabi Hui Or Is Bina Par Umda Khane Banana Naye Kapde Wagairah Pahanna Gumne Firne Jana Sab Be Asl He Iska Koi Suboot Nahi, Or Khas Aurtoñ Ka Mazarat Wagairah Par Jana Or Vahañ Jaa Kar Khana Wagairah Sab Be Asl He. Balki Ye Sab Khurafat Itna Gunah Or Shariyat Ke Khilaf He.

Sarkar Aala Hazrat Mujaddide Dino Millat Ashshah Imam Ahmad Raza Khan Fazile Barailvy Alaihir Rahmato Ridwan Se Suwal Hua Ki Safar Ke Aakhri Budh Ke Roz Mash'hoor He Ki Huzur ﷺ Ne Marz Se Shifa Paai Thi Is Bina Par Is Roz Log Khana Or Shirni Bana Kar Taqsim Karte Hai Or Jangal Wagairah Ki Gumne Nikalte Hai Or Kahiñ Is Din Ko Nahus Or Namubarak Jankar Is Roz Ghar Ke Purane Bartan Todte He (Mafhoom), Jiske Jawab Me Aap Taherir Fatmate Hai,

Aakhri Char Shanba (Ya Aakhri Budh) Ki Koi Asl Nahi, Na Is Din Sehat Yaabi Huzur ﷺ Ka Koi Suboot Balki Marze Aqdas ﷺ Jis Me Wafaat Mubarak Hui Uski Ibteda Isi Din Se Batai Jaati He Or Ye Ek Hadeese Marfu'a Me Aaya He, 

آخر اربعاء فی الشھر یوم نحس مستمر ۔

Maahe Safar Ka Aakhri char Shañba Daaimi Nahoosat Wala Din He.

*📚(Kanzul Ummal, Hadees-2931, J-2, S-11)*

Or Marwi Huva Ki Ibteda Ibteda E Saiyeduna Ayyub Ala Nabiyyina W Alaihis Salato Salam Isi Din Thi Or Use Nahus Samajh Kar Mitti Ke Bartan Tod Dena Gunah W Izaa'ate Maal He. Bahar Haal Sab Baateñ Be Asl W Be Ma'ana Hai.

*📚(Fatawa Razviya Mutarjim, J-23, Mas'ala-81)*

Or Dusri Jagah Suwal Hua Ki 

Maahe Safar Ke Aakhri Char Shanba (Aakhri Budh) Ko Aurteñ Bataure Safar Shahar Se Bahar Jaayeñ Or Qabroñ Par Niaz Wagairah Dilayeñ Jaaiz He Ya Nahiñ, Jiske Jawab Me Aap Taherir Farmate Hai Ki,

(Aysa) Hargiz Na Ho, (ki Isme) Sakht Fitna He Or Chaar Sanba (Budh Ka Din) Mahaz Be Asl He. (Yaani Iski Koi Asl Nahi)

*📚(Fatawa Razviya Mutarjim, J-22, Mas'ala-98)*

Or Huzur Huzur Sadrushshariyah Alaihir Rahmato Ridwan Taherir Farmate Hai,

Maahe Safar Ka Aakhri Char Shanba (Budh) Hindustan Me Bahut Manaya Jata He Log Apne Karobar Band Kar Dete Hai Or Sero Tafreeh (Gumne Firne) W Shikar Ko Aate Hai Or Puriyañ Pakti Hai Log Nahate Dhote Khushiyañ Manate Hai Or Kahte Ye He Ki Huzure Akram  ﷺ Ne Isi Roz Gusle Sehat Farmaya Tha Or Berune Madina Ser Ke Liye Tashreef Le Gaye The Ye Sab Baateñ Be Asl He Balki In Dinoñ Me Huzure Akram ﷺ Ka Marz Shiddat Ke Sath Tha Vo Baateñ Khilafe Waaqe'a Hai.. Or Baaz Log Ye Kahte Hai Ki Is Roz Balayeñ Aati Hai Or Tarah Tarah Ki Baateñ Bayan Ki Jaati Hai Sab Be-suboot He. 

Balki Hadees Ka Ye Irshad 

لا سفر

*📚(Sahih Bukhari, Kitabul Tibb, Hadees-5757, J-4, S-36)*

Yaani Safar Koi Cheez Nahi, Aysi Tamam Khurafat Ko Rad Karta He.

*📚(Bahare Shariyat, Hissa-16, Aadabe Safar Ka Bayan, Mas'ala-41)*

Or Huzur Bahrul Uloom Alaihir Rahmato Ridwan Taherir Farmate Hai,

Aakhiri Chaar Shamba Ke Naam Par Musalmano Ne Jo Rasmein Ijaad Kar Li Hain, Shariyat Me Inki Koi Asal Nahin Hai, Hadees Shareef Se Iske Khilaf Saabit Hai, 

Irshaade Nabawi Hai,

"Ullu Ke Bol Aur Safar Koi Shay Nahiñ" 

Haañ Riwayatoñ Se Saabit Hai Ke Is Din Se Huzoor ﷺ Ka Marz Badh Gaya Tha

*📚(Fatawa Bahrul Uloom, J-5, S-267)*

Lihaza Safar Ke Aakhri Budh Manane Ki Koi Asl Nahi..

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓5 Oct 2021, 27 Safarul Muzaffar 1443*

📲+918487928693

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•