Aqeeqah Ki Dawat Me Gair Muslim Ki Shirkat Se Aqeeqah Me Farq Padega Ya Nahiñ ?

 *🌹SAWAL:-🌹*

Assalamualaikum 

Aj Meri Beti 3saal Ki Hui.uska Aqiqah Kia Humne.. Humne Kisi Gair Mazhab K Logo Ko Dawat Nhi Diye The. Lekin Hmare Jeth K Shop K Workers Khud Aagye. Toh Unhe Dawat Khilayi. To Meri Saas Bole Ki Tumhara Aqiqah Qubul Nhi Hua.qki Tumne Gair Mazhab K Logo Ko Dawat Khilayi. Mere Dil Me Bas Wahi Baat Aa Rhi H.mere Shohar Driver Hai.  Humne Bhot Muskil Se Kiye. Mene Aur Mere Shohar Akele Hi Sara Kaam Sambhale. Kya Aqiqah Qabul Nhi Hoga? Ya Kya Kre Uske Liye Pls Bataye.

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Haqiqat Me Aqeeqah Ka Matlab He Bachcha Payda Hone Ke Shukriya Me  Janwar Zabah Karna..

Bhaar E Shariat Me He,

Bachha Paida Hone Ke Shukriya Me Jo Janwar Zabah Kiya Jata He Usko Aqeeqah Kahte Hai.

*📚(Hissa-15, Aqeeqah Ka Bayan)*

Lihaza Jab Us Bachche Ki Janib Se Janwar Allah Ka Naam Lekar Zabah Kar Diya To Aqeeqah Ho Gaya.

Albatta Us Janwar Ka Gosht Garibo Our Rishtedaroñ Me Taqsim Kare Our Ghar Wale Bhi Kha Sakte He. Magar Jis Tarah Qurbani Ka Gosht Kisi Bad Mazhab Our Kafir Ko Nahi De Sakte Our Usko Paka Kar Nahi Khila Sakte Isi Trh Aqeeqah Ke Gosht Ko Bhi Kaccha Ya Paka Huwa Kisi Bad Mazhab ,kafir, Mushrik Ko Na De, Chunki Yanha Ke Kuffar Harbi He.

Jaisa Ki Bahare Shariyat Me He,

Aqeeqah Ka Janwar Unhiñ Sharaait Ke Sath Hona Chahiye Jaisa Qurbani Ke Liye Hota He. Uska Gosht Fuqra Or Azeez W Qareeb Dosht W Ahbaab Ko Kachcha Taqseem Kar Diya Jaye Ya Paka Diya Jaaye Ya Paka Kar Diya Jaye Ya Unko Bataure Ziyafat W Da'awat Khilaya Jaye Ye Sab Zoorteñ Jaaiz Hai.

*📚(Bahare Shariyat, H-15, Aqeeqah Ka Bayan, Mas'ala-10)*

Or Farmate Hai,

Qurbani Ka Gosht Kafir Ko Na De Ki Yahañ Ke Kuffar Harbi Hai.

*📚(Bahare Shariyat, H-15, Qurbani Ke Janwar Ka Bayan, Mas'ala-22)*

Our Soorat E Mas'ula Me Ke Aap Ne Dawat Nahi Di Wo Chale Aae To Aap Ko Khas Us Pake Huwe Se Nahiñ Khilana Chahiye Tha Balki Daf E Mazarrat Ke Liye Dena Majburi Thi To Bazaar Se Kharid Kar Khila Dete.. Bahar Haal Aqeeqah Ho Gaya Kyuñ Ki Wo Paydaish Ke Shukrana Me Janwar Zabah Karne Ka Naam He... Our Aap Ne Khas Us Me Se Khilaya To Gunehgar Huwe Toubah Kare Our Aainda In Baatoñ Ka Khayal Rakkhe...

Allah Taala Qubul Farmae...Aameen

Wallahu Ta'ala Aalam

*_✍🏻Al-Jawab:- Hazrat Allama Mufti Qasim Raza Sahab Misbahi_*

*📬Masjide Hazrate Bilal, Nadiyad Gujarat*

*🗓️4 Sep 2022, 6 Safar 1444*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•