*🌹SAWAL:-🌹*
Asslamualikum Kya Nikah Ke Pehle Talaq Dene Se Talaq Hojati Hai?
Maslan Zaid Ka Nikah Nhi Hua Hai Usne Kaha Ke Mai Apni Hone Wali Bewi Ko 3000 Talaq Deta Hu Toh Kya Abe Zaid Nikah Nhi Krr Sakta?
Ismein Usne Kisi Ka Naam Nhi Liya
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Ye Mas'ala Bahut Mash'hoor W Ma'aroof He, Uske Kahne Ke Mutabiq Jaise Hi Vo Kisi Aurat Se Shadi Karega, Fauran Hi 3 Talaq Waqe'a Ho Jayegi... Ab Usse Bachne Ka Tareeqah Aulma E Kiram Ne Ye Farmaya Ki Bagair Uski Razamandi Ya Ijazat Se Uska Nikah Uska Wali, Dost, Maañ Baap Ya Bhai Ya Koi Bhi Uska Nikah Kisi Ladki Se Karde Or Ye Shakhs Na Kisi Ko Mubarak Baadi De Na Kisi Ki Mubarak Baadi Qubool Kare, Na Apni Razamandi Ka Izhaar Kare, Or Yuñhi Apni Zindagi Guzarta Rahe, To Is Tarah Se Vo Uski Biwi Bani Rahegi, Or Vo 3 Talaqe Waqe'a Nahiñ Hogi..
Jaisa Ki Bahare Shariyat Me He,
Kisi Aurat Se Kaha Agar Tujhse Nikah Karuñ Ya Jab Ya Jis Waqt Tujh Se Nikah Karuñ To Tujhe Talaq He To Nikah Hote Hi Talaq Ho Jayegi.. Yuñhi Agar Khaas Aurat Ko Muayyin Na Kiya Balki Kaha Agar Ya Jab Ya Jis Waqt Me Nikah Karuñ To Use Talaq He To Nikah Karte Hi Talaq Ho Jayegi Magar Uske Baad Dusri Aurat Se Nikah Karega To Use Talaq Na Hogi.
Haañ Agar Kaha Jab Kabhi Me Kisi Aurat Se Nikah Karuñ Use Talaq He To Jab Kabhi Nikah Karega Talaq Ho Jayegi.
In Soortoñ Me Agar Chahe Ki Nikah Ho Jaye Or Talaq Na Pade To Uski Soorat Ye He Ki Fuzooli (Yaani Jise Usne Nikah Ka Wakil Na Kiya Ho) Bagair Uske Hukm Ke Us Aurat Ya Kisi Aurat Se Nikah Karde Or Jab Use Khabar Pahunche To Zaban Se Nikah Ko Naafiz Na Kare Balki Koi Aysa Fe'al Kare Jisse Ijazat Ho Jaye Maslan Mahar Ka Kuchh Hissa Ya Kul Uske Paas Bhej De Ya Uske Sath Jima'a Kare Ya Shahwat Ke Sath Hath Lagaye Ya Bosa Le Ya Log Mubarak Baad Deñ To Khamosh Rahe Inkar Na Kare To Is Soorat Me Nikah Ho Jayega Or Talaq Na Padegi...
Or Agar Koi Khud Nahiñ Kar Deta Use Kahne Ki Zaroorat Pade To Kisi Ko Hukm Na De Balki Tazkirah Kare Ki Kaash Koi Mera Nikah Karde Ya Kash Tu Mera Nikah Karde Ya Kya Achha Hota Ki Mera Nikah Jo Jata Ab Agar Koi Nikah Kardega To Nikah Fuzooli Hoga Or Uske Baad Wahi Tareeqah Barte Jo Upar Mazkoor Hua.
*📚(Bahare Shariyat, H-8, Izafat Ka Bayan, Mas'ala-35)*
Isi Tarah *📚(Fatawa Amjadiya, J-2, S-252)* Me Bhi Mazkoor He..
Wallahu Ta'ala Aa'alam
*_🎙 Al-Jawab:- Hazrat Allama Mufti Taufiq Raza Sahab Misbahi_*
*📬Tadriso Ifta Darul Uloom Qadriyah Razviyah, Petlad*
*🗓️2 Sep 2022, 5 Safar 1444*
*🌹SAWAL-O-JAWAB🌹F.T.S👑grp*
📲+918487928693
*_📬Pathan Moin Raza Khan,Petlad_*
•┈┈┈┈┈┈• • ✦ ✿ ✦ • •┈┈┈┈┈┈•
No comments:
Post a Comment