3 Din Pahle Quraan Khatm Karna Kesa ?

 *🌹SAWAL:-🌹*

Assalamu Alaikum 

Hazrat Sawal Yeh Tha Ki Zaid Ek Din Ya Do Din Mein Quran Mukkamal Kar Sakta Hai Ya 3 Din Pure Hone Jaruri Hai

*🌹JAWAB:-🌹*

Zaid Ek Ya Do Din Me Bhi Quraan Mukammal Kar Sakta He Isme Koi Harj Nahiñ Agar Tajweed or Makharij Ki Riaayat Ki Jaye..

Jaisa Mi Imame Aazam Abu Hanifa Alaihir Rahma Ne 30 Baras Kamil Har Raat Ek Rak'at Me Qur'aan Majeed Khatm Kiya He..

Aulma E Kiram Farmate Hai,

Salafe Saliheen Me Ba'az Akabir Din Raat Me Do Qur'aan Khatm Farmate Ba'az Char Ba'az Aath..

Imam Abdul Wahab She'arani Farmate Hai Saiyeduna Ali Murtaza Ek Raat Din Me 3 Lakh 60 Hazaar Khatm Farmate, Ameerul Moamineen Muala Ali Radiallahu Anhu Baayañ Panw Rikaab Me Rakh Kar Qur'aan Majeed Shuru'a Farmate Dahina Paanw Rikaab Tak Na Pahunchta Ki Qur'aan Khatm Ho Jata..

Lihaza Ek Ya Do Din Me Qur'aan Khatm Karne Me Koi Harj Nahiñ...

Albatta Ek Riwayat Jo Galiban Abu Dawood Shareef Me He Ki Jisne 3 Raat Se Kam Me Qur'aane Majeed Khatm Kiya to Usne Samajh Kar Na Parha..

To Ye Riwayat Sirf Afzaliyat Ki Nafi Karti He Lekin Isse Karahat Ya Na Pasandidah Hona Sabit Nahiñ Hota or Ye Bhi Us Waqt He Jab Ki Koi Gour O Fikr Karne Wala Ho Wadna Bahetar Yahi He Mi Moatadal Jaldi Ki Jaye... 

Jaisa Ki Aala Hazrat Alaihir Rahma Farmate Hai,

Meñ Kahta Huñ Ki Ye Bhi Un Ke Liye He Jo Ma'aani Me Gouro Fikr Kareñ..

Yahañ Ke Aam Log Kitna Hi Der Me Parhe Gouro Fikr Se Mahroom Hai Unke Liye Der Be Sood He or Vo Maqsood Lizzat Nahiñ Balki Isi Liye Maqsood He Ke Moatidal Jdi Hi Ka Afzal Hona Chahiye Jis Qadar Jaldi Parhege Qiraat Zyada Hogi or Qur'aane Kareem Ke Har Hurf Par Das Nekiyañ Hai So Ki Jagah Paanso Huroof Parhe to Hazar Ki Jagah Panch Hazar Nekiyañ Mileñ..

Jaisa Ki Hadees Shareef Me He Ki

Huzur ﷺ Ne Farmaya Jisne Qur'an Kareem Ka Ek Hurf Parha Uske Liye Ek Neki or Har Neki Das Nekiyañ.. Me Nahiñ Farmata Ki الم Ek Hurf He Balki ا Ek Huruf He ل Ek Huruf He or م Ek Hurf He.

*📚(Tirmizi Shareef)*

Wallahu Ta'ala Aa'alam Bis-sawab

*✍🏻Al-Jawab: Maulana Fahim Razvi Mustafai Sahab,*

*_📬Khatibo Imam Noori Masjid Mahudha Gujarat_*

*🗓️21 Apr 2023, 29 Ramzanul Mubarak 1444*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•