*🌹SAWAL:-🌹*
Assalamu alaikum
Ek Masjid K Second Flore Par Masjid K Imam Saheb Ne Madarsa Banaye Hai Jahan Bachche Hafiz E Quran Banege
Imam Saheb Madarse K Naam Se Us Ka Chanda Kar Rahe Hai Aur Chanda Tameeri Kaam K Liye Kiya Ja Raha Hai Jab K Madarse Ka Naam Alag Hai Masjid Ka Naam Alag Hai
Kya Yahan Madarse K Naam Par Imam Saheb Ka Chanda Lene Durust Hai? Kya Hamen Tameeri Kaam K Liye Yahan Chanda Dena Chahiye?
*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Imam Sahab Ka Masjid Ki Chhat Par Madarsa Banane Ka Agar Ye Matlab Ye He Ki Fil Waqt Kahiñ Koi Jagah Mayassar Nahiñ Jahañ Bachchoñ Ki Taleem W Tarbiyat Ka Intezam Ho Sake Or Madarse Ke Liye Zameen Mayassar Ho Gai Lekin Abhi Madarsa Ta'ameer Nahiñ Huva Tab Bawajhe Zaroorat Chand Sharaait Ke Sath Masjid Ki Chhat Par Ta'aleem W Ta'allum Jaaiz He Or Is Madarse Ki Ta'ameer Ke Kiye Imam Sahab Ka Chanda Karna Jaaiz He...
Saiyedi Aala Hazrat Imam Ahmad Raza Khan Alaihir Rahmato Ridwan Irshad Farmate Hai,
Masjid Me Ta'aleem Basharaait Jaaiz He,
1. Ta'aleeme Deen Ho
2. Muallim Sunni Sahihul Aqeedah Ho, Na Wahabi Wagairah Bad Deen K Ta'aleeme Kufr W Zalaal Karega.
3. (Muallim) Bila Ujrat Ta'aleem Kare Ki Ujrat Se Kaare Dunya Ho Jayegi.
4. Nasamajh Bachche Na Hoñ Ki Masjid Ki Be Adbi Kareñ.
5. Jama'at Par Jagah Tang Na Ho Ki Asl Maqsad Masjide Jama'at He.
6. Gul Shor (Yaani Shoro Gul) Se Namazi Ko Eiza Na Pahunche.
7. Muallim Khwah Talibe Ilm Kisi Ke Beth Ne Se Qata'a Saf Na Ho.
Phir Farmate Hai,
Garmi Ki Shiddat Wagairah Ke Waqt Jabki Or Jagah Na Ho, Bazaroorat Muallim Ba-ujrat Ko Jaaiz He
*📚(Fatawa Razviya, J-8, S-116, Raza Foundation Lahor)*
Or Agar Ye Matlab Nahiñ Balki Imam Sahab Masjid (Jiski Masjidiyat Mukammal Ho Chuki) Ki Chhat Ko Hi Madarsa Banana Chahte Hai Ya Bana Chuke Hai To Aysa Karna Najaaizo Haram He Or Agar Chanda isi Ke Waste Kar Rahe Hai To Unka Chanda Karna Najaaiz Or Chanda Dena Bhi Najaaiz..
Wallahu Ta'ala Aa'alam
*✍🏻 Al-jawab: Hazrat Mufti Dilshad Ahmad Zaiyai Amjadi Sahab Qibla*
*📬Khadim Sadrushshariyah Darul Ifta W Darul Uloom Raza E Mustafa, Bharuch, Gujarat*
*🗓️9 June 2023, 19 Zul Qa'ada 1444*
*🌹SAWAL-O-JAWAB🌹F.T.S👑grp*
📲+918487928693
*_📬Pathan Moin Raza Khan,Petlad_*
•┈┈┈┈┈┈• • ✦ ✿ ✦ • •┈┈┈┈┈┈•
No comments:
Post a Comment