Talaq Ki iddat Kitne Din Hoti He ? Agar Haiz Na Aaye To Kitne Din ?

 *🌹SAWAL:-🌹*

Hazrat Talak Ki Jo Iddat Hoti H Wo Kitni Hai

Agar Ourat Ko Haiz Na Aaya to Kitne Din Iddat Hogi

Agar Talak Ke Baad 1 Month K Baad Haiz Aya to Kitni Iddat Hogi

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ

Talaq Wali Agar Usko Haiz Aata He to Kaamil Teen Haiz Our Hamal Wali Ho to Waz E Hamal Our Haiz Nahiñ Aata to Teen Mahine Iddat Hogi.. Haiz Aata Ho to Jab Tak Teen Haiz Na Aa Jaye Iddat Puri Na Hogi..

Bahaar E Shariat Me He,

Aurat Ko Haiz Aa Chuka He Magar Ab Nahiñ Aata or Abhi Sin Ayaas Ko Bhi Nahiñ Pahunchi He Uski Iddat Bhi Haiz Se He Jab Tak 3 Haiz Na Aaleñ Ya Sin Ayaas Ko Na Pahunche Uski Iddat Khatm Nahiñ Ho Sakti or Agar Haiz Aaya Hi Na Tha or Mahinoñ Se Iddat Guzar Rahi Thi Ki Asnaa E Iddat Me Haiz Aa Gaya to Ab Haiz Se Iddat Guzare Yaani Jab Tak 3 Haiz Na Aaleñ Iddat Puri Na Hogi..

Aurat Ko Talaq Di, Baayin Ya Raj'ee Ya Kisi Tarah Nikah Fiskh Ho Gaya, Agarche Yuñ Ki Shohar Ke Bete Ka Shahwat Ke Sath Bosa Liya or in Soortoñ Me Dukhul Ho Chuka Ho Ya Khalwat Hui Ho or Us Waqt Hamal Na Ho or Aurat Ko Haiz Aata He to Iddat Pure 3 Haiz He Jabki Aurat Aazad Ho or Baandi Ho to Do Haiz or Agar Aurat Umme Walad He Uske Maula Ka Inteqal Ho Gaya Ya Usne Aazad Kar Diya to Uski Iddat Bhi 3 Haiz He.

In Soortoñ Me Agar Aurat Ko Haiz Nahiñ Aata He Ki Abhi Ayse Sin Ko Nahiñ Pahunchi Ya Sin Ayaas Ko Pahunch Chuki He Ya Umar Ke Hisaaboñ Baliga Ho Chuki He Magar Abhi Haiz Nahiñ Aaya He to Iddat 3 Mahine He or Baandi He to Dedh Maah.

*📚(Bahare Shariyat, H-8, Iddat Ka Bayan, Mas'ala-7,4,5)*

Wallahu Ta'ala Aa'alam Bis-sawab 

*✍🏻Al-Jawab: Hazrat Allama Mufti Qasim Raza Sahab Misbahi*

*📬Masjide Hazrate Bilal, Nadiyad*

*🗓️6 March 2024, 24 Shabanul Muazzam 1445*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•