Gusl Ka Tareeqa Or Gusl Me Saboon Kab Lagaye ? Or faraaiz sabun lagane ke pahle ya baad me ada kare ?

 *🌹SAWAL:-🌹*

Assalamualaikum Warahmatullahi Wa Barakatuh  

Hazrat Kya Bheege Hue Badan Pe Gusl Ke Farz Aada Karne Se Gusl Mukammal Hoga....

(Soap Ka Istemaal Karne Ke Baad) 

Jawab Inayat Farmayen

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Gusl Ka Sunnat Tareeqa Ye He Ki Gusl Ki Niyyat Karke Pahle Donoñ Hath Gatto Tak Teen Martaba Dhoye Phir Istenja Ki Jagah Dhoye Khwah Najasat Ho Ya Na Ho Phir Badan Par Jahañ Kahiñ Najasat Ho Usko Door Kare Phir Namaz Ka Sa Wuzu Kare Magar Paanw Na Dhoye, Haañ Agar Choki Ya Takhte Ya Paththar Par Nahaye to Paanw Bhi Dhole Phir Badan Par Tel Ki Tarah Paani Chupad Le *(Isi Dauran Saboon Bhi Laga Sakte Hai)* Khusoosan Jaare (Sardiyoñ Ke Mosam) Me Phir 3 Martaba Dahine (Right) Mundhe Par Paani Bahaye Phir Baayeñ (Left) Mundhe Par 3 Baar Phir Sar Par or Tamam Badan Par 3 Baar Phir Jaaye Gusl (Gusl Ki Jagah) Se Alag Ho Jaye, Agar Wuzu Karne Me Paanw Nahiñ Dhoye the to Ab Dhole or Nahane Me Qibla Rukh Na Ho or Tamam Badan Par Hath Phere or Male or Aysi Jagah Nahaye Ki Koi Na Dekhe or Agar Ye Na Ho Sake to Naaf Se Guthne Tak Ke Aa'aza Ka Sitar to Zaroori He, Agar Itna Bhi Na Ho to Tayammum Kare Magar Ye Ehtemal Bahut Baeed He or Kisi Qism Ka Kalaam Na Kare, or Na Koi Dua Padhe.. Baad Nahane Ke Rumal Se Badan Puchh Daale to Harj Nahiñ...

*📚(Bahare Shariyat, H-2, Gusl Ka Bayan)*

Ye Gusl Ka Sunnat Tareeqa Tha, Isi Dauran Saboon Bhi Lagana Chahe to Laga Sakte He, Gusl Ke 3 Farz He 1. Kulli Karna, 2. Naak Me Paani Chadana, 3. Tamam Zahir Badan Par Paani Bahana...(iski Bhi Mukammal Tafseel He)Tino Faraaiz Sahih Tarah Se Ada Ho Gaye to Gusl Ho Gaya Ab Saboon Faraaiz Ada Karne Se Pahle Lagaye Ya Baad Me Isme Koi Harj Nahiñ.. Ya Jo Suwal Me Zikr He Bhige Huve Badan Par Yaani Saboon Lagane Ke Baad Gusl Ke Farz Ada Kare Ya Pahle Agar Faraaiz Sahih Tarah Se Ada Ho Gaye Gusl Ho Gaya, Isme Koi Harj Nahiñ.. Bahetar Gusl Ko Sunnatoñ Ke Sath Ada Kiya Jaye...

Wallahu Ta'ala Aa'alam Bis-sawab

*✍🏻Pathan Moin Raza Khan,Petlad*

*🗓️13 July 2024, 6 Muharramul Haram 1446*

📲+9

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Ke Sath Chhedchhad Karne Ki Ijazat Nahiñ... Agar Kuchh Khami Ya Lafzi Galti Nazar Aaye To Admin Se Rabta Kare.*