Darul Harab Me Jumuah Ki Namaz Ka Hukm ?

 *Darul Harab Me Jumuah Ki Namaz Ka Hukm*

*🌹SAWAL:-🌹*

Assalamu Alaikum Wa Rahmatullahi Wa Barakatuh

Kya Daarul Harb Mein Rehne Wale Muqeem Par Bhi Jumu'ah Padhna Farz Nahi?

Agar Farz Nahi, Toh Kya Sunni Imam Aur Sunni Masjid Available Ho Tab Jumu'ah Padh Sakte Hain?

Jo Canada, Germany, Usa Wagairah Mein Rehte Hain, Unpar Kya Huqm Hoga Is Masle Ke Hisaab Se?  

Agar Kisi Se Jumu'ah Chhoot Jaye Daarul Harb Mein, Toh Kya Woh Zuhr Padh Le to Yeh Durust Hai? Use Jumu'ah Tark Karne Ka Gunah Hoga?  

Jawaab Inaayat Farmaaiye

*🌹JAWAB:-🌹*

Wa Alaikum Assalam Wa Rahmatullahi Wa Barakatuh

Al-jawaab Ba’un Al-Malik Al-wahhab  

Soorate Mustafsirah Masaail Par Jo Ulema Ke Darmiyan Mutaffiqa Taur Par Raai Paas Hui, Woh Hazir Hai:

Maujooda Daur Mein Awaam O Khaas Ki Badi Tadad Daarul Harab Mein Jumu'ah Ada Karti Hai. Agar Wahañ Jumu'ah Ko NaJaaiz Qarar Diya Jaye to Lakhoñ Musalman Tark-e-farz Kehlaienge. Lehaza in Musalmanon Ko Tarke farz Ke Gunah Se Bachane Ke Liye Mustanad O Mutabar Ulema Ne Umoome Balwa Aur Izala-e-fasad Mazmoon O Biz-zanne Ghalib Ko Buniyad Bana Kar Imam Malik Rahmatullah Ta’ala Alaih Ke Qaul Par Fatwa Dete Hue Daarul Harab Mein Jumu'ah Ki Adaiygi Ko Jaiz Qarar Diya Hai.

Sirajul Fuqaha Mufti Nizamuddin Ataallah Umarah Likhte Hain Ke Kaafi Ab'haas Ke Baad Yeh Tay Hua Ke Europe Aur America Wagairah Ke Bilaad Mein Jahañ Awaam O Khawaas Jumu'ah O Eidain Ada Kar Rahe Hain Aur Ghair Muslim Hukumatoñ Se Unhein Ijazat Bhi Hai, Wahan Jumu'ah w Eidain Se Unhein Rokna Sakht Mafasid Ka Baais Hoga. Isliye Bil-ittifaaq Daf’e Fasad Maznoon Biz-zanne Ghalib Ke Khatir Aur Aksar Mandoween Ke Nazdeek Bawajhe Umoome Balwa Bhi, Imam Malik Rahmatullah Ta’ala Alaih Ke Maslak Par Amal Karne Aur Jumu'ah O Eidain Ada Karne Ki Ijazat Hogi.

*📚(Jadeed Masail Par Ulama Ki Raye Aur Faisle, Jild-1, Safha-398)*

Daarul Harb Ho Ya Daarul Islam, Iqtida Ke Shara’it Mein Yeh Bhi Hai Ke Namaz Sunni Imam Ke Pichhe Hi Hongi.

Daarul Harab Ho Ya Daarul Islam, Jumu'ah Chhootne Ki Soorat Mein Zuhar Hi Padha Jayega.

Albatta Darul Harab Mein Jumu'ah Ki Namaz Nahiñ Hai, Chhoot Jane Ki Soorat Mein Koi Gunah Nahiñ. Lihaza Daarul Islam Mein Qasdan Chhode to Gunah Hoga.

Wallahu Ta'ala Aa'alam Bis-Sawab 

*✍🏻Al-Jawab: Hazrat Muhammad Shameem Akhtar Raza Yusufi Sahab Qibla*

*📬Khatibo Imam Chakai Jame'a Masjid W Khadimut Tadrees Madarsa Raza E Mustafa Chakai, Jamui, Bihar*

*🗓️16 May 2025, 18 Zul Qa'adah 1446*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*