Kya 3 Jumuah Chhodne Wala Kafir He ?

 *🌹SAWAL:-🌹*

Assalamualaikum Wa Rahmatullahi Wa Barkatuh

Agar Koi Shaqs Lagatar 3 Jumm'ah Tak Namaz Ada Nahi Kiya To Kya Wo Kafir Huwa??

Aur Us Shaqs Per Kya Hukum Hoga?

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Jumuah Farze Ayn He Uski Farziyat Ka Inkar Karna Ya Halqa Samjhna Zaroor Kufr He.. Magar Ye Jo Awam Me Mash'hoor He Ki Lagatar Teen Jumuah Chhodne Wala Kaafir He Iski Koi Asl Nahi.. Sirf Jumuah Hi Nahi Balki Panjwaqta Namaz Bhi Bila Uzre Sharai Chhodne Wala Sakht Gunahgar Azabe Ilahi Ka Haqdaar He.. Or Jumuah Ko Chhodne Ke Ta'alluq Se Hadees Shareef Me Kai Waeede Aai He. 

Hadees Shareef Me He,

Farmaya RasoolAllah ﷺ Ne Ki Jo 3 Jumue Susti Se Chhod De Allah Uske Dil Par Muhar Kardega.

*📚(Abu Dawood, Tirmizi, Ibne Maja, Darimi)*

Is Hadees Ki Tashreeh Me He,

Susti Ki Qaid Se Maloom Hua Ki Mazoor Ka Ye Hukm Nahi, Muhar Se Murad Gaflat Ki Muhar He Na Ki Kufr Ki Kyuñ Ki Jumuah Chhorna Fisq He, Kufr Nahi. Isse Maloom Hua Baaz Gunah Dil Ki Sakhti Ka Baais Hai Or Gunahe Sageera Baar Baar Karne Se Gunahe Kabeera Ban Jata He.

*📚(Miratul Manajeeh Sharah Mishkatul Masabih, J-2, S-323, Hadees-1371)*

Or Dusri Hadeese Paak Me He,

Riwayat He Hazrat Ibne Abbas Se Ki Nabi  ﷺ Ne Farmaya Jo Bila Uzr Jumuah Chhod De Vo Us Kitab Me Munafiq Likha Jayega Jisme Na Mahw He Na Tabdili Or Baaz Riwayat Me He Ki Teen Farmaya..

Yaani Jo Teen Jumuah Bila Uzr Chhore Vo Munafiq Amal Hoga Or Ye Nifaq Us Par Aysa Lazim Hoga Ki Phir Usse Nikalna Mushkil Hoga. Is Hadees Ka Matlab He Kyuñ Ki Jumuah Chhorna Munafiqoñ Ka Sa Kaam He.

*📚(Miratul Manajeeh Sharah Mishkatul Masabih, J-2, S-325, Hadees-1379)*

Lihaza Bila Uzr Jumuah Chhodne Wale Par Sakht Waeede He, Lagatar 3 Jumuah Chhodne Wala Munafiqana Amal Kahelayega Or Uske Dil Par Allah Ta'ala Gaflat Ki Muhar Laga Deta He. Magar Lagatar Teen Jumuah Chhorne Wala Kafir Ya Islam Se Kharij Nahi Hota Jab Tak Use Halqa Samajh Kar Ya Uski Farziyat Ka Inkar Na Kare..

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓8 Nov 2021, 2 Rabi Us Saani 1443*

📲+918487928693

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•