*🌹SAWAL:-🌹*
Asslamualaykum
~ Hamare Gaanv Ke Ek Bachche Ne Sawal Kiya Ke *huzur ﷺ* Ke Mue Mubarak Sher Sher Kese Pohche?
App Rehnumai Farma Dijiye
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Mu E Mubarak Sharif Khud Huzur Alaihis Salato WasSalam Ne Shahaba E Kiram K Darmiyan Taqsim Farmane Ka Hukm Diya, Ba'az Sahaba E Kiram Wasiyat Farma Kar In Mubarak Tabarrukat Ko Apni Qabro Me Le Gaye Our Bahut Se Sahaba E Kiram Logo Ko In Tabarrukat Se Faiz Phunche Is Garaz Se Duniya Me Chhod Gaye Our Ye Tabarrukat Unhi Sahaba E Kiram Taabieen E Kiram Our Muqaddas Buzurgoñ Se Hote Hue Aaj Ham Tak Pahunche, Chunki Jis Tarah Islam Har Chahhar Jaanib Faila Isi Tarh Muqaddas Tabarrukat Bhi Duniya Me Fele Jesa Ke Hadees Sharif Me He,
Riwayat He Hazrat Anas Se Ki Nabi E Kareem ﷺ Mina Me Tashreef Laaye To Jamrah Par Aaye Use Kankar Maare Phir Apne Mina Ke Khaima Me Tashreef Laaye Or Qurbani Ka Janwar Zabah Kiya Phir Mundne Wale Ko Bulaya Or Use Apni Dahini Janib Pesh Ki Usne Mund Di.. Phir Abu Talha Ansari Ko Bulaya Vo Baal Unheñ Ata Farma Diye Phir Baayeñ Janib Haaliq Ke Samne Ki Farmaya Mund Do Usne Mund Di Phir Vo Baal Abu Talha Ko Ata Farma Kar Farmaya Unheñ Logoñ Me Baant Do..
*📚(Muslim, Bukhari)*
Is Mauqa Par Huzure Anwar Ne Apne Nakhun Shareef Bhi Logoñ Me Taqseem Karaye, Ye Baal W Nakhun Tabarruk Ke Liye Saaroñ Me Taqseem Kiye Gaye, Unme Se Baaz Hazraat To Ye Tabarrukat Apni Qabroñ Me Le Gaye Taki Wahañ Ki Mushkilaat Aasan Hoñ Jaise Hazrat Ameere Muaawya W Umru Ibne Aas Wagairahum Or Baaz Hazraat Chhod Gaye Taaki Qayamat Tak Musalman Unki Ziyarat Karte Raheñ.. Chunanche Aaj Tak Mukhtalif Jagah Ye Baal Shareef Maujud Hai Or Unki Ziyarateñ Ho Rahi Hai, Sahaba E Kiram In Baaloñ Ko Paani Me Gota De Kar Dawa'an Pite The.
*📚(Mirarul Manajeeh, J-4, Hadees-262)*
Dusra Ye Ke In Mu E Mubaraka Ki Khususiyyat Ye He K Ye Jin Ke Paas Hote Hai To Saal Ba Saal Is Me Barkat Hoti Our Jin Logoñ Ke Paas Ye Muqaddas Tabarrukat Moujud He Wo Log Us Me Se Dusroñ Ko Tohfatan Dete Rehte He Is Wajah Se Ye Muqaddas Tabarrukat Puri Duniya Me Fel Gaye He.. Khud Is Faqeer E Qadri Razwi Ke Dada Ke Yanha Ye Muqaddas Tabarruk Moujud He Jo Ek Zaeef Aurat Jiska Koi Waris Nahi Tha Our Uske Paas Ye Gira Qadr Tabarruk Moujud The, Hamare Dada Jo Nek Saleh Parhezgaar The Unke Supurd Kiye Our Kaha Ke Aap Iski Hifazat Karna Our Har Saal Logo Ko Didar Karana... Hamare Ghar Se Bhut Si Jagho Par Ye Tabarrukat Tohfatan Bila Muawza Diye Gaye,. Al Hamdu Lillah...
To Mu E Mubarak Ka Is Tarah Puri Duniya Me Paya Jana Is Wajah Se He Ke Ye Tabarrukat Ham Ko Buzurgoñ Se Mile Our Ham Ne Dusro Tak Phunche... Wallahu Ta'ala Aa'alam
*_✍🏻Al-Jawab:- Hazrat Allama Mufti Qasim Raza Sahab Misbahi_*
*📬Masjide Hazrat Bilaal, Nadiyad Gujarat*
*🗓️14 Nov 2022, 18 Rabi Us Saani 1444*
*🌹SAWAL-O-JAWAB🌹F.T.S👑grp*
📲+91
*_📬Pathan Moin Raza Khan,Petlad_*
•┈┈┈┈┈┈• • ✦ ✿ ✦ • •┈┈┈┈┈┈•
No comments:
Post a Comment