Gause Aazam Ka Naam Bagair Wuzu Lena Kesa ?

 *🌹SAWAL:-🌹*

Is Baat Ki Kya Sadaaqat He ki "Gause Aazam Ka Naam Bagair Wuzu Liya Jaye To Baal Jhar Jaate Hai" ? Rahenumai farmayeñ

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ

Bahetar He Sarkar Gause Aazam Ka Naam Be Wuzu Na Liya Jaye...

Seerul Akhyaar Mahfile Awliya Me He Ki,

Ibteda Me Aapko Bahut Jalaal Tha Itna Ki Koi Khouf Ke Maare Aapka Naam Bila Wuzu Na Leta Tha Ki Fauran Nuqsan Pahunch Jata Tha Jis Ki Taraf Nigah Utha Kar Dekh Lete The Khatam Ho Jata Tha Magar Aapne Rasoole Kareem ﷺ Ki Hidayat Par Jalaal Tark Kar Diya Phir To Ye Halat Thi Ki Har Waqt Shane Jamaali Me Rahte The Sabse Khalqo Malaatafat (Narmi, Maherbani) Se Pesh Aate The Kisi Par Gussa Na Karte The Rozana Hazaarha Afraad Aapke Mureed Hote The Or Door Door Se Aa Kar Aapke Daste Haq Par Taubah Karte....

*📚(Seerul Akhyaar Mahfile Awliya, S-213, Kutub Khana Amjadiyah Dehli)*

Or Tafreeh Ul Khatir Me Gulzar Ma'aani Ke Hawale Se Likha He Ki,

Ibteda Me Hazrat Gause Samdaani Qutbe Rabbani Quddassirahun Noorani Par Jalaalat Ki Sifat Gaalib Thi Is Liye Jo Shakhs Bagair Wuzu Aapka Naam Leta Halaak Ho Jata Ek Roz Aapko Huzur Dana E Guyub ﷺ Ne Khwab Me Farmaya Is Halat Ko Tark Kar Dijye Kyuñ Ki Ek Zamana Aysa Aayega Ki Log Mera Or Khuda Ka Naam Bhi Be Wuzu Leñge Pas Aap Ne Huzur Dana E Guyub ﷺ Ki Ummat Par Raham Kha Kar Is Halat Ko Tark Kar Diya..

Ba'az Aulma Ka Qaul He Ki Aap Ki Jab Ye Halat Logoñ Me Mash'hoor Hui Or Koi Shakhs Mout Ke Khouf Se Aapka Naam Be Wuzu Nahiñ Leta Tha To Awliya E Bagdad Ne Aapki Khidmat Me Hazir Ho Kar Arz Ki Logoñ Par Raham Kijye Or Unko Is Sakhti Se Chhurhaiye Aapne Farmaya Me To Is Halat Ko Pasand Nahiñ Karta Magar Khuda Ne Mujhe Farmaya He Ki Tumne Mere Naam Ki Ta'azeem Ki To Hamne Tumhare Naam Ki Azmat Ata Farmaai...

 Mashaaikh Ka Qaul He Ki Jo Shakhs Aapka Naam Be Wuzu Le Vo Tang Dasti W Muflisi Me Mubtala Ho Jata He Or Jo Aap Ke Naam Ki Nazr Maane Use Fauran Ada Kar Dena Chahiye Taaki Kisi Musibat Me Giraftar Na Ho Jaye..

*📚(Tafreehul Khatir Fee Manaqibe Saiyeduna Abdul Qadir, S-29, Mutarjim Aarif Noori, Anwarul Quraan Publicatiors Lahor)*

Wallahu Ta'ala Aa'alam

*_✍🏻Pathan Moin Raza Khan,Petlad_*

*🗓️9 June 2023, 19 Zul Qa'ada 1444*

📲+918487928693

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•