Mobile Par Najasat Lag Jaye To Kese Paak Kare ?

 *Mobile Par Najasat Lag Jaye To Kese Paak Kare ?*

*🌹SAWAL:-🌹*

Assalamualaikum 

Aapki Bargah Main Mera Ek Suwal Hai Ki Mobile Par Agar Koyi Naapak Chiz Lag Jaaye Toh Mobile Ko Kaise Paak Kiya Jaaye Rehnumayi Farmaein Bahut Maherbani Hogi

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Har Vo Cheez Jo Rutoobat Ko Jazb Karne Ki Salaahiyat Na Rakhti Jo Maslan Shisha, Plastic, Sona, Chandi, Steel, Peetal Wagairah Agar Un Par Koi Najasat Lag Jaye or Achchi Tarah Saaf Kardi Jaye, Ragad Di Jaye or Najasat Ka Asar Khatm Ho Jaye to Paak Ho Jayegi.. Mobile Ki Body Steel Plastic Sheesha Wagairah Hi Ki Hoti He Lihaza Najasat Agar Lag Jaaye to Saheeh Se Kapde Wagairah Se Puchh De Ragad De Ki Uska Asar Jata Rahe Mobile Paak  Ho Jayega... Or Agar Najasat Andar Ke Hissoñ Me Saraayat Kar Jaye to Jaise Bhi Mumkin Ho Mobile Ko Khulva Kar Saaf Karale Paak Ho Jayega..

Bahare Shariyat Me Huzur Sadrushshariyah Alaihir Rahmato Ridwan Taherir Farmate Hai,

Aaina or Sheeshe Ki Tamam Cheezeñ or Cheeni Ke Bartan Ya Mitti Ke Rogani Bartan Ya Paalish Ki Hui Lakdi Garz Vo Tamam Cheezeñ Jin Me Masaam Na Hoñ Kapde Ya Patte Se Is Qadar Punchh Li Jaayeñ Ki Asar Bilkul Jata Rahe Paak Ho Jati Hai.

*📚(Bahare Shariyat, H-2, Najis Cheezoñ Ke Paak Karne Ka Tareeqa, Mas'ala-31)*

Or Farmate Hai,

Lohe Ki Cheez Jaise Chhuri, Chaku, Talwar Wagairah Jisme Na Rang Ho, Na Naqsho Nigaar Najis Ho Jaye, to Achchi Tarah Punchh Daalne Se Paak Ho Jayegi or Is Soorat Me Najasat  Ke Daldaar Ya Patli Hone Me Kuchh Farq Nahiñ. Yuñhi Chandi, Sone, Peetal, Gilt or Har Qism Ki Dhaat Ki Cheezeñ Punchhne Se Paak Ho Jati Hai Basharteki Naqsh Na Hoñ..

*📚(Bahare Shariyat, H-2, Najis Cheezoñ Ke Paak Karne Ka Tareeqa, Mas'ala -30)*

Or Huzur Tajushshariyah Alaihir Rahmato Ridwan Se Suwaal Hua Ki, 

Mobile Phone Per Najasat E Ghaliza Lag Jae to Kis Tarah Pak Kiya Jae. Pani Ke Istimal Se Mobile Kharab Hone Ka Andesha Hai? Jis Ke Jawab Me Aapne Farmaya Ki,

Jis Tarah Talwaar Wagairah or  Aaina Wagairah Ki Taharat Ka Hukm He Isi Taur Par Iski Taharat Ki Jayegi.. (Yaani Punchh Lene Se )

Http://jamiaturraza.com/session/12sept10/35.mp3

Wallahu Ta'ala Aa'alam Bis-sawab 

*_✍🏻Pathan Moin Raza Khan,Petlad_*

*🗓️3 May 2024, 23 Shawwal 1444*

📲+91

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•