Aurat Ka Iddate Wafaat Me Job Karne Bahar Jana Kesa ? Jabki Koi Kifayat Karne Wala Na Ho?

 *Aurat Ka Iddate Wafaat Me Job Karne Bahar Jana Kesa ? Jabki Koi Kifayat Karne Wala Na Ho?*

*🌹SAWAL:-🌹*

Shohar Ke Inteqal Ke Baad Amdani Ka Digar Jariye Na Ho Aur Jimmedariyan 2 Baccho Ka Kharch Aur Ghar Kharcha Ho To Kya Is Ya Aisi Hi Kisi Surat Mein Iddat Mein Shariyate Mutahra Mein Kahi Ruksat Hai

For Ex. Hinda Job Kar Ke Ghar Kharch Chalati Hai Aur Hinda Gar Shauhar Ke Inteqal Ke Baad Agar 20 Din Mein Rejoin Na Kare To Job Na Rahegi Aur Kharch Ka Bhi Masla Hai....!

Barahe Meharbani Jald Islah Farmaye

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ

Agar Koi Kama Kar Dene Wala Nahiñ Our Uske Paas Ba Qadar E Kifayat Maal Nahiñ He to Din Me Ja Sakti He Magar Raat Ka Aksar Hissa Usi Ghar Me Guzare Jis Me Iddat Me Bethi He...

Bahare Shariyat Me He,

Maut Ki Iddat Me Agar Bahar Jaane Ki Haajat Ho Ki Aurat Ke Paas Baqadre Kifaayat Maal Nahiñ or Bahar Ja Kar Mahnat Mazdoori Karke Laayeñgi to Kaam Chalega to Use Ijazat He Ki Din Me or Raat Ke Kuchh Hisse Me Baahar Jaye or Raat Ka Aksar Hissa Apne Makaan Me Guzare Magar Haajat Se Zyada Bahar Thaharne Ki Ijazat Nahiñ. Or Agar Baqadre Kifayat Uske Paas Kharch Maujud He to Use Bhi Ghar Se Nikalna Mutlaqan Mana'a He or Agar Kharch Maujud He Magar Bahar Na Jaye to Koi Nuqsan Pahunchega Maslan Zira'at (Kheti Wagairah) Ka Koi Dekhne Bhalne Wala Nahiñ or Koi Aysa Nahiñ Jise Us Kaam Par Muqarrar Kare to Iske Liye Bhi Ja Sakti He Magar Raat Ko Us Ghar Me Rahna Hoga. Yuñhi Koi Sauda Laane Wala Na Ho to Uske Liye Bhi Ja Sakti He.

*📚(Bahare Shariyat, H-8, Sog Ka Bayan, Mas'ala-15)*

Soorat E Mas'oola Me Khud Ki Our Do Bacchoñ Ki Zimmedari Bhi Us Par Hai Our Rejoin Na Karne Ki Surat Me Job Jaane Ka Khatra Bhi He Our Kharch Ka Bhi Mas'ala He to Aysi Halat M Zarooratan Din Me Bahar Ja Sakti He Magar Jitni Zaroorat He Utna Hi Waqt Guzare Baqi Kaam Pura Hone Par Lout Aae... Our Moujuda Dour Ke Haalat K Pesh E Nazar Iddat Ki Halat Me Bahar Nikle to Apni Izzat O Aabru Ka Bhi Khoob Khayal Rakkhe.. Agar Us Ke Rishtedar Me Se Koi Kifalat Karne Wala Ho to Jitne Ayyam Tak Mumkin Ho Iddat Ke Zamane Me Ghar Par Hi Rahe Fir Jab Job Ki Rejoin Ka Zamana Qarib Aaye to Zarooratan Chali Jaye..

Wallahu Ta'ala Aa'alam 

*✍🏻Al-Jawab: Hazrat Allama Mufti Qasim Raza Sahab Misbahi*

*📬Masjide Hazrate Bilal, Nadiyad, Gujrat*

*🗓️2 Dec 2024, 29 Jamadi Ul Awwal 1446*

*🌹SAWAL-O-JAWAB🌹F.T.S👑grp*

📲+

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*