Muharram Me Kharcha Ki Mannat Maani To Kya Pura Karna Zaroori He ?

 *Muharram Me Kharcha Ki Mannat Maani To Kya Hukm He ?*

*🌹SAWAL:-🌹*

Agar Koi Banda Aysi Mannat Rakhe Mera Ye Kaam Ho Jayega Fo Meñ Muharram Ka Jo Kharch Hota He Vo Ada Karuñga to Is Par Kya Hukm He ?

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ

Muharram Me Kharch Karne Se Saail Ki Murad Dhol Tashe Our Murawajjah Taziyadari Ho to Ye Najaaiz O Haram He. Our Is Se Murad Mahafile Sahaba W Ahle Bait Our Sabeel Lagana, Niyaz Karwana Ho to Kar Sakta He. Magar Ye Yaad Rahe Ke Ye Koi Mannat E Sharai Nahiñ Jis Ka Pura Karna Wajib Ho.

Haañ Albatta Ye Mannat Maani Ke Mera Fulañ Kaam Ho Jayega to Me Itna Itna Rupiya Muharram Ke Mahine Me Gurba W Masaakin Ko Dunga Ya Allah Ki Raah Me Kharch Karunga to Ye Mannat Sahih He Isko Pura Kiya Jaye..

Jaisa Ki Bahare Shariyat Me He,

Alam Aur Taaziya Banane, Peek Banne, Muharram Mein Bachoñ Ko Faqeer Banane, Buddhi Pehnane, Aur Marsiya Ki Majlis Karne, Ta'ziyon Par Niyaz Dilwane Waghera Khurafat Jo Rawafiz Aur Ta'ziya Daar Log Karte Hain, Unki Mannat Sakht Jahalat Hai. Aisi Mannat Na Maanni Chahiye, Aur Agar Maani Ho to Poori Na Karein. In Sab Se Badtar Sheikh Saddu Ka Murgha Aur Karahi Hai.

Ba'z Jahil Aurtein Ladkon Ke Kaan Naak Chhedwane, Bachon Ki Chotiyan Rakhne Ki Mannat Maanti Hain Ya Aur Tarah Tarah Ki Aisi Mannatein Maanti Hain Jinka Jawaz Kisi Tarah Sabit Nahiñ. Awwalan, Aisi Wahiyaat Mannatoñ Se Bachein, Aur Agar Maani Ho to Poori Na Karein. Shariat Ke Mamle Mein Apne Lagw Khayalat Ko Dakhal Na Dein, Na Yeh Kahein Ke Hamare Buzurg Yuñ Hi Karte Aaye Hain, Ya Yeh Ke Poori Na Karenge to Bachcha Mar Jayega. Agar Bacha Marne Wala Hoga to Yeh Najaaiz Mannatein Bacha Nahiñ Sakengi. Mannat Maano to Nek Kaam, Namaz, Roza, Khairaat, Durood Sharif, Kalma Sharif, Quran Majeed Padhne, Faqeeron Ko Khana Dene, Kapda Pehnane Waghera Ki Mannat Maano. Apne Yahañ Ke Kisi Sunni Aalim Se Bhi Pooch Lein Ke Yeh Mannat Theek Hai Ya Nahiñ. Wahabi Se Na Poochhein, Kyunke Woh Gumraah Be-deen Hai, Woh Sahih Masla Nahi Batayega, Balki Achhe Kaam Ko Bhi Najaaiz Keh Dega..

*📚(Bahare Shariyat, H-9, Mannat Ka Bayan, Mas'ala-19,20)*

Or Farmate Hai,

Muharram Ki Niyaz Ya Sharbat Ya Sabeel Lagane Ya Milad Sharif Karne Ki Mannat Maani to Yeh Sharaee Mannat Nahiñ, Magar Yeh Kaam Mana'a Nahiñ Hain, Kare to Acha Hai. Haañ, Albatta Iska Khayal Rahe Ke Koi Baat Khilaf-e-shar'a Uske Sath Na Milaye, Masalan, Taaq Bharne Mein Raat Jaga Hota Hai Jis Mein Kumba Aur Rishta Ki Aurtein Ikattha Ho Kar Gaati Bajati Hain, Ke Yeh Haram Hai. Ya Chadar Chadhane Ke Liye Baaz Log Tashe Bajey Ke Sath Jate Hain, Yeh Najaaiz Hai. Ya Masjid Mein Chiragh Jalane Mein Baaz Log Aatey Ka Chiragh Jalate Hain, Yeh Khwahmakhwah Maal Zaya Karna Hai Aur Najaaiz Hai, Mitti Ka Chiragh Kaafi Hai. Aur Ghee Ki Bhi Zarurat Nahiñ, Maqsad Roshni Hai Woh Tail Se Hasil Hai.

*📚(Bahare Shariyat, H-9, Mannat Ka Bayan, Mas'ala-18)*

Wallahu Ta'ala Aa'alam Bis-sawab

*✍🏻Al-Jawab: Hazrat Allama Mufti Qasim Raza Sahab Misbahi*

*📬Masjide Hazrate Bilal, Nadiyad, Gujrat*

*🗓️6 July 2025, 10 Muharram 1447*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*