Qarz Ya Mudaribat Me Muta'ayyin Nafa'a Lene Ka Hukm

 *Qarz Ya Mudaribat Me Muta'ayyin Nafa'a Lene Ka Hukm*

*🌹SAWAL:-🌹*

Kya Farmate Hain Ulama-e-kiram Masla-e-zail Ke Bare Mein? Zaid Ne Bakr Se 10 Hazar Rupiya Liya Business Ke Naam Par Aur Zaid Ka Kehna Hai Ke Hum Tumhein Daily Ke Hisab Se 500 Ya 600 Jaisa Bhi Nafa Hoga Hum Tumhein Denge, Plus Yeh Ke Tumhara Woh 10 Hazar Bilkul Safe Rahega, Jab Tum Chahoge Tum Isko Le Sakte Ho. To Is Tarah Se Business Karna Kaisa Hai? Bakr Ko Kuch Nahi Karna, Sirf Ek Martaba 10 Hazar Rupiya Dena Hai, Phir Daily Ka Usay 500-400 Rupiya Milta Rahega Aur Woh 10 Hazar Mehfooz Bhi Rahega. Mudallal Aur Mufassal Jawab Inayat Farmaein

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Zaid Ne Bakar Se 10000 Rupye Business Ke Naam Par Liye Ise Shariyat Ki Istilaah Me Muzaaribat Kahte Hai, Ki Bakar Ke 10000 Zaid Istemal Kare, Business Karobar Kare or Usme Se Nafa'a Deñ.. Lekin Isme 500, 600 Nafa'a Muta'ayyin Karna Ye Kaata E Muzaaribat He, Yaani Isse Muzaaribat Khatam Ho Jati He, Najaaiz Ho Jati He...

Isme Hone Ye Chahiye Ki 10000 Rupye Liye Business Kiya Jo Bhi Profit Hoga Us Profit Ki Koi Shara'a Muta'ayyin Karni Chahiye Ki Profit Jitna Hua Uska 50% Ya 60%, 20% Ya Jo Bhi Munasib Lage Ek Shara'a Honi Chahiye.. Na Ye Ki 500 Rupye, 600 Rupye.. Ye Mumkin Ki Utna Hi Kul Ke Kul Nafa'a Ho ! To Jab Bhi Raqam Nafa'a Me Muta'ayyin Kar Deñge Ye Najaaizo Haram Ho Jayega. 

Dusri Baat Ye He Ki Ye Kahna Ki 10000 Bilkul Safe Raheñge Jab Tum Chahoge Tum Usko Le Sakte Ho to Ye to Aariyat Me Hota He, Wadiyyat Me Hota He, Amanat Me Hota He Ya Qarz Me Hota He Ki Jo Paisa Diya Vo Sab Ke Sab Bilkul Safe Ho... 

Or Jab Business Me Lagayeñge Muzaaribat Kareñge to Vo Risk Par Hoga, Yaani Vo Asl Raasul Maal Risk Par Hoga.. To Vo Safe Bhi Ho Sakta He Vo Khatre Me Bhi Ho Sakta He, Pure Ka Pura Capital Zaaye'a Bhi Ho Sakta He, 

Lihaza Is Tarah Ki Cheez Agar Shart Ke Taur Par He to Use Qarz Kaha Jaye to Usme Profit Lena Haram Ki Ye Riba Ya Sood He.. 

Or Isi Tarah Amaanat Ho Wadiyyat Ho to Usme Bhi Nafa'a Nahiñ Le Sakte..

Wallahu Ta'ala Aa'alam Bis-sawab 

*🎙️Al-Jawab: Nabeera E Huzur Sadrushshariyah Hazrat Allama Mufti Faizanul Mustafa Qadri Amjadi Sahab Qibla*

*📬Baani Jamiah Imame Aazam Abu Hanifa, Lucknow*

*🗓️3 July 2025, 7 Muharram 1447*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*