Kisi Wali Ya Nabi Ko Mashooqe Khuda Kahna Kesa ?

 *Kisi Wali Ya Nabi Ko Mashooqe Khuda Kahna Kesa ?*

*🌹SAWAL:-🌹*

Assalamu Alaikum,

Kya Allah Ke Kisi Wali Ko *"Mashooq-E-Khuda"* Keh Sakte Hain?  

Aise Kehne Walon Par Kya Hukm Hoga?

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Huzurr Saiyedi Aala Hazrat Imam Ahmad Raza Khan Rehmatullah Alaih Se Sawaal Huva, Jiska Khulasa Yeh Hai Ke,

Kya Allah Ta’Ala Ko Aashiq Aur Hazoor-E-Pur Noor Sarwar-E-Alam Sallallahu Alaihi Wasallam Ko Mashooq Kehna Jaaiz Hai Ya Nahiñ ?

To Aap Rahimahumullahi Ta'ala Alaih Ne Jawaban Tahreer Farmaya,

“Najaaiz Hai, Kyuñ ki Ishq Ka Ma’ani Allah Azzawajal Ke Haq Mein Muhale Qataee Hai. Aur Aisa Lafz Sharaee Saboot Ke Baghair Hazrat Izzat (Yaani Allah Paak) Ki Shaan Mein Bolna Mamnoo'a E Qataee....”  

*📚(Fatawa Razviya, Jild-21, Safha-144)*

Aur Shareh Bukhari Faqih-E-Azam Hind Hazrat Maulana Mufti Muhammad Sharif-Ul-Haq Amjadi Rehmatullah Alaih Tahreer Farmate Hain, Jiska Khulasa Yeh Hai Ke:  

“Allah Ta’Ala Ki Taraf Nisbat Karte Hue in Teenon (Dilbar, Dilruba, Aur Mashooq) Mein Se Kisi Ka Itlaaq Sahih Nahiñ, Yaani Yeh Kehna Jaaiz Nahiñ Ke Hazoore Aqdas Sallallahu Alaihi Wasallam Allah Ta’Ala Ke Dilbar, Dilruba, Ya Mashooq Hain, Kyunki Dilbar Aur Dilruba Kehne Mein Baari Ta’Ala Ke Liye Ihame Tajassum Hai, Aur Mashooq Kehne Mein Isbaate Nuqs Hai. Kyunki Ishq Ka Haqeeqi Ma’ani Mohabbat Ki Woh Manzil Hai Jismein Junoon Paida Ho Jaye.”  

*📚(Fatawa Sharah Bukhari, Jild-1, Safha 281)*

*Khulasa-E-Kalaam:*

Jab Allah Aur Uske Rasool Ki Shaan Mein Aashiq Aur Mashooq Kehna Rawan Nahiñ, Toh Wali Ko “Mashooq-E-Khuda” Kehna Kis Qadar Jaaiz Hoga?  

Lihaza, Aise Kehne Wale Par Tauba Aur Istighfar Wajib Hai. Aainda Aise Alfaaz Bolne Se Ijtinab Kiya Jaye.

Wallahu Ta'ala Aa'alam Bis-Sawab 

*✍🏻Al-Jawab: Hazrat Muhammad Shameem Akhtar Raza Yusufi Sahab Qibla*

*📬Khatibo Imam Chakai Jame'a Masjid W Khadimut Tadrees Madarsa Raza E Mustafa Chakai, Jamui, Bihar*

*🗓️19 July 2025, 23 Muharram 1447*

*🌹SAWAL-O-JAWAB🌹F.T.S👑grp*

📲+9

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*