*Masjid Ki Raqam Se Imam Ki Tankhwah Dena Jabki Tankhwah Ke Alag Se Paise Awam Deti Ho ?*
*🌹SAWAL:-🌹*
Assalamualaikum,
Kya Farmate Hain Ulama-E-Kiram Masla-E-Zaeel Ke Baare Me Ke Zaid Jis Jagah Imamat Karta Hai Wahan Aam Tor Pe Ye Riwaj Hai Ke Logoñ Par Paisa Laga Hua Hai, Har Mahine Wo Imam Ki Tankhah Ke Naam Par 100, 200, 500 Rupaye Diya Karte Hain.
Pichhle Do Teen Mahine Se Ye Chanda Nahi Ho Paya. Ab Kuch Logon Ka Kehna Hai Ke Masjid Ka Jo Fund Hai, Yaani Jumme Me Do Chaar Rupaye Karke Jo Log Dete Hain, Usi Paison Ko Utha Kar Imam Ko Tankhah De Di Jaye.
Kya Ye Durust Hoga Jabke Aam Tor Se Wo Paisa Khaas Masjid Ke Sarf Ke Naam Par Log Dete Hain, Kyunki Tankhah Ka to Alag Se Intazam Hai Hi, Jisse Ye Baat Saaf Zaahir Hai Ke Jumme Me Jo Do Teen Paanch Das Rupaye Karke Log Dete Hain, Wo Imam Ki Tankhah Ki Niyyat Se Paisa Nahi Dete.
*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Soorat-E-Mas’Oolah Me Hukm Ye Hai Ke Jumme Ke Din Jo Chanda Hota Hai 100, 200, 500 Aur Usi Ko Imam Ki Tankhwah Me Shamil Karna Chahte Hain to,
Awwalan, Ye Kaam Karein Ke Pehle Jumuah Me Is Baat Ka Khulasa Kar Dein,
Uske Baad Tamam Chanda Dene Walon Se Bhi Wazeh Karein Ke Jo Imam Sahab Ko Tankhwah Di Jaati Thi,
2-4 Mahine Se Unki Tankhwah Mukammal Nahiñ Ho Pa Rahi Hai,
Isliye Jumme Me Jo Chanda Ki Raqam Ikatthi Hoti Hai, Usko Bhi Usi Me Shamil Karna Hoga.
Logoñ Ke Samne Ye Baat Rakhein, Agar Tamam Chanda Dene Wale Is Par Raazi Ho Jaayein,
to Us Raqam Ko Imam Sahab Ki Tankhwah Me Shamil Karke Unhe Tankhah Di Ja Sakti Hai, Isme Koi Harj Nahi.
Mufti Jalaluddin Amjadi Rahmatullah Ta'ala Alaih Farmate Hai,
Imam Ki Tankhwah Agar Itni Hai Ke Jo Wajib Tor Par Honi Chahiye, to Masjid Ki Raqam Se Tankhwah Dena Jaaiz Hai. Aur Agar Mutawalli Ne Itni Zyada Tankhwah Muqarrar Kar Di Ke Doosre Log Itni Na Dete, to Masjid Ki Raqam Se Us Tankhwah Ka Dena Jaaiz Nahiñ. Mutawalli Apni Taraf Se De. Agar Masjid Ki Raqam Se Dega, to Tawaan Dena Padega.
Balki Agar Imam Ko Maaloom Hai Ke Masjid Ki Raqam Se Ye Tankhwah Di Jati Hai, to Use Lena Bhi Jaaiz Nahiñ
*📚(Fatawa Faizur Rasool, Jild-2, Safha 374)*
Wallahu Ta'ala Aa'alam
*✍🏻Al-Jawab: Hazrat Maulana Ashraf Qadri Alimi Sahab Qibla*
*📬Madarsa Lateeful Uloom, Raza Nagar Jigna Mirzapur, Up*
*🗓️16 Aug 2025, 21 Safar 1447*
*🌹SAWAL-O-JAWAB🌹F.T.S👑grp*
📲+91848
*_📬Pathan Moin Raza Khan,Petlad Gujrat_*
•┈┈┈┈┈┈• • ✦ ✿ ✦ • •┈┈┈┈┈┈•
*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*
No comments:
Post a Comment