Qur'an Sharif Ko Gujarati Hindi Mein Padhna Kaisa

 *Qur'an Sharif Ko Gujarati Mein Padhna Kaisa?*

*🌹SAWAL:-🌹*  

Kya Qur'an-E-Muqaddas Ko Gujarati Mein Padhna Jaaiz Hai Ya Nahiñ ?

*🌹JAWAB:-🌹*  

Qur'an-E-Muqaddas Ko Arbi Mein Padhna Aur Likhna Zaroori Hai. Gujarati Mein Qur'ane Muqaddas Likhna Aur Padhna Haraam Aur Gunaah Hai, Kyuñki Arbi Zabaan Ke Bahut Se Aise Huroof-E-Tahajji Hain Jin Ka Mutabadil (Yaani Us Jaisa) Aap Ko Gujarati Mein Nahiñ Milega, Maslan, ض، ع، ص، ث، ح، غ Wagairah.

Aysi Soorat Mein in Huroof Ki Jagah Gujarati Mein Jo Huroof Musta'amal (Yaani Istemaal) Hote Hain, Woh Rakhe Jayenge, Jis Se Qur'an-E-Muqaddas Ka Nazmo Ma'aana Badal Jayega, Balki Baarha Woh Ma'aani Ho Jayega Jo Kufr Tak Pahuncha Dega.  

Is Liye Qur'an-E-Muqaddas Ko Arbi Zabaan Ke Bajaye Gujarati (Ya Is Jesi Dusri Zubaan Hindi English Roman Wagairah) Mein Likhna Aur Padhna NaJaaiz, Haraam Aur Gunaah Hai.  

Wallahu Wa Rasooluhu Aa'alam Bis-Sawaab

*✍🏻Al-Jawab: Naib Qazi E Gujarat, Khalifa E Huzur Muhaddise Kabeer W Huzur Qaide Millat, Hazrat Allama Mufti Muzzammil Barkati Sahab Qibla*

*📬Khadim Tadreeso Ifta Darul Uloom Anware Madina Jamkhambhaliya, Gujarat*

*🗓️16 Aug 2025, 21 Safar 1447*

*🌹SAWAL-O-JAWAB🌹F.T.S👑grp*

📲+918

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*