Quran Shareef Se Tarawih Padhne Wala Bich Me Alam Tara Se Padhle To Kya Hukm He..

 *🌹SAWAL:-🌹*

Koi Shakhs 27 Din Vali Taravi Padh Raha Hain Kisi State Me Or Agar 15 Din Baad Kisi Or State Chla Jaye Vaha Ki 27 Din Vali Taravih Padh Le To Aisi Surat Me Kya Hukm Hain Or Beech Me Ek Do Din Chhut Jae To Bhi?

*🌹JAWAB:-🌹*

Asslamu Alaykum

Tarawih Pure Ramzan Ke Mahine Ki Hoti He (Yani Ramzan Ka Chaand Nazar Aae Ya Shaban Ke 30 Din Mukammal Ho Jaye Tab Se Shuru Ki Jaye Aur Jese Hi Shawwal Ka Chand Nazar Aae Ya 30 Roze Pure Ho Jane Tak)

Har Raat Ko Isha Ki Namaz Ke Baad 20 Rakaat Padhna Har Musalman Mard O Aurat Ke Liye Sunnat E Moakkida He,

Aap Ne Jo Pucha He Wo Qura'an Sharif Se Tarawih Padhi Jati He Uska Mas'ala He, Aksar 27 Wi Shab Ko Mukammal Quran Sharif Ko Khatm Kar Diya Jata He Usko Awam Me 27 Din Ki Tarawih Kehte He Jabki Tarawih Ki 20 Raka'at Pura Mahina Padhna Sunnat E Mokkida He Na Ke Sirf 27 Din, Isi Liye Janha Janha Tarawih Me Khatm E Quran Kiya Jata He Wanha Bhi 27 Ke Baad Shawwal Ke Chand Nazar Aane Tak Surah E Tarawih Ya Koi Or Surah Padhi Jati He... Ab Mas'ala Jo Aap Ne Puchha Ke Kisi Jagah 15 Din Tarawih Padhne K Baad Kisi Dusre State Me Jane Ka Ittefaq Huwa Our Wanha Bhi Khatm E Quran Se Tarawih Ho Rahi He To Aap Wanha Bhi Padh Sakte He Our Bich Me Ek Do Din Chhut Jae To Koi Haraj Nahi Albatta Jitne Pare Aap Ke Sunne Se Reh Gaye Usko Time Nikal Kar Padh Le To Behter Ke Aap Ka Quraan E Pak Mukmmal Ho Jaae. 

Wallahu Ta'ala Aa'alam

*_✍🏻Al-Jawab:- Hazrat Allama Mufti Qasim Raza Sahab Misbahi_*

*📬Tadriso Ifta Madrsa E Islamiyah Matehat Peer Dastagir Ekta Trust, Dewgadh Bariya, Dahod Gujarat*

*🗓️25 April 2022, 23 Ramzanul Mubarak 1443*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•