*🌹SAWAL:-🌹*
Aaj Kal Log Hajj W Umrah Ke Mauqa Par Apni Tasweer Lete Rahate He Un Par Kya Hukm He Or Jo Pichhe Se Tasweer Lete He Jisme Chahera Na Dikhai De Un Par Kya Hukm He ?
اَلسَلامُ عَلَيْكُم وَرَحْمَةُ اَللهِ وَبَرَكاتُهُ
Tasweer Jandaar Ki Khinchna, Khichana Donoñ Sakht Haraam He, Baaise Laanat He.. Allah Ta'ala Har Musalman Ko Is Bala Se Mahefooz Rakhe....
Or Ye Haraam Kaam Agar Maqamaate Muqaddasa Me, Ayyame Muqaddas Me Ho To Or Bhi Zyada Shanee'a He, Or Bhi Zyada Qabeeh He, Ki Ayse Maqamaat Ka Adab Bhi Nahiñ Rakha Gaya Or Vahañ Par Haraam Kiya Gaya, Khusoosan Haram Shareef Me Ki Jahañ Par Ek Gunah Lakh Gunah Ke Barabar Hota He... Ma'azallah, To Aysa Haram Kaam Karke Laakhoñ Gunaahoñ Ko Ikaththa Karna Waqaee Sa'aadat Ke Khilaf He... Allah Ta'ala Har Musalman Ko Isse Bachaye...
Rahi Baat Pichhe Se Tasweer Ki, To Agar Usme Chahera Wagairah Nahiñ Aata To Zahir Baat He Ki Chahera Na Aane Ki Wajah Se Vo Jaandaar Ki Tasweer To Nahiñ Kahi Jayegi... Lekin Fir Bhi 2 Cheeze Usme He Ki Ek Adab Ka Lihaaz Nahiñ Rahta Or Dusri Ye Ki Dekhne Waale Badguman Ka Shikar Hoñge, Vo Log To Usko Dekheñge Ki Ye Camera Se Tasweer Hi Khincha Raha He... Or Aysa Tohmat Ki Jaghoñ Se Musalman Ka Bachna Bhi Zaroori He Or Dusroñ Ko Bachana Bhi Zaroori He.. Or Khas Taur Par Adab, Ki Bahut Saare Mubah Ya Jaaiz Kaam Bhi Ayse He Jo Dunya Bhar Me To Mubah W Jaaiz Hote He Lekin Adab Ka Lihaza Rakhte Huve Us Muqaddas Sarzameen Par Vo Bhi Mamnoo'a Fail Maana Jata He...
Lihaza Adab Ka Lihaz Rakhte Huve Apni Back Side Se Bhi Agar Tasweer Li Jaye To Ye Bhi Munasib Nahiñ He, Isse Bhi Bachna Bahetar He..
Wallahu Ta'ala Aa'alam Bis-Sawab
*🎙️Al-Jawab: Hazrat Allama Mufti Juned Raza Azhari Sahab Qibla*
*_📬(Fazile Jame'a Azhar Misr), Nadiyad Gujarat_*
*🗓️2 Apr 2023, 10 Ramzanul Mubarak 1444*
*🌹SAWAL-O-JAWAB🌹F.T.S👑grp*
📲+918487928693
*_📬Pathan Moin Raza Khan,Petlad_*
•┈┈┈┈┈┈• • ✦ ✿ ✦ • •┈┈┈┈┈┈•
No comments:
Post a Comment