*🌹SAWAL:-🌹*
Assalamualaikum, Khula Kise Kahte Hai.. ??
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Khula Ka Matlab Maal Ke Badle Apne Ko Shohar Ki Milkiyyat Se Chhudana He or Jab Khula Ho Jayega to Talaq E Baain Waqe'a Hogi..
Bahare Shariyat Me He,
Maal Ke Badle Me Nikah Zaail Karne Ko Khula'a Kahte Hai Aurat Ka Qubool Karna Shart He Bagair Uske Qubool Kiye Khula'a Nahiñ Ho Sakta or Uske Alfaaz Muayyin Hai Unke Alawa or Lafzoñ Se Na Hoga..
Agar Zauj W Zauja Me Na Ittefaqi Rahti Ho or Ye Andesha Ho Ki Ahkaame Sharaiyah Ki Pabandi Na Kar Sakeñge to Khula'a Me Muzaiqa Nahiñ or Jab Khula'a Kar Leñ to Talaqe Baain Waqe'a Ho Jayegi or Jo Maal Thahra He Aurat Par Us Ka Dena Laazim He.
Agar Shohar Ki Taraf Se Zyadati Ho to Khula'a Par Mutlaqan Aoz Lena Makrooh He or Agar Aurat Ki Taraf Se Ho to Jitna Mahar Me Diya He Usse Zyada Lena Makrooh Phir Bhi Agar Zyada Lele Ga to Qaza Jaaiz He..
Jo Cheez Mahar Ho Sakti He Vo Badal Khula'a Bhi Ho Sakti He or Jo Cheez Mahar Nahiñ Ho Sakti Vo Bhi Badal Khula'a Ho Sakti He Maslan Das Dirham Se Kam Ko Badal Khula'a Kar Sakte Hai Magar Mahar Nahiñ Kar Sakte..
Khula'a Shohar Ke Haq Me Talaaq Ko Aurat Ke Qubool Karne Par Muallaq Karna He Ki Aurat Ne Agar Maal Dena Qubool Kar Liya to Talaaqe Baain Ho Jayegi Lihaza Agar Shohar Ne Khula'a Ke Alfaaz Kahe or Aurat Ne Abhi Qubool Nahiñ Kiya To Shohar Ko Ruju'a Ka Ikhtiyar Nahiñ Na Shohar Ko Sharte Khiyaar Hasil or Na Shohar Ki Majlis Badalne Se Khula'a Baatil..
*📚(Bahare Shariyat, H-8, Khula'a Ka Bayan, Mas'ala-1 Ta 5)*
Mazeed Maloomat Bahare Shariyat Se Dekhe Ya Apne Ilaaqe Ke Kisi Zimmedar Mufti Ya Aalim Sahab Se Rabta Kare..
Wallahu Ta'ala Aa'alam
*✍🏻Al-Jawab: Hazrat Allama Mufti Qasim Raza Sahab Misbahi*
*📬Masjide Hazrate Bilal, Nadiyad*
*🗓️27 Feb 2024, 16 Shaban Ul Muazzam 1445*
*🌹SAWAL-O-JAWAB🌹F.T.S👑grp*
📲+91
*_📬Pathan Moin Raza Khan,Petlad_*
•┈┈┈┈┈┈• • ✦ ✿ ✦ • •┈┈┈┈┈┈•
No comments:
Post a Comment