Bank Me Job Karna Jaaiz He Ya Nahiñ ?

 *Bank Me Job Karna Jaaiz He Ya Nahiñ ?*

*🌹SAWAL:-🌹*

Aslamau Aalaykum Hazrat 

Bank Me Job Se Related Bhi Bata Dijye Hazrat Kon Kon Si Job Kr Skate He Me Banking Me Sbi , Rbi Po Exam Ki Taiyari Kr Rha Hu to Aap Batye Field Kon Si Sahih Rehegi ?..

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Hindustan Ki Government Ya Private Kuffaroñ Ki Bankoñ Me Job Karna Jaaiz He.. Kyuñ Ki Yahañ Sood Ka Len Den Nahiñ Hota Is Liye Ki Harbi Kafir or Musalman Ke Darmiyan Sood Nahiñ.. Lihaza in Bankoñ Se Milne Wala Interest/Nafa'a Bhi Jaaiz He, Agarche Us Bank Se Milne Wale Nafa'a Ko Intrest (Sood) Ka Naam Diya Jata Ho, Lekin Vo Sood Nahiñ.. Or Aysi Bankoñ Me Jahañ Soodi Karobar Na Hota Ho Vahañ Job Karna Bhi Jaaiz He, Chahe Vo Job Manager Ki Ho, Ya Accountant Ya Head Cashier Ya Cashier Ya Officer, Clarks, Chaprassi, Watchman Wagairah Ki Ye Sab Jaaiz He...

Is Silsila Me Jamia Ashrafiya Mubarak Pur Ke 19ve Fiqhi Seminar Me Aulma E Kiram Ki Tafseeli Guftagu Hui Jiske Bare Me Majlise Sharae Ke Faisle Kitab Me He,

Is Silsile Me (Yaani Bankoñ Ki Mulazimat Me) Ek Khuli Hui Baat Ye He Bank Ka Mulazim Mustaqariz Ke Isteqraaz Ke Asbab Janne Ka Zimme Daar Nahiñ Hota (or Vo Usse Garz Bhi Na Rakhe) Vo Ye Dekhta He Ki Mustaqariz Ko Qarz Dene Ki Ijazat Bank Ki Janib Se He to Vo Uske Kagzat Ki Takmeel Karke Muaamle Ki Takmeel Kar Deta He Vo Nahiñ Janta Ki Mustaqariz Apne Isteqraaz Me Kisi Gunah Ka Murtakib He Ya Nahiñ Is Liye Gunah Par Ta'awwun Uske Qasdo Khayal Se Bahut Door Hota He to Muaamla E Qarz Ki Takmeel Me Use Gunahgar Qarar Nahiñ Diya Ja Sakta.

Mazeed Usi Me He,

Is Tafseel Se Maloom Hua Ki Bank Me Bahut Se Ya Aksar Kaam Wazeh Taur Par Jaaiz W Durust Hai, Haañ Qarz Ki Soorteñ Gaur Talab Thiñ, Jin Ki Tafseel Bayan Kardi Gai, Sath Hi Muslim Ki Mulazimat Se Khud Us Mulazim, Uske Muta'alliqeen or Digar Hazraat Ki Manfe'at or Sahoolat Bhi He Is Liye Hukm Ye He Ki Mufsila E Bala Haalat Me Bankoñ Ki Mulazimat Jaaiz He.

*📚(Majlise Sharai Ke Faisle, S-407,408)*

Mazeed Tafseel Ke Liye Isi Kitab Ka Muta'ala Farmayeñ...

Wallahu Ta'ala Aa'alam Bis-sawab

*✍🏻Pathan Moin Raza Khan,Petlad Gujarat*

*🗓️25 July 2025, 29 Muharram 1447*

📲+91

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*