Mazar ko bosa dena ya Chumna kaisa?|| Ahele sunnat w jama'at

*🌹SAWAL🌹*
Qabr ko Bosa Dena Ya Qabr Ko Chumna Kesa ?

*🌹JAWAB:-🌹*
Qabr Ko Bosa Dene Ke Ta'alluk Se Aulma Me Ikhtelaf He, Bahetar Ye he Ki Bosa Na Diya Jaye Ki Be Adbi Na Ho. Or Agar Koi Qabr Ko Bosa De Bhi De To Vo Gunahgar Na Hoga.

_Jaisa Ki Saiyedi Aala Hazrat Alaihir Rahmato Ridwan Taherir Farmate He_

Bosa E Qabr Me Aulma Ka Ikhtilaf He. or Tahqiq Ye He Ki Vo(Bosa) Ek Amr He Do Cheezo Daaee (Bosa Ki Taraf Da'awat Dene Wala Amr) W Maane'a (Bosa Se Rokne Wale Amr) Ke Darmiyan Daair (Munhasae He), Daaee Muhabbat He Or Maane'a Adab To Jise Galba e Muhabbat, To Jise Galba E Muhabbat Ho Us Oar Mawakhaza ( Pakad) Nahi Ki Akabir Sahaba RadiAllahu Anhum se Sabit he or awam ke liye Maane'a  Ahwat (yaani zyada ahtiyat wali Baat) He, Aulma Tasreeh Farmate He ki Mazare Akabir Se Kam Az Kam Chaar Hath Ke Fasle Se Khada Ho Fir Taqbeel Ki Kya Sabeel (Yaani Bosa Lene Ki Kya Raah ?) 
*📚(FATAWA RAZVIYA, J-1, S- 528)*

Or Dusri Jagah Farmate He,

Qabr Ko Bosa Lena Na Chahiye.
*📚(FATAWA RAZVIYA, JILD-9)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
📲

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Huzur sallallahu alaihi w sallam ki namaze janaza/ahele sunnat

SAWAL:-Huzur sallallahu alaihi w sallam ki namaze janaza kisne padhai ?

JAWAB:-

Huzoor Akram (Sallallahu Alaihi Wasallam) ki Namaz-e-Janaza sab sy (1)Phalay JIBRAEEL  Alaihimusslam ne Padhee.
(2)Hazrat ISRAFEEL  Alaihimusslam  us ky bad.
(3)  Meekail, Alaihimusslam  pher
Malakul Maut  Alaihimusslam  ny Maliak / (Firshtoun) ke laskarun ke sath padhayee.
Us ky bad Sahaba-kram  (Rahmatullahi Allaih) degar lugun ny padhayee.


Ref:-ZARQANI Jild Hasthum ( 8 ) Page No 270.
Rfef:- FATAWA-RIDAWAIYYAH Jild Nuun (9) page No 314.
Note= Electronic media in URDU Masla 84 S.No 262 Page No.314.
***Ref:- MAKHZAN-E-MALUMAT Prnted on 2001 Page No140.


*_🌹SAWAL-O-JAWAB 👑F.T.S.🌹GRP_*

*_📬khadim:-Pathan MoinRaza  khan Azhari(PETLAD)_*
📲+91
🖋🖋📝📝📮📮📮📝📝✒✒

15 August or 26 January ko patang udana kesa ?

*_SAWAL:-_*
15 August ko patang udana kaisa ??

*_JAWAB:-_*

15 August ho ya koi bhi din patang udana mana or ladana gunah he

Tajdare ahele sunnat mujaddide dino millat huzur aala hazrat radiAllahu anha se patang udane or bechne ke bare me sawal kiya gaya to aap ne tahrir farmaya

*'Kankiya(patang) udana mana he or ladana gunah'*
*_(Fatawa razviya jild 25 safa 660)_*

neez farmate he,,

Patang udane me waqt , maal zaYe karna hota he. Ye bhi gunah he . Or gunah ke aalat patang dor bechna bhi mana he ehtiyat kare.
*_(Fatawa razviya jild 24 safa 659)_*

*_🌹SAWAL-O-JAWAB 👑F.T.S.🌹GRP_*

*_📬khadim:-Pathan MoinRaza Azhari(PETLAD)_*
📲+918487928693
🖋🖋📝📝📮📮📮📝📝✒✒

Qurbani Ke Masaail | Qurbani Kis Par Wajib He ?

*🌹SAWAL 🌹*

Qurbani Kis Par Wajib He ???

*_🌹JAWAB:-🌹_*

Bahare Shariyat Me Qurbani Wajib Hone Ke Sharaait Ye Hai,

1. Islam, Yaani Gair Muslim Par Qurbani Nahi.

2. Iqaamat, Yaani Muqeem Hona, Musafir Par Wajib Nahi.

3. Tawangari, Yaani Malike Nisab Hona Yahañ Maaldar Se Murad Wahi He Jis Se Sadqa E Fitr Wajib Hota He Vo Murad Nahi Jis Se Zakat Wajib Hoti He.

4. Huriyat, Yaani Aazad Hona Jo Aazad Na Ho Us Par Qurbani Wajib Nahi Ki Gulam Ke Paas Maal Hi Nahi Lihaza Ibadate Maaliya Us Par Wajib Nahi.

Mard Hona Iske Liye Shart Nahi. Auratoñ Par Wajib Hoti He Jis Tarah Mardoñ Par Wajib Hoti He.

Iske Liye Buloog Shart He Ya Nahi Isme Ikhtelaf He Or Nabalig Par Wajib He To Aaya Khud Uske Maal Se Qurbani Ki Jaayegi Ya Uska Baap Apne Maal Se Qurbani Karega. Zahirur Riwayah Ye he Ki Na Khud Nabalig Par Wajib He Or Na Uski Taraf Se Uske Baap Par Wajib He Or Isi Par Fatwa He.

*📚(Bahare Shariyat, H-15, Qurbani Ka Bayan)*

Har Musalman Aqil Balig Mard Wa Aurat Jis Ke Paas Qurbani Ke Din 10,11,12, Zil Hajjah Me  Nisaab Ke Baqadr Ka Maalik  Ho Qurbani Wajib Hai.

Nisaab: 52.5 (Saade Bavan Tola), 612 Gram 35 Mili Gram  Chaandi (Silver)

Ya Uski Aaj Ki Qeemat Takriban 24000 ₹se 25000 ₹ Tak He. (Note: Ye Qeemat Aaj Ke Yaani 20 Aug. 2017 Ke Hisab Se He, Aap Apne Shahar Me Us Waqt Jo Qeemat Ho Chandi Ki Uska Hisab Lagaye) Qarza Ho to Ada Karne Ke Baad Itni Kimat Bachti Ho.

Ya Thoda Sona He or Thodi Chandi He to in Dono Ki Qimat Mila Kar Agar Vo Sahibe Nisab Ki Qeemat Jitni Qeemat Hoti Ho Yaani 52.5 Tola Chandi Ki Qimat Ya 7.5 Tola Sone Ki Qimat Ya Uski Qimat Takriban 24000 Se 25000 Tak Ho Us Par Qurbani Wajib He.

Maslan Kisi Ke Paas 1 Tola Sona Hai Aur Kuch Rupees Cash Hai to in Dono Ki Qeemat Agar 52.5 Tola Chaandi Se Bhi Ziyada Ho., to Qurbani Wajib Hogi,(Aajkal Bahut See Aurton Ke Paas Itna to Hota Hee Hai) Haan Sirf Sona Hi Ho, Sath Me Kisi Qism Ka Maal Bilkul Na Ho to 7.5 Tole Se Kam Ho Ne Ki Soorat Me Qurbani  Wajib Nahi Hai

Agar in Ayyam Me,(10,11,12 Zilhijjah) Maslan Qurbani Ke Pehle 2 Dino Me, Agar Koi Musalman Malik E Nisab Ko Nahi Pahochta to Usper Qurbani Wajib Nahi, Ha Agar Teesre Din Uske Paas Itna Maal Jama Ho Gaya Ke Wo Malik E Nisaab Ko Pahooch Gaya to Us Per Teesre Din Qurbani Wajib Ho Jayegi.Yani 92 Kilometers Se Zyada Ka Safar Ho or 15 Din Se Zyada Uske Vaha Rukne Ka Ho to Vo Mukim Kahlayega.

Or Agar 15 Din Se Kam Din Rukne Ka Ho to Vo Musafir He..or Musafir Par Qurbani Wajib Nahi..

Nisab Me Hajat Ki Chizo Ko Nahi Gina Jaaega. Jaise Rehnay K Liye Ghar, Aur Khana Daari K Liye Samaan, Roz Marrah K Istemaal Ki Cheezain Waghaira..

*ye Sharte Jisme Pai Jaye Us Par Qurbani Wajib He..*

*🌹SAWAL-O-JAWAB🌹F.T.S👑grp*

*20 Aug. 2017*

*_📬khadim:- Pathan Moinraza Khan Azhari(Petlad)_*

📲

🖋🖋📝📝📮📮📮📝📝✒✒

Or allah ki rassi mazboot tham lo sab mil kar or aapas me fut na jana. Aayat tazuma ba tafsir

*🌹SAWAL🌹*
Iska Kya Ma'ana He Ki Allah Ki Rassi Mazbuti se Tham Lo Or Aapas Me Fut Na Daalo ?

*🌹JAWAB:-🌹*

Is Aayat Ko Pesh Karte Huye Sulehkulli Ye Bayan Karte He Ki Is Aayat Ka Ma'ana He Firqo Me Na Bato Or Wahabi Deobandi, ahele hagees, shia, rafzi or sunni sab ek ho jao. Magar iska ye ma'ana hargiz nahi. Balki Huzur Sallaallahu Alaihi W sallam ne farmaya meri ummat 73 firqo me bategi, jisme se ek jannati or baki jahannami. Lihaza Iska Ye Ma'ana hargiz nahi hoga Ki Sabhi Batil firqe or ahele sunnat ek ho jaye. Balki iska ma'ana ye hoga ki aapas me yaane Ahle sunnat w jama'at me hi...

Quraan Shareef Allah Ta'ala Farmata He,

Or allah ki rassi mazboot tham lo sab mil kar or aapas me fut na jana.

وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ
*📚(Aale imaran#103)*

*_TARZUMA_*
Or allah ki rassi mazboot tham lo sab mil kar or aapas me fut na jana.

*_TAFSEER_*
'Hablillah' yani allah ki Rassi iski tafsir me mufassirine kiram ke kuch qaul he kuch kahte he ki allah ki rassi se murad qur'aan he.muslim shareef ki hadish me aaya ki quraan allah ki rassi he. jo is par chala vo hidayat par he or jisne ise chchoda vo gumrahi par he hazrat ibne mas'ud radiallahu anha ne farmaya ki rassi se murad jama'at he.or farmaya ki tum jama'at ko lazim karo ke vah hablillah he. Jisko majbooti se thamne ka hukm diya.

Jaise yahudi or isai alag alag ho gaye is aayat me un kamo or harkato se mana kiya he. jo musalman ke bich fut ka karan bane. musalman ka tarika ahele sunnat mazhab he iske alawa koi raah ikhtiyar karna deen me fut dalna he jisse mana kiya gaya.
*📚(Tafsire khazainul irfan)*

*_🌹SAWAL-O-JAWAB 👑F.T.S.🌹GRP_*

*_📬khadim:-Pathan MoinRaza Azhari(PETLAD)_*
📲+918487928693
🖋🖋📝📝📮📮📮📝📝✒✒

SULEHKULLIYO KO JAWAB.

SUNNI BARAILVY..

TALIBE DUAA:- Pathan MoinRaza Khan Azhari (Petlad,Gujarat)

Quraan Ki Aayat Ko Mobile Se Delete Ya Send Karna Kesa ? Use Qayamat Ki Nishani Kahna ?

*_🌹SAWAL🌹_*
Quran Ki Aayat Ko Mobile Se Send Ya Delete Karna Kesa ??? Kya Quraan Ki Aayat Ko Mobile Se Delete Karna Qayamat Ki Nishani He ?

*_🌹JAWAB:-🌹_*


Qur'an Ki Aayat Ya Hadis Shareef Ko Mobile Ya Computer Se Send Karna Jaiz He Or Isi Tarah Se Us Massage Ko Zaroorat Padne Par Ki Jab Storage Full Ho Jaye Use Delete Karne Me Bhi Koi Harj Nahi. Or Agar Bacha Jaye To Bahetar He, Magar Mobile Se Quran Ki Likhi Hui Aayat Ko Delete Karna Iska Matlab Ye Hargiz Nahi Ki Ye Qura'an Ko Mitana he.

Humare Pyare Aaqa ﷺ Ke Duar Me Jab Wahi Nazil Hoti To Waha Par Maujud Sahaba Pathar Par Ya Mitti Par Ya Darakhto Ke Patto Par Ayat Likh Liya Karte Ab Sochiye Ki Us Daur Me Se Hi Pathar Mitti Par Aayat Likhi Jati Aur Baad Me Wahi Se Kisi Sakht Chiz Par Likh Kar Us Pathar Ya Mitti Par Likhi Huwi Ayat Ko Mita Di Jati Thi To Ye Aayat ka Mitna To Us Daur Se Hi Chalu Tha Aaj Se Nahi.

Us Daur Me Aur Humare Aaj Ke Madraso Me Aaj Bhi Black Board Par Bacho Ko Quran Ki Aayat Aur Hadees Likha Kar Sikhai Jati Hai Phir Naya Chapter Par Aane Ke Liye Us Likhe Huwe Ko Mitaya Jata Hai To Ye Mitane Ka Silsila Bhi Isi Tarah Barso Se Chalta Aaraha Hai.

Quran E Karim Me ALLAH Irshad Farmata Hai,
Beshak Humne Utara Hai Yeh Quran Aur Beshak Hum Khud Is Ke Nigehban.
*📚(Surah Al Hijr, Aayat 9, Parah 14)*

Lihaza Jiski Hifazat Allah Kare Use Koi Mita Nahi Sakta..

Or Jo Log Is Tarah Jahilana Massage Felate He Ki Qura'an Se Aayat Karna Qayamat Ki Nishani He Ye Bilkul Jahilana Baat He Or Ek Sazish He Kyun Ki Jab Se Media Aur Social Networks Aur Mobile Jaisi Chize Humare Bich Aayi Hai

Tab Se Islam Ke Liye Kaam Karna Humare Liye Bada Aasan Ho Gaya Hai To Kuch Islam Ke Dushman Ye Nahi Chahte Ki Islam Ka Iske Zariye Bol Bala Ho Isliye Aayato Aur Hadeeso Ke Galat Matlab Nikal Kar Phaila Dete Hai Unka Kaam Ayse Galat Msg Ko Phelana Hai Ki Quran Ki Aayato Ke Msg Na Kare Woh Delete Ho Jate Hai Aur Qayamat Ki Nishani Hai Ki Log Apne Hatho Se Use Mitayenge Bas Unka Kaam Is Msg Ko Send Karna Hai,

Uske Baad Log Use Parh Kar Is Msg Ko Phelana Shuru Kar Dete Hai Aur Dekhte Hi Dekhte Sab Jagah Woh Msg Pheil Jata Hai Aur Log Quran Ki Ayat Ko Send Karna Band Kar Dete hai Aur Is Se Un Shazishkaro Ki Shazish Kamyab Ho Jati Hai..

Or Sarkar Tajushshariya Alaihir Rahmato Ridwan Farmate He,
Mobile Me Load Kiye Huye Qura'ani Aayat Se Faiz Hasil Karne Ke Baad Use Delete Kar Sakte He Isme Koi Sharai Qabahat Nahi.
http://jamiaturraza.com/session/30May10/28.mp3

Or Sirajul Fuqha Ki Deeni Majalis Me He,

Istedalal Wagairah Ki Zaroorat Ho To Aayate Qura'ani Ko Send Kar Sakte He or Tilawat Maqsood Ho To Pura Qura'an Paak Mahfooz Kar Sakte He Or Jab Koi Farmaish Kare To Uske Mobile Me Bhi Bhej Sakte He.

Hañ Istedalal Or Tilawat Wagairah Ki Zaroorat Na Ho To Bachna Chahiye Taaki Vo Mahw Se Mahfooz Rahe.

Ye Baat Hamesha Zahan Me Rakhe Ki Mobile Ke Huroof Shuaai Huroof Hote He, Mobile Over Load Ho Jaye To Shuaai Huroof Ko Mahw Kar Dene Me Koi Harj Nahi, Bache To Bahetar.
Fatawa Aalamgiri Me Is Ta'alluk Se Juzya Maujud He.

*📚(Sirajul Fuqha Ki Deeni Majalis, S-142)*

Wallahu Aa'alam Bis-Sawab
*_✍🏻Pathan Moin Raza Khan,Petlad_*
📲http://wa.me/+918487928693

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

Ludo Game Khelna Jaiz Nahi || Ludo game khelna kesa ???

*🌹SAWAL:-🌹*
Islam Ludo Game Khelna Kesa ?

*🌹JAWAB:-🌹*

Ludo Game Khelna Mamnoo'a W Najaiz He.

Is Ki Ek Wajah Ye Bhi He Ki Ye Shatranj Ki Tarah He Or Fuqha E Kiram Ne Shatranj Ko Mutlaqan Najaiz Qarar Diya He.

Allama Shaami Alaihir Rahma Durre Mukhtar Me Farmate He,
 فہو حرام وکبیرة عندنا، وفی اباحتہ اعانة الشیطان علی اّلسَلم والمسلمین.
Hamare Nazdik Shatranj Khelna Haram Or Gunahe Kabeera He Or Use Jaiz Thahrane Me Islam Or Musalmano Ke Khilaf Shaytan Ko Madad Dena He.
*📚(DURRE MUKHTAR, J-9, S-650)*

Or Huzur Aala Hazrat Alaihir Rahmato Ridwan Shatranj Ganjafa, Chosar Ke Ta'alluk Se Farmate He,

Ye Sab Khel Mamnoo'a Or Najaiz He Or Unme Chosar Or Ganjafa Badtar He. Or Shatranj Ko Agarche  Ba'az Aulma Ne Ba'az Riwayat Me Chand Sharto Ke Sath Jaiz Bataya He.. Magar Tahqiq Ye Ki Mutlaqan Mana'a He Or Haq Ye He Ki Un Sharto Ka Nibah Hargiz Nahi Hota Khusoosan Sharte Daum W Soum Ke Jab Us Ka Chaska Parh Jata He Zaroor Madawat Karte Hain Or La Aql Waqte Namaz Me Tangi Ya Jama'at Me Gair Hazri Beshak Hoti He Jaisa Ki Tajarba Is Par Shahid Or Bil Farz Hazar Me Ek Aadh Aadmi Aysa Nikle Ki In Sharait Ka Pura Lihaz Rakhe To Nadir Par Hukm Nahi Hota.
وانماتبتنی الاحکام الفقھیةعلی الغالب فلاینظرالی النادرولایحکم الابالمنع کماافادہ المحقق فی الفتح فی مسئلة مجاورة الحرم وفی الدرفی مسئلةالحمام.
Fiqhi Ahkam Galiban Halat Par Mabni Hote Hain Lihaza Nadirul waquu'a Par Nigah Nahi Ki Jati Is Liye Mumane'at Ka Faisla Hi Kiya Jayega Jaisa Ki Muhaqqiq Ibne Humam Ne Fathul Qadeer Me Hamsaigi haram ke mas'ala me ifada farmaya or durre mukhtar Me Mas'ala Humam Me Yahi Farmaya He.

Or Chosar Khel Ke Ta'alluk Se He,
حضور اقدس صلی اللہ تعالیٰ علیہ والہ وسلم نے فرمایا:من لعب بالنردشیرفکانماصبغ یدہ فی لحم خنزیرودمہ۱؂۔رواہ مسلم۔

Huzur ﷺ Ne Farmaya Jisne Chosar Kheli Usne Goya Apna Hath Suwwar Ke Gosht Khon Me Ranga.
*📚(Sahih Muslim, J-2, S-240)*

Dusri Hadis Me Farmaya,
من لعب بالنردفقدعصی اللہ ورسولہ اخرجہ احمد ۱؂وابوداؤد وابن ماجہ والحاکم عن ابی موسی الاشعری رضی اللہ تعالیٰ عنہ۔
Jis Ne Chosar Kheli Us ne Khuda Or Rasool Ki Nafarmani Ki
*📚(Musnad Ahmad Bin Hambal, J-4, S-394)*

Chosar Bil Ijma'a Haram w Maujube Fisq W Radde Shahadat He,
Fatawa Shami Me Fahastani Se Naql Kiya Gaya He Ki Chosar Khelna Haram He Is Se Bil Ijma 'a Adalat Saqit Ho Jati He.
*📚(FATAWA RAZVIYA, J-24, S_72)*

Lihaza Shatranj Khelna Mutlaqan Mamnoo'a w najaiz he Or Chosar Khelna Bhi Mutlaqan Haram Or Ludo Bhi Inhi Ke Misl He Is Wajah Se Ludo Khelna Bhi Mamnoo'a W Najaiz He.

Wallahu Aa'alam Bis-Sawab
*_✍🏻Pathan Moin Raza Khan,Petlad_*
📲8487928693

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•


Scane :-FATAWA RAZVIYA SHAREEF👇👇👇👇