Khula'a Me Iddat Ka Kharcha Or iddat Me Dusra Nikah Karna Ka Hukm ?

 *🌹SAWAL:-🌹*

Assalamualaikum Wa Rahmatullahi Wa Barkatuh

Agar Biwi Ne Khula Liya Ho To Use Iddat Ke Din Guzarna Zaroori Hay Kya???

Agar Douran E Iddat Use Dusre Nikah Ka Rishta Aaye To Kya Wo Iddat Ke Din Chod Kar Nikah Dusra Nikah Kar Sakti Hay???

Agar Ladki Ke Paas Khula Ke Baad Akhrajat Ke Liye Paisa Aur Makaan Na Ho To Wo Pehle Shohar Se Paisa Le Sakti Hay Kya???

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Khula'a Dar Haqiqat Maal Ke Badle Aurat Ka Apne Ko Chhudana He. Aur Is Me Talaqe Baain Waqe'a Hogi. Aur Jo Maal Aurat Ne Dene Ko Kaha Tha Wo Dena Lazim Hoga. 

Jaisa Ki Bahare Shariyat Me He,

Maal Ke Badle Me Nikah Zaail Karne Ko Khula'a Kahte Hai Aurat Ka Qabool Karna Shart He Bagair Iske Qabool Kiye Khula'a Nahi Ho Sakta Or Jskw Alfaaz Muayyan Hai Unke Alawa Or Lafzoñ Se Na Hoga.

Agar Zauj W Zaujah Me Na Ittefaqi Rahti Ho Or Ye Andesha Ho Ki Ahkame Sharaiyah Ki Pabandi Na Kar Sakeñge To Khula'a Me Mazaaiqah Nahiñ Or Jab Khula'a Karleñ To Talaqe Baain Waqe'a Ho Jayegi Or Jo Maal Thahra He Aurat Par Uska Dena Lazim He.

*📚(Bahare Shariyat, H-8, Khula'a Ka Bayan, Mas'ala-1,2)*

Jab Tak Iddat Na Guzre Dusra Nikah Nahi Kar Sakti.

Khula'a Karane Ke Sabab, Nikah Ki Wajah Se Jitne Huqooq Ek Dusre Par The Sab Saqit Ho Jate He Aur Jo Huqooq  Nikah Ke Alawa He Wo Saqit Na Honge. Iddat Ka Kharcha AgarChe Ye Nikah Ke Huqooq Se He Magar Ye Khula'a Karane Ki Wajah Se Saqit Na Hoga, Yani Wo Khula'a Karane K Baad Bhi Iddat Ka Kharch Le Sakti He, Albatta Usne Ye Shart Laga Di Ke Iddat Ka Kharch Wagairah Bhi Nahi Lungi To Ab Saqit Ho Jaaega.

Aysa Hi *📚(Bahare Shariyat, H-8, Khula'a Ka Bayan, Mas'ala-11)* Me He..

Wallahu Aa'alam Bis-Sawab

*_✍🏻Al-Jawab:- Hazrat Allama Mufti Qasim Raza Sahab Misbahi_*

*📬Raza Darul Ifta Khambhat Gujarat*

*🗓️9 May 2021, 26 Ramzanul Mubarak 1442*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•