Topi Pahan Kar Toilet Jana Kesa Or Nalain Ya Gumbad Ke Naqsh Wali Topi Pahan Kar Toilet Jane Ka Hukm

 *🌹SAWAL:-🌹*

Assalam Wa Alaikum Hazrat

Kya Topi Pahan Ke Toilet Me Ja Sakte Hai..???

Wo Topi Pahan'na Kaisa Hai Jispe Aqa ﷺ Ki Nalain Paak Ki Naks(design) Bani Hoti Hai.

Aur Usko Aam Topiyo Jese Rakh Sakte H Kya??

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Peshab Ya Istenja Ke Waqt Sar Topi Wagairah Se Dhankna Bahetar He.

Jaisa Ki Huzur Bahrul Uloom Alaihir Rahmato Ridwan Taherir Fatmate Hai,

Peshab Ya Pakhana Ke Liye Nange Sar Jana Mana'a He, Topi, Amama Jo Bhi Pahne Ho Istenja Ke Liye Ja Sakta He.

*📚(Fatawa Bahrul Uloom, J-5, S-412)*

Or Agar Aysi Topi Ho Jisme Nalain Shareef Ya Gumbade Khazra Ya Kisi Bhi Mazar Ka Naqsh Ya Isme Jalalat Ho To Use Pahan Kar Baytul Khala Jana Be Adbi He.

Jaisa Ki Huzur Faqihe Millat Alaihir Rahmato Ridwan Taherir Fatmate Hai,

Nalain Shareef Wagairah Ko Topi Me Laga Kar Istenja Khana Wagairah Me Hargiz Na Jaye Ki Be Adbi He.

Muhaqqiqe Alal Itlaq Shaikh Abdul Haq Muhaddise Dahelwi Radiallahu Anhu Taherir Fatmate Hai,

Baytul Khala Me Dakhil Hone Wale Ko Chahiye Ki Aysi Cheez Ko Jis Me Khuda Or Rasool Ka Naam Likha Ho Ya Qura'an Ka Koi Kalma Ho To Apne Hamraah Na Le Jaye Or Ba'az Shuru'a Me Kaha Gaya Ki Ye Hukm Tamam Ambiya E Kiram Ke Isma'a Ko Bhi Shamil He.

*📚(Ash'atul Lam'aat, J-1, S-201)*

Or Jis Tarah Nalain Shareef Ki Ta'azeem Lazim He Usi Tarah Uske Nuqoosh Ki Ta'azeem Bhi Zaroori He Kyuñ Ki Ta'azeem W Tauheen Ke Silsila Me Jo Hukm Asl Ka He Wahi Hukm Nuqoosh Ka He.

Aala Hazrat Imam Ahmad Raza Muhaddise Barailvy Radiallahu Anhu Taherir Fatmate Hai Ki,

Aulma E Deen Ne Naqshe Ka Aezazo izaam  Wahi Rakha He Jo Asl Ka Rakhte Hai.

*📚(Fatawa Razviya, Jild Nuham Nisf Awwal, Safha-150)*

*📚(Fatawa Faqihe Millat, J-1, S-182)*

Lihaza Jis Topi Par Naqshe Na'alain Shareef Ya Gumbade Khazra Ya Kisi Bhi Mazar Ka Gumbad Ya Allah W Rasool Ka Naam Ho Use Pahan Kar Baytul Khala Jana Be Adbi He.. Or Saadi Topi Wagairah Se Sar Dhank Kar Baytul Khala Jana Bahetar He.

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓1 Aug 2021, 21 Zulhijja 1442*

📲+918487928693

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•