Jab Miya Biwi Razi To Kya Karega Qazi ? Ya Jab Ladka Ladki Raazi To Kya Karega Qazi" Jumla Bolna Kesa Uska Sharai Hukm?

 *🌹SAWALL:-🌹*

Hazrat Ek Aur Sawal Hai Ke 

Ye Jumla Kehna Kesa ?

Jab Ladka Ladki Razi to Kya Karega Qazi..

*🌹JAWAB:-🌹*

بسم اللہ الرحمن الرحیم 

Ye Jumala Muhavre K Taur Par Bola Jata Hai... Jab Koi Muaamla, Sauda Ya Deal Ke Waqt Agar Len Den Karne Wale Dono Raazi Hote Hai or Bich Me Agar Koi Eitraz Karta Hai to Ayse Waqt Bhi Bolte Hai K Miya Biwi Razi Ya Ladka Ladki Razi to Kya Karega Qazi..

Yaani Jab Do Shakhs Apas Me Raazi Hai to Tisre K Bolne Ka Koi Matlab Nahiñ Ya Tisre Ko Bhi Raazi Hona Parega Jis Tarah Ladka Ladki Apas Me Nikah Karne Ke Liye Razi Hai or Koi Sharai Rukavat Nahiñ to Qazi Donoñ Ko Nikah Se Mana'a Nahiñ Kar Sakta.

Muhavrat Aur Kahavate Guftagu Me Aam Aur Raeij Hai or Jab Muhavre Ke Taur Par Jab Bole Jate Hai to Asal Ma'ani Murad Nahiñ Hote Balke Muradi Ma'ana Liye Jate Hai. Jaise Jab Kuchh Bada Soch Kar Kisi Cheez Par Mehnat Ki or Natize Me Haqir Chiz Mili Ya Kuch Na Mila to Us Waqt Kehte Hai "Khoda Pahad Nikli Chuhya".

Or Muhvarti Zaban Bolne Me Koi Sharaei Kharabi Nahiñ, Jab K Murad Batil Na Ho.

Or Agar Murad Batil Hai Maslan Ye Muhavra Agr Kisi Ladka Ladki Ke Najaaiz Ta'alluqat Hai or Donoñ Ye Kehte Hai K Jab Ham Dono Apas Me Relationship Me Razi Hai to Dusre Kya Kar Leñge to Is Ma'ana or Matlab Me Ye Jumla Bolna Najaaiz or Haram Hoga.. "Jaisi Murad Wesa Hukm"..

Wallahu Ta'ala Aa'alam Bis-sawab 

*✍🏻Al-Jawab: Hazrat Allama Hafiz Muhammad Taufiq Raza Khan Misbahi Sahab Qibla*

*📬Qazi E Shahar Petlad Gujarat*

*🗓️1 Dec 2024, 28 Jamadi Ul Awwal 1446*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*