*Aysi Dukan Se Gosht Lena Ya Shadi Ki Dawat Me Jana Kesa Jo Apne Aapko Sunni Hi Kahe Lekin Tahqeeq Na Ho Or Jahañ Se Gosht Aata He Uske Bare Me Ilm Na Ho?*
*🌹SAWAL:-🌹*
Assalamualaikum Wa Rahmatullahi Wa Barkatuh Huzoor Mufti Sahib Qibla Ki Bargah Mein Suwal Arz Hai Ek Gosht Ki Dukan Hai Wo Apne Aapko Sunni Kaheta Hai Masaile Sharaiya Kuchh Bhi Use Pata Nahi Hai Fasiq Hai Janwar Jahan Se Zibah Hokar Ata Hai Wahan Ke Bare Me Hame Kuch Nhi Pata Dukandar Kaheta Hai Wo Bhi Sunni Hai Ab Us Dukan Se Gosht Le Sakte Hain Aur Shadi Ya relation Me Jaye to Wahan Per Bhi Taheqiq Zaruri Hai ? Huzoor Rahnumai Farmaden Jazakallahu Khairan Kasira
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Jo Banda Sunni Ke Taur Par Mash'hoor Ho Log Jante Hoñ, or Shak Karne Ki Koi Wajah Bhi Na Ho to Fir Bila Wajah Tashwish Paida Nahiñ Karna Chahiye..
Or Gosht Jahañ Se Liya Jaaye Uska Aalime Deen, Faqih, or Mufti Hona Zaroori Nahiñ He, Warna Gosht Ki Faraaham Hi Mushkil Ho Jayegi, Lihaza Gosht Bechne Wala Agar Masaaile Sharaiyah Nahiñ Janta, Masaail Ki Use Khabar Nahiñ He to Zahir He Uska Musalman Hona Hi Kaafi He, Is Liye Is Mas'ale Me Ye Zahen Me Rakhna Chahiye Ki Koi Shak Ya Shub'he Ki Wajah Wahañ Par Na Ho, to Fir Sunni Musalman Samajh Kar Ke Uska Gosht Kharidna Bhi Durust, Uska Khana Bhi Durust... Lekin Agar Koi Wajah Ho Ya to Wahabi Ke Taur Par Mash'hoor Ho Ya Gair Muslim Ke Taur Par Jaana Jata Ho, Ya Koi Aysa Qaul Ya Fe'al Usko Karte Dekha Ya Bolte Suna Gaya Jisse Lagta He Ki Vo Kafir He Ya Murtad He, to Fir Zahir He Ki Uska Zabiha Ya Uske Paas Jo Gosht Mil Raha He Vo Bhi Murdar He..
Yuñ Hi Dawat Me Bhi Agar Gaye or Sunni Khush Aqeedah Musalman Ne Dawat Di He or Agar Vo Bhi Agar Masaail Na Jante Ho to Unke Imaan Ki Bunyad Par Gosht Ke Muaamle Me Tahqeeq Karna Koi Zaroori Nahiñ He.. Haañ Ye He Ki Shub'he Ki Koi Gunjaish He Ki Banda Aysa He Ki Wahabiyoñ Ke Yahañ Se Bhi Gosht Lete Dekha Gaya He to Fir Tahqeeq Karni Chahiye..
Wallahu Ta'ala Aa'alam Bis-sawab
*🎙️Al-Jawab: Nabeera E Huzur Sadrushshariyah Hazrat Allama Mufti Faizanul Mustafa Sahab Qibla*
*📬Baani Jaamia Imame Aazam Abu Hanifa, Lucknow*
*🗓️16 Dec 2024, 13 Jamadi Ul Aakhir 1446*
*🌹SAWAL-O-JAWAB🌹F.T.S👑grp*
📲+91
*_📬Pathan Moin Raza Khan,Petlad Gujrat_*
•┈┈┈┈┈┈• • ✦ ✿ ✦ • •┈┈┈┈┈┈•
*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*
Comments
Post a Comment