Delivery Ki Job Is Niyyat Se Karna Ki Musalman Ko Haram Gosht Aayega To Mana'a Karuga ?

 *Delivery Ki Job Is Niyyat Se Karna Ki Musalman Ko Haram Gosht Aayega To Mana'a Karuga ?*

*🌹SAWAL:-🌹*

Assalamu Alaikum Hazrat 

Masla Ye Hai Ki Agar Koi Shakhs Online Delivery Karne Ka Kaam Karta Hai , Jisme Usko Gair Muslim Ki Dukan Ka Zabiha Lekar Musalman Ko Dena Padta Hai, Jo Ki Sharan Jayez Nahi Hai,  

Isi Masle Par Ye Janna Hai Ki Agar Job Karne Wala Sirf Aur Sirf Ye Niyat Kare Ki Mai Musalmano Ko Gair Muslim Ke Dukan Ka Zabiha Khane Se Bachaunga Aur Iss Kaam Ka Koi Paisa Na Loonga, Phir Job Karne Wale Ne Aise Hi Kaam Karna Shuru Kar Diya , Ab Woh Logo Ko Aise Khane Ke Bare Me Batata Hai, Par Log Nahi Mante Aur Kha Lete Hain, to Kya Iss Job Karne Wale Ko Iss Fail Par Gunah Milega Isliye Ki Laya to Wohi Hai,

Baraye Meharbani Jawab Wazeh Daleel Se Den

Name ۔ Farhan Raza

Allahabad Up

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Haram Gosht Musalmanoñ Ke Ghar Delivery Karna Ya Pahuchana Jaaiz Nahiñ He.. Ab Ye Niyyate Khair He Ki Jahañ Le Jauñga Use Mana'a Karuñga Lekin Zabani Mumani'at or Delivery Kar Dena... To Ye Soorate Haal Aysi He Ki Jisme Ye Kaha Jayega Ki Asl Gosht Ka Malik to Vo Nahiñ He Lihaza Bechne Ka Ilzaam Ya Wabaal Uske Upar Nahiñ Aayega Lekin Delivery Ke Wabaal Se Vo Nahiñ Bach Sakta Is Liye Is Tarah Ka Kaam or Is Tarah Ki Job Se Bhi Aadmi Ko Bachna Chahiye or Koi Aysi Mulazimat Ya Aysi Job Haasil Karni Chahiye Jo Har Tarah Ke Haraam Kaam Cheezoñ Se Mahfooz or Ma'amoor Ho... 

Rahi Baat Ye Ki Niyyat Ye Ki He Ki Ayse Logoñ Ko Haram Gosht Khane Se Mana'a Karuñga to Delivery Ke Bagair Bhi Logoñ Ko Iski Mumani'at Kar Sakta He. Wallahu Ta'ala Aa'alam Bis-sawab

*🎙️Al-Jawab: Nabeera E Huzur Sadrushshariyah Hazrat Allama Mufti Faizanul Mustafa Qadri Amjadi Sahab Qibla*

*📬Baani Jamiaa Imame Aazam Abu Hanifa, Lucknow*

*🗓️13 Jan 2025, 12 Rajab Ul Murajjab 1446*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*