Musafir 92 Km Se Zyada Safar Ke Liye Nikla Or Bich Me Khane Pine Ya Washroom Ke Liye Hotel Par Ruka To Kya Namaz Qasr Karega Ya Ada ?

 *Musafir 92 Km Se Zyada Safar Ke Liye Nikla Or Bich Me Khane Pine Ya Washroom Ke Liye Hotel Par Ruka To Kya Namaz Qasr Karega Ya Ada ?*

*🌹SAWAL:-🌹*

As-salāmu 'alaikum Wa Raḥmatullāhi Wa Barakātuh,

Huzoor Tājush Sharī'ah Ne Farmaaya Ki Jab Koi 92 Kms Ya Usse Zyada Ka Safar Lagaataar Karta Hai Tab Uspar Qasr Namaz Wajib Hogi.

Mera Sawaal Hai Ki Agar Koi 100 Kms Dur Safar Ke Liye Nikla Lekin Bichme 30 Mins Jaisa Washroom Wagerah Ke Liye Aur Khaane Ke Liye Hotel Par Ruka Toh Kya Is Surat Mai Bhi Uspar 92 Kms Baad Qasr Wajib Hogi?

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Mustaqil Irada Basti Se Nikalte Waqt Ka Agar 92 Km Ya Usse Zyada Ka He Or Raste Me Kisi Zaroorat Ke Liye Ruk Gaya Maslan Khane Pine Ya Washroom Wagairah Ke Liye To Musafir Hi Hoga, Us Par Musafir Hi Ke Ahkam Nafiz Hoge, Namaz Qasr Kare..

Agar Pehle Se Hi Us Ka Irada 40 Ya 30 Km Par Kaam Ke Liye Rukne Ka Tha, Ki Fulañ Jagah Pahunch Kar Thoda Kaam Khatam Karega Fir Aage Safar Karega Agarche 92Km Se Zyada Ka Safar Kare Is Tarah Musafir Na Hoga.. Is Tarah Tukde Tukde Kar Ke Puri Duniya Ghum Le Tab Bhi Musafir Na Hoga Jab Tak 3 Din Ki Duri Yani 92 Km Ke Mustaqil Irade Se Basti Se Na Nikla Ho, Aysi Soorat Me Musafir Na Hoga.. 

Bahare Shariyat Me He,

Safar Ke Liye Ye Bhi Zaroori He Ki Jahañ Se Chala Wahañ Se Teen Din Ki Raah Ka Irada Ho or Agar Do Din Ki Raah Ke Irada Se Nikla Wahañ Pahunch Kar Dusri Jagah Ka Irada Huva Ki Vo Bhi 3 Din Se Kam Ka Rasta He.

Ye Bhi Shart He Ki 3 Din Ka Irada Muttasil Safar Ka Ho, Agar Yuñ Irada Kiya Ki Maslan Do Din Ki Raah Par Pahunch Kar Kuchh Kaam Karna He Vo Kar Ke Phir Ek Din Ki Raah Jaauñga to Ye Tin Din Ki Raah Ka Muttasil Irada Na Huva, Musafir Na Hua.

*📚(Bahare Shariyat, H-4, Musafir Ki Namaz Ka Bayan, Mas'ala-14,15)*

Wallahu Ta'ala Aa'alam Bis-sawab 

*✍🏻Al-Jawab: Hazrat Allama Mufti Qasim Raza Sahab Misbahi*

*📬Masjide Hazrate Bilal, Nadiyad, Gujrat*

*🗓️21 Feb 2025, 22 Shaban 1446*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*