*Kai Logo Se Zakat Sadqa Ki Raqam Li Of Miladi To Kya Mustahiq Ko Dete Waqt Alag Alag Kahna Zaroori He?*
*🌹SAWAL:-🌹*
Zaid Ne Kisi Mustahiq Ke Liye Zakat Fitre Sadqa Ki Raqam Ko Jama Kiya Logo Se to Kya Mustahiq Ko Dete Waqt Alag Alag Bata Ke Dena Hoga Ya Niyyat Karke Ek Jagah Jama Karke De Diya Jaye to Ada Ho Jayega?
Rehnumayi Farmaae
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Kai Logoñ Se Zakaat Ki Raqam Ikaththa Ki or Zakat Dene Waloñ Ne Milane Ki Ijazat De Di Ho to Zakat Ada Ho Jayegi... Or Agar Milane Ki Ijazat Na Di Ho or Sab Ki Zakat Mila Di to Use Tawaan Dena Padega or Jo Kuchh Faqeeroñ Ko De Chuka Vo Tabra'a He... Or Agar Urf Me Ye Ho Ki Wakeel Mila Kar Diya Karte Hai to Ye Bhi Ijazat Samjhi Jayegi, Jab Ki Zakat Dene Wale Is Urf Se Waqif Ho...
Jaisa Ki Huzur Sadrushshariyah Alaihir Rahmato Ridwan Taherir Farmate Hai,
Ek Shakhs Chand Zakat Dene Waloñ Ka Wakeel He or Sab Ki Zakat Mila Di to Use Tawaan Dena Padega or Jo Kuchh Faqeeroñ Ko De Chuka He Vo Tabra'a He Yaani Na Malikoñ Se Uska Muaawza Paayega Na Faqeeroñ Se, Albatta Faqeeroñ Ko Dene Se Pahle Malikoñ Ne Milane Ki Ijazat De Di to Tawan Uske Zimma Nahiñ. Yuñhi Agar Faqeeroñ Ne Bhi Use Zakat Lene Ka Wakeel Kiya or Usne Mila Diya to Tawan Us Par Nahiñ...
*📚(Bahare Shariyat, H-5, Zakar Ka Bayan, Mas'ala-59)*
Agar Muakkiloñ (Zakat Dene Waloñ) Ne Sarahatan Milane Ki Ijazat Na Di Magar Urf Aysa Jaari Ho Gaya Ki Wakeel Mila Diya Karte Hai to Ye Bhi Ijazat Samjhi Jayegi, Jab Ki Muakkil Is Urf Se Waqif Ho, Magar Dalaal Ko Khillat Ki Ijazat Nahiñ Ki Usme Urf Nahiñ..
*📚(Bahare Shariyat, H-5, Zakat Ka Bayan, Mas'ala-61)*
Isi Tarah Zakat Ki Raqam Me Sadqa E Fitr Ki Raqam Bhi Miladi Or Urf Ye Ho Ki Wakeel Mila Kar Dete He Or Zakat Ya Sadqa Dene Wale Isse Waqif Bhi He Ya Unki Taraf Se Milane Ki Ijazat Ho Tab Bhi Zakat Ya Sadqa Ada Ho Jayega Ki Donoñ Ke Masaarif Ek Hi He...
*_🎙 Al-Jawab:- Hazrat Allama Mufti Taufiq Raza Sahab Misbahi_*
*📬Tadriso Ifta Darul Uloom Qadriyah Razviyah, Petlad*
*🗓️29 March 2025, 28 Ramzanul Mubarak 1446*
*🌹SAWAL-O-JAWAB🌹F.T.S👑grp*
📲+9
*_📬Pathan Moin Raza Khan,Petlad Gujrat_*
•┈┈┈┈┈┈• • ✦ ✿ ✦ • •┈┈┈┈┈┈•
*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*
Comments
Post a Comment