Mard Ko Chandi Ka Chhalla, Kada Ya Chandi Ki Dibbiya Me Taweez Pahanna Kesa ?

 *Mard Ko Chandi Ka Chhalla, Kada Ya Chandi Ki Dibbiya Me Taweez Pahanna Kesa ?*

*🌹SAWAL:-🌹*

Assalamualaikum Mufti Sahab Ki Bargah Mein Mera Ek Suwal Hai Ki Mard Ko Chandi Ka Chhalla, Kada Ya Chandi Ki Dibya Mein Taweez Bhar Kar Pahanna Aur Pahan Kar Namaz Padhna Kaisa Hai Rehnumayi Farmaye

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Al-jawab Baun Al-malik Al-wahhab

Jaisa Ke Aala Hazrat Imam Ahmad Raza Khan Barelvi Alaihirrahma Irshad Farmate Hain, Mard Ko Saadhe Char Mashe Se Kam Wazan Ki Ek Angoothi Ek Nag Ki Jayaz Hai, Do Ya Zyada Nag Haram Ke Zeware Zanaan Hogaya.

*📚(Fatawa Razviya, Jild 24, Safha 545, Matbua Raza Foundation Lahore)*

Neez Aala Hazrat Imam Ahmad Raza Khan Alaihirrahmatur Rahman Ek Sawal Ke Jawab Mein Irshad Farmate Hain: “Sone Khwah Tanbe, Peetal, Lohe Ki Angoothi Agarche Ek Taar Ki Ho Ya Saadhe Char Mashe Chandi Ya Kai Nag Ki Angoothi Ya Kai Angoothiyañ Agarche Sab Mil Kar Ek Hi Masha Ki Hon Ke Yeh Sab Cheezein Mardoñ Ko Haram W Najayaz Hain Aur in Se Namaz Makroohe Tahreemi.”

*📚(Fatawa Razviya, Jild 07, Safha 308, Matbua Raza Foundation Lahore)*

Aur Angoothi Ke Nageene Par Taweez, Nad-e-ali Ya Doosre Mutabarrak Kalimat Naqsh Karwa Kar Use Pahnna Jayaz Hai, Huzoor-e-akram Sallallahu Alaihi Wasallam Ne Apne Liye Jo Angoothi Banwayi Us Par “Muhammadur RasoolAllah” Naqsh Tha, Isi Tarah Khulafa-e-rashideen W Doosre Sahaba-e-kiram Alaihimur Ridwan Ki Angoothiyoñ Par Bhi Mukhtalif Ibarat Naqsh Thiñ.. Albatta Yeh Khayal Rahe Ke Jawaz Ka Hukm Is Surat Mein Hai Ke Jab Mard Ki Angoothi Chandi Ki Ho, Is Ka Wazan Saadhe Char Masha Se Kam Ho, Baghair Nageene Ke Na Ho Aur Faqat Ek Hi Nageena Laga Ho.

Magar Chhalla Pahnne Ki Ijazat Nahiñ Hai, Jis Halqa (Ring) Mein Nag Na Ho Us Ko Chhalla Kaha Jata Hai Aur Chhalla Pahnna Mard Ke Liye Jaaiz Nahiñ Hai Khwah Chandi Ka Ho Ya Kisi Aur Dhat Ka.

Chunancha Saiyedi Aala Hazrat Imam Ahmad Raza Khan Razi Allahu Anhu Se Jab Chhalle Ke Mutalliq Sawal Kiya Gaya Ke Kya Mard Chhalla Pahan Sakta Hai? To Aap RadiAllahu Anhu Ne Jawaban Irshad Farmaya:

“Haram Hai..

*📚(Fatawa Razviya Jild 22 Safha 147 Raza Foundation Lahore)*

Or Chandi Ke Dibbiya Mein Taweez Rakh Pahanna Aurat Ko Jaaiz, Mard Ko Haram, Jaisa Ke Aala Hazrat Alaihirrahma Se Arz Kiya Ke “Tanbe Peetal Ke Taweezoñ Ka Kya Hukm Hai?” Irshad Farmate Hain: Mard W Aurat Donoñ Ko Makrooh Aur Sone Chandi Ke Mard Ko Haram, Aurat Ko Jaaiz.

*📚(Malfoozat Aala Hazrat, Hissa Som, Safha 328)*

Wallahu Ta'ala Aa'alam Bis-Sawab 

*✍🏻Al-Jawab: Hazrat Muhammad Shameem Akhtar Raza Yusufi Sahab Qibla*

*📬Khatibo Imam Chakai Jame'a Masjid W Khadimut Tadrees Madarsa Raza E Mustafa Chakai, Jamui, Bihar*

*🗓️19 May 2025, 20 Zul Qa'adah 1446*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*