Dua E Aashura Parhne Se Ek Saal Zindagi Ka Bima He To Agar Koi Uske Parhne Ke Baad Bhi Faut Ho Jaye To.. ?

 *Dua E Aashura Parhne Se Ek Saal Zindagi Ka Bima He To Agar Koi Uske Parhne Ke Baad Bhi Faut Ho Jaye To.. ?*

*🌹SAWAL:-🌹*

Hazrat Ye Kaha Jata He Ki, Dua E Ashurah, Aashura Ke Din Parhne Se Zindagi Ka Saal Ka Bima Ho Jayega.. Iski Kya Haqeeqat He ? Iska Parhna Kesa ?

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ

Ye Dua Bilkul Jaaiz or Durust He or Buzurgane Deen Ne Iske Fazaail Me Bayan Farmaya He, Isi Liye Ye Duaa Buzurgoñ Ke Ma'amulaat Me Rahi He.. 

Hazrat Allama Qazi Abdul Raheem Bastawi Alaihir Rahmah Ke Majmuaah e Aamaal Mein Bhi Marqoom Hai Jo Sarkare aala Hazrat Alaihir Rahmah Ke Aamaal O Ashghaal Ka Majmua Hai.

Is Ke Inkaar Ki Koi Wajah Nahiñ. Khud Hadeese Paak Mein Daraazi-e-umr Aur Rizq Mein Barkat Ke Liye Ba kasrat Duayein Aur Wazaaif Warid Hain. Magar Bohot Se Logoñ Ko Dekha Gaya Ke Bawajood in Aamaal Ke Un Ke Rizq Mein Barkat Nahiñ Hoti Ya Jald Hi Wafat Ho Jate Hain. To Kya Hadees Bhi Ghalat Ho Jayegi? To Aise Hi Buzurgon Ke Mamulaat Aur Wazaaif Ka Bhi Haal Hai.

Huzoor Ka Farman Barhaq Hai Magar Is Ke Liye Bohot Se Sharaait Hote Hain, Masalan Ikhlaas Fil Qalb To Bawajood in Ad'iya e Masoorah Ke, Chunke Kabhi Ikhlaas Fil Qalb Hasil Nahiñ Hota, Is Liye Woh Baabe Ijabat Tak Nahiñ Pahunchti Hain. Aur Kabhi Tangi e Rizq W Qillat-e-Umar Qaza-e-Mubram Ban Kar Kisi Ke Haq Mein Hoti Hai Ke indallah Us Ke Haq Mein Wahi Behtar Hai, Is Liye Bhi Dua Jis Maqsad Ke Liye Parhi Jati Hai, Be-Aynihi Woh Maqsad Hasil Nahiñ Hota. Aur Kabhi Tarteeb Ya Tarkeeb Mein Kami Beshi Ho Jati Hai, Is Liye Maqsad Hasil Nahiñ Hota. Garz Ke Koi Na Koi Maane'a Haail Ho Jata Hai Takmeel-e-Maqsad Ki Raah Mein. Aur Kabhi Rahmat-e-ilahi Joshe Zan Hoti Hai to Bawajood Mawane'a Ke Bhi Maqsad Bar Aata Hai.

Yahi Haal Awliya-e-kiram Ke Bataye WazAaif Ka Hai. Lehaza Is Mein Shak O Taraddud Ki Koi Wajah Wajiyah Nahiñ. Bas Hamara Kaam Jis Maqsad Ke Liye Woh Amal Mujarrab Bataya Gaya Hai, Takmeel-e-Maqsad Ki Umeed Par Woh Amal Karna. Baqi Is Amal Par Maqsad Ka Tarttub Wo Mashiyat-e-ilahi Ke Tehat Hai. Ke Hamare Nazdeek Asbab Musabbabaat Se Mahaz Marboot Hote Hain, Na Ke Asbab Musabbabaat Ke Illat-e-Mujibah Hote Hain. Balke Illat-e-Mujiba Sirf Baari Ta’ala Ki Zaat Hai. Illat-e-Mujiba Maanna Falaasifa Ka Mazhab Hai. Yeh Nuqta Khoob Yaad Rakhne Ka Hai. Inshaallah Is Nuqte Ko Zehen Nasheen Kar Lene Se Yeh Aur Is Tarah Ke Bohot Se Masaail Hal Ho Jayenge.

Wallahu Ta'ala Aa'alam 

*✍🏻Al-Jawab: Hazrat Allama Mufti Muzzammil Barkati Sahab Qibla*

*📬Baani Sadrushshariyah Academy W Sadrul Mudarriseen W Mufti Darul Uloom Anware Madina Khambhaliya, Gujarat*

*🗓️5 July 2025, 9 Muharram 1446*

*🌹SAWAL-O-JAWAB🌹F.T.S👑grp*

📲+918

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*