Aurat Ka Apne Door Ke Bahnoi Ke Sath Haj Ya Umrah Par Jana ?

 *Aurat Ka Apne Door Ke Bahnoi Ke Sath Haj Ya Umrah Par Jana ?*

*🌹SAWAL:-🌹*

Assalamu Alaikum Wa Rahmatullahi Wabarakatuhu

Baraye Karam Aulmaye Kiram Muftiye Kiram

Mere Is Masle Ka Javab Aata Farmaye Meri Walida Bevaa He, Meri Walida Apni Fufi Ki Ladki Aur Unke Shohar K Sath Hajj Karne Ka Irada Karti H to Kya Jaa Skti H Ya Nahiñ

Barae karam Jald S Jald Javab Ata Farmaye

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Aapke Walida Ke Fufi Ke Damad Jo Hain (Yaani Unke Cousin Ke Shohar/Jija) Vo Apki Walidah Ke Mahram Nahiñ Balki Gair Mahram Hain Is Liye Aapki Walidah Unke Sath Haj Ke Liye Nahiñ Ja Sakti..

Sarkar Aala Hazrat Alaihir Rahmato Ridwan Se Suwal Hua Ki Apni Haqeeqi Hamshira (Bahan) Ke Shohar Se Aurat Ko Parda Karna Farz He Ya Nahiñ ? Jiske Jawab Me Aap Farmate Hai,

Bahnoi Ka Hukm Shara'a Me Bilkul Misle Hukme Ajnabi He Balki Usse Bhi Zaaid Ki Vo Jis Be Takallufi Se Aamado Raft, Nashisto Barkhast Kar Sakta He Gair Shakhs Ki Itni Himmat Nahiñ Ho Sakti Lihaza Saheeh Hadees Me He,

Sahaba E Kiram Ne Arz Ki Ya Rasoolallah ﷺ! Jeth, Dewar, or Unke Misl Rishtedaaran Ka Kya Hukm He. Farmaya: Ye to Mout He.

*📚(Fatawa Razviya Mutarjim, J-22, S-237, Mas'ala-94)*

Bahare Shariyat Me He,

Aurat Ko Makkah Tak Jaane Me Teen Din Ya Zyada Ka Rasta Ho to Uske Hamrah Shohar Ya Mahram Hona Shart He, Khwah Vo Aurat Jawan Ho Ya Burhya Mahram Se Muraad Vo Mard He Jis Se Hamesha Ke Liye Us Aurat Ka Nikah Haram He, Khwah Nasab Ki Wajah Se Nikah Haram Ho, Jaise Baap, Beta, Bhai, Wagairah Ya Dudh Ke Rishta Se Nikah Ki Hurmat Ho, Jaise Razaai Bhai, Baap, Beta Wagairah Ya Susraali Rishta Se Hurmat Aai, Jaise Khusr, Shohar Ka Beta Wagairah..

*📚(Mulakhkhsan: Bahare Shariyat, H-6, S-1044)*

Wallahu Ta'ala Aa'alam

*✍🏻Al-Jawab: Hazrat Maulana Ashraf Qadri Alimi Sahab Qibla*

*📬Madarsa Lateeful Uloom, Raza Nagar Jigna Mirzapur, Up*

*🗓️30 July 2025, 4 Safarul Muzaffar 1447*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*