Huzur ﷺ Ke Roze Ke Samne Baland Aawaz Se Salam Parhna Kesa?

 *Huzur ﷺ Ke Roze Ke Samne Baland Aawaz Se Salam Parhna Kesa?*

*🌹SAWAL:-🌹*

Sarkar E Madina Sallallahu Taala Alaihi Wa Sallam Ki Bargah E Aqdas Mein Unchi Awaz Se Mana Farmaya Gaya Hai...

To Miladunnabi Sallallahu Taala Alaihi Wa Sallam Ke Mubarak Mauka per Ya Madina Sharif Haziri Ki Khushi Mein Roza E Rasool Sallallahu Taala Alaihi Wa Sallam per Jor Se Naat E Paak Padhna Ya Naara Lagana Kaisa Hai....?

Kya Ye Bhi Usi Hukm Mein Hai...

Barahe Meharbani Rehnumai Faramaye

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Bargah E Risalat Ka Adab Ba Har Haal Malhuz Rakkha Jaega, Yaani Jis Tarah Un Ki Zahiri Hayat Me Sahaba E Kiram W Sahabiyaat Adab O Tazim O Takrim Baja Laate Wese Hi Aaj Bhi Bargah E Risalat Me Hazri Di Jayegi.

Wanha Chilla Chill Kar Naat Khwani Our Naara Wagerah Bhi Lagna Ye Bargah E Mustafa Sallallahu Alaihi Wasallam Ke Khilaf He.

ChunanChe Hazrat Imam Malik Alayhir Rahma Ne Abu Jafar Mansur Ko Unchi Aawaz Me Bolne Se Mana Farma Diya... 

Jesa Ke Shifa Sharif Me Allama Qazi Ayaz Maliki Undlusi Rahmtullah Alayh Ne Is Ko Naqal Farmaya,

Hazrate Imam Malik Rahmatullah Alaihi Se Masjide Nabwi Shareef Me Guftagu Ke Dauran Khaleefa Abu Ja'Afar Ne Aawaz Buland Ki to Aap Ne Usse Irshad Farmaya: Ay Khaleefa ! Is Masjid Me Aawaz Baland Mat Karo, Allah Paak Ne Bargahe Risalat Me Aawazeñ Dhimi Rakhne Waloñ Ki Mad'H (Yaani Tarif) Farmai He, Chunanche Parah 26 Surah Hujraat Me Farmaya,

اِنَّ الَّذِیْنَ یَغُضُّوْنَ اَصْوَاتَهُمْ عِنْدَ رَسُوْلِ اللّٰهِ اُولٰٓىٕكَ الَّذِیْنَ امْتَحَنَ اللّٰهُ قُلُوْبَهُمْ لِلتَّقْوٰىؕ-لَهُمْ مَّغْفِرَةٌ وَّ اَجْرٌ عَظِیْمٌ

*📚(Parah-26, Surah Hujrat, Aayat-3)*

Tarjama E Kanzul Imaan: Beshak Vo Apni Aawazeñ Past Karte Hai Rasoolullah Ke Paas, Vo Hai Jinka Dil Allah Ne Parhezgaari Ke Liye Parakh Liya He Unke Liye Bakhshish or Bada Sawab He.

Jabke Awazein Buland Karne Waloñ Ki in Alfaaz Mein Mazammat Bayan Farmayi Hai, Chunancha Isi Surat Ki Chauthi Ayat-E-Karima Hai:

اِنَّ الَّذِیْنَ یُنَادُوْنَكَ مِنْ وَّرَآءِ الْحُجُرٰتِ اَكْثَرُهُمْ لَا یَعْقِلُوْنَ

*📚(Parah-26, Surah Hujrat, Aayat-4)*

Tarjama E Kanzul Imaan: Beshak Vo Jo Tumheñ Hujroñ Ke Baahar Se Pukarte Hai Unme Se Aksar Be Aql Hai.

Tajdare Risalat ﷺ Ki Izzato Hurmat Yaqeenan Aaj Bhi Usi Tarah Hai Jis Tarah Hayaat-E-Zahiri Mein Thi. Imam Malik Rehmatullah Alaih Ki Is Guftagu Se Abu Jafar Khamosh Ho Gaya. 

*📚(Al-Shifa, 2/41)*

Lihaza Duroodo Salam, Naat Khwani or Apne Jazbaat Ka Izhaar Bhi Bargahe Risalat Ke Aadab Ko Malhooz Rakh Kar Kareñ..

Aala Hazrat Ne Farmaya,

Zairo Paas-E-Adab Rakhho Hawas Jaane Do,

Aankhein Andhi Huwi Hain Unko Taras Jaane Do.

Or Dr. Iqbal Ka Sher He,

Adab Gaheest Zair-E-Aasman Az Arsh Nazuk Tar,

Nafs Gum Karde Mae Aayid Junaid O Bayazid Eñ Jaa.

Or Huzur Sadrushshariyah Alaihir Rahma Tahreer Farmate Hai,

Agar Madina Tayyabah Ki Hazri Nasib Ho to Roza E Shareef Ke Samne Char Hath Ke Fasle Se Dast Basta Jaise Namaz Me Khada Hota He, Khada Ho Kar Sar Jhukaye Huve Salato Salam Arz Kare, Bahut Qareeb Na Jaye, Na Idhar Udhar Dekhe or Khabardar Khabardar ! Aawaz Kabhi Baland Na Karna, Ki Umr Bhar Ka Sara Kiya Dhara Akaarat Jaye or Muhabbat Ki Ye Nishani Bhi He Ki Huzur ﷺ Ke Aqwaal W Af'Aal W Ahwaal Logoñ Se Daryaft Kare or Unki Perwi Kare.

*📚(Bahare Shariyat, H-1, Aqaaid Muta'Alliqa Nabuwwat, Aqeedah-48)*

Agar Wañha Koi Namaz Padhne Wala Ya Quran Ki Tilawat Karne Wala Nahiñ He, Our Sab Log Mil Kar Padh Rahe Hen to Kuchh Buland Aawaz Se Adab Ke Sath Padh Sakte He. Jis Tarah Zikr Bil Jahr Hota He, Magar Chilla Chilla Kar Ba Har Haal Padhne Ki Ijazat Nahiñ, Har Haal Me Bargah E Rasool Sallallahu Alaihi Wasallam Ke Aadab Ka Khayal Rakhaa Jaye..

Balnad Aawaz Se Padhne Our Chillane Me Farq He Jo Wazeh He, Lihaza Chillane Ki Bilkul Ijazat Nahiñ...

Isi Tarah Kisi Ki Aawaz Hi Bhari He Ke Dhire Padhe Tab Bhi Zyadah Lage, Wo Mazur He, Magar Chillane Ki Us Ko Bhi Ijazat Nahiñ.. Adab Ke Sath Parh Sakte Hai..

Wallahu Ta'Ala Aa'Alam Bis-Sawab

*✍🏻Al-Jawab: Hazrat Allama Mufti Qasim Raza Sahab Misbahi*

*📬Khadim JRM Khambhat, Muqeem Haal Nadiyad, Gujrat*

*🗓️12 Sep 2025, 19 Rabi Ul Awwal 1447*

*🌹SAWAL-O-JAWAB🌹F.T.S👑grp*

📲+9184

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*