Musafir Jumaa Ki Iqamat Kara Sakta He. Fajar Magrib Me Musafir Ki Iqteda ?

*🌹SAWAL:-🌹*
Agar fajr ,  magrib aur jummah ki farz namaze jis ki kasar bhi utni hi hoti he to kya us imam ke pichhe us ki namaz mukammal ho jayegi
Albatta masafir per jummah Mubarak farz nahi fir bhi musafir imamat kare to kya masla banega ???
Rehnumai kare

*🌹JAWAB:-🌹*

Ji Fajar, Magrib, Or jumaa mubarak ki farz namaze jis ki kasar utni hi hoti he ye namaze bhi musafir imam ki iqteda me padh sakte he, namaz mukammal ho jayegi.

2. Musafir jumaa ki namaz ki imamat kara sakta he.

_Jaisa ki Huzur SadrushShariyah Alahir Rahmato Ridwan Taherir Farmate He_

Jumaa ki imamat har mard kar sakta he jo or namazo me imam ho sakta ho agarche us par jumaa farz na ho jaise, mareez, musafir, gulam. Yaani jabki sultane islam ya us ka naeeb ya jis ko usne ijazat di bimar ho ya musafir to ye sab namaze jumaa parha sakte he. Ya unho ne kisi mareez ya musafir ya gulam ya kisi laeeq imamat ko ijazat di ho ya bazaroorat aam logo ne kisi ayse ko imam muqarrar kiya ho jo imamat kar sakta ho, ye nahi ki bataure khud jis ka jee chahe jumaa parhave ki yuñ jumaa na hoga..
*📚(BAHARE SHARIYAT, H-4, S-122)*

Wallahu Aa'alam Bis-Sawab
*📬Pathan Moin Raza Khan, Petlad*
📲

*🌹SAWAL-O-JAWAB🌹F.T.S👑grp*
===========➖➖➖➖==========

JANWARO KA BUT KHANA KESA ? OR US PAR FATIHA DENA KESA ?

*🌹SAWAL:-🌹*
Hazrat but khana kesa or us par fatiha padna kesa kch log isko khane se mana krte h

*🌹JAWAB:-🌹*
_But Khana Jaiz Or Us par Fatiha Padhna Bhi jaiz he_


_Jaisa ki Musaddiqate TajushShariyah Me He,_

But Ojh ke uper ka gosht he, but or najasat ke darmiyan ek Jhil hoti jo asre Najasat ko but tak nahi pahunchne deti, lihaza but ka khana jaiz he, Noori Kiran 1981 me Huzur Mufti Aazame Hind Alaihir Rahma ki tasdeeq ke sath khane ke jawaz ka fatwa maujud he, or Huzur TajushShariyah Alaihir Rahma ka fatwa bhi but khane ke jawaz par he.

_Isi Tarah Huzur Shareh Bukhari Alahir Rahma  Farmate He,_

But khana bila adna karahat jaiz he but agar che ma'ade ke uper ka gosht he magar us ke or najasat me ek moti jhilli jisko hanare taha ki zaban me jhroota kahte he hail hoti he jhilli itni moti hoti he ki us ki channi banti he is liye but ma'ade  ke hukm me nahi is liye ki karahat ki illat najasat ke sath ittesal he or vo but me murtafa'a he.

*📚(MUSADDIQATE TAJUSHSHARIYAH, S-38,39)*

*📬Pathan Moin Raza Khan, Petlad*
*🌹SAWAL-O-JAWAB🌹F.T.S👑grp*

📲
==========➖➖➖➖=========

MARD AURAT KO SONE KA DANT LAGANA KESA ? YA SONE KA TAAR BANDHNA KESA ?

*🌹SAWAL:-🌹*
Assalamu Alaykum

Ulama e kiram ki bargah m 1 sawal h k

Kya Mard aur aurat sone ka dant laga sakte h?

*🌹JAWAB:-🌹*

Wa alaikum Assalam W Rahematullah,

_Huzur SadrushShariyah Hazrat Allama Mufti Amjad Ali Aazami Alaihir Rahemato Ridwan Taherir Farmate He_

Imame Aazam Saiyeduna Abu Hanifa Alaihir Rahma ka Mazhab ye he ki sone ka dant banwana jaiz nahi. ye masnooi daant jo paththar ya masale se banaye jate he kaar aamad hote he. Mene khud bahuto ko dekha he ki unse achchi tarah khate he. Rahi baat badboo wo safai se jati rahegi, unme itni badboo nahi paida hoti ki saaf karne se bhi na jaye. Lihaza aysi soorat me sona istemal karna bila zaroorat huva jo najaiz he...
*📚(FATAWA AMJADIYA, J-4, S-106)*

_Or Aala Hazrat Ashshah Imam Ahemad Raza Khan Alahir Rahmato Ridwan ek sawal ke jawab me Farmate He_

Sone ke Taloo aurto ko mutlaqan jaiz he or mardo ko bazaroorat yaani jab ke sone me koi khususiyat muhtaje ilyha aysi honki chandi wagairah se hasil na ho sakti ho warna dusri dhat ikhtiyar karr chandi ki hajat ho to vo varna Aluminium ya jo munasib ho.

Durre Mukhtar Me he,
لایشد سنہ المتحرک بذھب بل بفضۃ ویتخذ انفا منہ لان الفضۃ تنتنہ
*📚(درمختار کتاب الحظروالاباحۃ فصل فی اللبس مطبع مجتبائی دہلی ۲/ ۲۴۰)*

Hilne wale dant ko sone ke taro se mazboot na kiya jaye balki chandi istemal ki jaye, haañ albatta sone ki masnooi naak bana kar lagai ja sakti he kyu ki chandi me badboo paida ho jati he.

Hidaya me he,
الاصل فیہ التحریم والاباحۃ للضرورۃ وقد اندفعت بالفضۃ وھی الادنی فبقی الذھب علی التحریم والضرورۃ لم تندفع فی الانف دونہ حیث انتن۳؎ اھ واﷲ تعالٰی اعلم۔
*📚( الہدایۃ کتاب الحظروالاباحۃ فصل فی اللبس مطبع یوسفی لکھنؤ ۴/ ۴۵۵)*

Sone ke istenla me asl hurmat he or uska mubah hona zaroorat ki wajah se he kyu ki chandi se ge zaroorat puri ho jati he or uska istemal banisbat sone ke qareeb he, lihaza sona apni hurmat par baqi rahega, or ye zaroorat naak lagane me bagair sone ke pure nahi ho sakti, kyu ki sone ke alawa baqi dhato me badboo paida ho jati he.
*📚(FATAWA RAZVIYA, J-24, S-190)*

_Sone ke dant se Badboo nahi hoti is wajah se aulma ne use mubah karar diya. Or badboo ke ta'alluk se fatawa amjadiya me huzur SadrushShariyah ne farma diya ki saaf karne se badboo jati rahti he agar badboo na jaye to sone ke istemal ki ijazat he.. lihaza bila zaroorat sone ke dant na lagaye jaye, chandi ka istemal bahetar.._

Wallahu Aa'alam Bis-Sawab
*✍🏻Pathan Moin Raza Khan, Petlad*
📲

*🌹SAWAL-O-JAWAB🌹F.T.S👑grp*
===========➖➖➖➖=========

MUSAFIR IMAM KI IQTEDA OR MUSAFIR MUQTADI KO MUQEEM KI IQTEDA KA HUKM

*🌹SAWAL:-🌹*

(1) zaid ek musafir he aur agar use vakt mile to kya wo vaha ke imam ( jo musafir nahi) us ke pichhe puri namaz padh sakta he ya fir akele me kasar kar ke padhe
(2) bakar masafir he aur hamare ilake aaya he ab wo imamat karenga to us ki ekteda me namaz padhna kesa
agar jummah mubarak ki namaz padhaye to padh sakte he ya masafir imam ke pichche namaz n padhi jaaye
Rehnumai farmaye.

*🌹JAWAB:-🌹*

1. Agar Zaid musafir he or usne muqeem imam(yani jo musafir nahi) uski iqteda ki to vo puri char raka'at padhega. Yaani imam ki pairvi karega.

_Jaisa ki Momin Ki Namaz Me he_
Agar Musafir Muqtadi ne muqeem ki iqteda ki, to ab vo imam ki iqteda me char raka'at hi Padhe, yaani puri namaz padhe.
*📚(Duree Mukhtar, 📚Raddul Mohtar)*
*📚(Bahare Shariyat, H-4, S-82)*
*📚(MOMIN KI NAMAZ, S-403)*

2. Mukeem musafir imam ki iqteda kar sakta he, uska tariqa ye he ki musafir imam apni kasr padhega yani vo chaar raka'at wali namaz me 2 raka'at padh kar salam fer dega, tab muqeem muqtadi(yane jo musafir nahi vo) musafir imam ke salam ferne ke baad apni 2 raka'ate puri kare, or un 2 raka'ato me qira'At na kare balki baqadre Sura e fatiha Khamosh rahe.

_Jaisa ki Bahare Shariyat me he,_
Musafir imam ne 4 (char) raka'at wali namaz yani zohar , asar, or isha me Mukim  muqtadi ki imamat ki, to musafir imam 2 (do) raka'at par salam fer de or imam ke salam ferne ke baad muktadi apni baaki namaz puri kare or in dono raka'ato me mutlaq kira'at na kare yani halate kayam me kuch na padhe, balki  itni der ki sura e fatiha padhi jaae mahaz khamosh rahe.

*📚(Durre mukhtar,raddul muhtar,)*
*(bahare shariyat,hissa-4,safa-82)*
*+Fatawa razviya, jild-3, safa-395)*
*📖(momin ki namaz, safa-403/404)*

Wallahu Aa'alam Bis-Sawab
*📬Pathan Moin Raza Khan, Petlad*
📲

*🌹SAWAL-O-JAWAB🌹F.T.S👑grp*
===========➖➖➖➖==========

Quran Shabe Qadr Me Nazil Hua Se kya murad he ? Kya 23 saal me hua ?

*🌹SAWAL:-🌹*
Sural al qadr me hain ke "beshak hamne ise(quran) ko al qadr me utaara..
Mukhtalif riwayato se pata chalta hai ke alag alag jagaho par wahi nazil hui alag alag time me to hazrath ye samjhadein quran mukammal kab hui aur al qadr me quran shareef utarnr ka maana kya hai..

*🌹JAWAB:-🌹*

Beshak jo surah al qadr me likha he ki ham ne quran ko shabe qadr me utara ..yaqinana ye haq he ...aur jo ye he ki 23 baras ke arse me thoda thoda mukhtalif maqam par quran utarta raha ye bhi haq he ...to is ka matlab ye he ki .surah qadr me jo he ...is ka matlab ye he ki ..lauhe mahfooz se aasmane duniy par quran ek sath shabe qadr me utra ...phir aasmane duniya se huzur ki bargah me thoda thoda .23 baras me nazil hota raha ..ye ma'ana he..

*_✍🏻Al-Jawab:- Hazrat Maulana Mahefooz Aalam Razvi, Ahemdabad, Gujrat_*

*_📬Pathan Moin Raza Khan, Petlad_*
*🌹SAWAL-O-JAWAB🌹F.T.S👑grp*

📲
==========➖➖➖➖=========

Mobile Me Achanak Tasweer aati he kya mobile ka istemal karna jaiz hoga ?

*🌹SAWAL:-🌹*
Mobile me Jab WhatsApp status dekhte he to kai logo ke jandar ki tasweer wale status aate he to kya mobile ka istemal karnajaiz hoga ?

*🌹JAWAB:-🌹*

Agar aapney najaiz tasweer e jandar dekhney ke qasd se mobile on kiya to yeh gunah hua. Aur agar kisi jaiz kaam ke liye mobile on kiya lekin advertisement ya news men zabardasti tasaweer aayin jinko dekhney ka iradah nahi tha sirf koi jaiz kaam ke liye mobile on kiya tha to yeh gunah nahi hai. Huzoor e Taajush ShariAh SaHib AlayhirRaHmah ne news paper ki tasaweer ke barey men aesa hi kuchh irshad farmaya tha jiski raushni men yeh jawab diya gaya hai..

Wallahu Aa'alam Bis-Sawab

Mobile may jo tasweer hoti hain kia wo bhi manae nuzool-e-malaika kay hokum may shaamil hain ?  Note may bhi tasweer hoti awr akhbaraat wagerah
http://jamiaturraza.com/session/12Jan09/16.mp3

*📬Pathan Moin Raza Khan, Petlad*
*🌹SAWAL-O-JAWAB🌹F.T.S👑grp*

📲
===========➖➖➖➖=========

Kam paiso ka kaam me jhuth bol kar zyada paise lena

*🌹SAWAL:-🌹,*
ek Shaks Kharaad kaa Kaam Kartaa H (bike ke blck bore hed chudi baghara Kaa) ab Koi mistry bike ki repair krtaa H Aur Usmein Koi bhee kharabi na Hone Pr Bhee Boo mistry kharabi bata Detaa H Aur is Shaks ke pass lata H Aur Dono log jhoot bolte H aur costumer se paise le lete H??
2-kharab Hone Pr mistry costumer ko is shaks ke pass lata H Aur Ye shaks 100 rupee ke kaam Ko 300 ka batata H isme se commission nikalta H mtlb 100 rupee mistry ko deta hain??
kaisa H yee Aaj kal Sare Kamo mein Hi Ho Raha H

*🌹JAWAB:-🌹*
1. Yeh baghair kharabi huey kharabi bata kar jhoot bol kar gahak ko dhoka detey hain yeh gunah hai Haram hai. Iski kamayi Haram hai.

2. Yahan costumer ko 100 rupyey ke kaam ke 300 bataye to agar costumer samajhdar hai Aql wala hai apna nafaA nuqsan samajhta janta hai  to ussey jitney paesey taye karenge jaiz hoga. Costumer bhi to chahey to 100 ke bajaye 50 deney ki koshish kar sakta hai . Haan nasamajh ya bachchey se is tarah ka muAmlah karna jaiz nahi hai ke yeh itni samajh nahi rakhta ke apney faedey nuqsan ko samajh sakey.

*🌹SAWAL-O-JAWAB 🌹F.T.S👑grp*
*_📬Pathan Moin Raza Khan Razvi, Petlad Gujrat_*

=============➖➖➖➖=========