Dadhi Ki Miqdar Kitni Honi chahiye

*🌹SAWAL:-🌹*

Dadhi Ki Miqdar Kithni Honi Chahiye? Dadhi Kaha Se Kaha Tak Hai? 

Gale Par Jo Baal Hai Wo Kya Daadhi Kehlaenge?  Kya Use Kaat Sakte Hai?

*🌹JAWAB:-🌹*

Dadhi Ek Musht Rakhna Wajib Or Huzur  ﷺ Or Ambiya E Kiram Alaihimus Salato Salam Ki Sunnate Daaimi Or Ahle Islam Ke Shiaar Se He Ek Musht Se Kam Karna Najaizo Haram Or Gunah He Or Shiaare Kuffar He.

Sarkar Aala Hazrat Alaihir Rahma Farmate He,

Dadhi Ki Had Muqarrare Shara'a (ek Musht) Se Kam Na Karna Wajib Or Huzur Sarware Aalam  ﷺ Or Ambiya E Kiram Alaihimus Salato Salam Ki Sunnate Daaimi Or Ahle Islam Ke Shiaair Se He Or Uske Khilaf Mamnoo'a W Haram Or Kuffar Ka Shiaar He.

*📚(Fatawa Razviya, J-9, S-29)*

Or Faqihe Aazame Hind Huzur SadrushShariyah Alaihir Rahma Taherir Farmate He,

Dadhi Badhana Sunane Ambiya E Sabiqeen Se He Mundana Ya Ek Musht Se Kam Karna Haram He.

*📚(Bahare Shariyat, H-16, S-197)*

Dadhi Ki Miqdar Ek Musht He, Isse Zaaid Baal Ho To Ek Musht Ki Had Tak Usko Kaat Sakte Hai, Dadhi Ke Bare Me Yahi Ma'amool Huzur ﷺ Or Sahaba RadiAllahu Anhum Se Marwi He.

Dadhi Ki Ye Miqdaar Is Liye Wajib He Ki RasoolAllah ﷺ Ne Bahut Hi Takeed Ke Sath Dadhi Badhane Ka Hukm Diya He, Jin Riwayaat Ki Bina Par Dadhi Badhana Wajib He, Dusri Taraf RasoolAllah ﷺ Or Kai Sahaba E Kiram Ridwanallahu Alaihim Ajmaeen Se Dadhi Ko Ek Musht Tak Kam Karwana Sabit He, Isse Kam Miqdar Kisi Se Bhi Sabit Nahi He, In Tamam Riwayaat Ke Majmooe Se Yahi Nateeja Nikalta He Ki Dadhi Katne Ki Aakhri Had Ek Musht He, Isse Kam Jaiz Nahi He, Agar Jaiz Hoti To Sahaba Kiram Ridwanallahu Alaihim Ajmaeen Me Se Koi Kam Karte.

Do Hadees Shareef Peshe Khidmat He,

Hazrat Umru Bin Shoyib RadiAllahu Anhu Ba Wasta Walid Apne Dada Se Riwayat Karte He,

Nabie Kareem ﷺ Apni Dadhi Mubarak Lambai Or Chodai Me Kam Karte The.

*📚(Tirmizi, Sunan, J-5, S-94)*

Hazrat Ibne Umar RadiAllahu Anhuma Se Riwayat He Ki Nabi E Akram  ﷺ Ne Farmaya, Mushrikeen Ki Mukhalifat Karo, Munchhe Barik Karo Or Dadhi Badhao. Hazrat Ibne Umar Jab Haj Ya Umrah Karte To Apni Dadhi Ko Muthi Me Pakadte Or Jo Izaafi Hoti Usko Kaat Dete.

*📚(Sahih Bukhari, J-5, S-2209)*

Dadhi Me Khat Banwane Ke Ta'alluq Se Mas'ala He Ki,

Jahañ Tak Jabda Hilta He Wahañ Tak Dadhi He Agar Uske Upar He To Saaf Karva Sakte Hai,

Isi Tarah Halq Me Jahañ Mardoñ Ki Ubhri Hui Haddi Hoti He Wahañ Tak Dadhi He Uske Niche Agar Baal He To Katwa Sakte Hai Koi Harj Nahi.

Wallahu Aa'alam Bis-Sawab

*✍🏻Al-Jawab: Maulana Fahim Razvi Mustafai Sahab,*

*_📬Khatibo Imam Noori Masjid Mahudha Gujarat_*

*🗓1 June 2020, 8 Shawwal 1441*

*🌹SAWAL-O-JAWAB🌹F.T.S👑grp*

📲+9184

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Qabrastan Ke Darakht Se Phal Khana Kesa

*🌹SAWAL:-🌹*

Assalamo Alaikum....

Hazrat Agar Qabristaan Me Faldaar Darakht Hai To Uska Fal Khana Kaisa Hai❓

Rahnumayi Farmaye...

Jazakallahokhair...

*🌹JAWAB:-🌹*

Qabrastan Me Kisi Ne Darakht Lagaya  To  Yahi Shakhs Un Darakhto Ka Malik He, Uski Ijazat Ke Bagair Dusro Ko Usme Se Phal Lena Jaiz Nahi, Agar Vo Ijazat De To Le Sakta He. Or Agar Darakht Apne Aap Qudrati Ug Aaya Ya Darakht Lagane Wale Ka Pata Na Ho Ki Kisne Lagaya He To Ye Qabrastan Ki Milk Me Hoga, Usme Se Bhi Phal Khana Jaiz Nahi, Haañ Qazi Bech Kar Uski Qimat Qabrastan Ki Durustagi Me Sarf Kar Sakta He.

Jaisa Ki Bahare Shariyat Me He,

Qabrastan Me Kisi Ne Darakht Lagaye To Yahi Shakhhs Un Darakhto Ka Malik He Or Darakht Khud Roo (Qudrati Paida Huve) He Ya Maloom Nahi Kis Ne Lagaye To Qabrastan Ke Qarar Paayege Yaani Qaazi Ke Hukm Se Bech Kar Usi Qabrastan Ki Durustagi Me Sarf Kiya Jaye.

*📚(Bahare Shariyat Application, H-10, S-100)*

Isi Tarah *📚(Fatawa Razviya, J-9, S-405) Par Bhi He

Isi Tarah Fatawa Razviya Me He,

Qabrastan Agarche Waqaf Ho Magar Darakht Jo Usme Lagaye Jaye Agar Lagane Wala Tasreehan Ye Keh Bhi De Ki Mene Inko Qabrastan Par Waqaf Kiya Jab Bhi Waqaf Na Hoge Or Lagane Wale Hi Ki Milk Rahe Ge, Uski Ijazat Ke Bagair Dusro Ko Unme Tasaruf Jaiz Nahi, Or Usko Ikhtiyar He Ki Uski Lakdi Kaate Ya Jo Chahe Kare Balki Agar Inke Sabab Maqaabir Par Zameen Tang Karde To Use Majboor Kiya Jayega Ki Darakht Kaat Kar Zameen Khali Karde. Aysa Hi Fatawa Hindiya Wagairah Me Maujud He.

*📚(Fatawa Razviya, J-16, S-157)*

Mazeed Tafsil *📚(Fatawa Razviya, J-20, S-541)* Par Bhi Mulaheza Farmaye

Wallahu Aa'alam Bis-Sawab

*_✍🏻Pathan Moin Raza Khan,Petlad_*

*🗓2 June 2020, 9 Shawwal 1441*

📲+91

*🌹SAWAL-O-JAWAB🌹F.T.S👑grp*

•┈┈┈┈┈┈• • ✦ ✿ ✦ • •┈┈┈┈┈┈•

Salatut Tasbeeh Or Digar Namaz Me Surah Or Aayat Kese Gine

*🌹SAWAL:-🌹*

As Salam O Alaykum.

 Mera Ye Sawal Hai Ke Salatun Tasbi 1 Rakat Me Jo 75 Bar Jo Padh Na Hai Wo Kai Se Gin Sakte Hai. Jawab Inayat Farmiye Hazarat.

*🌹JAWAB:-🌹*

Namaz Me Ungliyoñ Par Aayatoñ Soortoñ  Or Tasbihaat Ka Ginna Makrooh He, Namaze Farz Ho Khwañ Nafl Or Dil Me Shumar Rakhna Ya Poroñ Ko Dabane Se Ta'adad Mahfooz Rakhna Or Sab Ungliyañ Bataure Masnoon Apni Jagah Par Ho, Isme Kuchh Harj Nahi, Magar Khilafe Awla He Ki Dil Dusri Taraf Mutawajjeh Hoga Or Zaban Se Ginna Mufside Namaz He.

*📚(Bahare Shariyat, H-3)*

*✍🏻Al-Jawab: Maulana Fahim Razvi Mustafai Sahab,*

*_📬Khatibo Imam Noori Masjid Mahudha Gujarat_*

*🗓️27 May 2020, 3 Shawwal 1441*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Jumuah Ki Do Jama'at Karna Kesa

*🌹SAWAL:-🌹*

Kya Farmate Hai Aulma E Deen Is Mas'ala Me Ki Shahar Me Jumuah Ki Do Jama'at Ho Sakti He Ya Nahi ? Jawab Bahawala Inayat Farmae

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Shahar Me Ek Masjid Me Ek Hi Din Jumuah Ki Do Jama'at Jaiz Nahi, Albatta Eid Ki Do Baar Jama'at Ho Sakti He.

*📚(Fatawa Razviya, J-3, S-803)*

*✍🏻Al-Jawab:- Hazrat Mufti Gulzare Nabi Khan Razvi Naeemi Sahab Qibla*

*_📬idara Sharaiyah W Samaji Khidmat, Aala Hazrat Masjid NavaYard Vadodara, Gujarat_*

*🗓️23 May 2020, 29 Ramzanul Mubarak 1441*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Ulti Hui Or Kisi Ne Paani Pila Diya To Roze Ka Hukm

*🌹SAWAL:-🌹*

Salam, Biwi Ko Muh Bhar K Ulti Hui....main Pani Pilwa Diya... Kya Roza Tut Gya?

*🌹JAWAB:-🌹*

Walykum Asslam

Khud Ba Khud Ulti Hui Chahe Munh Bhar Ho Roza Nahi Tutega, Albatta Aap Ne Ye Samjh Kar Ke Roza Tut Gaya, Paani Pilwa Diya To Roza Tut Gaya.Uski Qaza Karni Hogi.

Bahare Shariyat Me He,

Qay Aai Ya Bhul Kar Khaya Ya Piya Ya Jima'a Kiya Or In Sab Soorto Me Use Maloom Tha Ki Roza Na Gaya Fir Us Ke Baad Kha Liya To Kaffara Lazim Nahi.

*📚(Bahare Shariyat, Hissa-5)*

 Wallahu Ta'ala Aalam

*_✍🏻Al-Jawab:- Hazrat Allama Mufti Qasim Raza Sahab Misbahi_*

*📬Raza Darul Ifta Khambhat Gujarat*

*🗓️21 May 2020, 27 Ramzanul Mubarak 1441*

*🌹SAWAL-O-JAWAB🌹F.T.S👑grp*

📲+9184

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•

Nind Me Bure Khayal Se Bachne Ka Amal

*🌹SAWAL:-🌹*

Assalamualayekum Hazrat Mujhe Na Kuchh Din Se Roz Raat Ko Ese Khwab Aa Rahe H Jisme Mujhe Koi Jakad Leta H Isko Hamare Yahañ Maya Bolte H Jiske Aane Se Fir Me Hil Tak Nahiñ Pata Na Hi Bol Pata Or Darawni Si Chize Hoti H Kabhi Khuchh Dikhta H Kbhi Kuchh Hazrat Me Kya Karu Jo Ese Sapne Aane Band Ho Jaye Or Me Bahut Uthne Ki Koshish Karta Huñ Utha Nahiñ Jata Bilkul Eesa Lagta H Kisi Ne Daba Rakha Ho Mujhe Yahañ Tak Ki Meri Raal Bhi Nikal Jati H

Mustamal Paani Ke Ahkam Or Paak Karne Ka

*🌹SAWAL:-🌹*

Hazrat Ek Sawal, Mustamal Pani Ke Bare Me Batae

Pani Kab Kab Mustamal Hota Hai

Mustamal Pani Kaha Istemal(Use) Kar Sakte Hai Aur Kaha Nahi

Aur Mustamal Pani Ko Sahi Karne Ka Tarika Kya Hai.

*🌹JAWAB:-🌹**

Musta'amal Ye Arbi Zaban Ka Lafz He Jis Ke Ma'ana He Istemal Kiya Huva, Maa'e Mustamal Ya Aabe Mustamal  Ka Matlab Vo Pani He Jis Ko Wuzu Wagairah Me Istemal Kiya Gaya Ho, Musta'amal Paani Ke Ahkam Darj Zail He.

Agar Chhote Bartan Me Paani He Ya Paani Bade Bartan Me He Magar Wahañ Koi Chhota Bartan Bhi Maujud He Or Usne Be Dhoya Hath Paani Me Daal Diya Balki Ungli Ka Pora Ya Nakhun Dala To Vo Sara Paani Wuzu Ke Qabil Na Raha Maa E Musta'amal Ho Gaya.

Ye Us Waqt He Ki Jitna Hath Paani Me Pahuncha Uska Koi Hissa Be Dhula Ho Warna Agar Pahle Hath Dho Chuka Or Uske Baad Hadas Na Huva To Jis Qadar Hissa Dhula Huva Ho, Utna Paani Me Dalne Se Musta'amal Na Hoga Agarche Kohni Tak Ho Balki Gaire Junub Ne Agar Kohni Tak Hath Dho Liya To Uske Baad Bagal Tak Daal Sakta He Ki Ab Uske Hath Par Koi Hadas Baaqi Nahi, 

Haañ Junub Kohni Se Upar Agar Hath Dhula Huva He Magar Fir Dhone Ki Niyyat Se Dala Or Ye Dhona Sawab Ka Kaam Ho Jaise Khane Ke Liye Ya Wuzu Ke Liye To Ye Paani Musta'amal Ho Gaya Yaani Wuzu Ke Kaam Me Na Raha Or Usko Peena Makrooh Bhi He.

Agar Bazaroorat Hath Paani Me Dala Jaise Paani Bade Bartan Me He Use Jhuka Nahi Sakta, Na Koi Chhota Bartan He Ki Usse Nikale To Aysi Soorat Me Baqadre Zaroorat Hath Paani Ke Daal Kar Usse Paani Nikale Ya Kuweñ Me Rassi Dol Gir Gaya Or Be Ghuse Nahi Nikal Sakta Or Paani Bhi Nahi Ki Hath Paanw Dho Kar Ghuse, To Is Soorat Me Agar Paanw Daal Kar Dol Rassi Nikalega To Musta'amal Na Hoga, In Mas'alo Se Bahut Kam Log Waqif Hai Khayal Rakhna Chahiye.

Musta'amal Paani Agar Achche Paani Me Mil Jaaye Maslan Wuzu Ya Gusl Karte Waqt Qatre Lote Ya Ghade Me Tapke, To Agar Achcha Paani Zyada He To Ye Wuzu Or Gusl Ke Kaam Ka He Warna Sab Bekaar Ho Gaya.

Paani Me Hath Pad Gaya Ya Or Kisi Tarah Musta'amal Ho Gaya Or Ye Chaheñ Ki Ye Kaam Ka Ho Jaye To Achcha Paani Usse Zyada Usme Mila De, Neez Uska Ye Tariqa Bhi He Ki Usme Ek Taraf Se Paani Daale Ki Dusri Taraf Se Bah Jaye Sab Kaam Ka Ho Jayega.

Yuñ Hi Napak Paani Ko Bhi Paak Kar Sakte Hai. Yuñhi Har Bahti Hui Cheez Apni Jins Ya Paani Se Ubaal Dene Se Paak Ho Jayegi.

Jhuta Paani Paak He Usse Wuzu Or Gusl Jaiz Hai Magar Junub Ne Bagair Kulli Kiye Paani Piya To Us Jhute Paani Se Wuzu Najaiz He Ki Vo Musta'amal Ho Gaya.

*📚(Bahare Shariyat, H-2)*

Musta'amal Paani Ke Bare Me Tafsili Maloomat Ke Liye *📚(Fatawa Razviya, Jild-2, Safha-43-248)* Mulaheza Farmaye.

Wallahu Ta'ala Aa'alam

*✍🏻Al-Jawab:- Hazrat Allama Mukhtar Ahemad Ziyai Faizi Sahab Qibla*

*📬Darso Tadris Darul Uloom Mustafiya, Haldarva, Gujarat*

*🗓️27 May 2020, 3 Shawwal 1441*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•