KYA CHAND YA SOORAJ GRAHAN HAMILA AURAT YA USKE BACHCHE PAR ASAR KARTE HE ?

*🌹SAWAL:-🌹*
Kya Chand Grahan Ya Sooraj Grahan Me Hamila(pregnent) Aurat Par  Ya uske Bachche par Koi Asar Hota he ?

*🌹JAWAB:-🌹*

Sooraj Grahan Ya chand grahan ka koi Asar Hamela Aurat or Uske bachche par nahi padta Ye Faqat waham he shara'i lihaz se is ka koi taswwur nahi.
Ba'az zaiful aeteqad log grahan ke waqt Hamila aurat ko sabzi wagairah na katne ki, chhuri ya lohe ki koi chhiz na chhune ki hidayat karte he take unke bachche par koi asar na pade.
Ye sab sirf awam ka waham he iski shariyat me koi haqiqat nahi. Lekin agar isko ek nazariya na samaj kar sirf un kaamo se ahtiyat bhi karle to koi harz nahi..
Vo bhi is wajah se ki badhe budho me ye baate zyada mash'hoor he, isliye sirf un kaamo se sirf ahtiyat karle yani un kaamo se door rahe to koi harj nahi lekin use nazariya na bana le ki grahan se nuqshan hota he.. (jin kaamo ka karna shariyat ke khilaf na ho unse ahtiyat kar sakte he)Lekin Shariyate Mustufa alaihis salam me iski koi hesiyat nahi..

Grahan ke dino me Hamela aurat or aam awam ko bhi astagfar or zikre ilahi w namazo me mashgool rahna chahiye. Jiske muta'allik mene pahle post ki thi or insh'Allah is post ke aakhir me bhi iske muta'allik thoda bata diya jaega,

*Hazrat Aallama Mufti Muneebur -Rahmaan Sahab Qiblah Tehreer Farmate Hain Ke....,*
*Ye Kahyaal Shar'an Bilkul Baatil Aur Ghalat Hai*
Ke Suraj Ya Chaand Garhan Ke Mauqa Par Khawateen BilKhusoos Hamilah Khawateen Par Koi Asar Murattab Hote Hain Ya Unhe'n us Waqt Chalte Phirte Rehna Chahiye
(Sona Nahi Chahiye) In Tawahhumaat Ki SharAn Koi Haisiyat Nahi.Haan Khawateen Ko Bhi Chahiye Ke *_Namaz , Zikr , Tauba-O-Istighfaar Aur Tasbeeh -O- Tehmeed Mein Mashghool Rahe'n._*
*📚(Tafheemul Masayil  , J:6 , S:47)*

Ta'alimate islam se pahle ahle arab me ayse waham paaye jate the ke jab bhi sooraj ya chand grahan lagta to vo log kahte ki kisi ki maut hui he jis ki wajah se gahan laga he.
_Lekin Rasoollallah sallallahu alaihi w sallam ne in sab baato ka radd farmaya._

Hadish shareef me he,
Rasoollallah sallallahu alaihi w sallam ne farmaya Sooraj or chand kisi ke marne se grahan nahi hote. Ye to Qudrate ilahi ki do nishaniya he jab unhe grahan hote dekho to namaz ke liye uth khare ho.
*📚(SAHIHUL BUKHARI, HADISH NUMBER:1043)*

Bukhari shareef hi ki ek or hadish me marqoom he k aap sallallahu alaihi w sallam ne farmaya:
Chand or sooraj ka grahan aasare qudrat he. Kisi ke marne,jine(ya kisi or wajah) se namudar nahi hote. Balki allah apne bando ko ibrat dilane ke liye zahir farmata he. Agar tum ayse aasar dekho to fauran duaa astagfar or yaade ilahi ki taraf ruju'a karo.
*📚(SAHIHUL BUKHARI, HADISH NUMBER: 1059)*

Lihaza jab aysa mu'aamla pesh aaye to ahle iman ko chahiye ki vo is nazara se mahzooz hone, taumahat ka shikar hone ki bajae darbare khudawandi me haziri de or apne gunaho ki maafi talab kare. Kyu ki sooraj or chand grahan allah ki nishaniyo me se he un ke zariye allah ta'ala apni makhlooq ko darata he or unke zahno me qayamat ka manzar taza karta he ki us din sooraj lapet diya jaega or sitare torh diye jaege,sooraj or chand jama'a kar diye jaege vo dono be noor ho jaege.
Huzur sallallahu alaihi w sallam ka sooraj or chand grahan ke waqt par ye aalam tha  ki aap sallallahu alaihi w sallam pareshan ho jate or gahan ki namaz padhte.

Lihaza jab bhi aysa mu'aamla ho to waham ka shikar hone ki bajae allah ki baargah me taubah astagfar karni chahiye or apne gunaho ki maafi maangni chahiye or gahan ki namaz padhni chahiye.

Wallahu aa'alam bis-sawab.
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

==========➖➖➖➖==========

SIRF NIYAT KI THI KI UNSE MUREED HONA HE OR PEER WAFAT OA GAYE TO KYA UNKA MUREED HOGA

*🌹SAWAL:-🌹*
Assalamualaykum hazrat mera sawal hai ki agar kisi ne uske hone wale peer se mureeed Hone ki niyat karli lekin unki hayat me unse mureeed na hua to kya aise me us niyat ki wajah se wo sakhs mureeed hogaya ya nahi? iska javab inayat kijiye... Jazkallah

*🌹JAWAB:-🌹*

Is soorat me vo un peer ka mureed na huvaa,

Agar aesa hi hota ki koi wafat hue peer se bhi mureed ho jaae to aaj koi kisi peer se mureed na hota direct Gaushe Aazam ka mureed ban jata..
Lekin aesa nahi he..

Vo mureed hona chahta tha or ab jisse mureed hona chahta tha vo peer ka wisal ho gaya to ab ye he ki us sahibe tasarruf ka jo janasheen he or jo jaame'a sharait peer he usse vo mureed ho jaae to uski nisbat usko hasil ho jaegi.

isi tarah ka,
*👑HUZUR FAQEEHE ISLAM, HUZUR TAJUSHSHARIYAH ALAIHIR RAHMA KA BHI FARMAN HE*
http://jamiaturraza.com/session/3Jan08/10.mp3

```👆🏻IS LINK ME AAP KI MUBARAK AAWAZ ME JAWAB SUNE```

Wallahu aa'alam bis- Sawab
===========➖➖➖➖==========
*🌹SAWAL-O-JAWAB🌹F.T.S👑grp*
*_📬Khadim:-Pathan Moin Raza Azhari, Petlad_*

===========➖➖➖➖===========

IQRAAN KA MEANING KYA HE

*🌹SAWAL:-🌹*
Assalamu Alaykum
Iqraan ke mana kya he?

*🌹JAWAB:-🌹*

W alaikum Assalam W rahematullah..

Iqraan ke kai alag alag ma'ane he jo mandarjaZail he...

1. Iqraan(اقران) = sitaro ka milap
*📚(ISLAMIC NAAMO KI DICTIONARY, S-34)*

2.Iqraan(اقران) = Qaran(قرن) ki Jama'a - Zamane.

3. Iqraan(اقران) = Qareen(قرین) ki jama'a - Paas ke log, Ham Asr log, Muaasireen.
*📚(FIROZUL LUGHAT URDU JADEED, S-74)*
*📚(URDU LUGHAT APPLICATION)*

Wallahu aa'alam bis-Sawab
==========➖➖➖➖==========
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

=========➖➖➖➖==========

BAAT BAAT PE KASAM KHANA KESA ? OR USKA KAFFARA KYA

*🌹SAWAL:-🌹*
Baat baat par kasam khana kesa ? Or uspar kya sharai hukm hoga or uska kaffara kya hoga ?

*🌹JAWAB:-🌹*
```APNI KASMO KI HIFAZAT KARNE KA HUKM QURAAN SHAREEF ME BHI MAUJUD HE```

Baat baat par kasam uthana shar'an layike malamat or qabile mazammat fe'al he. Kyu ke ba-kasrat kasme khane se jahaN aadmi ke dil me sharai hudood w quyood se gaflat w laa-parwahi payda hoti he vaha us ki baat me bhi wazan or aetemad barqarar nahi rahta. Isi liye nabi e kareem sallallahu alaihi w sallam ko qura'ane majeed me hukm diya gaya ke "aap kisi bhi ayse shakhs ki baat na mane jo bahut zyada qasme uthata ho"
*📚(SURA E QALAM, AAYAT-10)*
Or Musalmano ko paband kiya gaya ke " tum allah ko apni kasmo ka nishana na banao.
*📚(SURA E BAQAR, AAYAT-22)*
Ba'az mufassireen ke nazdik is se murad ye he ki baat baat par qasam na uthaya karo.
*📚(TAFSIRE QURTIBI, W KHAZAINUL IRFAN)*
Isi tarah ek or maqam par farmaya " apni qasmo ki hifazat kiya karo.
*📚(SURA E MAAIDA, AAYAT-89)*
Sadrul afazil farmate he "ye bhi hifazat se he ki qasam khane ki aadat tarq kar di jaae.

Mazkura tamam tar tafsil se wazeh ho gaya ki baat baat par qasam uthana shariyate mutahara ki nazar me ek mazmoom or bura fe'al he. Jaha tak us shakhs ke liye sharai hukm (yaani qasam ke kaffara wagairah) ka ta'alluk he to uski tafsil ye he ke agar vo shakhs maazi(past) ya haal(present) ke kisi waqe'aa par jaan bujh kar qasam uthae or us me vo Jhutha ho to vo gunahe kabeera ka murtakib hoga or us par taubah karna lazim hoga. Is me kaffara nahi he. Or agar vo shakhs mustaqbil(future) ke kisi kaam ko karne ki qasam khaae to us par us qasam ko pura karna lazim hoga. ba-shart ye ki vo kisi najaiz kaam ki qasam na ho. Agar vo shakhs qasam ko torh de to us par kaffara lazim hoga. Kaffara ye he ke 10 miskeeno ko 2 waqt ka khana de diya jae ya unhe kapda de diya jaae. Agar in baato ko taqat na ho to 3 din musalsal roze rakhe jaae.yahi kaffara us soorat me he jab koi shakhs mustaqbil me gunah ki qasam khae. Yaani aysi soorat me lazim ho jata he ki aadmi us qasam ko torh kar kaffara de. Kyu ke nabi e kareem sallallahu alahi w sallam ne irshad farmaya " jis shakhs ne kisi cheez ki qasam khai fir vo us cheez ke khilaf karne ko bahetar jaane to vo us qasam ke khilaf kare or us ka kaffara de.
*📚(SAHIH MUSLIM, 650)*

*📖BA-HAWALA:-(📚ANWARUL FATAWA, SAFA-517,518)*

Or Hazrat Saiyed Shah Turabul Haqq Qadri Alahir Rahma ek sawal ke jawab me farmate he ki iska kaffara ye he ki 10 aadmio ko 2 waqt ka khana khilae ya 2.25(sava doso) aante ki keemat 10 fakeero me taksim kare..Misal ke taur par agar 2.25 (sava doso) aante ki kimat 25 rupye banti(misal ke taur par) he to 25-25 rupye 10 faqeero ko jo zakat khairat ke mustahiq he unhe dede.

Wallahu Aa'alam Bis-Sawab
==========➖➖➖➖==========
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari_*

==========➖➖➖➖===========

KYA NABINA(blind) SHAKHS IMAMAT KARA SAKTA HE

*🌹SAWAL:-🌹*

Kya nabina(andhe) imam ke pichhe namaz hogi ya nahi ?

*🌹JAWAB:-🌹*

_Huzure Faqihe Millat Hazrat Allama Jalaluddin Ahemad Amjadi Alaihir Rahma Taherir Farmate He,_

Nabina ke pichhe namaz padhna jaiz he agar koi or dusri wajah mane'a imamat na ho.
*📚(FATAWA FAQIHE MILLAT, J-1, S-112)*

Andha(blind) shakhs agar tamam hazerin me sabse zyada masaile namaz ka jaan ne wala ho or uske siwa dusra koi sahihul aqida, sahihul qir'at, or gair fasiqe mo'allin shakhs hazire jama'at na ho or vo andha hi sabse zyada ilme namaz v ilme taharat rakhta ho, to usi ki imamat afzal he.
*📚(FATAWA RAZVIYA SHAREEF, J-3, S-207)*
*📚(MOMIN KI NAMAZ, S-338)*
==========➖➖➖➖=========
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari_*

==========➖➖➖➖==========

ISLAM ME SURAJ GRAHAN OR CHAND GRAHAN KI HAQIKAT (SUN ECLIPSE AND MOON ECLIPSE IN ISLAM)

*🌹SAWAL:-🌹*
Islam me Sooraj Grahan or chand grahan(eclipse) ki kya haqikat he ?

*🌹JAWAB:-🌹*

```Sooraj grahan or chand grahan ke waqt namaz padhni chahiye, allah ki ibadat karni chahiye, or astagfar w zikre ilahi me mashgool rehna chahiye yahi sunnat tarika he.
Sooraj grahan or chand grahan Allah ki nishaniyo me se he jin ka kisi ki maut w hayat or awam ke awham w khurafat se koi ta'alluk nahi.```

👉Arbo me mash'hoor tha ke sooraj grahan or chand grahan tab lagta he jab zameen par koi bahut bada zulm ho, RasoolAllah sallallahu alaihi w sallam ne us ko waham karar diya.

Hadish sharef me he,,
Sooraj or chand ko kisi ki maut or Zindagi ki wajah se grahan nahi lagta balki ye allah ki nishaniyo me se do nishaniya he. Jab tum unhe dekho to namaz padha karo.
*📚(SAHIHUL BUKHARI, HADISH NO-1041)*

Hazrat abu moosa ash'ari radialllahu anhu se marwi ki huzure aqdas sallallahu alaihi w sallam ke ahde karim me ek martaba gahan laga masjid tashrif laye or bahut taweel(lamba) kiyaam w ruku'a w sujud ke sath namaz padhi ki mene kabhi aesa karte na dekha or yah farmaya ki allah ta'ala kisi ki maut w hayat ke sabab apni yah nishaniya zahir nahi farmata lekin inse apne bando  ko darata he. Lihaza jab inme se kuchh dekho to zikr w duaa w istigfaar ki taraf ghabra kar utho.
*📚(SAHIHUL BUKHARI,1-360,RAQAM:1010)*
*📚(SAHIHUL MUSLIM, 2-628,RAQAM:912)*
*📚(BAHARE SHARIYAT, H-4, GAHAN KI NAMAZ KA BAYAN, S-786)*

Sahih bukhari sharif me hazrat asma binte siddiq radiallahu anhuma se marvi, farmati he Huzur sallallahu alaihi w sallam ne aaftab gahan me gulam aazad karne ka hukm farmaya.
*📚(BAHARE SHARIYAT, H-4, GAHAN KI NAMAZ, S-787)*

👉Zameen par sooraj grahan us waqt hota he jab chand gardish ke dauran sooraj or zameen ke darmiyan me aa jata he jis ke baad zameen se sooraj ka kuchh ya fir pura hissa nazar nahi aata. Isi tarah zameen  ka kuchh saya jo gradish ke dauran chand or sooraj de darmiyan aa jane  se chand ki satah par padta he or chand tarik nazar aane lagta he. Qadeem mazahib me sooraj grahan or chand grahan ke muta'allik ajeebo gareeb kisse mash'hoor the jab ke Qur'aan majeed ne use allah ki nishani karar diya or Rasoolallah sallallahu alaihi w sallam ne namaze ada kar ke bata diya ke is kefiyat me sooraj w chand ki harkat ma'mool se hat kar he jo allah ki nishani he or qayamat ka manzar he, usse panah mangne ke liye khuda ke Huzur sajda raiz ho jaao.

👉Sooraj gahan ki namaz sunnate mu'aqqeda he or chand grahan ki namaz mustahab, soooraj grahan ki namaz ke liye jama'at mustahab he or tanha bhi padhi ja sakti he lekin jama'at se padhne ki soorat me siwae khutba baki tamam sharaite jumaa is ke liye shart he. Yaani uski jama'at vahi qaim kar sakta he jo jumaa kar sakta he vo na ho to log tanha tanha namaz padhe chahe ghar me padhe ya masjid me, ye namaz 2 rakat bhi padh sakte he or 4 bhi or 4  rakat ki soorat me 2 salam se bhi or 1 salam se bhi, us me na azan he, na iqamat, or na hi buland aawaz se qiraat he, namaz ke baad duaa kare yaha tak ke aaftab khul jaae.
Or chand grahan ki namaz me jama'at nahi imam maujud ho ya na ho baharhaal tanha tanha padhe..
*📚AESA HI ( BAHARE SHARIYAT, H-4, GAHAN KI NAMAZ, S-788) par maujud he*

Wallahi ta'ala aa'alam
==========➖➖➖➖==========
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari_*

==========➖➖➖➖==========

GUSL YA WUZU FARZ HO OR NAMAZ KA WAQT JA RAHA HO TO KYA KARE

*🌹SAWAL:-🌹*

Agar ehtelam ho jae or fazar ka waqt ja raha ho to kya kare ?

*🌹JAWAB:-🌹*

Waqt itna tang ho gaya ki Wuzu ya gusl karega to namaz qaza ho jaegi to chahiye ki tayammum karke namaz padhle or fir wuzu ya gusl karke namaz ko dohrana lazim he.
*📚(BAHARE SHARIYAT, H-2, TAYAMMUM KA BAYAN, S-54)*

Namaz Ada ho Jaegi...

Wallahu ta'ala aa'alam bis sawab..
==========➖➖➖➖==========
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari,Petlad_*
📲8487928693
==========➖➖➖➖==========