TAZIYA DARI KARNA KESA ? TAFSIL SE...

*🌹SAWAL:-🌹*
Taziyadari karna kesa he ? Or uske aage dhol tashe or matam ya noha karna kesa ? Taziya ya Alam ko masjid me rakhna kesa ? Or TaziyaDari Me madad karna kesa ?

*🌹JAWAB:-🌹*

Murawajje Taziyadari najaizo, biddate saiyah w haram he. Or uske sath alam nikalna ya matam ya noha karna najaizo haram or katile ahle islam ka fe'al he.. Or Masjid me ya fina e masjid me Rakhna badarja e aola Najaiz or masjid se Bahar nikalne wala sawab paega.

*_👉Hazrat Shah Abdul Aziz Muhaddise Haqq Dahelvi Alaihir Rahma Taherir Faramate he,_*

Taziya dari jesa ki badmazhab karte he bid'at he. Or aese hi taboot, kabro ki soorat or alam wagairah yah bhi bid'at he or zahir he ki bid'ate saiyyah(buri biddat) he.

Yah Taziya jo ki banaya jata he ziyarat ke qabil nahi he balki is qabil he ki ise nisto nabood kiya jaae jaisa ki hadish shareef me aaya he ki tumme se jo shakhs jo baat khilafe shara'a dekhe to use apne hath se khatm kare or agar hath se khatm karne ki qudrat na ho to zaban se mana kare or agar zaban se bhi mana karne ki qudrat na ho to dil se bura jaane or ye sab se kamzor iman he.
*📚(FATAWA AZIZYA, J-1, S-76)*

Or farmate he ki 'kisi tarah ki Taziya dari me madad karna jaiz nahi is liye ki gunah par madad he or gunah par madad jaiz nahi.'
*📚(FATAWA AZIZYA, J-1, S-77)*

*_👉Huzur Aala Hazrat Ashshah Imam Ahemad Raza Khan Fazile Barailvy Alahir Rahma Taherir Farmate he_*

Taziya mamnoo'a he, shara'a me kuchh asl nahi. Or jo kuchh bid'at in ke sath ki jati he sakht najaiz he. Taziya par jo mithai chadhai jati he agarche haram nahi ho jati magar uske khane me jahilo ki nazar me ek amr najaiz ki waq'at badhane or uske tarq me us se nafrat dilani he. Lihaza na khai jaae. Dhol bajana haram he. Taziya ki ta'azim bid'at. Ta'aziya banana najaiz he.
*📚(FATAWA RAZVIYA)*

_Zyada tafsil ke liye aap ka RISALA E TAZIYADARI Dekhe_

*_👉Huzur SadrushShariyah  Allama Amjad Ali Sahab Alaihir Rahma Taherir Farmate he_*

Noha w matam bhi hota he or sina kobi hoti he itne zor zor se sina kutte he ki varm ho jata he, sina surkh ho jata he balki baaz zanjire or chhuriyo se matam karte he ki sine se khoon bahne lagta he. Taziyo ke paas marsiya padha jata he or taziya jab gasht ko nikalta he, us waqt bhi us ke aage marsiya padha jata he, marsiya me galat waqiaat nazm kiye jate he. Ahle bayt kiram ki be hurmati or besabri or jaza'a w faza'a ka zikr kiya jata he or chunki aksar marsiya rafziyo hi ke he, baad me tabrra bhi hota he magar is rau me sunni bhi ise betakalluf padh jate he or unhe iska khayal bhi nahi hota ki kya padh rahe he. Yah sab najaiz or gunah ke kaam he.
*📚(BAHARE SHARIYAT, H-16, S-247,248)*

_Mazeed Tafsil Ke liye Bahare Shariyat Ke Isi Safe Par Dekhe_

*_👉Sarkare KalaN Hazrat Saiyed Mukhtar Ashraf  Ashrafi Alaihir Rahma, (Kichhochha Shareef) Farmate he_*

Taziya, dhol tashe, alam shudde ko masjid me rakhne ke ta'alluk se ek sawal ke jawab me farmate he,

'Ahle Sunnat W jama'at ke nazdik taziya dari kah kar jin marasim ko murad liya jata he unke munkaraat amre munkar hi he, maslan ija'at maale muslim v asbabe ta'ayyush w tafrih w bayan maqzubat  w auhame fasida wagairah or yah vah munkaraat he jinka munkar hona manhoos he. Neez masjid w fina e masjid ko har tarah ke ta'ayyush w tafrih se paak rakhna zaroori he.'
*📚(KHUTBATE MUHRRAM, S-473)*

*_👉Saiyed Hashmi Miya (Kichhochha shareef) taherir farmate he_*

Murawajje Taziyadari najaizo haram he.

*_📚(RUSOOMATE MUHARRAM OR TAZIYADARI, S-13,14,15)*

_Zyada tafsil se isi kitab me padhe_
*👉Is Kitab Ki Tasdiq Shaikhul Islam Saiyed Madni miya Ashrafi Sahab qibla(kichhochha Shareef) ne hi ki he*

✍🏻 Pathan Moin Raza Azhari, Petlad

*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*
📲8487928693
===========➖➖➖➖==========

RAKHI OR PATAKHO KA KAROBAR/BUSINESS KARNA KESA

*🌹SAWAL:-🌹*
Rakhi or patakho ka karobar(business) karna kaisa ?

*🌹JAWAB:-🌹*

Patakhe or Rakhi ki Tijarat jaiz nahi ki aatish bazi haram he ki ye gunah par ae'aanat he jo haram he allah ta'ala irshad farmata he َوَلَا تَعَاوَنُوا عَلَى الْإِثْمِ وَالْعُدْوَانِ
*📚(SURA E MAAIDA, AAYAT-2)*
isi tarah ke ek sawal ke jawab me huzur sadrushshariyah alahir rahma Farmate he: Afyoon Wgairah jiska khana najaiz he ayso ke hath farokhat karna jo khate he najaiz he ki isme gunah par ae'anat he.
*📚(BAHARE SHARIYAT, H-16,106)*
Or Rakhi ka istemal sirf rakshabandhan ke liye hota he jo yaha ke gair muslimo ka mazhabi shuaar he to rakhi ki tijarat bhi gunah par ae'aanat hui is liye ye tijarat bhi najaiz he..
*📚(FATAWA MARKAZE TARBIYAT IFTA, J-2, S-237)*

Wallahi Aa'alam bis-sawab
*🌹SAWAL-O-JAWAB🌹F.T.S👑grp*
*_📬Khadim:-Pathan Moin Raza Azhari, Petlad_*
📲
===========➖➖➖➖===========

SUNNI KI NAMAZE JANAZA WAHABI NE PADHAI TO IQTEDA KARNE WALO PAR KYA HUKM HE

*🌹SAWAL:-🌹*

Sunni ki namaze janaza deobandi ne padhai to uski iqteda karne walo par kya hukm he ?

*🌹JAWAB:-🌹*

Kisi bhi deobandi wahabi ko imam banana hargiz hargiz jaiz nahi.

Wahabi deobandi allah azwajal or rasoollallah sallallahu alaihi w sallam ki shan me gustakhi karne ke sabab kafiro murtad he aulma e harmain tayyibain ne unke kafir w murtad hone ka fatwa farmaya. Or jo unke kufriyat par mutla'a ho kar usnke kufro azab me shak kare vo bhi kafiro murtad he or unse mel jhol ki babat hadeese paak me he,
"Unke paas na betho or na un ke sath khana khaao na paani piyo, or unke sath shadi biyah na karo, or beemar pade to unhe puchhne na jaao, mar jaae to unke janaze par na jaao, na unki namaze janaza padho na unke sath namaz padho.

Deobandi se namaze janaza padhvane wale ke yaha taubah ke bagair uski majlis me shirkat karne or uske laai hui shirni ke lene or khane me beshak qabahat he. Deobandi ko musalman jaan kar jin logo ne us ki iqteda ki un par taubah ke sath tajdeede iman w nikab bhi lazim he. Or jin logo ne musalman jaan kar wahabi ki iqteda nahi ki balki kisi dabao ya lihaz me aakar uske pichhe khade ho gaye to is soorat me sirf taubah lazim he or azla e jurm ki soorat apna e bagair jo log wahabi ya deobandi se janaza padhva ne wale ki majlise fatiha khwani me shareek hue or us ki shirni liye or khae vo sab taubah kare ki unhone ayse shakhs ka boycott na kiya.
*📚(FATAWA BARKATIYA, J-1, S-375)*

Agar musalmano ne wahabi ke pichhe uski wahabiyat jante hue musalman aeteqad  rakh kar janaza ada ki to kufr he alal aelan taubah w tajdeede iman w nikah zaroori he or agar wahabi imam ko murtad w badmazhab samajte hue padhi to fisq he aelaniya taubah lazim he yahi hukm wahabi ya sulehkulli ki namaze janaza padhne ka bhi be..
*(📚FATAWA FAIZOOL RASOOL, J-1, S-441)*


Wallahi aa'alam bis-sawab
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

===========➖➖➖➖============

KHUD SAHIBE NISAB HO OR MARHUMEEN KE NAAM SE QURBANI KARNA KESA

*🌹SAWAL:-🌹*

Hazrat agar koi shakhs sahib e nisab he kiya vo apni naam se qurbani chod kar apne ma bap ya marhumin ki taraf se qurbani kar sakta he ?
agar vasiyyat na ki ho to aur ki hoto kiya hukm he ?

*🌹JAWAB:-🌹*

Agar malike nisab he ayyame nahar me to us par qurabni wajib he vo apna wajib ada kare. Or fir marhumeen ke naam se qurbani jo nafl he uska dusra hisse ka intezam kare. pahle apna wajib ada karna hoga. Or agar wajib ada na kiya to gunehgar hoga.

Or agar marhumeen ki wasiyat ho to us qurbani ka kul gosht sadqa kare warna teen hisso me taqseem karna mustahab he.

_Or Huzur Sadrushshariyah Alaihir rahma taherir farmate he,_
Jis par qurbani wajib he, use khud apne naam se qurbani karni chahiye. Ladke ya jauza ki taraf se karega to wajib saqit na hoga.
*📚(FATAWA AMJADIYA, J-3, S-315)*

Wallahu aa'alam bis-sawab
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*
📲
===========➖➖➖➖==========

MUSALMAN KO RAKHI BANDHNA YA BANDHVANA KESA ?

*🌹SAWAL:-🌹*

Musalman Ko rakhi bandhna ya bandhvana kesa ? Kya ye kufr he ?

*🌹JAWAB:-🌹*

Jin musalman aurtone hinduo ko ye dora bandhna ya jin musalman mardo ne hindu aurto se ye dora bandhvaya vo vasiqo fajir, gunahgar, mustahiqqe azabe naar hue. Lekin kafir na hue is liye ki ye rakhi bandhan pooja nahi unka qaumi tyauhar he or unka ye qaumi shu'aar he, mazhabi shu'aar nahi. Kisi bhi kafir ke qaumi shu'aar ko ikhtiyar karna haram w gunah he, haaN kisi kafir ke mazhabi shu'aar ko ikhtiyar karna zaroor kufr he. Mazhabi shu'aar ka matlab ye hota he ki vo cheez unke mazhab me ibadat ho ya vo cheez unke mazhab ki roo se unke mazhab ki alamat ho. Jaise choti rakhna, zunar bandhna. Or rakhi bandhna na to unke mazhab me ibadat he or na hi unke mazhab ki roo se unki mazhabi alamat, ye ek waqti rasm he..
*📚(FATAWA SHAREH BUKHARI, J-2, S-566)*

Lekin aaj kal Kai ilaqo me hindu aurte ek plate me kuchh mithai, nariyel, sindhur,rakhi wagairah rakh ke ladke(bhai) ke mathe par tilak lagati he or pooja karti he. Or ye hinduo ka mazhabi shuaar he.. agar is tarah ka amal ya koi aesa amal jo unke mazhab ki roo se ho to us chiz se razi hone wala kafir he.

Musalman ko rakhi bandhna ya bandhvana najaizo haram or jahannam ke azab ka sabab he, is liye musalmano ko ese hinduo ke tyohar se door rehna chahiye.
Or rakhi bandhan/ raksha bandhan ki mubarak baad dena najaizo haram kufr anjam he tauba w tajdide iman kare..

Wallahu aa'alam bis-sawab
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*
📲
==========➖➖➖➖===========

QURBANI KE JANWAR KI UMR KITNI HONI CHAHIYE

*🌹SAWAL:-🌹*

Qurbani ke janwar ki umr kitni honi chahiye ?

*🌹JAWAB:-🌹*

Qurbani ke janwar ki umr ye honi chahiye, Unt 5 saal ka, Gaay(bail, wagairah) 2 saal ki, bakri( bakra, dumba wagairah) 1 saal ki, isse kam ho to qurbani jaiz nahi, zyada ho to jaiz balki afzal he. Haan dunba ya bherh ka 6 maah ka bachcha agar itna bara ho ki door se dekhne me saal bhar ka maloom hota ho to us ki qurbani jaiz he.
*📚(BAHARE SHARIYAT, H-15, S-340)*
*📚(QURBANI FAZAIL O MASAIL, S-8)*

*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

===========➖➖➖➖==========

NA BALIG PAR QURBANI WAJIB NAHI

*🌹SAWAL:-🌹*
Na-balig par qurbani wajib he ya nahi ?

*🌹JAWAB:-🌹*
Na-balig ke silsile me fuqha ka ikhtelaf he magar fatwa isi par he ki wajib nahi he.

*📚(QURBANI FAZAILO MASAIL, S-7)*
*📚(BAHARE SHARIYAT, H-15, QURBANI KA BAYAN)*

*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

==========➖➖➖➖==========

MAYYAT KE NAAM SE QURBANI OR USKE GOSHT KA HUKM ?

*🌹SAWAL:-🌹*
Mayyat ke nam se qurbani kar sakte hain ya nahi? Aur uska gosht kon kon kha sakte hain?

*🌹JAWAB:-🌹*
Mayyat ke nam se qurbani karna jaez o durust hai aur uska gosht ka bhi wahi hukam hai ki khud khae dost o ehbab ko de or faqeeron ko bhi de ye zaruri nahi ki sara gosht faqeeron hi ko de.han agar usne waseyat ki ho to us men se na khae balki kul gosht sadqah karde.

*HADEES SHAREEF* Hazrat hansh se marwi hai ki woh kehte hain men ne hazarat ali radiallahu anhu ko dekha ki 2 mendhe ki qurbani karte hain main ne kaha ye kiya? Unho ne farmaya rasoolAllah Sallallahu Alaihi w sallam ne mujhe wasiyat farmayi ki main huzur ki taraf se qurbani karun, lihaza main huzur ki taraf se qurbani karta hun.
*(SUNAN ABU DAUD, J-2, S-385)*
*📚(RADDUL MUKHTAR, J-6, S-326)*
*📚(BAHARE SHARIYAT, H-15, S-144)*

*📚(Fatawa markaz e tarbiyat e ifta J-2, S-318)*

*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari,Petlad_*

===========➖➖➖➖=========

KYA SIRF LETNE SE WUZU TOOTTA HE ?

*🌹SAWAL:-🌹*

Kya sirf letne se wuzu tootta he ya nahi ? Jisme nind nahi aa rahi sirf aaram ke liye bistar par leta ho to uske wuzu ka kya hukm he ?

*🌹JAWAB:-🌹*

```Sirf Letne Se Wuzu Nahi Tootega.```

_Wuzu ke tootne ke liye ye zaroori he ki usko nind aa jae. Yani nind aane se ma'amla ye hota he ki Jab insan ko nind aa jati he to uske aa'aza dhile pad jate he, or aa'aza ka dhila pad jana ye usi waqt hota he jab uske andar nind paya jae or jab uske andar nind hi nahi paai jaaegi to aa'aza ka dhila hona sabit nahi hoga. Or jab aa'aza ka dhila hona sabit nahi hoga to fir wuzu nahi tootega._
_Agar sirf leta jaae to usse wuzu nahi tootega, or agar usi letne ki soorat me nind aajaae to usse wuzu toot jaega._

_Jaisa ki Ek Hadish Shareef Me he,_
Hazrate Ameere Muaawya Radiallahu Anhu se riwayat he Rasoollallah Sallallahu Alaihi w sallam ne farmaya 'Aankh Sharm Gaah ka tasma He lihaza jab aankh so jati he to ye tasma dheela pad jata he'
*📚MUSNAD AHMEAD, 4:96, AD-DARIMI, HADISH-722)*

_HUZUR SADRUSHSHARIYAH ALAIHIR RAHMA TAHERIR FARMATE HE_
*MAS'ALA:-* So jane se wuzu jata rahta he jab ki dono surin khub na jame ho or na aesi halat par soya ho ki jisse gafil ho kar nind na aa sake jese ukru beth ke soya ya chit ya pat ya karvat le kar ya ek kohni par takiya laga kar ya beth kar soya magar ek karwat ko juka huaa ki ek ya dono surin uthe hue ho ya nangi pith par sawar he or janwar dhal par utar raha he ya do janu betha or pet rano par rakha ki dono surin jame na rahe ya char janu he or sar rano ya pindaliyo  par he ya jis tarah aurat sajda karti he usi halat par so gaya *in sab soorto me wuzu jata rahega* or agar namaz me in soorto me se kisi soorat par jaan buj kar soya to wuzu bhi gaya or namaz bhi gai wuzu kar ke sire se niyat bandhe or agar bila irada soya to wuzu kar ke jis rukn me soya tha vahi se ada karega or namaz ka dobara padhna bahetar he.

*MAS'ALA:-* Dono surin jamin ya kursi ya bench par he or dono paanv ek taraf faile huve ya dono surin par betha he or ghutne khade he or hath pindaliyo ko ghere hue ho chahe jamin par ho, do janu sidha betha ho ya char janu palthi maare ya jin par sawar ho ya nangi pith par sawar ho magar janwar chadhai par chadh raha he ya rasta barabar he ya khade khade so gaya ya ruku'a ki surat par ya mardo ke masnoon sajde ki shaql par to *in soorto me wuzu nahi jayega* or agar namaz me yah soorat pesh aai to na wuzu jaaye na namaz, Haan agar poora rukn sote hi me ada kiya to uska lautana zaroori he or agar jagte me shuru kiya fir so gaya to agar jagte me rukn ke poora hone ki miqdar ada kar chuka he to vahi kafi he nahi to pura kar le.
*📚(BAHARE SHARIYAT, HISSA-2, S-27)*

_In Dono Masle se bhi wazeh hota he ki aesi halat me leta jisme use nind na aai yaani uske aa'aza dhile na pade to uska wuzu nahi tootega._
_Or agar aesi halat me leta jisse use nind aa gai yani uske jism ke aa'aza dhile ho gaye to wuzu jata raha..._

Wallahu aa'alam bis-sawab
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

===========➖➖➖➖===========

MUSALMAN KO WANDE MATRAM KAHNA KESA ?

*🌹SAWAL:-🌹*

Musalman ko Wande Mataram Kehna Kaisa ?

*🌹JAWAB:-🌹*

```Ye kufriya kalima he ise jaan kar agar koi bole to vo kafir ho jaega. Is tarah ka nara lagana hargiz hargiz jaiz nahi```

_Huzur Shareh Bukhari Allama Shariful Haqq Amjadi Alaihir Rahma Taherir Farmate he_

Wande mataram ke ma'ana ye he "Ay Maa ham tere pujari he" Ye zameen se Khitab he. Mushrikeene hind ke karodo devtao me ek devi zameen bhi he. Is se khitab karte hue is geet me kaha gaya he ki Ay zameen, Ay dhartee, Ham tere pujari he. Pujari ka ma'ana ibadat karne wale ke he. Is wajah se ye jumla khalis mushrikana kafirana he. Musalmano ko hargiz hargiz jaiz nahi ki vo ye naara lagae. Jo musalman ye naara lagaega, ye geet gaega vo kafir mushrik murtad ho kar islam se kharij ho jaega. Us ki jauza uske nikah se nikal jaegi. Us par farz hoga ki fauran taubah kare fir se kalma padh kar musalman ho or uski biwi se fir se nikah kare.
Wallahu Aa'alam bis-Sawab..
*📚(FATAWA SHAREH BUKHARI, J-2, S-588)*

*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

==========➖➖➖➖===========

NAMAZ KE BAAD SAR PAR YA DIL PAR HATH RAKH KAR AAYATUL KURSHI Q PADHTE HE

*🌹SAWAL:-🌹*
Har farz namaz ke baad sar par ya dil par hath rakh kar aayatul kurshi kyu padhte he ?

*🌹JAWAB:-🌹*
Farz Namaz ke baad Aayatul kurshi padhne ke kai fazail he. Baaz log sar par ya dil par hath rakh kar padhte he ye bhi jaiz he isme koi harj nahi.sar par hath rakh kar aayatul kurshi padhne se dimag ko takviyat hasil hoti he.or dil par hath rakhne se dil saaf hota he. Or bhi kai fazail he.

Or ek hadish shareef me he ki
Hazrat Abu Umama Radiallahu Anhu se riwayat hai k Rasool Allah ne irshad farmaya:
"Jo shakhs har Farz namaz be baad Ayat Al Kursi parhe to is ke liye Jannat mein dakhil hone mein siwaye mot ke koi rukawat  nahi."
*📚(NASAI SHAREEF,9928)*
*📚(SUNAN KUBRA, J-6, S-30)*
Imam bayhaqi ne  'Sho'abul iman' me hazrat anas radiallahu anhu se riwayat kiya he ki rasoollallah sallallahu alaihi w sallam ne farmaya: jis shakhs ne har farz namaz ke baad aayatul kurshi ko padha allah ta'ala us ko dusri namaz tak apni hifazat me rakhta he or aayatul kurshi ki hifazat sirf nabi, siddique ya shaheed hi karta he.

Or bhi kai aayatul kurshi ko farz namaz ke baad padhne ki fazilate he..

Wallahu aa'alam bis-sawab.
*🌹SAWAL-O-JAWAB🌹F.T.S👑grp*
*_📬Khadim:- pathan Moin Raza Azhari, Petlad_*

==========➖➖➖➖==========

GAAY KA DOODH PINA JAIZ HE

*🌹SAWAL:-🌹*

Gaay ka doodh pina jaiz he is silsile me koi daleel dijiye hazrat

*🌹JAWAB:-🌹*

Gaay ka doodh pina jaiz he. Uska zikr quraan Shareef me bhi he.

وَإِنَّ لَكُمْ فِي الْأَنْعَامِ لَعِبْرَةً ۖ نُّسْقِيكُم مِّمَّا فِي بُطُونِهِ مِن بَيْنِ فَرْثٍ وَدَمٍ لَّبَنًا خَالِصًا سَائِغًا لِّلشَّارِبِينَ
*TARJAMA:-*
Or Beshak Tumhare liye chopayo me nigah hasil hone ki jagah he ham tumhe pilate he us chiz me se jo unke oet me he, gobar or khun ke bich me se khalis doodh gale se sahal utarta pine walo ke liye.
*📚(SURA E NAHAL, AAYAT-66)*

Or hadish shareef me he ki,
RasoolAllah Salallahu Alaihi Wasallam farmate hai,
“Gaay ka Dhoodh istemaal kiya karo, kyun ke us ke dhoodh me har bimaari se shifa( hai.”
*📚(Mustadrak: 2147)*


or Hazrat Allama BAHRUL Uloom alaihir rahma Farmate he, Jarsi Gaay or uska doodh bhi halal he.
*📚(FATAWA BAHRUL ULOOM, J-5, S-342)*
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

==========➖➖➖➖=========

CHARO MAZAHIB ME SE KISI BHI MAZHAB ME EK MUSHT AE KAM DADHI RAKHNE KI IJAZAT NAHI

*🌹SAWAL:-🌹*

Kya charo Mazahib Me kisi ke Nazdik Dadhi Ek musht se kam thi ?

Rahenumai farmae

*🌹JAWAB:-🌹*

```Charo Mazahib Hanfi, Shafai, Maliki, Or Hambali me Se kisi bhi mazhab me ek Musht se kam dadhi rakhna durust nahi.```

*_👑Imame Aazam Abu Hanifa radiallahu anhu ke nazdik dadhi ek musht rakhna wajib he._*

Imame Aazam Abu Hanifa ki kitab "al-Aasar" Me he,
”محمد قال اخبرنا ابوحنیفة رحمہ اللہ عن الہیثم عن ابن عمر  انہ کان یقبض علی اللحیة ثم یقص ما تحت القبضة قال محمد: وبہ ناخذ وہو قول ابی حنیفة رحمہ اللہ“۔
*TARJAMA:-* Imam Muhammad, Imame Aazam Abu Hanifa se vo hazrate Haisam se riwayat karte he kk hazrat Abdullah bin Umar dadhi ko muththi me pakad kar muththi se zaaid hissa ko kaat diya karte the. Imam muhammad farmate he he ki: hamara amal isi hadish par he or hazrat imame aazam ne bhi yahi farmaya.

*👑Shafaiyonke nazdik bhi khashkhashi dadhi mamnoo'a he.*

Mash'hoor Shafai muhaddis w faqih Shareh muslim Imam Navvi rahematullah alaihi  ”حدیث خصال فطرت“ ki sharah me farmate he,
”المختار ترکہا علی حالہا وان لایتعرض لہا بتقصیر ولاغیرہ“

*TARJAMA:-* "Mazhabe mukhtar ye he ki dadhi ko bilkul chhod diya jaae na use katra jaae or na munda jaae."

*👑Hambaliyo ke nazdik bhi dadhi ek muththi rakhna he or is se kam karna haram he.*

Fiqhe hambali  ki mu'atabar kitab  ”کشاف القناع شرح متن الاقناع“ ج:۱‘ ص:۶۰ me mazkoor he.
”واعفاء اللحیة ) بان لایاخذ منہا شیأ مالم یستہجن طولہا ویحرم حلقہا ولایکرہ اخذ ما زاد علی القبضة“
*TARJAMA:-* "Or huzur ki sunnat dadhi ko chhod dena is tarah ki usme se kuchh bhi na tarashe jab tak ki vo lambi ho kar badi na lagne lage or uska mundana to bilkul haram he, albatta qabza se zyada hissa ka tarashna makrooh nahi."

*👑Maliki bhi ek musht dadhi ke qail he.*

Malikiya ke mash'hoor faqih allama muhammad bin muhammad gaisi rahematullah alaihi  ”المنح الوفیہ شرح مقدمہ العزیة“ me farmate he ki,
”ان ترک الاخذ من اللحیة من الفطرة‘ وامر فی الارسال بان تعفی ای تترک ولاحرج علی من طالت لحیتہ بان یأخذ منہا اذا زادت علی القبضة“۔

*TARJAMA:-* "Dadhi rakhna fitrat me se he  or chhod ne ka hukm diya gaya yaani barhai jaae. Lekin jiski ek qabza yaani muththi se zaid ho jaae to use kaatne me koi harj nahi."

Isse maloom huaa ki ek Musht se kam dadhi karna kisi bhi imam ke nazdik durust nahi..

*📚MUQASHEFATUL QULUB, DURRE MUKHTAR, FATHUL QADEER, BAHRUR RAIK,📚* Wagairah mu'atebar KUTUBE FIQH me mazkoor he,
Jab tak dadhi ek musht se kam he us me se kuchh lena, jaisa ki magribi mukhannas karte he ye kisi ke nazdik halal nahi he or puri darhi ka safaya karna ye kaam to hindustan ke yuhudio or iran ke majoosio ka he..

Imame aazam Abu hanifa ke nazdik dadhi ek MUSHT rakhna wajib he. Iska tarq karne wala na imamat ke layik he ,or naahi peer banne ke.. vo FASIQ he..

Dadhi Mundana(Clean Shave)  Ya Ek Musht Se Kam Karna “Haraam” Hai. Haa Ek Musht Se Ziyada Ho Jaye To Jitni Ziyada Hai Usko Katwa Sakte Hai.
*📚(Qanoon-E-Shariyat , Hissa: 2 , Safa: 489)*
*📚(Fatawa-E-Razawiya , Jild: 22 , Safa: 571-573)*

Aalahazrat Imam Ahmad Raza Rehmatullah Alaihi Farmate Hai:
“Jab Tak Dadhi Ek Mutthi Se Kam Hai Is Me Se Kuch Lena (Katana) Jis Tarah Ki Kuch Maghribi (Western) Log Karte Hai Kisi Ke Nazdeek Halaal Nahi Aur Sab Lena (Yani Bilkul Hi Mundwa Dena) Aatish-Parasto, Yahoodiyo, Hinduo, Aur Farangiyo Ka Tereeqa Hai.
*📚(Al-Bahrur’eek  , Jild: 2 , Safa: 490)*
*📚(Fathul Qadeer , Jild: 2 , Safa: 270)*
*📚(Fatawa Razwiya , Jild: 22 , Safa: 652)*

Sheikh Abdul Haqq Muhaddith Dehlwi Rahmatullahi Alaih Farmate Hai:
"Ek Mutthi Dadhi Rakhna Wajib Hai. Dadhi Mundwana Haraam Ya ek Mutthi Se Kam Karna Haraam.
*📚(Ash’Atul Lam’Aat , Jild: 1 , Safa: 228)*

*_Pathan Moin Raza Azhari,Petlad_*

Wallahu Aa'alam bis-Sawab
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

===========➖➖➖➖==========

DUROOD SHAREEF KI MANNAT PURI KARNA ZAROORI HE

*🌹SAWAL:-🌹*

Kisi Ne Mannat Mani ke Fula Kam Hone par itne durood or kalma shareef padhuga.
Magar ab vo na pade to kya iska kaffara dena hoga ya is mannat ka kaffara nahi hoga, ise pura karna hi hoga, jess namaz roza wagairah ibadaton me hukm he ?

*🌹JAWAB:-🌹*

```Soorate mas'ula me us mannat ka kaffara nahi use pura karna hi hoga. Durood shareef ki bhi shareeh mannat he jese roza v namaz wagairah ke liye hukm hota he wesa hi iska bhi hukm he.```

Ye sab nek kaam he, jese namaz, roza, khairat, durood shareef, kalima shareef,quraan majeed padhne, faqiro ko khana dene, kapda pahnane, wagairah ki mannat. In sab ki mannat mangna jaiz he..

Mannat ki do soorato me se ek soorat yah he ki uske karne ko kisi chiz ke hone par mauquf rakhe maslan mera fula kaam ho jaaye to me roza rakhuga ya khairat karuga. Ab is soorat ki bhi do soorte he agar aesi chiz par muallak kiya ki uske hone ki khwahish he maslan agar mera ladka tandurust ho jaaye ya pardesh se aa jaye ya me rozgaar me lag jaau to itne roze rakhuga ya itna khairat karuga aesi soorat me jab shart paai gai yaani bimar achcha ho gaya ya ladka pardesh se aa gaya ya rozgaar lag gaya to utne roze rakhna ya khairat karna zaroor he yah nahi ho sakta ki yah kaam na kare or uske badle me kaffara dede. Or agar aesi shart par mu'allak kiya jiska hona nahi chahta maslan agar me tum se baat karu ya ghar aau to us par itne roze he ki uska maqsad yah he ki tumhare yaha nahi aauga, tumse baat na karuga aesi soorat me agar shart paai gai yaani uske yaha gaya ya us se baat ki to ikhtiyar he ki jitne roze kahe the vah rakhle ya kaffara dede.
*📚(BAHARE SHARIYAT, H-9 MANNAT KA BAYAN, S-36)*

Wallahu aa'alam bis-sawab
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

==========➖➖➖============

QURBANI KE LIYE JANWAR KHARIDA OR QURBANI KE PAHLE BACHCHA PAIDA KIYA TO KYA HUKM HE

*🌹SAWAL:-🌹*
Qurbani ke liye janwar kharida tha qurbani karne se pahle usne bachcha paida kiya to kya hukm he ?

*🌹JAWAB:-🌹*

Qurbani ke liye janwar kharida tha qurbani karne se pahle us ka bachcha paida huaa to bachche ko bhi zabah kar dale or agar bachche ko bech dala to us ka saman karde or agar na zabah kiya na bee'a kiya or ayyame nahar guzar gaye to us ko zinda sadqa karde or agar kuchh na kiya or bachcha or uske yaha raha or qurbani ka zamana aa gaya ye chahta he ki is saal ki qurbani me isi ko zabah kare ye nahi kar sakta or agar qurbani usi ki kardi to dusri qurbani fir kare ki vo qurbani nahi hui or vo bachcha zabah kiya huaa sadqa kar de balki zabah se jo kuchh us ki qeemat me kami hui use bhi sadqa kare..
*📚(BAHARE SHARIYAT, H-15, S-161)*

*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*

==========➖➖➖➖==========

DADHI MUNDANE WALE KO PEER BANANA KAISA

*🌹SAWAL:-🌹*
Kya Kisi Fasik Dadhi mundao Se Baith Lesaktey Hain ? Kya Islam Iski Ijazat Deta hai
Aur Kaise Shakhs ke Haath pe Baith Lena Chahiye,???

Rehnumai Farmayiye

*🌹JAWAB:-🌹*

_Fasiqe mu'allin ko peer banana ya uske pichhe namaz padhna jaiz nahi_

Dadhi badhana tamam nabiyo ki sunnat he ise mundana ya 1  musht ze kam karna haram he.
*📚(BAHARE SHARIYAT, HISSA-16, SAFA-197)*

Dadhi mundane wala fasiqe mu'allin he.
*📚(FATAWA RAZVIYA SHAREEF, JILD-6, SAFA-544, JADEED)*

Faqihe aazame hind sadrushshariyah alaihir rahma taherir farmate he "peer ke liye chaar sharte he, qabl az bay'at unka lihaz farz he.. (1)Awwal sunni sahihul aqida ho, (2)Dowm itna ilm rakhta ho ki apni zaroorat ke masail kitab se nikal sake.(3) som FASIQ mu'allin na ho.(4) chahrum uska silsila nabi sallallahu alaihi w sallam tak mutassali ho.
*📚(BAHARE SHARIYAT, HISSA-1, SAFA-89)*
*📚(FATAWA FAQIHE MILLAT, JILD-2, SAFA-426)*
*📚(FATAWA BADRUL ULMA)*
*📚(SABE SANABIL SHAREEF, SAFA-110)*
*📚W AAM KUTUBE FIQHA📚*

Is se wazeh huaa ki dadhi mundane wala FASIQ he. Or mureed hone ke sharait me se ek shart ye bhi he ki peer FASIQ na ho. Is liye dadhi munda peer ya ek musht se kam bhi dadhi rakhne wale se bay'at hona jaiz nahi..

Wallahu aa'alam bis-sawab.

*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad_*
📲
==========➖➖➖➖=========

EK HADISH SE MAZAMIR KA JAWAZ DENA GALAT.. QAWAALI MAZAMIR NAJAIZO HARAM

*🌹SAWAL:-🌹*

Mazamir ke sath Qawwali Sunna Kaisa ? Kuchh log Ek Hadish Bayan Karke Uske Jawaz ka Hukm Dete he. Rahenumai farmae.

*🌹JAWAB:-🌹*

Beshak Mazamir Sunna haram v najaiz he. Iska sunne wala Fasiq he. Usse mureed hona jaiz nahi. Or ba'az log jo us ka jawaz Hadish Shareef se maante he vo galti par he is liye ki *📚MISHKAT SHAREEF SAFA-271, BAB AEALANUN NIKAH,* ki vo hadish jis me ye zikr he ki ladkiyo ne huzur sallallahu alaihi w sallam ki maujudgi me duff baja kar gaya. Us ki Sharah me *IMAMUL MUHDDISEEN HAZRAT MULLA ALI QARI ALAIHIR RAHMA* Taherir Farmate he. (Tarjuma):- yani duff baja kar gane wali ladkiya Shahwat ki had ko pahuchi hui nahi thi.
*📚(MIRQAT SHARAH MISHKAT, JILD-3, SAFA-419)*
Or *📚MISHKAT SHAREEF SAFA-126* Par baab Salatul Eidain Ki vo Hadish Jis me ye mazkur he ki hazrate aaisha radiallahu anha duff ke sath ladkiyo ka gana sun rahi thi or huzur sallallahu alaihi w sallam apne chahera e aqdas par kapda dale hue aaram farma rahe the ki hazrat abu bakar siddique radiallahu anhu tashrif laae or unhone ladkiyo ko gaane se mana'a kiya to huzur ne farmaya 'Ay abu bakar ladkiyo ko unke haal par chhod do ke ye eid ka din he. Is hadish ki shara'h me Hazrat Mulla Ali Qari Alaihir Rahma  ke tahat farmate he "yaani duff baja kar gane wali do chhoti bachchiya thi.
*📚(MIRQAT SHARH MISHKAT, JILD-2, SAFA-249)* or Hazrat Shaik Abdul Haqq Muhaddise Dahelvi Alaihir Rahma Taherir Farmate he." Yaani duff bajane or gane wali ansar ki ladkiyo me se chhoti ladkiya thi.
*📚(ASH'ATUL LAMAT, JILD-1, SAFA-599)*

Or Chhoti Ladkiya gair mukallif hoti he. Lihaza us ke duff baja kar gane se MAZAMIR ke sath qawwali gane or us ke sunne ka jawaz hargiz Sabit Nahi isi liye hazrat mahboobe ilahi nizamuddin auliya Rahematullah Alaihi  *📚FAWAIDUL FAWAD SHAREEF* me farmate he ' Mazamir Harame Asat'.
Wallahu aa'alam
*📚(FATAWA FAQIHE MILLAT, JILD-2, SAFA-667)*
==========➖➖➖➖=========
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza Azhari, Petlad-*

===========➖➖➖➖==========

PADOSI KAFIR KO QURBANI KO GOSHT DENA JAIZ NAHI

*🌹SAWAL:-🌹*
Kya padosi kafir ya gair muslim ko Qurbani ka gosht de sakte he ?

*🌹JAWAB:-🌹*

```Gair Muslim kafiro ko Qurbani ka Gosht Dena Jaiz nahi.```

Padosi ki 3 qismen hain (1) muslim rishtedar (2) muslim (3) kafir. inme har 1 ke huquq mukhtalif (alag -alag ) hain۔ agar padosi muslim rishtedar ho to use haq e jawaar, haq e islam or Haqe qurabat hasil hai, aur agar padosi muslim ho rishtedar na ho to us ko haq e jawaar aur haq e islam hasil hai, aur agar padosi kafir ho to us ko sirf haq e jawar hasil hai.

hadees shareef men hai,

Huzur ﷺ ne farmaya ki padosi 3 qism ke hain baaz ke 3 haq hain baaz ke 2 aur baaz ke ek jo padosi musalim ho aur rishte wala ho to uske 3 haq hain haq e jawar, haq e islam, haq e qurabat, padosi musalim ke 2 haq hain haq e jawar, haq e islam, aur padosi kafir ka ek haq hai, haq e jawar. ham ne arz ki ya rasoolAllah ﷺ unko apni qurbaniyon ka gosht den? , farmaya mushrkeen ko qurbaniyon men se kuch na do.
*📚(KANZUL UMMAL, J-5, S-45)*

Lihaza kafir ko qurbani ka gosht dena jayiz nahi khawah woh padosi ho ya na ho. Alahazrat رضی اللہ تعالیٰ عنہ tehrir farmate hain yahan ke kafiron ko gosht dena jaez nahi wo khas musalmano ka haq hai.
*📚(FATAWA AMJADIYA, J-3, S-318)*

*📚(FATAWA MARKAZE TARBIYAT IFTA, J-2, S-319)*

Kafir ki 3 kisme he, 1)Harbi, 2)mustamin, 3)zimmi. Isme se sirf zimmi ko qurbani ka gosht dena jaiz he.
Jaisa ke *📚FATAWA AALAMGIRI, J-5, S-624)* he

Or hindustan ke kuffar yaqeenan zimmi nahi he kyu ki zimmi ke liye badshahe islam ka zimma zaroori he.
*📚(FATAWA FAIZUL RASOOL, J-2, S-468)*

Hindustan ke kafir Harbi he or unhe qurabni ka gosht dena hargiz jaiz nahi..

Wallahu Aa'alam BisSawab
*_✍🏻Pathan Moin Raza Khan,Petlad_*
📲8487928

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•

HALATE AEHRAM ME MANDARJA ZAIL BATO KA HUKM

*🌹SAWAL:-🌹*
Mandarja Zail Bato ko Halate Ahram me ya hukm he ?

*🌹JAWAB🌹*

Halate Ahram me,

Is Tarah khujana ke baal tootne ya joo(n) ke girne ka andesha ho ye makrooh he.

Bila Uzr badan par patti bandhna Makrooh he.

Be-mail chhurae hamam(nahana ya gusl) karna jaiz he.

Kisi chiz ke saya me bethna, chhatri lagana jaiz he.

Paltu janwar unt gaye bakri murgi wagairah zabah karna, pakana, khana, us ka dudh dohna, uske ande torna bhunna khana jaiz he.

Dawa karna jaiz he.

Chil, kawwa, chuha, girgit, chhipkali, saanp, bichchu, khatmal, machchar, pasu, makhkhi wagairah khabis v moozi janwar ka maarna agar che haram me ho jaiz he.

*📚(BAHARE SHARIYAT, PART-6, AHRAM KA BAYAN)*

Wallahu Aalalm Bis-Sawab
============➖➖➖➖==========
*🌹SAWAL-O-JAWAB🌹F.T.S👑grp*
*_📬Khadim:- Pathan Moin Raza khan,Petlad_*

===========➖➖➖➖==========