*Aurat Ka Bagair Shohar Ke Apne Dewar, Saas, Nanand, Bhawaj Wagairah Ke Sath Umrah Par Jana Kesa?*
*🌹SAWAL:-🌹*
Assalamualaikum Warahmatullahi Wa Barkatuhu
Zaid Ki Ammi Umra Karne Ja Rahi Hai Aur Zaid Ke Chacha Aur Zaid Ki Chachi Aur Zaid Ko Puphi Aur Zaid Ki Dadi Ye Sab Umra Karne Ja Rahi Hai to Kiya Zaid Ki Ammi in Ke Sath Umra Per Ja Sakti Hai Kiuki Zaid Ke Abbu Umra Per Nhi Ja Rahe Hai
Jawab Inayat Farmaye
Ahmad Raza Razvi
*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Zaid Ke Chacha Uski Ammi Ka Dewar Hoga Jo Ki Gair Mahram He, Uski Chachi Ka Shohar, Phupi Ka Bhai, or Daadi Ka Beta, in Tinoñ Khawatin Ke Liye Zaid Ka Chacha Mahram He, Ye Teen Khawatin Uske Sath Safar Par Ja Sakti He Lekin Zaid Ki Ammi Nahiñ Ja Sakti. Aurat Jab Safare Sharaee Taqriban 92 Kilometer Ke Liye Nikle Khwah Vo Safar Umre Ka Ho Ya Haj Ya Digar Kisi Kaam Ka Bagair Shohar Ya Mahram Mard Ke Gair Mahram Ke Sath Jana Najaaiz He Agar Jayegi to Gunahgar Hogi.
Bahare Shariyat Me He,
Aurat Ko Makkah Tak Jaane Me Teen Din Ya Zyada Ka Rasta Ho to Uske Hamrah Shohar Ya Mahram Hona Shart He, Khwah Vo Aurat Jawan Ho Ya Burhya Mahram Se Muraad Vo Mard He Jis Se Hamesha Ke Liye Us Aurat Ka Nikah Haram He, Khwah Nasab Ki Wajah Se Nikah Haram Ho, Jaise Baap, Beta, Bhai, Wagairah Ya Dudh Ke Rishta Se Nikah Ki Hurmat Ho, Jaise Razaai Bhai, Baap, Beta Wagairah Ya Susraali Rishta Se Hurmat Aai, Jaise Khusr, Shohar Ka Beta Wagairah..
*📚(Mulakhkhsan: Bahare Shariyat, H-6, S-1044)*
Wallahu Ta'ala Aa'alam
*✍🏻Al-Jawab: Hazrat Mufti Dilshad Ahmad Ziyai Amjadi Sahab Qibla*
*📬Khatibo Imaam Aala Hazrat Raza Jame'a Masjid, Gomoh Dhanbad, Jharkhand*
*🗓️2 Jan 2025, 1 Rajabul Murajjab 1446*
*🌹SAWAL-O-JAWAB🌹F.T.S👑grp*
📲+91
*_📬Pathan Moin Raza Khan,Petlad Gujrat_*
•┈┈┈┈┈┈• • ✦ ✿ ✦ • •┈┈┈┈┈┈•
*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*
No comments:
Post a Comment