Bataai (Muzaara'at) Par Kheti Ka Mas'ala

 *Bataai Par Kheti Ka Mas'ala*

*🌹SAWAL:-🌹*

Zaid Ki Zameen Hai Aur Bakar Kheti Karega Aur Jo Kuch Bhi Nafa- Nuksan Hoga Usme 2(Dono) Ka Aadha Aadha Hissa, 

Zaid Ko Bina Mehanat Ke Jo Hissa Mil Raha Hai Wo Jaaiz Hai Ya Naa Jaaiz ?

Or Isi Tarah Ye Shart Rakhi Jaye Ki Zaid Ki Zameen Ho Or Bakar Mahenat Karke Kheri Karega Or Kheti Me Jo Bhi Beej Wagairah Ka Kharch Hoga Vo Donoñ Aadha Aadha Ada Karege Or Usse Nafa'a Ya Nuqsan Jo Bhi Ho Aadha Aadha Taqseem Karege Is Soorat Ka Kya Hukm He ?

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ

Ahaadise Nabwiya Is Baare Ne Mukhtalif Aai, Isi Bina Par Imame Aazam Abu Hanifa Raḥmatullāhi Ta'ala Alaihi Ke Nazdik Ye Najaaiz He, Albatta Sahibain Yaani Hazrare Imame Abu Yusuf or Hazrate Imame Muhammad Alaihir Rahma in Donoñ Ke Nazdik Ye Jaaiz He..

Huzur Sadrushshariyah Badrut Tareeqah Mufti Amjad Ali Alaihir Rahma Farmate Hai,

Ki Fatawa Sahibain Ke Qaul Par He Ki Muzara'at Yaani Ek Aadmi Ka Khet Ho or Dusra Aadmi Usme Kheti Kare or Munafe'a Me Donoñ Ka Hissa Hoga, Is Baat Par Fatwa He Ki Ye Jaaiz He.

Albatta Uske Liye Chand Sharteñ Bhi Zikr Ki Gai He Jiska Khulasa W Mafhoom Ye He Ki,

Malike Zameen Zameen Supurd Karde Ki Vo Kheti Kare or

Malike Zameen Usme Koi Bhi Kaam Na Kare,

Kheti Karne Wale Shakhs Ke Beej Ho Usi Ki Mahenat Ho or Jo Kuchh Bhi Paidawar Ho Donoñ Ke Darmiyan Muayyin Hissa Mukarrar Kiya Gaya Ho.

*📚 Mulakhkhsan(Bahare Shariyat, H-15, Muzaara'at Ka Bayan)*

To in Tamam Shartoñ Ke Sath Muzara'at Yaani Jo Soorat Aapne Puchhi Hui He Vo Jaaiz He, Albatta Aap Ke Sawal Me Is Baat Ka Bhi Zikr He Ki Nuqsan Me Donoñ Ka Hissa to Iska Kya Matlab He Uski Wazahat Kare ? Agar Iska Matlab Ye He Ki Misaal Ki Taur Par Kheti Karne Wale Ne 1000 Rupyoñ Ke Beej Daaleñ Nuqsan Hua to Malike Zameen 500 Rupye Bharpaai Ke Taur Par Nuqsan Ke Taur Par Kheti Karne Wale Ko Dega, to Ye Shart Jaaiz Nahiñ He.

Or Usi Me He,

Muzara'at Is Tarah Hui Ki Ek Ki Zameen He or Beej Donoñ Ke Hai or Muzaare'a Ke Zimma Kaam Karna He or Shart Ye He Ki Jo Kuchh Paidawar Hogi Donoñ Barabar Baant Leñge Ye Muzara'at Fasid He. Yuñhi Agar Ek Ke Liye Do Tihaai or Dusre Ke Liye Ek Tihaai Milna Shart Ho Ye Bhi Fasid He. 

Or Agar Zameen Donoñ Ki Ho or Beej Bhi Donoñ Deñge or Kaam Bhi Donoñ Kareñge or Jo Kuchh Paidawar Hogi Donoñ Barabar Baant Leñge Ye Muzara'at Saheeh He..

or Agar Zameen Donoñ Me Mushtarik He or Beej Ek Ke Hai or Paidawar Barabar Leñge Ye Soorat Fasid He.

Or Agar Usi Soorat Me Ki Zameen Mustarik He Ye Shart Ho Ki Jo Kaam Karega Uski Do Tihaai or Dusre Ko Yaani Jiske Beej Nahiñ Hai Usko Ek Tihaai Milegi Ye Jaaiz He.

Muzara'ate Fasida Ke Ye Ahkaam Hai,

Jo Kuchh Is Soorat Me Paidawaar Ho Uska Malik Tanha Vo Shakhs He Jiske Beej Hai Phir Agar Beej Muzaari'a Ke Hai to Ye Malike Zameen Ko Zameen Ki Ujrat Misl Dega or Agar Beej Malike Zameen Ke Hai to Ye Muzaari'a Ko Uske Kaam Ki Ujrat Misl Dega, or Agar Bail Bhi Malike Zameen Hi Ke Hai to Zameen or Bail Donoñ Ki Ujrat Misl Usko Milegi. Imam Abu Yusuf Raḥimahullahi Ta'ala Ke Nazdeek Ujrat Misl Utni Hi Di Jaye Jo Muqarrar Shuda Se Zaaid Na Ho Yaani Agar Muqarrar Shuda Se Zaaid Hoti Ho to Utni Hi Deñ Jo Muqarrar He Yaani Maslan Nisf Paidawar Ki Barabar or Imam Muhammad Rahimahumullahi Ta'ala Ke Nazdeek Ye Pabandi Nahiñ Balki Jitni Bhi Ujrat Misl Ho Agarche Muqarrar Shuda Se Zyada Ho Wahi Di Jayegi.

*📚(Bahare Shariyat, H-15, S-293, Muzara'at Ka Bayan, Mas'ala-9,10)*

Wallahu Ta'ala Aa'alam Bis-sawab

*_🎙 Al-Jawab:- Hazrat Allama Mufti Taufiq Raza Sahab Misbahi_*

*📬Tadriso Ifta Darul Uloom Qadriyah Razviyah, Petlad*

*🗓️24 March 2025, 23 Ramzanul Mubarak 1446*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*