Kya Tasweer Kashi Karne Wala Maslake Aala Hazrat Se Hat Gaya ? Or Maslake Aala Hazrat Se Hatne Wala Kya Islam Se Hat Gaya ?

*🌹SAWAL:-🌹*

AssalamuAlaikum

👇Hazrat Mera Ek Sawal Hai'??? 

Hamare Yahan Shehre Gulbarga Me Ek Alime Deen Hain Hazrat Unka Kehna Ye Hai Ke Agar Koi Alime Deen Video Me Aata Hai To Kya Wo Maslake Aala Hazrat Se Hat Gaya Aur Unka Kehna Ye Bhi Hai Agar Aap Kisi Ko Maslake Aala Hazrat Se Hatare Hain To Usko Islam Se Hatare Hain'??? 

👆Unka Ye Kehna Hai Hazrat👆

Hazrat Hamari Rehnumai Farmayiye

*🌹JAWAB:-🌹*

و عليكم السلام و رحمة الله و بركاته

Maslake Aala Hazrat Hai Kya Is Ko Pehle Achchhi Tarah Samjh Le, Hindustan Me Aala

Hazrat Imam Ahmad Raza Khan AlaihirRahmah K Daur Me Islaam Ka Choga Pehne Bahot Se Batil Firqe Wujud Me Aa Gaye The. Har Koi Apne Aap Ko Hi Schcha Musalmaan Sabit Kar Raha Tha Ayse Waqt Me Imam Ahmad Raza Khan Alaihirrahmah ne Mazhabe Islaam Or Ahle Sunnat Wal Jamaat Ki Sahih Pehchaan Or Is Ke  Aqaeido Nazriyaat Ko Ayse Dalaeil Se Sabit Kiya K Jahañ Is Se Ahle Sunnat Ka Aaftaab Chamakne Damakne Laga Wahiñ Un Batil Or Mardud Bad Mazhab Firqo Ke Chehro Se Naqab Bhi Utar Gaya, Or Har Ahle Haq Par In Ki Bad Mazhabi Ayse Sabit Ho Gai Ki Khud Haramain Shareefain Yani Makkaha E Muazzama Or Madeena Tayyibah K Akabir Ulama Ne Ye Faisla Diya K Imam Ahmad Raza Ka Rasta Hi Saccha Rasta Hai Or Ye Batil Mazahib Islam Or Sunniyat Se Kharij Hai.

Is Ki Puri Tafseel Janne K Liye Aala Hazrat Sarkaar Ka Risalah Mubarkah HUSSAMUL HARMAIN Ka Mutalah Kare.

Imam Ahmad Raza Is Azzem Khidmat Ki Bunyaad Par Pure Mulke Hind Me Ahle Sunnat Ki Pehchaan ban gaye Or Aap Ki Taleemat O Tahqeeqat Us Ka Alamati Nishan Ban Gaya Isi Bunyaad Par Us Daur Se Ab Tak K Pure Dayaare Hind Ki Azeem Khanqaho K Mashaeikh Or Dunyaae Eilmo Fan K Akabir Ulma Maslake Aala Hazrat Ki Istelaah Or Nare Ka Istemaal Karte Aaye hai.

Lihaza Pata Chala Ki Maslake Aala Hazrat Ki Istelaah Ye Islaam Or Sunniyat Ki Tabeer Or Tashreeh hi Ka Naam Hai.

Ab Rahi Baat Photo Vedio Ki To Ye Haraam Hai Or Jis Tarah Kufr Or Shirk K Eilava  Kisi Haraam Or Gunah K Kam K Irtekaab Se Aadmi Islam Se Kharij Nahi Hota Ayse Hi Is Se Bhi Kharij Nahi Hoga, Albattah Ye Zaroor Hoga K Ye Maslake Alahazrat Ka Paband Nahi.

Or Agar Ahle Sunnat K Sacche Mazhab Or Sachche Aqeedo K Khilaf Naya Badmazhabi Ka Tareeqah Apnaya To Ye Maslake Aala Hazrat Se Bhi Hat Chuka Or Sunniyat O Islaam Se Bhi Hat Chuka. Kyu K Is Surat Me Ya To Ye Gumrah Hoga Ya Kafir...

Wallahu Ta'ala Aa'alam

*✍🏻Al-Jawab: Hazrat Allama Hafiz Taufiq Raza Khan Misbahi Sahab Qibla*

*_📬Qazi E Shahar W Sadar JRM Petlad Branch*

*🗓️31 March 2022, 27 Shaban 1443*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad_*

•┈┈┈┈┈┈• • ✦ ✿ ✦ • •┈┈┈┈┈┈•