Imam Ka Pent Shirt Pahan Kar Namaz Parhana Kesa ?

 *Imam Ka Pent Shirt Pahan Kar Namaz Parhana Kesa ?*

*🌹SAWAL:-🌹*

Ba Halate Zaroorat Agar Shirt Pent Pehen Kar Qirat Aur Digar Aqwal Mein Moatbar Shaksh Imamat Kar Sakta Hai Jab Ke Qirat Aqwal Aur Amal Mein Usse Behtar Dusra Koi Na Ho Bhale Hi Jhubba Ya Kurta Zebten Kiye Huye Ho.....?

Barahe Meharbani Islah Farmaye 

Dar Asl Kal Ye Masla Ek Dehat Mein Pesh Aaya Ke Jaid Waqt E Isha Service Khatam Kar Wahan Namaz Ki Garaz Se Pohcha to Mukeem Imam Sahab Ne Imamat Ko Aage Kiya Ke Woh Har Surat Mein Behtar Hai Magar Zaid Ne Pent Aur Shirt Zebtan Kiya Tha..

*🌹JAWAB:-🌹*

اَلسَلامُ عَلَيْكُم وَرَحْمَةُ اَللهِ وَبَرَكاتُهُ

Agar Imam Ne Pent Shirt Pahni Ho Aur Vo Qaabile Imamat Shakhs Hai to Us Halat Me Namaz Ho Jayegi,

Lekin Pent Waise Dekha Jaye to Ziyadh Tar Takhno Ke Niche Hoti Hai Aur Agar Use Usi Tarah Hi Pahne Namaz Padhaai to Namaz Makrooh E Tanzihi Hai..

Lekin Agar Paint Ko Fold Karke Takhne Nange Kiye to Ye Makroohe Tahreemi Hai 

Is Liye Behtar Ye Hai Pent Shirt Pahen Kar Namaz Na Padhai Jaaye Al Batta Agar Kabhi Majboori Me Aisa Waqt Aa Jaye to Imam Ko Is Baat Ka Khas Khayal Rakhna Hoga Ki Paint Ko Fold Na Kiya Jaye Aur Ho Sake to Takhne Ke Uper Hi Pahna Jaaye or Ye Bhi He Ki Ye A'imma E Masaajid Ke Shayaane Shaan Nahiñ Ki Vo Niyaabate Rasool ﷺ Ke Mansab Par Hai. 

Jaisa Ki Fatawa Faqihe Millat Me He,

(Pent Shirt Pahan Kar Namaz Parhaana) A'imma E Masaajid Ke Shayaane Shaan Nahiñ Ki Vo Niyaabate Rasool ﷺ Ke Mansab Par Hai. Lihaza Vo Pent Na Pahneñ. Or Hargiz Uspar Namaz Na Parhaaye Balki Sunnate Rasoole Khuda ﷺ W Sunnate Sahaba E Kiram W Awliya E Izaam Ridwanullahi Ta'ala Alayhim Ajma'aeen Par Amal Karte Huve Lungi Ya Paajama Ka Istemaal Kareñ.

*📚(Fatawa Faqihe Millat, J-1, S-180)*

Wallahu Ta'ala Aa'alam Bis-Sawab 

*✍🏻Al-Jawab: Hazrat Maulana Ashraf Qadri Alimi Sahab Qibla*

*📬 Madarsa Lateeful Uloom, Raza Nagar, Jigna Mirzapur, Up*

*🗓️20 Dec 2024, 17 Jamadi Ul Aakhir 1446*

*🌹SAWAL-O-JAWAB🌹F.T.S👑grp*

📲+918487928693

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*