Khane Ki Khushbu Naak Me Jane Se Roza Ka Hukm

 *Khane Ki Khushbu Naak Me Jane Se Roza Ka Hukm*

*🌹SAWAL:-🌹*

Koi Khana Bana Raha Tha or Uski Mahak Kisi Aur Ke Naak Me Gai or Dimag Ya Halaq Me Mahsoos Ho Gai Kya Roze Pe Farq Padega ?

*🌹JAWAB:-🌹*

Khud Ba Khud Koi Mahak Naak Me Gai Halaq Me Mahsoos Hui to Roze Par Kuchh Farq Nahiñ Padega.

Bahare Shariyat Me He,

Makhi Ya Gubaar Halq Me Jane Se Roza Nahi Toota. Khwañ Vo Gubar Aate Ka Ho Ki Chakki Pisne Ya Channe Me Udta He Ya Galla Ka Gubaar Ho Ya Hawa Se Khak Udi Ya Janwaro Ke Khar Ya Taap Se Gubar Urh Kar Halq Me Pahucha, Agarche Roza Daar Hona Yaad Tha or Agar Khud Qasdan Dhunva Pahuchaya to Fasid Ho Gaya Jabki Roza Daar Hona Yaad Ho, Khwañ Vo Kisi Ka Dhunva Ho or Kisi Tarah Pahuchaya Ho, Yaha Tak Ki Agar Ki Batti Wagairah Khushboo Sulagti Thi, Usne Munh Qareeb Karke Dhunve Ko Naak Se Khichaa Roza Jata Raha. Yuhi Huqqa Pine Se Bhi Roza Toot Jata He, Agar Roza Yaad Ho or Huqqa Pine Wala Agar Piyega to Kaffara Bhi Lazim Aayega.

*📚(Bahare Shariyat, H-5, Un Soortoñ Ka Bayan Jinse Roza Nahiñ Jata, Mas'ala-9)*

Wallahu Ta'ala Aa'alam Bis-Sawab 

*✍🏻Al-Jawab: Hazrat Allama Mufti Qasim Raza Sahab Misbahi*

*📬Masjide Hazrate Bilal, Nadiyad, Gujrat*

*🗓️5 March 2025, 4 Ramzanul Mubarak 1446*

*🌹SAWAL-O-JAWAB🌹F.T.S👑grp*

📲+91

*_📬Pathan Moin Raza Khan,Petlad Gujrat_*

•┈┈┈┈┈┈• • ✦ ✿ ✦ • •┈┈┈┈┈┈•

*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*